მონოზონნი(სამონაზვნო წესით ცხოვრება), რაოდენ დიდი ყოფილა მონაზვნობის პატივი... პარამეტრები

[marine]

„კაცს მონაზვნობა ჰქონდა გადაწყვეტილი. ამ შემთხვევაში ღვთის სიყვარული უფრო მეტია, ვიდრე ცოლის, მშობლების, შვილების და სხვა ნებისმიერი მიწიერის“.

[marine]

"მონაზვნის გარეგნობაც დიდ სიხარულს განიჭებს, მასთან საუბარი კი იმედს და რწმენას გიბრუნებს."

[marine]

„ერში ყველა არ დაიღუპება, მონასტერში კი ყველა არ გადარჩება“

/ღირსი ლავრენტი ჩერნიგოველი/

[marine]

"წმინდა მოსაგრეობას უაღრეს თვითუარყოფასთან ერთად, რაც დიდი რწმენისა და ღვთისადმი ძლიერი სიყვარულის ერთობლიობით იშვება, ადამიანისთვის ამქვეყნადვე მოაქვს ჭეშმარიტი სიხარული; ის ხარობს, რომ ცოცხალია, რადგან მისი გული, ვით ფრთოსანი, დაფრინავს და მის კეთილისმყოფელ ღმერთს დიდებას აღუვლენს; მას სიკვდილიც ახარებს, რადგან კვლავ ღვთისაკენ გაეშურება და იქ გააგრძელებს დიდებისმეტყველებას. ის ერთნაირ სიხარულს განიცდის იმისგანაც, რომ ცოცხლობს და იმისგანაც, რომ მოკვდება. სამოთხეში უსათუოდ უკეთ იქნება, რადგან ამ ცხოვრებაში იგი ღმრთისგან მხოლოდ ნაწილს იღებს სამოთხის სიხარულისას, რადგან ეს სიხარულიც კი მიწაზე ესოდენ დიდია, ხოლო ამაზე მეტი მან ჯერ არ იცის, ამიტომ სრულ სიხარულს განიცდის."

[marine]

„შეიძლება ადამიანი გარეგნულად მონაზვნურად შეიმოსოს, მაგრამ შინაგანად მტაცებელი იყოს, ან პირიქით - გარეგნულად არ იმოსებოდეს ისე, როგორც საჭიროა, მაგრამ შინაგანად იყოს ჭეშმარიტი ქრისტიანი“

[marine]

"მონასტერი სულის სამჭედლოა. ერიდან მოსული ადამიანები სულის განსპეტაკებაზე ზრუნვას იწყებენ. მონასტრის დობა კი აუცილებლად სიყვარულზე უნდა დაფუძნდეს. მონასტრის წინამძღვარმა ახალმოსულებს აუცილებლად უნდა გააცნოს ტიბიკონი და აუხსნას, თუ როგორ ყალიბდება მონასტერი და როგორ უნდა ცხოვრობდნენ მონასტერში".

[marine]

„განა მონაზვნობა არ სჯობს ყოველივეს?“

[marine]

„მონაზონი პავლე (პავლიდისი) ექიმი. იგი მოღვაწე მამა გახლდათ, ძალზე განკრძალული და დამთმენი მონაზონი. წყალს პატარა კოვზით სვამდა. არ იღებდა დახმარებას, რომელსაც მონაზვნებს ორ-სამ თვეში ერთხელ აძლევდნენ. უფრო სწორად, თავის მორჩილს მღვდელმონაზონ ათანასეს უტოვებდა, რომელსაც მისთვის ცოტაოდენი საჭმელი მოჰქონდა. იგი გახლდათ იმ მცირერიცხოვან მონაზონთაგანი, რომლებიც ლავრაში იდიორითმული ცხოვრების დროს ხორცისგან თავს იკავებდნენ.“

[marine]

“მონასტერში მთავარი სიყვარული და წინამძღვრის მორჩილებაა. სიძულვილით ბოროტი უფრო გძლევს. სიყვარულია ურთიერთპატივისცემა, ურთიერთგაგება”.

[marine]

"მოშორებით მთის ფერდებზე საცხოვრებელი გამოჩნდა; ეს მეუდაბნოე მონაზვნების კელიებია. ერთი მათგანი მღვიმეშია შეჭრილი, მეორე უფრო მოშორებით მოჩანს; შესცქერი და ისეთი შეგრძნება გეუფლება, თითქოს კლდეზე გადაკიდებული ეს პატარა ბინა ზღვაში ამწამსვე ჩაიქცევა. ასეთ უცნაურ, ციცქნა სენაკებში ბინადრობენ მდუმარების უტკბილესი თაფლის შემგროვებელი ფუტკრები".

