ღამის მეშინია, ... პარამეტრები

[araferi_aravin]

ეგ ალბათ იმიტომ რომ მარტოდ ვგრძნობ თავს..ხშირად მიწევს გათენება და ვერ ვიტან ხოლმე..ერთი ადამიანი მაინც რომ იჯდეს და მელაპარაკებოდეს წყნარად ვარ..სხვანაირად...ადგილს ვერ ვპოულობ..

[დეკ. ანდრია]

ასეთი რამ ზედმეტად აღგზნებულ, გაღიზიანებულ ფსიქიკას ახასიათებს. წმიდა იოანე სინელი გვირჩევს იესუს ლოცვით განგებ ვიაროთ სიბნელეში მოურიდებლად, რომ ერთი მხრივ ლოცვაში გავიწაფოთ და მისი ძალა შევიცნოთ, მეორე მხრივ კი უსაფუძვლო შიში დავძლიოთ. მაგრამ თქვენს მდგომარეობაში მარტო ამ ხერხით, ალბათ არ დაიძლევა შიში. რათქმაუნდა, უპირველესად გირჩევთ ლოცვას გულში. უნდა გადახედოთ, როგორ გადის დღე. არასწორი დღის განრიგი – დაუტვირთავად, უმიზნოდ, ოცნება–მოგონებებში გატარებით, დამანგრეველ ემოციებზე ყურადღების დაფიქსირებით გატარებული დღე ვერ განაპირობებს მშვიდ ძილ. უშუალოდ ძილის წინ, კარგი იქნება, თუ შეძლებთ ილოცოთ სერობის ბოლო ლოცვა – "მომეც ჩვენ უფალო ძილად მისვა ეს მშვიდობით". ამასთან ერთად, არ იქნებოდა ურიგო მისულიყავით მართლამდიდებელ ექიმთან, რომლისთვისაც ეკლესიურობა არ არის მხოლოდ ფსიქიკის თავისებურება. ასეთი ადამიანი უფრო გაერკვევოდა, რამდენად საჭიროა თქვენთვის მცირედი მედიკამენტოზური დახმარება. თუმცა, მაინც ვფიქრობ, რომ ეს უფრო უკონტროლო ემოციური დატვირთვის შედეგია, რომლის მოწესრიგება მნიშვნელოვნად შეგვიძლია სწორი ცხოვრების წესით.