მოძღვარი პარამეტრები

[marine]

"ადამიანი უმოძღვროდ ვერ გადარჩება".

/წმ. გიორგი მთაწმინდელი/

[marine]

"ნუ იჩქარებთ პირველივე შემხვედრ მღვდელს მოძღვარი უწოდო, - წერს ერთ-ერთ წერილში არქიმანდრიტი იოანე (კრესტიანკინი), - იარეთ ეკლესიაში, თქვით აღსარება, შეგიძლიათ, სხვადასხვა მღვდელს მისცეთ შეკითხვები თქვენთვის საჭირბოროტო საკითხებზე, და როდესაც დარწმუნდებით, რომ ამ ბევრთა შორის ერთ-ერთი ყველაზე ახლობელია თქვენი სულისთვის, მხოლოდ ამის შემდეგ მიმართეთ მას".

[marine]

"გავიხსენოთ ღირსი იოანე სინელის სიტყვები: "ნუ ეძებ მოძღვარში მოალერსეს", ანუ ისეთს, ვინც ადამიანური გაგებით სასიამოვნოს გეტყვის ხოლმე".

[marine]

"მოძღვარი ღვთაებრივი ცეცხლის მატარებელია და ამიტომაც არ შეიძლება იხუმრო მღვდელმსახურზე, დაამცირო ან განიკითხო იგი, მით უფრო, დასცინო მას, რადგან ამით შეურაცხყოფ არა რომელიმე კონკრეტულ პიროვნებას, არამედ იმ მადლს, რომელიც ღვთის ნებით მასზე არის გარდამოსული".

/ილია მეორე/

[marine]

"ეკლესიის, მოძღვრის უარყოფა სულიერი სიბეცის, უკულტურობის ნიშანია".

/დეკ. გიორგი სხირტლაძე/

[marine]

" - მამაო, როგორ უნდა შევარჩიოთ მოძღვარი?

- ეკლესია ქრისტიანს ანიჭებს უფლებას, თავად ამოირჩიოს საკუთარი სულიერი დამრიგებელი, რადგან თითოეული ქრისტიანის სულის მოწყობა უკიდურესად ინდივიდუალურია, მოძღვრები კი ხასიათის მიხედვით, ასევე სულიერი გამოცდილებითაც, განსხვავებულები არიან, ამიტომ ძალიან მნიშვნელოვანია ისეთი მოძღვრის პოვნა, რომელთანაც სულიერი კონტაქტი დამყარდება, ურთიერთგაგება და ნდობა წარმოიშვება.

მოძღვრისაგან მიღებული რჩევა-კურთხევა წმიდად უნდა აღასრულოთ, როგორც თავად უფლისაგან მოცემული სიტყვა და ნუ ირბენთ ერთი მოძღვრისგან მეორესთან თქვენთვის მიუღებელი დარიგების შეცვლის იმედად, ყველა მოძღვრის სახით თანაბრად მოქმედებს ერთი და იგივე ქრისტე".

/დეკ. პავლე ქინქლაძე/

[marine]

"საზოგადოდ, სულიერი მამაშვილობა უდიდესი საიდუმლოებაა და ეს სიყვარული უხილავად აღესრულება. მინდა გითხრათ, გირჩიოთ, გთხოვოთ - შეიყვარეთ უფალი ჩვენი იესუ ქრისტე მთელი არსებით და ამით უსაზღვროდ გააბედნიერებთ თქვენს მოძღვარს. ეს ხომ ყველაზე დიდი სიხარულია, რომელიც შეგიძლიათ მიანიჭოთ საყვარელ ადამიანს".

/დეკ. ბასილი (მურმანიშვილი)/

[marine]

"- რა მოვალეობა აკისრია მოძღვარს სულიერი შვილის წინაშე?

- როგორც მოძღვარი, სულიერი შვილის წინაშე დიდ პასუხისმგებლობას ვგრძნობ, თითოეული მათგანი ჩემ შვილად მიმაჩნია, საპასუხისმგებლოა თითოეული სიტყვა და მიცემული რჩევა-დარიგება, რადგანაც ღვთის წინაშე ვაგებ პასუხს.
ყოველ მრევლს სულიერ შვილს ვერ ვუწოდებ, ეს ხომ ჩვეულებრივი სიტყვა არ არის, ეს გამომდინარეობს მათი სურვილისა და მოთხოვნის შესაბამისად".

