სულიწმიდის შესახებ პარამეტრები

[marine]

"მას, ვინც სული წმინდისგან არის დატყვევებული, არ შესწევს უნარი ვინმე შეიძულოს"

/წმ. პორფირი კავსოკალიველი/

[marine]

"ღვთის ან მოყვასის მიმართ უმცირესი დრტვინვაც კი განდევნის სულიწმიდას"

/წმ. პორფირი კავსოკალიველი/

[marine]

"სულიწმინდა ყველგან აღწევს. ამიტომ მას, ვინც სულიწმინდის მიერ არის განმსჭვალული, აქვს ღვთის ცოდნა. უწყის წარსულიც, აწმყოც და მომავალიც. მას ამას სულიწმინდა უცხადებს"

/წმ. პორფირი კავსოკალიველი/

[marine]

"ის, ვინც სულიწმიდით ცხოვრობს, მის ნაყოფებსაც ატარებს საკუთარ თავში"

/ლიმასოლის მიტროპოლიტი ათანასე/

[marine]

"გარდამოვიდა სულიწმიდა და მყოფობს იგი ეკლესიაში, იგი თითოეულ ადამიანში, თითოეულ მორწმუნეში ქრისტეს საქმეს აღასრულებს. ყოველი ქრისტიანი მონაწილეა სულიწმიდისა. ეს ყოველივე იმდენად აუცილებელი რამ არის, რომ თუკი ვინმე არ ფლობს სულს, ის არცაა ქრისტიანი"

/წმ. თეოფანე დაყუდებული/

[marine]

"სწორედ სული წმინდა ლოცულობს ჩვენში, სული წმინდა გვასწავლის სულიერ ღვაწლს, შეგვეწევა და გვანიჭებს ძალას საღვთო მცნებების აღსასრულებლად, ხორციელი თუ სულიერი მოწყალებითი საქმეების შესასრულებლად, ღმერთთან შესაერთებლად, განსაღმრთობელად, ცათა სასუფევლის მოსაპოვებლად. მან, როგორც ხატოვნად ამბობს სილუან ათონელი, ისე მორთო ადამიანი, იმდენი რამ უბოძა, რომ შესაძლებლობა მისცა, უფალს დაემსგავსოს"

/აკაკი მინდიაშვილი/

[marine]

"როდესაც, ჩემო საყვარელო მამებო, ეს მოგივათ, ანუ როდესაც იგრძნობთ სულიწმიდის სიახლოვეს და მისი თქვენთან ყოფნის აუცილებლობას - ჩვენ ხომ ჯერ არ მიგვიღწევია მისი მოხვეჭისთვის - მაშინ ვნახეთ, რომ გული ბევრად უფრო გამალებით გვიძგერს"

/არქიმანდრიტი ემილიანე (ვაფიდისი)/

[marine]

"რატომ ეწოდება სულიწმიდას ცხოველმყოფელი? - ცხოველი ძველქართულად ცოცხალს ნიშნავს. სულიწმიდა კი იწოდება ცხოველმყოფელად, რადგან ქმნადობა მისი ჰიპოსტასური თვისებაა, ის განახორციელებს - სიცოცხლეს ანიჭებს ყოველივეს დედამიწაზე. ყოველივე კეთილს, რასაც ადამიანი იქმს, სულიწმიდის მადლით იქმს. წმინდა მამები ბრძანებენ, როგორც კრუხი ჩეკს წიწილებს, ასევე გამოიღო სულიწმიდის მადლმა ყოველივე ქაოსიდანო"

/არქიმანდრიტი მაკარი აბესაძე/

[marine]

"სულიწმიდა ღმერთი, როგორც მასწავლებელი, თითოეულ ჩვენგანთან არის. იგი გვასწავლის ყველაფერს, რაც ქრისტემ თავის მოწაფეებს ამცნო. იგი გვიხსნის ქრისტეს სიტყვებს, რაც ჩაწერილია წმიდა წერილში და თითოეულ ჩვენგანს ასწავლის, როგორ ილოცოს, ღმერთი როგორ ეძებოს, როგორ მიბაძოს, როგორ მიემსგავსოს მას.

