აპოკალიფსი პარამეტრები

[ბექა]

არცთუ იშვიათად ამბობენ, რომ ბოლო ჟამია..ანტიქრისტეს მოსვლის დროა... მე მგონია ამით ადამიანები თავს იიმედებენ,რომ რაღაცით გამორჩეულ და გნსაკუთრებულ ხანაში ცხოვრობენ...ანტიქტისტესაც იხილავენ და შემდეგ მაცხოვარსაც... დედამიწაზე კი ცხოვრება მიედინება...ჩვენ წავალთ(ყოველდღიურად რამდენი ადამიანი გარდაიცვლება...)...სხვები მოვლენ...მერე კიდევ იმათ შემდეგ თაობა...და ასე შემდეგ... გარდაცვალების შემდეგ ყოველი ადამიანის სული-რაც ღმერთისგან ებოძა სხეულს ისევ ღმერთს დაუბრუნდება, ღვთის წინაშე წარსდგება... არ მესმის,რატომ უნდა ვიფიქრო ანტიქრისტეს მოსვლაზე, ან იმაზე რომ ეს თვალხილული სამყარო დაიღუპება?

ვაა შენ რა მაგარი ხარ საღოლ

[Floyd]

ბექა.შუხოშვილი†

ვაა შენ რა მაგარი ხარ საღოლ

[ქავთარაძე]

ennka
ენერგია დახარჯე და ნუ ფიქრობ ბევრს . წმინდა მამანი რას შთაგვაგონებენ?

[Floyd]

ქავთარაძე

წმინდა მამანი რას შთაგვაგონებენ?

რას შთაგვაგონებენ?

[ქავთარაძე]

Floyd
მოვაო მოვა ის უხსენებელიო

ძმაკაცმა თქვა ისეთ მდგომარეობაში მყოფმა შენ რომ გახასიათებდა ადრე ზურ
იაღოვა შთაგვაგონებს პური ამოიტანეო (არ მცემოთ, ვიცი იაღოვა რასაც ნიშნავს.)

[კანონისტი]

ennka

არ მესმის,რატომ უნდა ვიფიქრო ანტიქრისტეს მოსვლაზე, ან იმაზე რომ ეს თვალხილული სამყარო დაიღუპება?

იმიტომ უნდა იფიქრო, რომ ნიკეა-კონსტანტინოპოლის კრებაზე მიღებულ სარწმუნოების სიმბოლოში მართლმადიდებლები ვაღიარებთ, რომ უფალი იესო ქრისტე "კუალად მომავალ არს დიდებით განსჯად ცხოველთა და მკვდართა, რომლისა სუფევისა არა არს დასასრულ", აგრეთვე ვამბობთ, რომ "მოველი აღდგომასა მკვდრეთით და ცხოვრებასა მერმისსა მის საუკუნესასა"

აი, ამიტომ უნდა იფიქრო......

[ლეონტი]

არ მესმის,რატომ უნდა ვიფიქრო ანტიქრისტეს მოსვლაზე, ან იმაზე რომ ეს თვალხილული სამყარო დაიღუპება?

იმიტომ რომ თავად უფალმა გვიბრძანა რომ ვიფხიზლოთ, რადგან ამ ქვეყნის აღსასრული ყოველ წამს, მაშინ როცა არავიან არ ელოდება , შეიძლება მოვიდეს.

[გიორგი]

გამოცხადებაჲ იოვანესი
თავი 8
1. და მეხუთემან ანგელოზმან დასცა საყჳრსა, და ვიხილე ვარსკულავი, რომელი გარდამოვარდა ზეცით ქუეყანად, და მიეცა მას კლიტე ჯურღმულისა მის უფსკრულისაჲ. 2. და აღჴდა კუამლი ჯურღმულისა მისგან, ვითარცა კუამლი ცეცხლისა მოტყინარისაჲ, და დაბნელდა მზე და ჰაერი კუამლისა მისგან ჯურღმულისა.


