მოძღვარი პარამეტრები

[marine]

"წერს აბბა დოროთე: "არაფერია უფრო სამწუხარო, არაფერია უფრო მაცდუნებელი, ვიდრე ღმერთისკენ მიმავალ გზაზე წინაძღოლი არ მიგიძღოდეს." იგივე მოძღვარი სოლომონის იგავებიდან ერთ ადგილს შემდეგნაირად განმარტავს: "თავგზიანობის უქონლობისას ეცემა ხალხი (ვითარცა ფურცელი)" (იგავ. 11:14), - ამბობს, რომ ფოთოლი ჯერ მწვანეა და ყვავის, მოგვიანებით ხმება და მიწაზე ეცემა და მას, უგულებელყოფილს, ფეხით თელავენ. იგივე ემართება იმ ადამიანს, ვისაც სულიერი მოძღვარი არ გააჩნია. მტრების გარემოცვაში ის სწრაფად ხმება. ფოთოლი ჯერ მწვანე, სუფთა, თვალისთვის სასიამოვნოა, თანდათან ხმობას იწყებს, იფიტება, საბოლოოდ კი ზიზღს იწვევს და ფეხქვეშ ითელება. ასევეა უწინამძღვრო და უყურადღებოდა მიტოვებული ადამიანი. დასაწყისში ის მარხვის, მემყუდროების, მღვიძარების, მდუმარების, მორჩილებისა და სხვა სათნოებებისადმი დიდ მოშურნეობას იჩენს; შემდეგ ეს დამოკიდებულება ქრება და პიროვნება ნელ-ნელა, თითქმის შეუჩნევლად მიილევა, ბოლოს, მას მტრები ეუფლებიან და რაც მოესურვებათ, იმას გააკეთებენ".

[marine]

"ჩვენი მოძღვარი [ბერი იოსებ ვატოპედელი] თავის თავზე ასე გვიამბობს: "ახლა ვიხსენებ, თუ რა ხდებოდა მაშინ, როდესაც ჩვენი ბერისგან ღმერთის ნების გაგება გვსურდა. მიჩვეული ვიყავით, უკვე არსებული გამოცდილების წყალობით, რომ მისი პირველი სიტყვა უნდა მიგვეღო, როგორც აბსოლუტური, ყოველნაირი შეპასუხების გარეშე. ასეთ შემთხვევაში ყველაფერი წარმატებით წარემართებოდა. მიუხედავად იმისა, რომ ადამიანური ლოგიკის თანახმად, გარკვეულ სირთულეებს უნდა წავწყდომოდით. ვიცოდით, რომ, თუ შევეპასუხებოდით, ვითომ გამართლებული მიზეზითაც კი, მოძღვარი უკან დაიხევდა და იტყოდა: "როგორც მიიჩნევთ საჭიროდ, ისე მოიქეცით". მაგრამ წარმატების საიდუმლო ძალა და საფარველი გვშორდებოდა. მაშასადამე, სულიერი მამის "პირველი სიტყვა", როდესაც მას რწმენით და მორჩილებით ვიღებთ, გამოხატავს ღმერთის ნებას".

/არქიმანდრიტი ეფრემ ვატოპედელი/

[marine]

"მღვდელი მხოლოდ ინსტრუმენტია, რომლის საშუალებითაც მოქმედებს ღვთის მადლი და მას მღვდლის ცოდვები არ შეერევა"

/არქიმანდრიტი იუსტინე (პარვუ)/

[marine]

"როდესაც სასარგებლო სიტყვა გესმის, ნუ განსჯი იმას, ვინც მას ამბობს, რათა სასარგებლო სწავლებას არ მოაკლდე!"

[marine]

"შეამოწმეთ თავი - ხომ არ ჩამოეფარა თქვენი საყვარელი სულიერი მოძღვრის გამოსახულება იესო ქრისტეს ხატს, ხომ არ დაგემართათ ასეთი უბედურება. შეინანეთ ასეთი დამოკიდებულება სულიერ მამასთან, ვიდრე თქვენი მდგომარეობა არ გადაზრდილა მძიმე სულიერ ავადმყოფობაში - ხიბლში"

/არქიმანდრიტი იოანე (კრესტიანკინი)/

[marine]

"ყველა მღვდელს პატივი ეცი, მაგრამ კეთილთან იარე!"

/წმ. ნილოს სინელი/

[marine]

"ჩვენი სულიერი მოძღვრის წინაშე გაცილებით მეტად ვართ ვალდებულნი, ვიდრე- ხორციელი მამის წინაშე, რადგან ეს უკანასკნელნი ამსოფლისა და საერო ცხოვრებისათვის გვშობენ, პირველნი კი - ზეცისა და მარადიული ცხოვრებისათვის!"

