მართლმადიდებლობა და მედიცინა პარამეტრები

[ნათია]

სერაფიმე საროველი ამბობს: იმკურნალე, რადგან ღმერთმა შექმნა ექიმიც და წამალიც და მის ხელშია შენი

გამოჯანმრთელება.



რელიგიას უცხოელ ფსიქიატრთაგან მნიშვნელოვანი ყურადღება დაუთმო დოქტორმა ლ.ა. კოხმა თავის შესანიშნავ წიგნში „ადამიანის ნერვული ცხოვრება“, თავში „ნერვულ დაავადებათა მიზეზები“ (გვ. 163) ვკითხულობთ: „სულის ღმრთისაგან გაუცხოებაა უდიდესი ბოროტება. მასში, როგორც ცალკეულ პირთათვის, ისე საზოგადოებისათვის მწიფდება ყველაზე შხამიანი და მწარე ნივთიერება, რომელიც ნერვებს ანადგურებს“. მომდევნო თავში: „ნერვულ დაავადებათა მკურნალობა“ (გვ.204) დოქტორი კოხი წერს: „სად პოულობს სული ძალას, წინაღუდგეს იმას, რაც მას თავს ატყდება და ნერვებს ემუქრება? საიდან იღებს იგი იარაღს, თავისი ძლევამოსილი თავდაცვისათვის? როცა მას უკვე მიაყენებენ ჭრილობას, რა ეხმარება, რომ არ დაეცეს და თავისი თავი და თავისი ნერვები დაიცვას და დაიფაროს? ერთადერთი პასუხი ის არის, რომ ვერაფერს ვერ მიაღწევ, ვერაფერს ვერ შეძლებ რელიგიის ანუ ღმრთისადმი პიროვნული დამოკიდებულების გარეშე. ჩვენი საუკეთესო ძალები სწორედ რელიგიის წიაღშია“.

ასევე ვკითხულობთ: „მაგრამ ჩვენ ვსაუბრობთ იმის შესახებ, რომ ადამიანი, რომელსაც სასოება აქვს უფლის მიმართ, მრავალი იმედგაცრუების გადატანას შეძლებს, შეძლებს მრავალი მძიმე შეგრძნებისა და განსაცდელის გამკლავებას, რომლებიც ჯერ მის ფსიქიკაში აღწევენ, შემდეგ კი ამ უკანასკნელიდან - ნერვებში; რომ რელიგიური ადამიანი არ ემონება და არ ემორჩილება იმას, რაც ურწმუნო ადამიანს ემუქრება და საფრთხეს უქადის. უკიდურეს შემთხვევაში, იგი ზურგს აქცევს იმას, რისკენაც ურწმუნო ადამიანი მიილტვის და მიისწრაფვის და რომ ამგვარად, რელიგიის მოქმედება მრავალი თვალსაზრისით, მრავალი მიმართებით პროფილაქტიკურია“. შემდეგ, 206-ე გვერდზე ვკითხულობთ: „დაე, სწამდეთ ან არ სწამდეთ, მაგრამ ის კი უდავოა, რომ რელიგიის ზემოქმედება, მისი ზეგავლენა არა მხოლოდ ცაკლეულ პირთათვის, საერთოდ ყველასათვის ნერვულ დაავადებათაგან საუკეთესო დამცავ საშუალებას წარმოადგენს“.







მე ამ დასკვნამდე მივედი: როცა ამჩნევ რომ უძლურია მედიცინა შენს დაავადებაზე, მაშინ უფალს უნდა მიენდო და უფლისადმი რწმენას შეუძლია სასწაულიც კი მოახდინოს



ვისაუბროთ .....

[marine]

"როცა ადამიანი ავადმყოფობის გამო იტანჯება, ამით უკვე დედამიწაზე იხდის ღვთის წინაშე სასჯელს ცოდვების გამო და უფალი ადამიანს ანიჭებს უნარს, ჯერ სულის, ხოლო შემდეგ სხეულის სიჯანსაღე მიიღოს... განსაცდელები, ავადმყოფობანი, დამცირებანი, ჯერ ერთი, ხშირად შედეგია ჩვენი ცოდვებისა, მეორე მხრივ, ამან სინანული უნდა მოგვიტანოს, სინანულმა - შენდობისმიერი განწმენდა. განწმენდილი და შენდობილი კი ზეციური მოქალაქეა".

/წმ. გრიგოლ პალამა/

[marine]

"უფალი კურნავს პეტრეს სიდედრს და ისიც იწყებს მსახურებას. ეს სიტყვები მიანიშნებს იმაზე, რომ შენც, როდესაც უფალი განგკურნავს სნეულებისაგან, შენი ჯანმრთელობა წმინდათა სამსახურებლად და ღვთის სათნოყოფისათვის უნდა გამოიყენო... ეს იყო ნიშანი ქრისტეს ძალისა და ქალის დიდი გულმოდგინებისა, რაც მან გამოიჩინა ქრისტესადმი".

/ნეტარი თეოფილაქტე ბულგარელი/

[marine]

"დამდაბლი ყველას წინაშე, ყველაფერი საკუთარ თავს დააბრალე, მადლობით მიიღე სნეულებები და მწუხარებები - ეს ყოველგვარ ღვაწლზე მეტია!"