NASA უკვე კარგახანია ავრცელებს ინფორმაციას, რომ დედამიწას ემუქრება ძალიან სერიოზული კოსმოსური საფრთხე. ეს არის ასტეროიდი “Apophis – 99942”, მისი ძველი სახელწოდებაა “2004 MN4”. არსებული ინფორმაციის საფუძველზე ასტეროიდი “Apophis – 99942” დედამიწას ძალიან მოუახლოვდება 2029 წელს, ის დედამიწას უფრო ახლო მანძილზე ჩაუვლის ვიდრე გეოსტატიკური ხელოვნური თანამგზავრები მოძრაობენ (36 000 კმ), ასეთი ზომის კოსმოსური სხეულის მოახლოებამ შესაძლოა გამოიწვიოს ტელე-საკომუნიკაციო თანამგზავრების დაზიანება, ორბიტიდან გადაგდება ან დამსხვრევა; მაგრამ მთავარი საშიშროება ეს სულაც არაა; ამ მოახლოების დროს იგი შესაძლოა მოხვდეს დედამიწის ე.წ. "გრავიტაციული ზღვარის" რამდენიმე ასეულ მეტრიან დიაპაზონში (400-600 მ), რაც გამოიწვევს ასტეროიდისა და დედამიწის ორბიტის რეზონანსს და მაშინ უკვე ასტეროიდი შემდეგი გარემოქცევის დროს კურსს აიღებს დედამიწისკენ და კოსმოსური კატასტროფა გარდაუვალი იქნება 2036 წლის 13 აპრილისათვის. (ეს არის ასტეროიდ “Apophis – 99942” უდიდესი მოახლოების და სავარაუდო შეჯახების თარიღი)

რამდენად რეალურია შეჯახების ალბათობა? რა პარამეტრები გააჩნია ასტეროიდს და რა მაშტაბების კატასტროფას გამოიწვევს? აი ასეთი კითხვები გამიჩნდა ზემოთ დაწერილი ინფორმაციის გამოკვლევის შემდეგ . . . ამისთვის მიგითითებთ NASA-ს ოფიციალური საინფორმაციო გვერდის ბმულს, რომელსაც ყოველდღიურად ანახლებენ:
http://neo.jpl.nasa.gov/risk/a99942.html, სადაც დღევანდელ გვერდზე წერია:

Impact Probability
The probability that the tabulated impact will occur. The probability computation is complex and depends on a number of assumptions that are difficult to verify. For these reasons the stated probability can easily be inaccurate by a factor of a few, and occasionally by a factor of ten or more.

ვინაც ინგლისური არ იცის:
"შეჯახების ალბათობა
ცხრილში ნაჩვენები ალბათობის მიხედვით შეჯახება მოხდება. ალბათობის გამოთვლა კომპლექსურია და დამოკიდებულია მრავალ დაშვებებზე, რომლის განსაზღვრაც ძნელია. ამ მიზეზების და გამო მოხსენებული ალბათობა შესაძლოა იყოს არა ზუსტი რამდენიმე, ხშირად ათი ან მეტი ფაქტორის გამო"

აქედან ვასკვნი, რომ შეუძლებელია იმის მტკიცება, რომ კოსმოსურ კატასტროფას გადავრჩებით, უფრო მეტიც საფრთხე საკმაოდ რეალური ჩანს იმის გათვალისწინებითაც, რომ შესაძლოა ბევრ რამეს მალავდნენ, რომ ხალხში პანიკა არ დაიწყოს. არადა უკვე პრიზებიც არის დაწესებული ვინც ეფექტურ პროექტს წარადგენს კოსმოსური კატასტროფისგან თავდაცვის მიზნით. (ჯერ ლაპარაკია 50 000 $)

