მართლმადიდებლობა და მედიცინა პარამეტრები

[marine]

“ჩემთან მოსული საშვილოსნოს სიმსივნით დაავადებული პაციენტი მეუბნება: „მიშველეთ! დედა საშვილოსნოს კიბოთი გარდამეცვალა. მე არ მინდა, მისი გზით ვიარო!“

ჩვენ სნეულებათა კვლევის ასეთი ფაქტი აღმოვაჩინეთ: გოგოები საკუთარ მამათა ტვირთს ზიდავენ, ხოლო ბიჭები - დედებისას და მე ამ ქალს ვპასუხობ: „თქვენ მამის პრობლემათა მზიდველი ხართ. ამგვარი კიბო არ გექნებათ, თქვენ ძმა გყავთ?“ ქალი გაოცდა: „ორი ძმა მყავდა, მე შუათან ვარ. ჩემი უფროსი ძმა ბანკირი იყო. საშინელი 90-იანი წლები რომ დაიწყო, ის კილერებმა მოკლეს. მას შვილი არ დარჩენია. უმცროსი ძმა კი ბრმა ტყვიამ იმსხვერპლა. მასაც რამდენადაც იმ დროს სკოლის მოსწავლე იყო, შვილი არ დარჩა. გვარის გაგრძელებას წერტილი დაესვა.

დედა, რომელმაც ორი ვაჟი დაკარგა, ნერვულ ნიადაგზე სიმსივნით დაავადდა და მძიმე ტანჯვით აღესრულა. და გვარის არსებობა ამ ხაზით შეწყდა“, ვეკითხები: „თქვენი პაპა ვინ იყო?“ „შინაგან საქმეთა სამინისტროში ძალზე მაღალი თანამდებობა ეკავა“, - მპასუხობს ის. მაგრამ თუ კაცს იმხანად უფროსად აქცევდნენ, ეს იმას ნიშნადა, რომ ის სისხლზე იყო „შეშლილი“ და ადამიანებს შესაძლოა, მღვდლესაც ხვრეტდა“.

[marine]

"იმ მიზნით, რომ პაციენტებს ფიზიკურ დონეზე სრულ განკურნებაში დავხმარებოდი, კიევო-პეჩორის ლავრაში მიტროპოლიტ პეტრეს (მოგილას) მასალებზე გავედი. გაირკვა, რომ არსებობს ფსალმუნთა კითხვის წესი პეტრეს (მოგილას) მიხედვით. როცა ის გარდაიცვალა, ისევე როგორც ყველამ, სულით ჯოჯოხეთი მოიხილა. ნახა, იქ სულები როგორ იტანჯებოდნენ. იგი ისე შეძრა ამ ყოველივემ, რომ თხოვნა-ვედრება დაუწყო უფალს, თუნდაც მცირე დროით მკვდრეთით აღედგინა. ის გარდაცვალების მეორმოცე დღეს მამებს გამოეცხადა. მათ, ლოცვა-კურთხევის მიღების შემდეგ, სამარე გათხარეს და მისი ნაწილები ამოაბრძანეს.

მიტროპოლიტმა პეტრემ წერილობითი მითითება დატოვა იმის შესახებ, როგორ უნდა ვითხოვოთ ჩვენი გვარის, ჩვენი ხორციელი ნათესავების შეწყალებას. წავიკითხავთ რა ფსალმუნებს სამივე დიდებაზე, უნდა ვილოცოთ მათი განსვენებისათვის. რაც შეიძლება მეტი გარდაცვლილი წინაპრის სახელი უნდა მოვიხსენიოთ. და ფსალმუნთა 20 წაკითხვის შემდეგ, როგორც ამბობდა მიტროპოლიტი პეტრე (მოგილა), უფალი მისი გულმოწყალებით წინაპართა ცოდვებს გვაპატიებს. და როცა ეს ცოდვები გვეპატიება, მრავალი პრობლემა მოგვეხსნება და პირველ რიგში - ფიზიკური, ფიზიოლოგიური პრობლემები, სნეულებებთან რომ არიან დაკავშირებულნი. თანაც ხშირად ამ სნეულებებისაგან თანდათან კი არ იკურნებიან, არამედ ისე ხდება, რომ ადამიანი დილით იღვიძებს და აღმოაჩენს, რომ სავსებით ჯანმრთელია. აი, რამდენად მნიშვნელოვანია და რამდენად მჭიდროდ არის დაკავშირებული ჩვენს ფიზიკურ ჯანმრთელობასთან საკუთარი გვარისა და გარდაცვლილ წინაპართათვის უფლისადმი ვედრება".