/წმ. იოანე ოქროპირი/

[marine]

"ვინც თავისი თანამდებობის გამო ვალდებულია, სიწმიდეზე ილაპარაკოს, იგი ვალდებულია, აგრეთვე, თავისი ცხოვრებითაც სიწმიდეს წარმოადგენდეს"

[marine]

"ყოველ მოძღვარს ორი დიდი საქმე აკისრია: პირველი - საკუთარი სულის ცხონებაა, მეორე კი, პირველისაგან განუყოფელი - მათ ხელმძღვანელობას მინდობილი სულის გადარჩენა. "ეკრძალენით უკვე თავთა თქუენთა და ყოველსავე სამწყსოსა, რომელსა-ეგე თქუენ სულმან წმიდამან დაგადინნა მოღუაწედ და მწყსად ეკლესიასა უფლისა ღმრთისასა, რომელი მოიგო სისხლითა თვისითა". ასეთია მთავარი წესი სამღვდელო მსახურებისა!"

[marine]

"მღვდელი არა მხოლოდ თვითონ უნდა შევიდეს, არამედ სხვებიც უნდა შეიყვანოს ცათა სასუფეველში"

[marine]

"ის იყო ნამდვილი, თეთრწვერიანი მღვდელი, რომელშიც ყოველთვის კაშკაშით იწვოდა რწმენის ლამპარი"

[marine]

"ოლარი მღვდელს იმიტომ კი არ ჰკიდია, რომ მდიდრულად იცხოვროს, არამედ საღმთო ლიტურგიის აღსასრულებლად"

/არქიმანდრიტი გრიგოლი (ზუმისი)/

[marine]

"როდესაც გმეზე მოცურავე უშვებს შეცდომას, ეს მასთან ერთად მოცურავეებს დიდ ზიანს არ აყენებს; ხოლო, როდესაც მესაჭე უშვებს შეცდომას, ამას საყოველთაო სიკვდილი მოაქვს; ასევე, ხელქვეითთა ცოდვით დაცემა საზოგადოებას იმდენად არ ავნებს, როგორც თვით მათ, ხოლო სამღვდელო ხარისხის მქონეთა ცოდვებს ყველასთვის ზიანი მოაქვს"

/წმ. ისიდორე პელუზიელი/

[marine]

"ძლიერი უნდა იყოს ის, ვისაც სხვისი უძლურების ტვირთვა დაეკისრა"

[marine]

"ადამიანს, რომელსაც არასოდეს უგემია თაფლი და ცდილობს, სხვას აუხსნას, რა ტკბილია იგი, ჰგვანან მოძღვრები, რომლებიც სულიერ სწავლებებს ქადაგებენ და თვითონ არასოდეს უგემიათ და გამოუცდიათ იგი"

[marine]

"თუ იესო ქრისტემ უბრალო ადამიანზე - მაცდუნებელზე თქვა: "ვაი მას, რომლისაგან მოვიდეს საცთური!", მაშ, რაღა უნდა ითქვას მაცდუნებელზე - ეკლესიის მსახურზე?"

[marine]

"მქადაგებელი, კეთილი საქმეებისა და უბიწო ცხოვრების გარეშე, - რომელიც ასწავლის და არ ქმნის, - ვერავითარ სარგებელს ვერ მოუტანს თავის მსმენელებს და მიემსგავსება ქუხილს ელვის გარეშე, სროლას - ისრის გარეშე, ისრის გარეშე დაჭიმულ მშვილდს, მარტო იქუხებს და მხოლოდ სიტყვებს ისვრის, მაგრამ ღვთს შიშით ვერ აღანთებს მსმენელთა გულებს!"

[marine]

"ვისაც სხვისი ჭრილობების მკურნალობა სურს, თვითონ უდნა იყოს თავისუფალი ყოველგვარი ავადმყოფობისაგან, რათა არ მიემართებოდეს მას სახარების სიტყვები: "მკურნალო, განკურნე თავი შენი!"

/წმ. კასიანე რომაელი/

[marine]

"ღვთის ძღვენი ისეთი არ არის, რომ იგი სამღვდელო სათნოებაზე იყოს დამოკიდებული"

/წმ. იოანე ოქროპირი/

[marine]

"რომც არ იცოდეთ, ესა თუ ის მოძღვარი მღვდლობის ღირსია თუ - არა, ქრისტეს მცნებების გამო ნუ მოიძულებ მას. როგორც სუფთა ოქრო არ ზიანდება, თუ იგი ჭუჭყით დაიფარება, ასევე - ყველაზე სუფთა მძივი, თუ რაიმე არაწმინდა და შებილწულ ნივთს შეეხება; ამის მსგავსად, - მღვდლობა არ შეირყვნება ადამიანისაგან, თუნდაც იგი უღირსი იყოს"

/წმ. ეფრემ ასური/