თითოეულ ჩვენგანთან არის სულიწმიდა ღმერთი. ის გვაძლევს ღმრთაებრივ ენერგიას, რომლის შეძენით შევძლებთ ფეხდაფეხ გავყვეთ სულიწმიდა ღმერთს ჩვენს განღმრთობაში, ქრისტესადმი მიმსგავსებაში"

/დეკ. თეოდორე გიგნაძე/

[marine]

"სულიწმიდა ღმერთი, როგორც მასწავლებელი, თითოეულ ჩვენგანთან არის. იგი გვასწავლის ყველაფერს, რაც ქრისტემ თავის მოწაფეებს ამცნო. იგი გვიხსნის ქრისტეს სიტყვებს, რაც ჩაწერილია წმიდა წერილში და თითოეულ ჩვენგანს ასწავლის, როგორ ილოცოს, ღმერთი როგორ ეძებოს, როგორ მიბაძოს, როგორ მიემსგავსოს მას.

თითოეულ ჩვენგანთან არის სულიწმიდა ღმერთი. ის გვაძლევს ღმრთაებრივ ენერგიას, რომლის შეძენით შევძლებთ ფეხდაფეხ გავყვეთ სულიწმიდა ღმერთს ჩვენს განღმრთობაში, ქრისტესადმი მიმსგავსებაში"

/დეკ. თეოდორე გიგნაძე/

[marine]

"საღმრთო მშვიდობას თან ახლავს ადამიანში სულწიმიდის აშკარა მყოფობა; იგი სულიწმიდის მოქმედებაა, ნაყოფია"

/წმინდა მღვდელმთავარი ეგნატე ბრიანჩანინოვი/

[marine]

"ვინც აქ განსვენებას ეძებს [სამოღვაწეო საქმეთაგან], მასში სულიწმიდა ვერ დაივანებს"

/ოპტინელი ბერ-მოძღვრები/

[marine]

"ცოდვაც სულიწმიდას იზიდავს ადამიანში! მას ცოდვა იზიდავს, რომელიც არ არის განხორციელებული ჩადენით, მაგრამ დანახულია, აღიარებულია, დატირებულია! რაც უფრო მეტად აკვირდება ადამიანი თავის ცოდვას, რაც უფრო მეტად გლოვობს საკუთარ თავზე, მით უფრო სასიამოვნო, მით უფრო მისაწვდომია იგი სულიწმიდისთვის, რომელიც, როგორც ექიმი, მიდის მხოლოდ მათთან, ვინც საკუთარ თავს ავადმყოფად აღიარებს; და პირიქით, ზურგს აქცევს მათ, ვინც "მდიდარნი" არიან თაიანთ თავზე ამაო, დიდი წარმოდგენით. შეხედე და დააკვირდი შენს ცოდვას! თვალს ნუ მოაცილებ! უარყავი საკუთარი თავი, ნუ შერაცხავ შენს თავს "უპატიოსნეს სულისა" შენისა. თავი სავსებით მიეცი შენი ცოდვის ხედვას, მის გლოვას! მაშინ თავის დროზე დაინახავ შენს ხელახლა შექმნას სულიწმიდის მიუწვდომელი და მით უმეტეს აუხსნელი მოქმედებით. ის მოვა შენთან, როცა არ ელი და იმოქმედებს შენში, როცა აღიარებს, რომ მისი სრულიად უღირსი ხარ!"