[marine]

“მონასტერს იცავენ ღმრთის ანგელოზები”

[marine]

„მონასტრის მკვიდრთ უფრო გაუადვილდებათ განუწყვეტელი ლოცვის სწავლა: მათი ცხოვრების წესი საუკეთესო გარემოა შინაგანი ლოცვისათვის“

[marine]

“ერთ-ერთი მთავარი ღვაწლი ბერული ცხოვრებისა ბოროტ ზრახვათა ამოძირკვაა, ვიდრე ისინი არ განვითარებულან, არ გაზრდილან, მთლიანად არ დაუფლებიან სულს და საქმეებად არ ქცეულან. დაანარცხე ისინი ქვაზე, როგორც მეფსალმუნე წერს: “ასულო ბაბილოვნისაო, უბადრუკო, ნეტარ არს, რომელმან მიგაგოს შენ მისაგებელი შენი, რომელ შენ მომაგე ჩუენ! ნეტარ არს, რომელმან შეიპყრეს ჩჩვილნი შენნი და შეახეთქნეს კლდესა!“ (ფს. 136, 8-9).

ბაბილონი ეშმაკის სამეფოა, ხოლო ჩჩვილნი - მისი ბოროტი ზრახვანი. ქვა ქრისტეა. ნეტარია იგი, ვინც სულში მყოფ ბოროტებას ჩანასახშივე დაანარცხებს მარადიულ ქვაზე - ქრისტეზე. თუკი ჩვენ ვიცით ეს, მაშინ სხვა არა დაგვრჩენია, გარდა იმისა, რომ შევასრულოთ იგი“.

[marine]

„მონასტრის წინამძღვარი გახდა, მაგრამ ისეთი თავმდაბალი იყო, რომ არ განირჩეოდა უბრალო ბერისგან“

[marine]

„მეუდაბნოემ ცოტა წყალი და ლუქუმი მოიტანა და ამით დიდი სიყვარული გამოავლინა. და მართლაც, ჭეშმარიტ და წმინდა სიყვარულს მხოლოდ აქ - უდაბნოში შეიგრძნობ. შესცქერი გამოწვდილ მცირე ზომის ლანგარს, რომელზედაც წყალი და ლუქუმი დევს და ფიქრობ, ეს ხომ მონაზვნის ცოცხალი გულია. ის ყველაფერს გაძლევს, რაც გააჩნია“

[marine]

„ბერობის არსი გონების ბოროტ ზრახვათაგან განწმენდაშია“

[marine]

"„კითხვა: შეიძლება თუ არა ბერის ღვაწლი ვიტვირთო ეკლესიისგან დაუკითხავად და მეუდაბნოედ განვმარტოვდე?

პასუხი: ყოველგვარი თვითნებობა ეკლესიაში ცოდვად ითვლება და ადამიანი მწვალებლობამდე მიჰყავს. მით უმეტეს, ბერული აღთქმის ერთ-ერთი საფუძველი იერარქიული მორჩილებაა. გირჩევთ, კარგად აწონ-დაწონოთ თქვენი გადაწყვეტილება და ეკლესიის გარეშე არ იმოქმედოთ.“

[marine]

“მონაზვნები ჩვენი ეკლესიის მეკავშირეები არიან, ისინი განეშორებიან მიწიერ დაბრკოლებებს, რათა მუდმივი ლოცვითი კავშირი იქონიონ ღმერთთან და შეეწევიან სხვა ადამიანებს”.

/ღირსი პაისი ათონელი/

[marine]

„ღმერთში მყოფი ეს სულიერი თოლიები ცხოვრების წესით ზეციური მტრედები არიან და მესამე ცას სწვდებიან“

[marine]

„კითხვა: ჩემი ახლობლის შვილმა გადაწყვიტა, მონასტერში შედგეს ბერად. ოჯახში, სიხარულის ნაცვლად დაბნეულობაა. შეიძლება თუ არა, ასეთ გადაწყვეტილებაზე წინააღმდეგობის გაწევა?

პასუხი: თუ ადამიანი უფლისკენ მიისწრაფვის, მისი დაბრკოლება დაუშვებელია. მით უმეტეს, თუ ოჯახში სხვა შვილებიც ჰყავთ, ერთი უნდა გაიმეტონ მშობლებმა უფლისთვის. მონასტერში ხომ უკეთ ილოცებს ის და შეეწევა თავის მშობლებს, ოჯახს, ქვეყანას. ამგვარი გადაწყვეტილების დაშლა და წინააღმდეგობის გაწევა ცოდვად ითვლებ“.