მონოზონნი(სამონაზვნო წესით ცხოვრება), რაოდენ დიდი ყოფილა მონაზვნობის პატივი... პარამეტრები

[marine]

"ამისთვის გამოვედით შორს მათსა და გამოეშორენით. - იტყვის უფალი და არაწმინდასა და ნუ შეეხებით (2 კორ. 6.17). რადგან რომელ ერისკაცს უქმნია სასწაული ოდესმე? ან რომელმა აღადგინა მკვდარნი? რომელმა განდევნა ეშმაკნი? - არავინ, ყოველი ეს საქმე მონაზვნობისა კუთვნილებაა და სოფელი მათ ვერასოდეს იტვირთავს. სოფელს რომ ეს შესძლებოდა, მაშინ მონაზვნობა და ქვეყნის განდგომაც აღარ იქნებოდა საჭირო".

/ღირსი იოანე სინელი/

[marine]

"და შენც თუ გსურს გახდე მონაზონი, იყავი სოფელში მომთმენი, ვინაიდან მონასტერში უფრო მეტი მოთმინება დაგჭირდება".

[marine]

"იფრთხილეთ, როცა ერთმანეთს ესაუბრებით. ისაუბრეთ ერთზე - ღმერთკაცის, ჩვენი უფლის, იესო ქრისტეს მშვენიერებაზე. თუ მას გაიხსენებთ, კარგი მონაზვნები გახდებით".

[marine]

„საბერძნეთში, ოტონის მმართველობის წლებში, მონასტრებს ხურავდნენ, ბერებს მონაზონ დედებზე ქორწინებას აიძულებდნენ და სხვა მრავალ ბოროტებას აკეთებდნენ. თანამედროვე ისტორიკოსებმა ეს ყველაფერი დაწვრილებით გამოიკვლიეს“.

[marine]

„ქალ-ვაჟებმა იწყეს საიდუმლოდ მონაზვნური ცხოვრება“.

[marine]

„ყველა ეს მონაზონი მკაცრად იცავდა მონაზვნად აღკვეცისას აღებულ აღთქმებს“.

[marine]

„თუნდაც მსოფლიო პატრიარქი მოვიდეს თქვენთან, მონასტერში და უქმეტყველება დაიწყოს, გააძევეთ, რამეთუ მან განაძევა სიწმინდის ანგელოზი და სურს ყველა უქმეტყველებაში ჩააგდოს“.

[marine]

„ვარდებივით წმინდა სულები იფურჩქნებიან მონაზვნობაში“.

[marine]

„გადავწყვიტე მონასტერში დარჩენა, მაგრამ გულისთქმები ისე მებრძოდნენ, რომ ათი დრაქმა რომ მქონოდა, ჩავჯდებოდი ხომალდში და უკან წავიდოდი. მოძღვარი ფიქრს მიმიხვდა:

- წაიკითხე წმინდა ირინა ქრისოვალდელის ცხოვრება და გაიგებ, რომ მონაზვნობისთვის მონასტერში მისვლის მერე ერთხელაც არ უფიქრია სავანიდან გაქცევა. ეშმაკი ცდილობდა, იგი ცოცხლად დაეწვა - უწვავდნენ სამოსს, მაგრამ ის ადგილიდან არ იძვროდა. მონასტრის დედებს რომ არ შეემჩნიათ, ალბათ ჩაიფერფლებოდა“.

[marine]

"მონასტერი ღუმელია, მაგრამ მასში შეშა კი არ არის შეკეთებული, არამედ ადამიანთა სიცოცხლე. თითოეულის სიცოცხლე ალმასზე ძვირფასია. ამ ღუმელში ისინი იწმინდებიან, მოიკვეთენ ნებას და გულისთქმებს".

[marine]

„მათი გული ყოველდღიურ საჭმელსაც კი ერიდებოდა. ვერც კი წარმოედგინათ სხეულისათვის მცირეოდენი შემსუბუქების ნება მიეცათ, მათ ხომ ზეციურ სასიძოსთან შეხვედრა სწყუროდათ“.

[marine]

"შენ კი, ყოვლადწმინდა ღვთისმშობლის საყვარელო შვილო, გახსოვდეს, რომ ყოველთვის უნდა განაქიქო საკუთარი თავი, დაითმინო შეურაცხყოფა უმცროსთაგან და იმის ლაპარაკი კი არ უნდა დაიწყო, რომ რიზარის სემინარია დაამთავრე და იქ წიგნების კითხვა ისწავლე. შენგან უფალი სხვას ითხოვს, რომ ისწავლო მონაზვნური ცხოვრების ზეციური დამწერლობა. ამიტომაც წმინდა მამები - გრიგოლი და ვასილი, როცა კესარიაში იყვნენ განმარტოებულნი, ამბობდენენ, - არ ღირს დაუტევო მყუდროების ეს ზეციური ცხოვრება და ამდენი დრო დაკარგო ათენის სკოლებში გარეგნული სიბრძნის შესასწავლად".

[marine]

„სხვა მონაზონი, როცა საჭირო ოთახში მიდიოდა, ფიქრობდა, რომ იმაზე უარესი იყო, რასაც იქ ტოვებდა. ეშმაკმა ვერ დაითმინა მისი ღრმა სიმდაბლე“.

[marine]

"როცა ნახავ, რომელიმე ახალგაზრდა მონაზონი კამათობს, ან იცინის, ნუ მიემსგავსები, მზერა მიწას მიაპყარი, საიდანაც აღებული ხარ".

[marine]

„ყველაფერს, რასაც ტრაპეზზე მიირთმევენ ყოველდღიურად, მონაზონი მას დამდაბლებული იღებს, თვლის, რომ არ არის ღირსი ამ საჭმლისაც, რომელსაცა სჭამს“.

[marine]

„ამიტომ ყური უგდე ყველას, ვისაც მონაზვნური წესებით სურს ცხოვრება, სრულ არარაობამდე დაიმდაბლე თავი“.

[marine]

„როგორ გახდა ცოლოსანი მონაზონი“.

[marine]

„მოძღვარი მასწავლიდა, - თუ მონაზვნობა გსურს, ღვთისმსახურებაზე ხშირად უნდა იდგე, ეს სასარგებლო იქნება შენი მონაზვნური ხასიათისთვისო“.

[marine]

"მონაზვნური ცხოვრება მხოლოდ ერთი რამისკენაა მიმართული - ასწავლოს მონაზონს იმის შეტყობა, თუ რა მდგომარეობაშია ახლა მისი სული. როცა მონაზონი შეიტყობს თავის მდგომარეობას, მაშინ მიაღწევს მონაზვნური ცხოვრების სიმაღლეებს".

[marine]

„მონასტერში, სადაც წინამძღვარი დაჰყვირის ახალგაზრდებს, იქ მონაზვნებიც სათნოებათა სიმაღლეებს აღწევენ“.