[marine]

"საკვების ბოლო მიღება 18 საათს არ უნდა გადავაცილოთ".

[marine]

"ფქვილის ნაწარმი, საფუარიანი პური, საკონდიტრო ნაწარმი, ყოველგვარი ტკბილეული, აგრეთვე იოგურტი, სპირტიანი სასმელები, ლუდი აუცილებელია მოხმარებიდან ამოვიღოთ".

[marine]

"საკვები იქამდე ვღეჭოთ, სანამ მის გემოს შევიგრძნობთ; კონსისტენციაც მანანის თხელი ფაფისებრი უნდა გახდეს".

[marine]

"ყოველგვარი სითხის - სუპების, ჩაის, წვენების, მინერალური წყლების და ა.შ. უნდა შევზღუდოთ. ქალებმა სასურველია, მიღებული სითხის რაოდენობა დღეში 500 მლ-მდე, ხოლო მამაკაცებმა 800 მლ-მდე დაიყვანონ და უკეთესია, უმთავრესად საღამოობით სვან. ადამიანის მიერ სითხის დიდი რაოდენობით დაკარგვისას (მაგ. სპორტით დაკავებისას, დაძაბული ფიზიკური სამუშაოს შესრულებისას, სახმო სიმებზე მნიშვნელოვანი დატვირთვისას და ა.შ.), მიღებადი სითხის რაოდენობის გონივრულად გაზრდა შეიძლება. სითხე უნდა მიიღოთ ჭამამდე ერთი საათით ადრე ან ერთი საათის შემდეგ".

[marine]

"ჭამა-სმისგან ზომიერება დაიცავით. მხოლოდ მაშინ მიირთვით, როცა შიმშილის გრძნობა გექნებათ. საკვები კარგად დაღეჭეთ, ფაფასაც რომ შეექცევით, იქამდე ღეჭეთ, სანამ გემო ექნება".

[marine]

"გამორიცხეთ კომპლექსური სადილები. საკვები ცალ-ცალკე მიიღეთ: სუპს რომ მიირთმევთ, მეორეს ერთი საათის შემდეგ შეექეცით, ჩაიც ერთი საათის შემდეგ დააყოლეთ, ხილიც ასევე ერთი საათის შემდეგ მიირთვით.

სასმელი საკვებამდე ერთი საათით ადრე, ან კვებიდან ერთი საათის შემდეგ მიიღეთ. ჭამა 18 საათამდე შეიძლება. 18 საათის შემდეგ მხოლოდ წყალი დალიეთ".

[marine]

„ჭეშმარიტმა უცხოობამ, მორჩილებამ და დუმილმა მრავალი შეუძლებელი რამ შესაძლებლად აქცია და მრავალი განუკურნებელი განკურნა“.

/წმ. იოანე სინელი/

[marine]

"სნეულებასა შინა პირველ მკურნალთა და წამალთაისა ლოცვასა იხუმევდ".

/წმ. ნილოს სინელი/

[marine]

"მოძღვრების რჩევით, როცა ექიმს მივმართავთ, ღვთისგან უნდა გამოვითხოვოთ კურთხევა მკურნალობაზე და მთლიანად მივენდოთ ღვთის ნებას, მაშინ ლოცვით, მარხვით, მოწყალების გაცემითა და სხვა კეთილი საქმეებით შეგვიწყალებს უფალი და გვაჩუქებს განკურნებას".