ამავე გვერდზე ამოვიკითხე სხვა შემზარავი მასშტაბები . . . შეჯახების სავარაუდო სიჩქარე იქნება 12.59 კმ/წმ, რაც აღემატება II კოსმოსურ სიჩქარეს და შეადგენს 45 000 კმ/სთ ანუ ჰიპერბგერითია. აფეთქების ძალა იქნება 400 მეგატონა ტროტილის ექვივალენტის ანუ დაახლოებით 8-ჯერ უფრო ძლიერი ვიდრე საბჭოთა კავშირის მიერ გამოცდილი მსოფლიოში უდიდესი თერმობირთვული (წყალბადის) ბომბი. ასტეროიდის ზომა სხვადასხვა ინფორმაციით სხვადსხვაა 250-დან 400 მეტრამდე მერყეობს, მაგრამ ყველაზე საგანგაშო ფრაზა ისევ NASA-ს ზემოდხსენებულ გვერდზე წერია: "Uncertainty in this value is dominated by mass uncertainty", ქართულად: "მნიშვნელობის გაურკვევლობა ძირითადად განპირობებულია მასის გაურკვევლობით", ყოველი შემდგომი გამოკვლევა სულ უფრო დიდ ზომას და მასას ასახელებს, არადა დიამეტრი მესამე ხარისხით არის მასასთან და აფეთქების ძალასთან დამოკიდებული, ანუ თუ ზომით გამოდგა 1 კმ, ანუ 4-ჯერ დიდი საწყის მონაცემებზე (250მ), მაშინ აფეთქების ძალა იქნება 4X4X4=64-ჯერ მეტი, ანუ უდიდეს თერმობირთვულ ბომბზე (გაცილებით ძლიერია ვიდრე ატომური ბომბი)არა 8-ჯერ, არამედ 512-ჯერ უფრო ძლიერი . . . თუ ასეთი ასტეროიდი ოკეანეში ჩავარდა, მაშინ წარმოიქმნებბა ზებგერითი ცუნამი, რამდენიმე ასეულ მეტრიანი ტალღებით, რომლის სიჩქარე დაახლოებით 1500კმ/სთ იქნება ანუ ორჯერ სწრაფი რეაქტიული სამგზავრო თვითმფრინავის სიჩქარეზე . . .

მაგრამ ხმელეთზე დაცემის შემთხვევაში წარმოიქმნება უზარმაზარი კრატერი (გიგანტური ორმო, კილომეტრების ზომის), იქიდან ამოყრილი მიწის მტვერი და გავარვარებული (+3000 K) ბურთისებრი ცეცხლოვანი მასა მიმოიფანტება თითქმის მთელს დედამიწაზე, ატმოსფეროში აჭრილი კვამლი დაფარავს მზეს და მოსპობს ჰაერს . . .

საოცარი მსგავსება დავინახე მოსალოდნელი კატასტროფასა და იოანეს გამოცადებებში აღწერილ წინასწარმეტყველებას შორის, რომელსაც, როგორც ვიცით ჰქონდა ხილვითი ანუ ვიზუალური სახე (იოანეს ჰქონდა უფლის ხილვები კუნძულ პატმოსზე და ღმერთმა დაანახა მას მრავალი რამ რაც უნდა მოხდეს დედამიწაზე ქვეყნის აღსასრულამდე) და ყოველივე ძალიან წააგავს წარსულიდან დანახული კატასტროფის თანამედროვე სურათს, რომელიც იოანემ დაინახა უფლისმიერი ხილვის დროს.

ბოლოს დავდებ ბმულს, სადაც ვიდეო სიმულაციაზე ნაჩვენებია დედამიწის, რამოდენიმე პლანეტის და ასტეროიდ “Apophis – 99942” მოძრაობა, აგრეთვე ვიზუალური ეფექტი თუ რა ახლოს ჩაუვლის ეს ასტეროიდი დედამიწას 2029 წელს . . .
http://www.youtube.com/watch?v=2_BBk2hlmMw

ყველას ვთხოვ დაწეროს თავისი აზრი და კომენტარი ყოველივე ამის შესახებ

[კანონისტი]

_გიორგი_

მართლაც დამაფიქრებელია

შეადარეთ მათეს სახარების თავი 24, მუხ. 29-30

და მაშინვე, იმ დღეების გაჭირვების შემდეგ, მზე დაბნელდება, და მთვარე არ გამოსცემს თავის ნათელს, და ვარსკვლავები ჩამოცვივდება ზეციდან, და ცათა ძალები შეიძვრება.

