მართლმადიდებლობა და მედიცინა პარამეტრები

[marine]

"ავადმყოფობისას მამა პაისი [ათონელი] ღვთის განგებულებას ენდობოდა და მოთმინებით ამბობდა: "როცა ავადმყოფობ, არავინ მჭირდება, ღმერთი მანუგეშებსო"

[marine]

"ერთმა კაცმა ჰკითხა ბერს [ღირსი პაისი ათონელს], ჩემი შვილი მუდმივად რატომ ავადმყოფობსო. უპასუხა: "შეწყვიტე კვირასა და საეკლესიო დღესასწაულებზე მუშაობა და ავადმყოფობა შეწყდებაო".

[marine]

"მოდი, ვიფიქროთ იმაზე, რომ ჩვენ ვართ დამნაშავე, თუკი ვინმე სნეული არ გამოჯანმრთელდება. ქრისტემ ხომ გვითხრა, რომ სასწაულმოქმედების ხელმწიფებას გვაძლევს, ჩვენ კი არაფერს ვაკეთებთ"

/ღირსი პაისი ათონელი/

[marine]

"სნეულებისას, უწინარეს ექიმისა და წამლებისა, ლოცვას მიმართე"

/ღირსი ნილოს სინელი/

[marine]

"მძიმე ავადმყოფს ჩვენგან განსხვავებული ფსიქიკა აქვს. მას თავი დაჩაგრული, უმწეო, განადგურებული და ღვთისგან მიტოვებული ჰგონია. ამიტომ არ მოგისმენთ მოსიყვარულე მამაზე, რომელმაც ის მიატოვა (როგორც ეს მას ჰგონია), მაგრამ თუკი თქვენს დიდ სიყვარულს შეიგრძნობს, თქვენს გულწრფელობას და თანადგომას იხილავს, დაინახავს, რომ თქვენ ის ამ მძიმე მდგომარეობაში არ მიატოვეთ, არ გაწირეთ, მაშინ დაფიქრდება ღვთის მოწყალებაზე, მის არსებობაზე და ეს სწორედ თქვენი დახმარებით მოხდება"

/ბერ-მონაზონი ერმოლაოსი (ჭეჟია)/

[marine]

"ზოგიერთებს ბერი [ღირსი პაისი ათონელი] პირდაპირ ეუბნებოდა, ვერასდროს გამოჯანმრთელდებიო. ღმერთი მათ ავადმყოფობას როგორღაც ერთგვარ უმაღლეს ასკეზად უტოვებდა, რომ დაეთმინათ იგი და სამოთხეში მოხვედრილიყვნენ. ბერი ამბობდა: "ზოგიერთებს ღმერთი არ ჰკურნავს, რომ თავიანთი სასყიდელი არ დაკარგონ. ეს იმას ჰგავს, როცა მამა მემკვიდრეობას არ აძლევს შვილებს, რადგან არ უნდა, რომ მათ ის ქარს გაატანონ".

[marine]

„მამა პაისი [ათონელი] თვლიდა, რომ ხორციელ კურნებამდე ადამიანი სულიერადაც უნდა განკურნებულიყო, რათა ავადმყოფს ხელი შეეწყო თავისი განკურნებისთვის, ქრისტეს გულისთვის რაიმე მსხვერპლი გაეღო, მოეკვეთა თავისი რაიმე ვნება: სიგარეტი გადაეგდო, სმისთვის თავი დაენებებინა და სხვა“.

[marine]

"[ღირსი პაისი ათონელს] ტკივილი უფრო და უფრო უძლიერდებოდა. "მამაო, გტკივათ?" - ეკითხებოდნენ. "მივეჩვიე ტკივილსო", - პასუხობდა. სხვა დროს კი ბრძანა, - ავადმყოფობამ ისეთი სიკეთე მომიტანა, როგორიც მთელ მოღვაწე მონაზვნურ ცხოვრებას არ მოუტანიაო".

[marine]

"თავად მამა არსენი [მღვიმელი] საკუთარ თავზე ამბობდა: "მე უფალმა ორი უდიდესი ნიჭი მიბოძა: პირველი - დღის განმავლობაში ერთგზის საზრდოს მიღებით გაძლიერება და მეორე - ცხოვრების მანძილზე სნეულებათაგან დამიფარა და ძალა მომცა, რომ არცერთი აბი არ მიმეღო".

და განა ნამდვილი სასწაული არ იყო, რომ ამგვარი მძიმე ასკეტური ცხოვრების მანძილზე მამა არსენს არასოდეს უავადმყოფია; 70 წელზე მეტ ხანს მას სხეულზე წყალიც არ გადაუვლია; მხოლოდ თავსა და ფეხებს იბანდა. მაგრამ ყოველივე ამის მიუხედავად, მამა არსენს უდაბნოს საოცარი კეთილსურნელება ასდიოდა".

[marine]

"თუ ჩემი ჯანმრთელობა აუცილებელია, ღმერთი მაშინვე მიბოძებს"

[marine]

"სარწმუნოებით უნდა შეეხო ქრისტეს და განიკურნები, ე.ი. უნდა განიკურნოს სული და ხორციც განიკურნება".