/დეკ. პავლე ქინქლაძე/

[marine]

"მღვდლების ქალიშვილთ, არანაირი კავშირი რომ არ აქვთ მღვდლობასთან, თავიანთი მამებისათვის მინიჭებული პატივის გამო, ერთი და იგივე ცოდვების ჩადენისას, გაცილებით მკაცრი სასჯელი ელით, ვიდრე უბრალო ხალხის ქალიშვილთ".

/წმ. იოანე ოქროპირი/

[marine]

"მართლმადიდებელი ქრისტიანი, რომელიც რაიმე ცხოვრებისეულ პრობლემას შეეჯახება, რჩევისათვის მოძღვართან მიდის, მან იცის, რომ იგი პასუხს თავის კითხვაზე არა უბრალოდ ჩვეულებრივი მოკვდავისაგან ითხოვს, არამედ ღვთისგან, რომელიც ხედავს მის რწმენას და მოძღვრის მეშვეობით მას რჩევასა და კურთხევას აძლევს. ეკლესია მამათა ბაგეებით გვაუწყებს: მიანდე შენი გული სულიერი მოძღვრის მორჩილებას და უფლის მადლი დაივანებს შენში".

"არ არსებოს მათზე უფრო საწყალი და დაღუპვასთან მიახლოებული ადამიანი, ვისაც საღვთო გზაზე მოძღვარი არ გააჩნია".

/დეკ. პავლე ქინქლაძე/


"მოძღვრობის ნიმუში"

[marine]

"მღვდელი ხალხისთვის მსახურობს, რათა ხალხი სწორ გზაზე დააყენოს"

/დეკ. დავით შაქარაშვილი/

[marine]

"მრევლი - ეს არის სიმრავლე ადამიანებისა, რომლებიც ეკლესიაში დადიან, წირვა-ლოცვას ესწრებიან, მარხვას ინახავენ და ეკლესიური ცხოვრებით ცხოვრობენ, მაგრამ სულიერ შვილად იწოდება ის, ვინც, გარეგნული წესების შესრულების გარდა, შინაგან ერთობაშია მოძღვართან.

მრევლში ყველა უნდა ილტვოდეს, სულიერი შვილი გახდეს. ეს მაჩვენებელია ადამიანის სულიერი ზრდისა, ნიშანია იმისა, რომ მისი ურთიერთობა მოძღვართან თვისობრივად თანდათან უფრო მაღალ საფეხურზე ადის".

/მეუფე იოანე (გამრეკელი)/

[marine]

"...როცა წვიმის მერე მამა საბასთან [ოსტაპენკო] მივედი, მის ოთახში მაგიდასთან რამდენიმე ქალიშვილი იჯდა. ეტყობა, საუბარი დასასრულს უახლოვდებოდა. ზოგიერთს ვიცნობდი. ერთი მათგანი ხეიბარი იყო: თავსაფრით იფარავდა დამახინჯებულ სახეს. მას მამა საბა განსაკუთრებული ყურადღებით და ალერსით ესაუბრებოდა, თითქოს მისი ყველაზე საყვარელი შვილი ყოფილიყო. დამშვიდობებისას ყველა ჯვრით აკურთხა, ხეიბარს კი თავზე ეამბორა. ერთმა გოგონამ გამოსვლისას თქვა: "ვისურვებდი, მეც ხეიბარი ვყოფილიყავიო".

/არქიმანდრიტი რაფაელი (კარელინი)/

[marine]

"ღირსეული მღვდელი დიადი პიროვნებაა"

/წმ. იოანე კრონშტადტელი/

[marine]

"ღვთის სამსახურში ხომ თვით ღმერთის მოწოდებით მოდის ადამიანი, ან ხალხის არჩევით, და არა საკუთარი ნებით".

"სამღვდელო ხარისხის მადლით აღჭურვილი კეთილკრძალული ჭაბუკი "სასანთლესა ზედა".

[marine]

"ერთ დროს ათონზე ყარაყალის მონასტრის იღუმენი გახლდათ მამა კონდრატე (+1940), მშვენება იმდროინდელი მონაზვნობისა. ტრაპეზის შემდეგ, შუადღისას, მაშინ როცა სხვები ისვენებდნენ, თავის კელიაში არ მიდიოდა. ჩამოჯდებოდა იქვე ეზოში სკამზე, დაეყრდნობოდა კვერთხს და გონიერ ლოცვას მიეცემოდა ან სათვალეს გაიკეთებდა და წმინდანთა ცხოვრებას კითხულობდა.