და მაშინ გამოჩნდება ნიშანი ძისა კაცისა ცაზე, და მაშინ მოჰყვებიან გოდებას ყოველი ტომი ქვეყნისა და იხილავენ ძეს კაცისას, მომავალს ცის ღრუბლებზე მრავალი ძალითა და დიდებით.

[მაკუნა]

[b]გამოცხადებაჲ იოვანესი
თავი 8

მაგრამ ხმელეთზე დაცემის შემთხვევაში წარმოიქმნება უზარმაზარი კრატერი (გიგანტური ორმო, კილომეტრების ზომის), იქიდან ამოყრილი მიწის მტვერი და გავარვარებული (+3000 K) ბურთისებრი ცეცხლოვანი მასა მიმოიფანტება თითქმის მთელს დედამიწაზე, ატმოსფეროში აჭრილი კვამლი დაფარავს მზეს და მოსპობს ჰაერს . . .

ყველას ვთხოვ დაწეროს თავისი აზრი და კომენტარი ყოველივე ამის შესახებ

[Floyd]

მეორედ მოსვლა იქნება

[მაგდალინა]

ჰოო, მართლაც დამაფიქრებელია ესოდენ შემზარავი ფაქტი. მაგრამ, თუ უფლის ნება არაა დედამიწის ასტეროიდით განადგურება, სულ რაღაც 1მმ-თაც რომ მოუახლოვდეს და ჩაგვიქროლოს, ტრაექტორიას შეიცვლის და არაფერი მოხდება ანუ მაგ სახით არ განადგურდება ჩვენი პლანეტა (ნუ 1მმ პირობითად ავიღე). მაგრამ თუ ღვთის ნებაა, ბევრიც რომ ვეცადოთ (ან რა სახით და როგორ უნდა ვეცადოთ???!), აღარაფერი გვეშველება.
ასე რომ, რაც უნდა დიდი დისკუსიები გავმართოთ ამ თემაზე... პასუხს ვერ მივიღებთ, ვინაიდან არ ვიცით უფლის ნება როგორია...

[კანონისტი]

magdalina

განადგურებით 1 კმ დიამეტრის ასტეროიდი დედამიწას ვერ გაანადგურებს, მაგრამ საშინელი შიმშილობა, გაუსაძლისი ყოფა, მსოფლიო ოკეანის დონის აწევა და ა.შ. ნამდვილად შეიძლება გამოიწვიოს

[მხევალი ნინო]

კანონისტი

განადგურებით 1 კმ დიამეტრის ასტეროიდი დედამიწას ვერ გაანადგურებს, მაგრამ საშინელი შიმშილობა, გაუსაძლისი ყოფა, მსოფლიო ოკეანის დონის აწევა და ა.შ. ნამდვილად შეიძლება გამოიწვიოს

ნუ მაშინებთ თუ შეიძლებოდეს


ერთი ასტოროიდი მსოფილოში ასეთ ცვლილებებს მგონი ვერ გამოიწვევს, ყოველ შემთხვევაში იმედი მაქვს.


მე ვფიქრობ, რომ ბევრი არ უნდა იფიქრო მეორედ მოსვლაზე, რა თქმა უნდა წარმოდგენა უნდა გქონდეს, რაღაც-რაღაცეები უნდა იცოდე მაგრამ დაშინება არ ღირს.

[კანონისტი]

მხევალი ნინო

ერთი ასტოროიდი მსოფილოში ასეთ ცვლილებებს მგონი ვერ გამოიწვევს, ყოველ შემთხვევაში იმედი მაქვს

სამწუხაროც ის არის, რომ გამოიწვევს

დაუკვირდი გიორგის მოყვანილ ციფრებს, რა საშინელი ენერგიის დაჯახებაზეა საუბარი. დარტყმა, რომელიც ზებგერით ცუნამს (!) გამოიწვევს, დამანგრეველი არ იქნება??

[ლეონტი]

ე.ი დავიწყოთ საკვების გადანახვა?

რა პროდუქტები ინახება ყველაზე დიდ ხანს?