[marine]

"ადამიანის ჯანმრთელობა ისაა, როცა ტაძრიდან გასულს წინააღმდეგობა შეხვდება, მაგრამ ეს მას არ დაანგრევს, არ წააქცევს, ცუდ სიტყვას არ ათქმევინებს, აქედან გასულს ვერაფერი ვერ შებილწავს, ისე იქნება ღვთიური მადლით სავსე".

/დეკ. დავით შაქარაშვილი/

[marine]

"განმარტოება სავანეა, სადაც ჩვენ შეგვიძლია განვიკურნოთ სულიერ სნეულებათაგან"

/ილია II/

[marine]

"როგორც ოქრო გამოიწრთობა ცეცხლში, ასევე ადამიანი იწმინდება ცოდვებისგან ავადმყოფობით"

/მეუფე სტეფანე/

[marine]

"ჩემი სიმრთელე - ქრისტეა"

[marine]

"ნეტარი კირუსი ეგვიპტის ბრწყინვალე ქალაქ ალექსანდრიაში იშვა და იქვე აღიზარდა, სახელგანთქმული მკურნალი იყო და ადამიანებს არამხოლოდ ხორციელად კურნავდა სრულიად უანგაროდ, თავისი ღვთივსათნო ცხოვრების მაგალითით და გულითადი სიტყვით სულიერ იარებსაც უამებდა, ჰიპკრატესეული რჩევების ნაცვლად კი მოციქულთა სიტყვით კვებავდა და მოძღვრავდა, როგორ განკრძალვოდნენ ყოველგვარ ცოდვას, - ყოველგვარი სხეულებრივი სნების დასაბამს, რისი წყალობითაც უამრავი წარმართი მოაქცია".

[marine]

„მამა არტემი ჩინებული პრაქტიკოსი ექიმი გახლდათ. მას ჰქონდა დიპლომი, რომელსაც იძლევა ცხოვრებისეული გამოცდილება და ადამიანის ჭეშმარიტი სიყვარული.

როცა რომელიმე მამა ავად გახდებოდა, ის განსაცვიფრებლად ზუსტ დიაგნოზს უსვამდა და საჭირო წამალს აძლევდა. მაგრამ განსაკუთრებული წარმატებები ქირურგიაში ჰქონდა.

მამა არტემის სამედიცინო ხელოვნებით ყველანაირი იარა შუშდებოდა. ლანცეტი და მისივე მომზადებული მალამო, რომელსაც თან ლოცვა ახლდა, სასწაულებს ახდენდა. მცირე ხანში მას მთაწმინდის იქითაც გაუვარდა სახელი. კასანდრის სოფლების ავადმყოფები მასთან დაიარებოდნენ.

წმინდა ანას სკიტელი „ექიმი“ თესალონიკის ჯანდაცვის სამსახურშიც მიიწვიეს მისი თერაპიული და ქირურგიული მეთოდების გასაცნობად. ჩააცვეს თეთრი ხალათი და ერთ ავადმყოფს გაუკეთა ოპერაცია. მამა არტემმა თავისი ყველა მეთოდი გამოიყენა და იმგვარი წარმატება ხვდა, რომ ოფიციალურად დართეს ნება, მთაწმინდელი ბერებისთვის ქირურგიული დახმარება აღმოეჩინა.

მამა არტემის სიყვარულის და ხელოვნების ძალა მეც გამოვცადე - მან ოპერაცია გამიკეთა და ერთი დიდი ხნის შეუხორცებელი იარა მომიშუშა“.

[marine]

"დაუთმენელი იყო ჩემი ტკივილი"

[marine]

„მოგვიანებით მამა ლეონტი კატუნაკში ვნახეთ, დაბრმავებული, მაგრამ თავს დატეხილი განსაცდელით გახარებული. ხშირად იმეორებდა: „ახლა უკეთესად ვხედავ, უკეთესად. ღმერთმა უფრო ძლიერი ნათელი მიბოძა, ვიდრე მაშინ მქონდა, ჯანმრთელი რომ ვიყავიო“. მამა დანიელი ღვიძლ მამასავით უვლიდა. ამ შრომის გამო მოძღვარი მისთვის ათას იესოს ლოცვას აღავლენდა. დაბრმავების შემდეგ მამა ლეონტი სულიერ ცხოვრებაში კიდევ უფრო დაწინაურდა და მრავალ კატუნაკელ მამას გაასწრო - ასე თვლიდნენ იქ მცხოვრები ბერები. ათონის, განსაკუთრებით კი კატუნაკის ისტორიაში ის ასე მოიხსენიება: „უსინათლო მამა ლეონტი, სათნოებათმოქმედი“.

[marine]

წმინდა იოანე კიბისაღმწერელი გვასწავლის: "სნეულება ზოგ შემთხვევაში გვეგზავნება ცოდვათაგან განსაწმენდად, ხოლო ზოგჯერ – მზვაობრობის სიმდაბლით აღსაკვეთად. როდესაც სახიერი ღმერთი იხილავს, რომ ადამიანი სულიერ ღვაწლში მცონარეა, მის ხორცს სნეულებით დაამდაბლებს, როგორც სასიხარულო ღვაწლით. ზოგჯერ კი სულსაც განწმენდს არაწმინდა ვნებებისა და გულისთქმებისაგან" (კიბე, 26, 55).