მოძღვარი პარამეტრები

[marine]

"ქრისტეს მცნებათა ერთგული მღვდელი გინდ მოკლან, ის მაინც დაუმარცხებელია"

/კვიპრიანე კართაგენელი/

[marine]

"ბრძენი წინამძღოლი, გამოცდილი მოძღვარი, ჭეშმარიტად მადლმოსილი ადამიანია, გამოცდილი მკურნალია, რომელმაც ნამდვილად იცის, როგორ დაგამშვიდოს, ტკივილი განგვიქარვოს, როგორ გვიწამლოს, თანაც, არა ჩვენი თავმოყვარეობის დასაოკებლად, არამედ იმისათვის, რათა ჩვენში მიმდინარე პროცესებში ჩაერთოს და გაგვაჯანსაღოს"

[marine]

"წერს აბბა დოროთე: "არაფერია უფრო სამწუხარო, არაფერია უფრო მაცდუნებელი ვიდრე ღმერთისკენ მიმავალ გზაზე წინამძღოლი არ მიგიძღვებოდეს". იგივე მოძღვარი, სოლომონის იგავებიდან ერთ ადგილს შემდეგნაირად განმარტავს: "თავგზაინობის უქონლობისას ეცემა ხალხი (ვითარცა ფურცელი)", - ამბობს, რომ ფოთოლი, ჯერ მწვანეა და ყვავის, მოგვიანებით ხმება და მიწაზე ეცემა და მას, უგულებელყოფს, ფეხქვეშ თელავენ. იგივე ემართება იმ ადამიანს, ვისაც სულიერი მოძღვარი არ გააჩნია. მტრების გარემოცვაში ის სწრაფად ხმება. ფოთოლი, ჯერ მწვენეა, სუფთა, თვალისთვის სასიამოვნოა, თანდათან ხმობას იწყებს, იფიტება, საბოლოოდ კი ზიზღს იწვევს და ფეხქვეშ ითელება. ასევეა უწინამძღვრო და უყურადღებოდ მიტოვებული ადამიანი. დასაწყისში ის მარხვის, მემყუდროების, მღვიძარების, მდუმარების, მორჩილებისა და სხვა სათნოებებისადმი დიდ მოშურნეობას იჩენს; შემდეგ ეს დამოკიდებულება ქრება და პიროვნება ნელ-ნელა, თითქმის შეუმჩნევლად მიილევა, ბოლოს და ბოლოს მას მტრები ეუფლებიან და, რაც მოესურვებათ მის მიმართ, იმას გააკეთებენ".

[marine]

"მოდით ჩვენი თავი პირველებმა ჩვენვე დავადანაშაულოთ, პატივცემულად საკუთარი თავი კი არა, სულიერი წინამძღვარი მივიჩნიოთ, სამღვდელოების მიმართ პატივისცემა გამოვავლინოთ"

[marine]

"სულიერი მოძღვრის შერჩევისას ნუ აჩქარდები, რამეთუ ის ერთადერთია:

შეარჩიე სულიერი მკურნალი,
დარწმუნდი, რომ თვითმარქვია არ არის".

[marine]

"გამოცდილი მოძღვარი უფალთან მიგიყვანს, გამოუცდელი მოძღვარი კი - ჩიხში შეგიყვანს"

[marine]

"გამოცდილი ექიმის მოძებნისათვის - ხალხის მადლიერი იყავი, ხოლო სულიერი მკურნალისათვის მადლობა უფალს მიაგე"

[marine]

"მიწიერი მკურნალისათვის მოთმინებას მოუხმე, სულიერი მკურნალისათვის კი - გონიერებას"

[marine]

"თუ ხორციელი მამის წინააღმდეგ მომქმედი იქ, სადაც ღვთის კანონი არ კრძალავს, სიკვდილით ისჯება, განა არ განდევნის ღვთის სულს და არ დაღუპავს ის, ვინც სულიერი მამის წინააღმდეგ გამოვა? ამიტომ რჩევისათვის ყოველთვის შენ სულიერ მამას მიმართე და დაემორჩილე მას, მაშინ გადაირჩენ სულს და შეიძენ მარადიულ, უხრწნელ მადლს".