ისე ნოსტრადამუსის წინასწარმეტყველება გამახსენდა ამ ატეროიდთან დაკავშირებით,მსოფლიოსი ეკოლოგიური კრიზისი და ომები იქნება და ეგ მოვლენა კი ყველაფერს ერთბაშად დაამძიმებსო.

[მაგდალინა]

ნუ განადგურება ცოტა ზედმეტი მომივიდა, მარგამ იგივე ეგ ფაქტები (შიმშილი, წყალდიდობა და ა. შ.) ეგეც ღვთის დაშვებით მოხდება, თუ მოსახდენია.

[გიორგი]

. . . ვისაც არ წაუკითხავს ჩემი პოსტი მოსალოდნელი კოსმოსური კატასტროფის შესახებ (#353) ვთხოვ, რომ წაიკითხოს და დაწეროს საკუთარი აზრი და კომენტარი ყოველივე ამის შესახებ.

[kato_Bato]

. . ვისაც არ წაუკითხავს ჩემი პოსტი მოსალოდნელი კოსმოსური კატასტროფის შესახებ (#353) ვთხოვ, რომ წაიკითხოს და დაწეროს საკუთარი აზრი და კომენტარი ყოველივე ამის შესახებ.

ასეთი სტიქიური უბედურებებისადმი შიში, მიწისვრებიანად და ქარიშხლებიანად სანამ თავისი სიცხადით თვალწინ არ დაუდგება ადამიანს , იქამდე სადღაც გონების მიღმა აქვს და "აიგნორებს" თითქოს, ჰგონია რომ "მერე" მაინც ყველაფერი კარგად იქნება, იმიტომ, რომ მომავალს ყოველთვის იმედის თვალით უყურებს.
სხვანაირად არ შეუძლია.

ახლა ერთს შეფუცხუნდება ყველა და მერე მიავიწყდებათ

ძალიან მეშინია მარა "ხვალემ იზრუნოს ხვალისა"

[ნათია]

საოცარი მსგავსება დავინახე მოსალოდნელი კატასტროფასა და იოანეს გამოცადებებში აღწერილ წინასწარმეტყველებას შორის, რომელსაც, როგორც ვიცით ჰქონდა ხილვითი ანუ ვიზუალური სახე (იოანეს ჰქონდა უფლის ხილვები კუნძულ პატმოსზე და ღმერთმა დაანახა მას მრავალი რამ რაც უნდა მოხდეს დედამიწაზე ქვეყნის აღსასრულამდე) და ყოველივე ძალიან წააგავს წარსულიდან დანახული კატასტროფის თანამედროვე სურათს, რომელიც იოანემ დაინახა უფლისმიერი ხილვის დროს.

[b]და მაშინვე, იმ დღეების გაჭირვების შემდეგ, მზე დაბნელდება, და მთვარე არ გამოსცემს თავის ნათელს, და ვარსკვლავები ჩამოცვივდება ზეციდან, და ცათა ძალები შეიძვრება.

და მაშინ გამოჩნდება ნიშანი ძისა კაცისა ცაზე, და მაშინ მოჰყვებიან გოდებას ყოველი ტომი ქვეყნისა და იხილავენ ძეს კაცისას, მომავალს ცის ღრუბლებზე მრავალი ძალითა და დიდებით.

აქედან გამომდინარე თუ ვიმსჯელებთ ეს ის პერიოდია როცა ანტიქრისტე იმეფებს და შემდე კი იქნება უფლის მოსვლა

magdalina

განადგურებით 1 კმ დიამეტრის ასტეროიდი დედამიწას ვერ გაანადგურებს, მაგრამ საშინელი შიმშილობა, გაუსაძლისი ყოფა, მსოფლიო ოკეანის დონის აწევა და ა.შ. ნამდვილად შეიძლება გამოიწვიოს

წმინდა მამებსაც აქვთ აღწერილი, გაუსაძლისი იქნება სიცოცხლეც კი, ადამიანები სიკვდილს ინატრებენო

ხო და ეს ანტიქრისტეს მეფობის პერიოდი იქნება