[marine]

"ავადმყოფობა და სიღარიბე ადამიანს ბოლომდე ამდაბლდებს. ერთხელ სნეულ მამა ს.-სთან მივედი სანახავად და ვკითხე "როგორა ხარ?" ის კი ისე იყო სნეულებისგან გათანგული, პასუხის ნაცვლად ქუდი მოიხადა და იატაკზე დაახეთქა. მე ვუთხარი: "მადლობა შესწირე ღმერთს ავადმყოფობისთვის, თორემ სიკვდილი მძიმე გექნება. აი, სქემაში აღკვეცენ, მადლო მოვა და ნუგეშს გცემს მწუხარებაში". როცა სქემაში აღკვეცეს, მეორე დღეს, მისალოცად მისულმა, ვკითხე: "როგორა ხარ?" და მან ხალისიანად მიპასუხა: "როგორც წმინდა ნათლისღების შემდეგ - უფალმა უსასყიდლოდ მომცა თავისი მადლი". ამის შემდეგ უკვე იოლად იტანდა ავადმყოფობას და მშვიდად აღესრულა. რადგან სული წმიდის სიტკბოება ამა სოფლის ყოველგვარ სიტკბოებას აღემატება".

/ღირსი სილუანე ათონელი/

[marine]

"დანაყრებამდე ნუ შეჭამ, ბევრს ნუ იძინებ, გულმოდგინედ იშრომე, მთელი გულით ილოცე, მთელი სულით დაემორჩილე მშობლებსა და უფროსებს, კეთილი უსურვე ყველას, მადლიერი იყავი ყველასი, და იქნები კმაყოფილი, ჯანმრთელი და ბედნიერი".

/წმ. იოანე კრონშტადტელი/

[marine]

"შეუძლებელია, სიმართლის გზით იარო და სათნოებებით ცხოვრება შეიყვარო და, ამასთან, მწუხარება არ შეგხვდეს და სხეული არ დაგიუძლურდეს ავადმყოფობითა და ტანჯვით"

/ღირსი ისააკ ასური/

[marine]

"ბრმას რომ არ ეყვირა და სისხდენით შეპყრობილი ქალი უფლის სამოსს რომ არ შეხებოდა, არც ერთი და არც მეორე არ განიკურნებოდა: ასე რომ, ვინც უფალთან თავად, საკუთარი ნებით არ მივა და მას სრული რწმენით არ შეევედრება, ვერ მიიღებს განკურნებას"

/წმ. მაკარი დიდი/

[marine]

"ვინც ჯეროვანზე მეტად დატკბება ხორციელი სიამეებით, ის ამ გადაჭარბებისათვის ასმაგი ავადმყოფობით გადაიხდის"

/ღირსი მარკოზ მოსაგრე/

[marine]

"ადამიანი, რომელიც ავადმყოფს უვლის, თავადაც ავადმყოფი ხდება, არა იმიტომ, რომ მას ეჩვენება, თითქოს სიცხემ აუწია, არამედ იმიტომ, რომ თანაგრძნობის გამო ის ფიქრობს, როგორ ზრუნვას ისურვებდა, თავადაც ავად რომ ყოფილიყო"

/ნეტარი ავგუსტინე/

[marine]

"მღვდელი და ექიმი კი არ გამორიცხავენ, არამედ ავსებენ ერთმანეთს და ამგვარად, ღვთის მსახურები არიან. მართლმადიდებელი ფსიქოთერაპევტი დაჯილდოებული უნდა იყოს ქრისტიანული მოწყალებით, კაცთმოყვარეობით, ქრისტეს სიყვარულით, სამედიცინო და ფსიქოთერაპიული ცოდნის ეფექტიანი გამოყენების უნარით"

/პროფესორი რეზო კორინთელი/

[marine]

"ჯანმრთელობა ღვთის უძვირფასესი საჩუქარია"

[marine]

"გაუფრთხილდი ჯანმრთელობას - დაიცავი თავი გარყვნილებისაგან, დაუდევრობისა და სულსწრაფობისაგან; ნუ გაუფრთხილდები ჯანმრთელობას - ნუ დაზოგავ თავად სიცოცხლეს, როცა ამას შენგან მოითხოვს ღმერთი, სამშობლო და შენი მარადიული ცხონება!"

[marine]

"რას არგებს სხეულს, თუ თავად ჯანმრთელია, მაგრამ სულია სუსტი და უძლური?!"

[marine]

"იშვიათად არის ჯანსაღ სხეულში ჯანსაღი სული, უმეტესწილად იგი უძლურშია"

[marine]

"ავადმყოფობისას, ექიმებზე და წამლებზე უწინ, ლოცვით ისარგებლე!"

/წმ. ნილოს სინელი/

[marine]

"თუ შენ მართალი კაცი ხარ და სნეულება შეგეყრება, მისი მეშვეობით დიდებულიდან უდიდებულისკენ გადადიხარ; შენ - ოქრო ხარ და ცეცხლის მეშვეობით უფრო იწმინდები"

[marine]

"არაფერს ჩაებღაუჭო, სიცოცხლის და ჯანმრთელობის გარდა!.."

/მამა პეტრე კვარაცხელია/

[marine]

"ავადმყოფობის დროს ყველამ უნდა იფიქროს და თქვას: "ვინ იცის, იქნებ ჩემთვის ჩემს უძლურებაში იღება სწორედ მარადისობის კარი?"

[marine]

"განსაკუთრებით სერიოზული და საშიში სნეულებისაგან გამოჯანმრთელებული უნდა გრძნობდეს და ამბობდეს: "ზემოდან მომეცა მე გადავადება, მოვინანიებ და ჩემს ცხოვრებას ქრისტეს მცნებებს შესაბამისად გამოვასწორებ!"

[marine]

"უმჯობესია, მთელი ეს ცხოვრება სხეულით იყო ავადმყოფი, მაგრამ სულით - ჯანსაღი, ვიდრე - სხეულით ჯანსაღი იყო და სულით - არაჯანმრთელი!"