/მღვდელმთავარი გრიგოლ პალამა/

[marine]

"ლიტურგიის დროს მღვდელი - ესაა პიროვნება ქრისტეს ნაცვლად. ვინც განიცდის პატივისცემასა და მოწიწებას მღვდლისადმი, ის პატივს მიაგებს ქრისტეს და მას სცემს თაყვანს, ხოლო ვინც უარყოფს მღვდელს, ის უარყოფს ქრისტეს"

[marine]

"ღირსეული მღვდელი ყოველთვის უფლისთვის სასიამოვნო შუამავალია და უფალი ისმენს მისას"

[marine]

"მღვდელმა ჭამოს იმდენი, რამდენიც საჭიროა სიცოცხლისათვის. მისი კვება და საკუთარ თავთან მიმართება იყოს ისეთი სუფთა და ფხიზელი, რომ ძილის დროსაც კი ჩვენმა მოწინააღმდეგე მტერმა ვერ შეძლოს მისი მოწყვლა მისივე ხორცით, ანუ ხორციელი სიტკბოებით. იმიტომ, რომ მღვდელი, რომელიც მოაკვდინებს თავის ხორცსა და ვნებებს, ყოველთვის ღირსია მღვდელმოქმედებისა და მღვდელმოქმედებით ყოველთვის გრძნობს და ცხადად ესმის საღვთო ლიტურგია. თუმცა, პირველ ყოვლისა, მღვდელი უნდა იყოს დიდად თავმდაბალი და ყველაფერი, რასაც მიაღწია, განუკუთვნოს ქრისტეს მადლს, თავად ქრისტეს მოქმედებას, და არა თავის წარმატებას, ვინაიდან ნათქვამია: "უჩემოდ არაფრის ქმნა არ შეგიძლიათ".

[marine]

"ხშირად სატანა შურით აცდუნებს მღვდელს ძილში სხვადასხვა ჩვენებით, რათა იმ დღეს შეეწინააღმდეგოს მას საღვთო ლიტურგიის შესრულებაში. ვინაიდან წმინდა მღვდლის მსახურება ძლიერ წვავს სატანის მოქმედებებს. სატანა მოუთმენლად ელოდება მის ცდუნებას. მღვდელმა კი იმისათვის, რომ სრულიად გაიმარჯვოს ამ სატანისეულ ცდუნებაზე. იმარხულოს მთელი თავისი ცხოვრების განმავლობაში და არასდროს გაიხსნილოს მარხვა. და არა მხოლოდ ეს აღასრულოს, რათა სული განიწმინდოს ბუნებრივი უწმინდურებისგან, რომელიც მასშია, არამედ მისი აზრი და გულიც უწყვეტად განისწავლებოდეს გონისმიერ და გულისმიერ ლოცვაში. როგორც უწყვეტად მოძრაობს საათი, იმისათვის, რომ დრო სწორად აჩვენოს, ასევე უწყვეტად უნდა წარიმართებოდეს ლოცვაც"

[marine]

"როგორც ცხვრებს შეჭამენ მგლები მწყემსისა და ძაღლების გარეშე (ან სხვა მხეცები) ისე ქრისტეს სიტყვიერი ცხვრები, ანუ ქრისტიანები, სასულიერო პირთა და უფლის მეგობართა ლოცვის გარეშე დემონთა ნადავლი და მსხვერპლი ხდებიან"

[marine]

"ანგელოზები ელვასავით ბრწყინავენ. ასევე, ღირსეული მღვდლების გარეგნობაც სინათლის მსგავსად ბრწყინავს. ცეცხლოვანი ალი - ესაა ანგელოზების არსი. სულში უფლის ღირსეული მსახურებიც ცეცხლის ალი არიან, როგორც წერია: "რომელმან შეჰქმნა ანგელოზნი თვისნი ქარებად, მსახურნი თვისნი - ალად ცეცხლისა". ანგელოზებით არის გარეშემორტყმული უფლის ტახტი და ისინიც აღასრულებენ საღვთო საქმეს. მხოლოდ იმით ჩამორჩებიან ანგელოზებს, რომ მოკვდავი სხეულით არიან შემოსილნი, რომელსაც მალე დატოვებენ. თითოეული ქრისტიანის მფარველი ანგელოზები ევედრებიან ღმერთს იმ სულებისთვის, რომლებიც ჩაბარებული ჰყავთ მათვე დასაცავად. ღირსეული მღვდლებიც ლოცულობენ არა ერთი სულისათვის, არამედ ყოველი ქრისტიანისთვის.

