შიში და სიყვარული ღვთისა პარამეტრები

[marine]

"მაშ მოდით, გვეშინოდეს მხოლოდ ღმერთის და არა ადამიანების, რაგინდ ბოროტებიც არ უნდა იყვნენ ისინი. ღმერთის შიშI ყველაზე დიდ მშიშარასაც კი მამაცად აქცევს. რამდენადაც ადამიანი უერთდება ღმერთს, იმდენად მას არაფრის ეშინია. ღმერთი განსაცდელში დაგეხმარება. მაგრამ იმისათვის, რომ ღმერთმა მოგვცეს ღვთაებრივი ძალა, ადამიანმაც უნდა გაიღოს ის მცირედი, რისი გაღებაც მას შეუძლია"

/ღირსი პაისი ათონელი/

[marine]

"დაე, შიში ღმრთისა სძულდეს გულის სასწორზე დადებულ ყველა სხვა გრძნობას: მაშინ უფრო ადვილია საკუთარი თავის განხილვა - როგორც მყუდრო სენაკში, ისე იმ ხმაურშიც, ყოველი მხრიდან რომ გვაკრავს გარს"

/წმინდა მღვდელმთავარი ეგნატე ბრიანჩანინოვი/

[marine]

"მაგრამ საიდან იშვება შიში ღმრთისა? იქიდან, თუკი ვიფიქრებთ, რომ ღმერთი ყოველთვის არის და ყოველივეს ხედავს - არამარტო საქმეებს და სიტყვებს, არამედ ყველაფერს, რაც კი გულისა და სულის სიღრმეებში ხდება: "განმკითხველ გონებათა და ზრახვათა გულისათა". თუკი ასე წარვმართავთ საკუთარ თავს, ცუდს არც არაფერს ჩავიდენთ, არც ვიტყვით და არც გავიფიქრებთ. ამიტომ, რასაც არ უნდა აკეთებდე, გახსოვდეს, რომ ღმერთი ყოველგან არის - რამეთუ იგი მართლაც ყოველგან არის. და თუკი ეს აზრი მუდამ თან გახლავს, ყოველთვის შიშსა და ძრწოლას იგრძნობ, თითქოს თვით მეფის წინაშე იდგე"

/წმინდა მღვდელმთავარი ეგნატე ბრიანჩანინოვი/

[marine]

"სადაც შიშია, იქ შური არ არის, სადაც შიშია, იქ ვერცხლისმყოვარება ფეხს ვერ იკიდებს, სადაც შიშია, იქ მრისხანება დუმს, ბოროტი გულისთქმა ცხრება და ყოველგვარი უგუნური ვნება ითრგუნება. და როგორც ნიადაგ იარაღასხმული მეომრის სახლში ძნელად თუ გაბედავს გამოჩენას ქურდი ან ავაზაკი, ისევე, თუ ჩვენი სული შიშითაა მოცული, ვერც ერთი ბოროტი ვნება ვერ გაბედავს ჩვენთან მოახლოებას, და მხოლოდ ეს კი არა, შიშს სხვა, ბევრად უფრო მეტი სარგებლობა მოაქვს: იგი არა მარტო ბოროტ ვნებებს განაგდებს, არამედ თავისკენ იზიდავს სათნოებებს. სადაც ღმრთის შიშია, იქვეა მოწყალების გაცემაზე ზრუნვა, ლოცვაში გულმოდგინება, მხურვალე ცრემლი და გლოვა, რაც გულის შემუსრვილებას გამოხატავს. სხვა არაფერი სპობს ისე ადვილად ცოდვას და არაფერი უწყობს ხელს სათნოებების დანერგვას, როგორც შიში. ამიტომ, ვინც ამ შიშის გარეშე ცხოვრობს, იმისთვის შეუძლებელია ღმრთის წინაშე სათნო-ყოფა, ისევე როგორც ღმრთისმოშიშმა შეუძლებელია სცოდოს. შიში რომ სიკეთე არ იყოს, იესო ქრისტე არ იტყოდა ამდენს საუკუნო სასჯელსა და სატანჯველზე. შიში სხვა არაფერია, თუ არა კედელი, ზღუდე და აუღებელი ციხესიმაგრე, ჩვენ კი ძალიან გვჭირდება ეს გალავანი, რამეთუ მრავალ მახეთა შორის დავალთ"

/წმინდა მღვდელმთავარი ეგნატე ბრიანჩანინოვი/

[marine]

"რისი გაკეთება შეუძლია კეთილი საქმეებით დადასტურებულ ღვთის რწმენას, გააცნობიერე, რომ არც ახალგაზრდობა აყენებს ზიანს და არც სიბერეს მოაქვს სარგებელი, თუ კაცს ღვთის შიში არ აქვს. გააცნობიერე, რომ არც სამყარო და არც ყოველდღიური საქმეები არ ერევა ღვთის მცნებების შესრულებას, როცა არის გულმოდგინება და დიდი ყურადღება"

/ღირსი სვიმეონ ახალი ღვთისმეტყველი/

[marine]

"მომეცი შენი შიშის სული, რათა შემეშინდეს შენი, როგორც უუძლურეს ქმნილებას შეეფერება დიდი ღვთის, თავისი შემოქმედის შიში, რათა, შენდამი მოწიწების გამო შენი მცნებები წმინდად დავიცვა"

/წმ. ეგნატე ბრიანჩანინოვი/

[marine]

"შენ კი, იკითხე სახარება და უფლის გეშინოდეს. განათლდები და ყოველივე კარგად იქნება"