[marine]

"როცა ვიავადმყოფებ, არავინ მჭირდება, ღმერთი მანუგეშებს".

/ღირსი პაისი ათონელი/

[marine]

"როცა შენ წირავ შენ ხორციელ ბუნებას, შეიძლება შენი ნებით არა, მაგრამ ეთანხმები თუნდაც იმას, რაც შენს თავს ხდება თუნდაც ავადმყოფობის სახით და ამ შემთხვევაში ავადმყოფობა შენთვის გმირობის ასპარეზად გადაიქცევა".

/დეკ. თეოდორე გიგნაძე/

[marine]

"თურმე გზაზე შავი ჭირი მიდიოდა. მახლობლად ერთი დაყუდებული ბერი ლოცულობდა. მიესალმნენ ერთმანეთს, ბერმა ჰკითხა, - საით გაგიწევიაო. ჭირმა - ამა და ამ ქალაქში მივდივარ, დიდი ცოდვები დატრიალდა და ხუთი ათასი კაციც უნდა მოვკლაო. მართლაც, ისეთი ამბები დატრიალდა ამ ქალაქში, რომ ხუთი კი არა, ოცი ათასი კაცი მოკვდა. უკან დაბრუნებული ისევ შეეყარა ბერს. ბერმა უსაყვედურა, - არ ყოფილხარ სიტყვის კაცი, ხუთი ათასი კაცი უნდა მოგეკლა და ამდენი როგორ მოკალიო. "ტყუილად მაბრალებ, ბერო, მე ზუსტად ხუთი ათასი კაცი მოვკალი, დანარჩენები კი თვითონ დაიხოცნენ შიშით, დახმარების მაგივრად გარეთ ყრიდნენ, იცილებდნენ სნეულებს და იმიტომაც დაიხოცნენო".

[marine]

"არ არსებობს უკურნებელი ავადმყოფობა და სენი. რაც უკურნებლად მიაჩნიათ, ის უფრო იოლი განსაკურნებელია. ესაა, რომ შიშს დიდი თვალები აქვს, მშიშრები ვართ, უღმერთოები და ავადმყოფობაც იმიტომ გვჯაბნის".

[marine]

"ავადმყოფობა გამოცდაა ავადმყოფისთვისაც და მის ირგვლივ მყოფთათვის. იმის შიშით, არაფერი გადაგვედოსო, მოიძულებ, მოიშორებ და არ ილოცებ მისთვის, გულში არ ჩაიხუტებ, რაღა ადამიანობა იქნება ეს?!"

[marine]

"ავადმყოფობა - ეს ღვთის სტუმრობაა კაცთან".

[marine]

"თეთრხალათიან მედდებს ისე ვუცქერდი, როგორც ეკლესიაში ჩამოსულ სპეტაკ სამოსიან ანგელოზებს, მათ დანახვაზე ვტიროდი. ძალიან მიყვარდა მედდები, თეთრად მოსილი დის დანახვაზე, ვფიქრობდი, რომ იგი იყო და მოწყალებისა, და სიყვარულისა, რომელიც იმიტომ მოდიოდა, რომ ემსახურა ღვთის სიყვარულის ტაძარში, ანუ საავადმყოფოში, რათა მომსახურებოდა ავადმყოფებს, ძმებს. ანგელოზი, თეთრი ანგელოზი. რამდენი რამ გვრჩება შეუმჩნეველი!"

[marine]

"ეკლესია - ლაზარეთია, რომელიც დასნეულებულ ადამიანებს მკურნალობს".

[marine]

"რაც მეტად ვიტანჯებით, მით მშვენიერი გვირგვინი დაიწვნება ჩვენთვის!"

/არქიმანდრიტი ეფრემ ფილოთეველი/