მონოზონნი(სამონაზვნო წესით ცხოვრება), რაოდენ დიდი ყოფილა მონაზვნობის პატივი... პარამეტრები

[marine]

„თვალთა დამჭირვა - „დააჩვიენ თუალნი შენნი, რაითა არა იხედვიდენ ხორცთა სხვისათა, და უკუეთუ შეუძლო, ნუცა შენთა განიცდი“.

[marine]

„უკუეთუ ვინმე ქალწულებდეს, გინა იღუწიდეს, ნუ მაღლოის, რაითა არა წარწყმიდოს სასყიდელი თვისი“.

/წმ. ეგნატე ღმერთშემოსილი/

[marine]

„მრისხანება - სწავლა მამა აგათონისა:
„დაღაცათუ მკუდარი აღადგინოს მრისხანემან მონაზონმან, ღმერთი არა შეიწირავს მისგან“.

[marine]

„ქალწულთა უწყოდეთ თუ ვისა შეუწირვან თავნი თვისნი“

/წმ. ეგნატე ღმერთშემოსილი/

[marine]

"სამკაული მონაზვნისა - სწავლა წმიდა ეფრემ ასურისა:

"სიგლახაკე არს სამკაული მონაზონისაი და და მარტოდ-მყოფთაი. და უკუეთუ მდიდარ არს მონაზონი და ფართოებით ჰქონან მას სოფლისა ამის საშუებელნი, დაკლებულ არს იგი და განსრულ არს გზისა მისგან იწროისა, რომელი მიიყვანებს ცხოვრებასა მას საუკუნესა, და უკუეთუ უყუარდეს განშუენებად თავი თვისი სამოსლითა, ესე სირცხვილ არს მისა".

[marine]

„მოუკლებელი ლოცვა და გალობა - სწავლა ნეტარისა ეტვიფანე კვიპრელისა:

„უღირს ჭეშმარიტსა მონაზონსა, რაითა მოუკლებელად აქუნდეს ლოცვაი და გალობაი გულსა შინა თვისსა“.

[marine]

„მონაზვნის სამი სამშვენისი - სწავლა მამა ანდრიასი:

„უცხოებაი, სიგლახაკე და დუმილი მოთმინებით“.

[marine]

"სენაკის მადლი - სწავლა მამა არსენისი:

"ჯდომაი სენაკსა შინა მოთმინებით მოიყვანებს მონაზონსა წესსა თვისსა".

"ჯდომაი სენაკსა შინა მონაზონსა აღავსებს კეთილითა".

[marine]

„სენაკსა შინა ჯდომისათვის - „მსგავს არს სენაკსა შინა მოთმინებით ჯდომაი სახუმილსა ბაბილონისასა, რომელსა შინა სამთა ყრმათა ძეი ღმრთისაი იხილეს, და სუეტსა მას ღრუბლისასა, რომლისა გამო მოსეს ღმერთი ეუბნებოდა“.

[marine]

"გამორჩეული, უპირველესად, გასაოცარი მონასტრული სიმშვიდით"

[marine]

"იგი [წმ. სილუან ათონელი] ყველას ჩვეულებრივი ბერი ეგონა, ის კი ლოცვით წმინდა მამებს თანაეხატა და სამყაროს უდიდეს მნათობად გაბრწყინდა".

[marine]

"აქ [ათონის მთაზე] 2000-მდე ბერი იღწვის. ერთურთისგან გარეგნულად, წარმომავლობით, მოღვაწეობის სტილითა და პიროვნული თვისებებით განსხვავდებიან, მაგრამ ყოველ მათგანს არამიწიერი სიყვარულით მოსილი ხანდაზმული ბავშვის სახე აქვს".

[marine]

" - მონაზონი და გეგმები? სადმე გინახავს ასეთი მონაზვნობა - თვითნებობითა და თავისი გეგმებით?"

[marine]

"თუ ბერი ხარ, ჩვეულებრივ კაცთადან უნდა განსხვავდებოდე, უნდა იყო უბრალო, დამჯერი, მშვიდი".

/დედა ღვთისმშობელი/

[marine]

"ბერძნებში არის ასეთი ტრადიცია - როცა ბერი დიდ სულიერებას აღწევს, მას შეუძლია მონასტრის წინამძღვრობა".

[marine]

"[წმინდა ალექსი ბერს (შუშანია)] ფეხიფეხზე გადადებით ჯდომა უყვარდა - მოისპო ეს ჩვეულებაც".

[marine]

"სიცილი და განცხრომა მონაზონისა - სწავლა წმიდა ეფრემ ასურისა:

"პირველი მონაზონისა სულისა ოხრებაი სიცილი და განცხრომაი არს. ჰოი მონაზონო, ოდეს იხილო ესევითარი რაიმე სულსა შენსა დადგრომილი, გულისხმა-ყავ, ვითარმედ მიახლებულ ხარ შენ სიღრმესა წარსაწყმედელისასა... სიცილმან და განცხრომამან შთააგდის სული მონაზონისაი ვნებათა მწიკულევანისა, არა ხოლო თუ ოდენ ჭაბუკი, არამედ მოხუცებულიცა. სიცილმან და განცხრომამან განდევნის შიში ღმრთისაი გულისაგან მონაზონისა".

[marine]

"თუ მონაზონი გულმოდგინედ ასრულებს თავის კანონს და ღვთისმსახურებას, არ ამბობს უკადრის სიტყვებს, მაშინ მისი ლოცვა ღმერთს ადვილად ესმის და ათავისუფლებს ყოველგვარი გარემოებისაგან".

/ღირსი ნიფონტი დიონისიატელი/

[marine]

"ვისაც მონასტრიდან წასვლა უნდა, დაე, უთხრას ამის შესახებ იღუმენს, რათა ჯერ შენდობა გამოითხოვოს, მერე კი წავიდეს. თუ ჩუმად წავა, ცოდვად დააწვება მის სულს".

[marine]

"მონაზვნებმა ჰკითხეს [ღირს აკაკი კავსოკალიველს] უწვერულებსა და იმ საცდურებზე, რომელიც პირლამაზთაგან მოდის. ღირსმა მამამ ჩვეული უვნებლობით და უბრალოებით უპასუხა:

"არ ვიცი, რა გიპასუხოთ, რამეთუ არასოდეს განმიცდია, თუ რა არის ეს საცდური. მეტიც, როცა ასეთებს ვხედავ, ვიწყებ ღვთის დიდებას და ვხარობ მისი ქმნილების ხილვით".