სიყვარული, ბრწყინვალების უფსკლული და მარადიულის გამარჯვება პარამეტრები

[marine]

"გიყვარდეს ღმერთი თვით მასში და ყველა იმაში, ვინც მის სახეს საკუთარ თავში ატარებს"

[marine]

"თუ ღმერთი გვიყვარს, აუცილებლად უნდა გვიყვარდეს მისი ხატიც - ადამიანი!"

[marine]

"უფალი ჩვენი იესო ქრისტე, თავისი უსაზღვრო სიყვარულის გამო, იმისათვის, რომ ჩვენ ვექციეთ იმად, რაც თვითონ არის, იქცა იმად, რაც ჩვენ ვართ"

/წმ. ირინეოს ლიონელი/

[marine]

"თუ სამყაროს შექმნა ღვთის სიყვარულის საქმეა, მაშინ ადამიანთა გამოსყიდვის საქმე, - ძე ღვთისას სიკვდილით, არის ღვთის სიყვარულის სასწაული"

[marine]

"ზეარსთა უშრეტ ნეტარებაში სიმშვნიერე, სიკეთე თუ ჭეშმარიტება ნათელქმნილი სიყვარულია"

/ვასილ ბარნოვი/

[marine]

"ო, ვერ გასწვდება ადამიანის გონება ღვთის სიყვარულის მთელ სიგრძე-სიგანესა და სიმაღლეს, რომელიც იესო ქრისტესგან გადმოდის ჩვენზე. მაგრამ მით უფრო საშინელია, იყო უმადური ამ სიყვარულის წინაშე!"

[marine]

"და, გქონდეს სიყვარული ადამიანებისადმი ქრისტეს გულისათვის, იესოსადმი კი - თავად მის გამო!"

[marine]

"ისეთი იყავი იესოსთან მიმართებაში, როგორიც გინდა, რომ ის იყოს შენს მიმართ. - გსურს, უხვად გადმოღვაროს შენს მიმართ თავისი სიყვარული? - მაშ, გაუღე მთელი სისრულით გულის კარი!"

[marine]

"ძნელ არს სიყვარული, ვითა სიკვდილი!"

/ვასილ ბარნოვი/

[marine]

"სიყვარული უარყოფაა თავის თავისა სხვის ცხოვრების საშუქებლად"

/ვასილ ბარნოვი/

[marine]

"თუკი ხორციელი სიყვარული ესოდენ იმონებს სულს, რომ მას სხვა ყოველივესგან განაშორებს და მხოლოდ საყვარელ არსებას მიაჯაჭვავს, მაშ, რას არ გააკეთებს ქრისტესადმი სიყვარული და მასთან განშორების შიში?"

/წმ. იოანე ოქროპირი/

[marine]

"უფლისადმი სიყვარული ყველაფერს ჩვენი ცხონებისა და ნეტარების საშუალებად აქცევს; მის გარეშე ყველა საშუალება არ აღწევს ამ მიზანს. კანდელი უზეთოდ ვერ დაენთება და ლოცვაც ვერ გაანათლებს სულს უსიყვარულოდ. ის სიყვარულის გარეშე ვერ ავა ღმერთამდე"

[marine]

"ღმერთს ყველანი ვუყვარვართ; ჩვენც ყველა უნდა გვიყვარდეს!"

[marine]

"სულის ბედნიერი მდგომარეობაა, როდესაც ყველა გვიყვარს! მაცხოვარმა ბრძანა: "გიყვარდეთ მტერნი თქვენნი!" - როდესაც გაგვიმჟღავნა საიდუმლო იმისა, როგორ დავიმკვიდროთ ამქვეყნად სასუფეველი"

[marine]

ქრისტემ გვითხრა, ერთმანეთი გიყვარდეთ, ეს არის მთავარი ამბავიო!..

/მამა პეტრე კვარაცხელია/

[marine]

"წმიდა ანტონის მოწაფე, მამა მაკარი, ძმასთან ერთად მიდიოდა, დაინახა ბიჭუნა, რომელიც დედას ეუბნებოდა: "ერთ მდიდარს ვუყვარვარ, მე კი არ ვიცი, რატომ მძულს იგი; მაგრამ ერთ ღატაკს ვძულვარ, მე კი ის მიყვარს" - ეს რომ მოისმინა, მაკარი გაოცდა და დაფიქრდა. "რა მოგივიდა?" - ჰკითხა ძმამ. "ჩემს მიერ გაგონილი სიტყვები, - უპასუხა ბერმა, - ნიშნავს: უფალი ღმერთი მდიდარია მოწყალებით და ყოველდღიურად გვივლენს თავისი მამობრივი სიყვარულის მტკიცებულებას, ჩვენ კი, უგუნურთ, არ შეგვიძლია, დავაფასოთ მისი ძღვენი; მაგრამ წარწყმედის სულს - ღატაკსა და ბოროტს, ვძულვართ და, როგორც ცოფიანი მგელი, ჩასანთქმელად გვეძებს, ჩვენ კი, დაბრმავებულებს გვიყვარს იგი და რა გვრცხვენია მისი მონობა!"

[marine]

"რომ გვენახა სწრაფ დინებას ქაღალდის ნაგლეჯი როგორ აღუდგა წინ, გაოცებას ვერ დავმალავდით. მსგავს სანახაობას წარმოვადგენთ ჩვენ, როცა უსულო ნივთები ჩვენს ყურადღებას უფალს აშორებს, გონებას ფუჭი საგნებისადმი მიმართავს და ხელს გვიშლის, დავუახლოვდეთ უფალს სიყვარულის ერთობაში".

[marine]

"მიუხედავად იმისა, როგორი დაცემულიც უნდა იყოს შვილი, როგორც დედა ენდობა და მაინც არ კარგავს იმედს, დედობრივი სიყვარულით ელოდება, მაინც უყვარს - აი, ასე არის ღმერთიც!
და როგორც ყოველი დედა, ყოველი მშობელი, იგი მოითხოვს საპასუხო სიყვარულს! ასე რომ, როცა ჩვენ ღმერთს ხშირად მივმართავთ, მასაც უხარია, იგი ხარობს ჩვენ ლოცვით, თუ ეს ლოცვა არის დაფუძნებული სარწმუნოებასა და ჩვენს საპასუხო სიყვარულზე"

/მეუფე შიო (მუჯირი)/

[marine]

"ჩვენ იმდენად ვართ ვალდებულნი, გვიყვარდეს ღმერთი საკუთარ თავზე მეტად, რამდენადაც იგი ჩვენზე აღმატებულია"

[marine]

"ყველაზე მართალი ნიშანი იმისა, რომ ჩვენში ჯერ კიდევ არ არის უფლისადმი სიყვარულის ჩანასახიც კი, ისაა, რომ გვიძნელდება ღვთისადმი მსახურება, არ გვსურს, ავასრულოთ, და უფრო უარესი, საერთოდ არ ვასრულებთ მისადმი ჩვენს მოვალეობებს. ნეტარი ავგუსტინე სამართლიანად აღნიშნავს: "მოყვარულთათვის შრომა მძიმე არ არის: ის ახარებს მათ, როგორც - მხეცებზე, ფრინველებზე მონადირეებს, მეთევზეებს. როცა რაიმე გვიყვარს, ჩვენ ან ვერ ვგრძნობთ შრომას, ან თავად შრომა გვიყვარს"