ხშირად უკითხავთ, - რას აკეთებ აქ, მამაოო. მძინავს, ჩემო შვილო, - პასუხობდა. სკამზე გძინავთ? - ჰო, მწყემსი ყოველთვის უნდა ფხიზლობდეს, შვილო. მაშინაც კი, როცა ისვენებს, თავის კვერთხზე უნდა ეძინოსო. გრძნობდა იღუმენობის პასუხისმგებლობას - დაეცვა მიბარებული ცხოვართა სულები და ამისთვის ძილის დროსაც კი აფხიზლებდა საკუთარ გულს."

[marine]

ჩემი მოძღვარი

(ჩანახატი)

მე ვთვლი, რომ ჩემი მოძღვარი საუკეთესო მოძღვარია მოძღვართა შორის თავისი სულიერებით, სიმართლით, სიყვარულითა და სიბრძნით. მისი ყოველი რჩევა ჩემი ცხოვრების გზა და ხსნაა, მისი დარიგებებია, რომ მამხნევებს, მაცოცხლებს, მაწრთობს და მახარებს.

ის პიროვნულად მტკიცეა როგორც გრანიტი და შემწყნარებელი როგორც მაცხოვარი, ის მტკიცეა როგორც ალმასი და ალმასივით წმინდა, მშვენიერი სულის პატრონი. ჩემი მოძღვარი ჩემი არსებობის ნაწილია და მის გარეშე ცხოვრება ვერც კი წარმომიდგენია.
როცა ის ცივია, უფლისგან მიტოვებულად ვგრძნობ თავს, ხოლო როცა თბილი, მთელი სამყარო მეძვირფასება მასთან ერთად, როცა მოწყენილია, სული მემსხვრევა, ხოლო როცა მხიარული - მეც ვხარობ.

ღმერთმა მოძღვრად მაჩუქა ეს უჩვეულოდ მკაცრი, მაგრამ უდიდესი თანაგრძნობით განმსჭვალული ადამიანი, მის გვერდით საოცარი მოწიწება და პატივისცემა რომ შემიპყრობს-ხოლმე. როცა მასზე ვფიქრობ, ფიქრებიც კი თბებიან, ხოლო როცა მასზე ვსაუბრობ, მხოლოდ ლამაზი სიტყვები მახსენდება.

წყალობა და ჯანმრთელობა, მხნეობა და სიხარული, დღეგრძელობა და მზეგრძელობა მიანიჭოს ღმერთმა ჩემს ტკბილ მამაოს...მამაოს, რომელიც წმინდა გულით დანთებულ იმ სანთელს ჰგავს, უფალი რომ შეიწირავს..

/მაკა გელაშვილი/

[marine]

"მოძღვრის სიყვარული სულიერი შვილებისადმი სრულიადაც არ ნიშნავს მგრძნობიარე თანაგრძნობას და მათი სისუსტეებისადმი გუნდრუკის კმევას, პირიქით, როგორც უფალია შეუვალი და პრინციპული ჩვენი ცხონების საქმეში და ჩვენს სასარგებლოდ გვიგზავნის აუცილებელ განსაცდელს, ისე მოძღვარმა არ უნდა დაუთმოს სულიერი შვილის სისუსტეებს და მიწიერ მისწრაფებებს, თუ ისინი ღვთის ნებას ეწინააღმდგებიან, უნდა იყოს პირციპული და მკაცრი სულიერი შვილის ცხონების საქმეში".

/ბერი ერმოლაოსი (ჭეჟია)/

[marine]

"თუ მოძღვარი თანაზიარია ქრისტესმიერ სიყვარულთან, მაშინ მის საჭირო სიმკაცრეს სულიერი შვილი ალერსივით აღიქვამს".

[marine]

"მოძღვრის არჩევისა და უფლის წინაშე მისდამი სრული მორჩილების გამოცხადების შემდეგ ამ მოძღვრის მითითებების შეუსრულებლობა უფრო დიდი ცოდვაა, ვიდრე მოძღვრის უყოლობა და საკუთარი ნებით ცხოვრება".

/ბერი ერმოლაოსი (ჭეჟია)/