/წმინდა მღვდელმთავარი ეგნატე ბრიანჩანინოვი/

[marine]

"სულიწმიდა მოვა და დაემკვიდრება ჩვენში, როდესაც ღირსეულებს გვიპოვის"

/წმ. პორფირი კავსოკალიველი/

[marine]

"ღვთის ან მოყვასის მიმართ უმცირესი დრტვინვაც კი განდევნის სულიწმიდას"

/წმ. პორფირი კავსოკალიველი/

[marine]

"სიყვარულის მიღწევის ერთადერთი ჭეშმარიტი ნიშანი, რომელიც თავად სულიწმიდამ მოგვცა, არის ჩვენში სულიწმიდის აშკარა მყოფობა. ვინც სულიწმიდის ტაძარი არ გამხდარა, თავს ნუ ეპირფერება, თავს ნუ იტყუებს: იგი სიყვარულის სავანე ვერ იქნება, იგი სიყვარულისთვის უცხოა. ჩვენს გულებში სიყვარული სულიწმიდასთან ერთად იღვრება. სიყვარული მისი თვისებაა. ვისზეც გადმოდის სულიწმიდა, მასში ჩნდება მისი თვისება - სიყვარული"

/წმინდა მღვდელმთავარი ეგნატე ბრიანჩანინოვი/

[marine]

"სულიწმიდა მოქმედებს იქ, სადაც საიდუმლოება აღრესრულება და ყველა, ვინც ლიტურგიაზე გულით დგას, ან ცდილობს, რომ გულით იდგეს, ამ საიდუმლოების თანამონაწილეა.

ტაძარი ის სივრცეა, სადაც სულიწმიდა მოქმედებს და მისი მადლითაა განმსჭვალული"

/მიტროპოლიტი ათანასე ლიმასოლელი/

[marine]

"სულიწმიდას უფალი ეწოდება იმის გამო, რომ ის არის ჭეშმარიტი ღმერთი, როგორც მამა ღმერთი და ძე ღმერთი. ის არის ცხოველსმყოფელი, რადგან მამა ღმერთთან და ძე ღმერთთან ერთად, სიცოცხლეს ანიჭებს ყოველ ქმნილებას, განსაკუთრებით სულიერ სიცოცხლეს ანიჭებს ადამიანებს. მაშასადამე, ის არის ყოვლის შემოქმედი, როგორც მამა ღმერთი და ძე ღმერთი"

[marine]

"მაცხოვრის სიტყვები: "სული ჭეშმარიტებისაი, რომელი მამისაგან გამოვალს". სულიწმიდის თვისებაზე მიუთითებს, რაც მას მამა ღმერთისა და ძისაგან განასხვავებს. სულიწმიდის ეს განმასხვავებელი თვისებაა გამომავლობა, ისევე როგორც ძისთვის დამახასიათებელია შობილობა. ამ თვისებათა არსი და მათ შორის განსხვავება ჩვენი გონებისთვის მიუწვდომელია და ამიტომ მხოლოდ რწმენით მიიღება"

[marine]

"სულიწმიდა ძველ აღთქმაშიც ცხადდებოდა მართლებთან, წინასწარმეტყველთა პირითაც ღაღადებდა, მაგრამ ეს ჯერ კიდევ არ იყო ის ქრისტიანული მეორედ შობა ადამიანისა, რომლის ღირსიც იგი ღვთის განდიდების შემდეგ შეიქმნა. ასე რომ, მხოლოდ ღვთის ადამიანური ბუნების განდიდების შემდეგ გაცხადდა ამქვეყნად სულიწმიდის მადლმოსილი ქმედება. ეს იმიტომ რომ, როგორც წმიდა იოანე ოქროპირი აღნიშნავს, (ღვთის განდიდებამდე) "ჩვენ ვიყავით მტრები და ცოდვილნი... მადლი კი არის მოწმობა შერიგებისა... ამიტომ საჭირო იყო ჯერ მსხვერპლშეწირვა (ღვთის ძის მიერ) ჩვენთვის და მხოლოდ ამის შემდეგ მივიღებდით ამ მადლს"