/წმ. ნიკოლოზ სერბი/

[marine]

"ქრისტე გვასწავლის, რომ ადამიანური სირცხვილის გრძნობამდე უფლის შიში უნდა გვქონდეს. რამეთუ მას, ვისაც ღვთის შიში არ აქვს და ხალხის რცხვენია, ხალხის გულისათვის შერცხვება უფლის წინაშე. ცხოვრებაში ხშირად დგება წუთები, როდესაც ადამიანს უფლისადმი შიშსა და ადამიანების წინაშე სირცხვილის გრძნობას შორის არჩევანის გაკეთება უწევს. შენ ახლა სწორად ამგვარი არჩევანის წინაშე დგახარ. აირჩიე ახლა და სამუდამოდ შიში უფლისა და არ შესცოდავ, ხალხი დაგცინებს?! მთავარია, ღმერთის წინაშე იყო მართალი"

/წმ. ნიკოლოზ სერბი/

[marine]

"ძველ აღთქმაში მკაცრად ისჯებოდნენ ადამიანები, რომლებიც არღვევენ წესებს, სწორედ იმ მიზნით, რომ ადამიანს გასჩენოდა შიში უფლისა - საფუძველი ყოველგვარი კაცობრივი სიბრძნისა"

/ფსიქოთერაპევტი მარინა კაჭარავა/

[marine]

"ღმრთის შიში ნიშნავს კრძალვის შეგრძნებას, იმის განცდას, რომ ჩვენი ზეციური მამა წმინდაა, რომ ვუყვარვართ, რომ ის ყველაზე წმინდა და ძვირფასია მთელ ყოფიერებაში. როდესაც ადამიანი თავის გულში განიცდის კრძალვასა და სიყვარულს, აი, სწორედ ეს არის ღმრთის შიში!"

/მიტროპოლიტი ათანასე ლიმასოლელი/

[marine]

"მამებმა თქვეს, რომ ღვთის შიში მოდის: სიკვდილისა და ტანჯვის გახსენებით"

/წმ. აბბა დოროთე/

[marine]

"ღვთის შიში გვაიძულებს სიავის წინააღმდეგ ვიბრძოლოთ. ხოლო როცა ჩვენ მას ვებრძვით, ღვთის მადლი იბრძვის ჩვენთვის"

/ღირსი მარკოზ მოსაგრე/

[marine]

"უეჭველად იქ არის ყოველგვარი ბოროტება, სადაც არ არის ღვთის შიში"

/წმინდა მღვდელმთავარი ეგნატე ბრიანჩანინოვი/

[marine]

"სიყვარულის საქმეა - ერთმანეთს ღვთის შიში ვასწავლოთ"

/წმ. ეფრემ ასური/

[marine]

"მაშ, მოვკვეთოთ, ძმებო, ჩვენი სულის ბოროტი ჩვევები, ხოლო ჭრილობის მოწვის დარად ღვთის შიში გამოვიყენოთ, რათა შერცხვენილნი არ ვიქმნეთ მკვდართა აღდგომის ჟამს!"

/წმ. ეფრემ ასური/

[marine]

"ღვთის შიშს და ღვაწლსა და ნაკლულებაში ცხოვრებას ცოდვების მიტევება მოაქვს"

/აბბა ესაია/

[marine]

"შეეცადე გახსოვდეს, რომ ღმერთი გიმზერს, რომ მის წინაშე გადაშლილია ის, რაზეც შენ გულში მალულად ფიქრობ. შენს სულს უთხარი: "შენ ერიდები შენივე მსგავს ცოდვილებს, რათა მათ იმ დროს არ დაგინახონ, როცა სცოდავ; მით უმეტეს უნდა გეშინოდეს და გრცხვენოდეს ღვთისა, რომელიც გულის ფარულ მოძრაობებს ხედავს". ასეთი ფიქრისგან სულში ღვთის შიში აღიძვრება და, თუ ღვთის შიშის მიხედვით იხელმძღვანელებ, მაშინ ვერავითარი ვნება ვერ მოგეძალება"

/აბბა ესაია/

[marine]

"აბბა ევპრენის ძმამ ჰკითხა: "ღვთის შიში როგორ მოდის სულში?" უხუცესმა მიუგო: "თუ ადამიანი დამდაბლდება, უხვეჭელი იქნება, თუ განკითხვისაგან თავს შეიკავებს, მაშინ მასთან ღვთის შიში მოვა"

[marine]

"როგორია ღვთისმოშიში კაცი?

ადამის ძეთაგან ყველაზე უდიდესი და უძლიერესია ღვთისმოშიში კაცი"

/წმ. ეფრემ ასური/

[marine]

"რა თვისებებს ავლენს ის ადამიანი, ვისაც არა აქვს ღვთის შიში?

ვისაც არა აქვს ღვთის შიში, მუდამ განცხრომა-განსვენებას ეძებს, ძილით ვერ ძღება და საქმისათვის წამოდგომა ეზარება, მცონარეობის ჭურჭლად იქცევა, ხორცთა ნებას იგემოვნებს და ამა სოფლის ყოველგვარ შვებას სიტკბოებით შეიწყნარებს. არ ეშინია უფლის მოსვლის, საღმრთო საქმე უმძიმს, შრომას ერიდება, მშრომელთ აძაგებს, მდაბალთ გმობს და ამპარტავანთ აქებს. თავხედთა და მზვაობართა მეგობარია"

/წმ. ეფრემ ასური/