მღვდლობას (როგორც ზემოთ უკვე აღვნიშნეთ) თან უნდა ახლდეს მარხვა, მას კი - გონისმიერი და გულისმიერი ლოცვა. თუკი მღვდელი ყოველთვის მარხულობს და უწყვეტად ლოცულობს შინაგანად, მაშინ, მღვდელმოქმედებისას, მართლაც გრძნობს თავის თავში უფლის მადლს, მაშინ გრძნობს გარკვეულ სულიერ ნიშნებს ზეციური სასუფევლისა; მაშინ იხსნება მის გულში გონისმიერი ფანჯარა, რომელშიც, როგორც სარკეში (მაგრამ წამის გაელვებაში) ჭვრეტს უფლის საიდუმლოს, რომელიც მდებარეობს ზეცაში, რის შედეგადაც, უფლის საიდუმლოებანი, რომლებიც სხვა ადამიანებისთვის იდუმალი, უხილავი და საიდუმლოა, მისი გულისმიერი თვალისათვის არ არის იდუმალი, უხილავი და საიდუმლო, არამედ ხდება ხილული და ცნობილი. მაშასადამე, ამიერიდან მისი გონება დატყვევებულია იქ, ზეციურსი და მიჯაჭვულია მას, ვინც გამოეცხადა შინაგანი ადამიანის მთელი ძალით".

[marine]

"როდესაც წმინდა მღვდელი ლიტურგიას იწყებს, მისი გული სიხარულით კრთება, რადგან გრძნობს, ვინ უნდა მიიღოს. როდესაც იგი შეიმოსება, მისი გული ერთგვარი სიტკბოების მდინარე ხდება, რადგან მისგან გამოედინება ძალიან იდუმალი, ძვირფასი, პატიოსანი და ტკბილი, რასაც ვიღაცამ "სიხარულის ზეთი" უწოდა და საკმაოდ ზუსტადაც. ამ წმინდა მღვდლის გული შიგნიდან (ანუ შინაგანი ადამიანი) რაღაც ბრძნული სახით, ხორციელად იპოხება "სიხარულის ზეთით".

[marine]

"მოძღვარი შენი სურვილით უნდა აირჩიო და უნდა დაემორჩილო. თუ მოძღვარი რაიმე არამართლმადიდებლურს გასწავლის, განერიდე, როგორც მტერსა და როგორც ბოროტს"

/ღირსი გაბრიელი, აღმსარებელი და სალოსი/

[marine]

"თუ მოძღვარი შინაგანად ცარიელია და არა აქვს ღმერთთან მადლისმიერი კავშირი, ვერ მრევლს მისცემს სულიერ სარგებელს"

/სქემმღვდელმონაზონი საბა (ნატროშვილი)/

[marine]

"თუ ადამიანს მღვდლობა სურს და რაღაც ერულ მიზნებს არ ისახავს, ქრისტე შეეწევა მას ყოველგვარი საფრთხის ჟამს, მაგრამ, საერთოდ (სულიერი კანონით) შენ უნდა გაძალებდნენ მღვდლობას, ეს სხვებს უნდა უნდოდეთ, ეს უნდა უნდოდეს ეკლესიას. მაშინ დაგიფარავს შენ ქრისტე და თუ რთულ ვითარებაში აღმოჩნდები, შენს დასაცავად სხვა ადგება და ქრისტეც შეგეწევა შენ.

რა თქმა უნდა, ძალიან იშვიათობაა და ძალიან ცოტაა ისეთი, ვინც რაღაც არასულიერი ანგარიშის მიხედვით ხდება მღვდელი; მე ასეთებზე არც კი ვლაპარაკობ. უმრავლესობა მღვდლობას კეთილი განზრახვით იწყებს. მერე კი ეშმაკი ამოქმედდება ხოლმე და ხედავ, როგორ წრამოჩინდება მოძღვარში დიდებისმოყვარება, ვნებიანი სურვილი, რომ კიდევ უფრო მაღალი ხარისხი მიიღოს და ყველაფერი ავიწყდება. ზოგიერთი იქამდეც მიდის, რომ ჩარევს ხალხს, ნაცნობებს, შუამდგომლებს, რომ ტაძრის წინამძღვრად დაინიშნოს, ეპისკოპოსად გამოირჩიონ, რაიმე საეკლესიო თანამდებობა მიიღოს. იწყებენ ქრისტესთვის და ამთავრებენ ოქროს ჯვრისათვის... ოქროს ჯვრები, ოქროს მიტრები, ბრილიანტის პანაღეა... ყველაფერი, რაც გნებავთ, იმის გარდა, რაც ნამდვილად აუცილებელია. როგორ გვატყუებს ეშმაკი, თუ ყურადღება მოვადუნეთ!"

/ღირსი პაისი ათონელი/

[marine]

"მღვდლები ანგელოზებზე მაღლა დგანან. საღმრთო ევქარისტიის საიდუმლოს აღსრულებისას ანგელოზები სახეს იფარავენ მაშინ, როცა მღვდელი საიდუმლოს აღასრულებს"

/ღირსი პაისი ათონელი/