მონოზონნი(სამონაზვნო წესით ცხოვრება), რაოდენ დიდი ყოფილა მონაზვნობის პატივი... პარამეტრები

[marine]

„ზოგიერთი ამბობს, მონაზვნები სოფელს უნდა ემსახურონ, რათა ხალხის ფულს მუქთად არ ჭამდნენო; მაგრამ უნდა გვესმოდეს, რაში მდგომარეობს ეს მსახურება და რითი უნდა შეეწეოდეს მონაზონი სოფელს. მონაზონი არის მლოცველი მთელი სოფლისათვის, ის გლოვობს სოფლისათვის და ესაა მისი მთავარი საქმე. მაინც, ვინ აიძულებს მთელი სოფლისათვის გლოვას? უფალი იესო ქრისტე, ძე ღვთისა აიძულებს. ის აძლევს მონაზონს სული წმიდისმიერ სიყვარულს და ამ სიყვარულის გამო მონაზვნის გული მუდამ მწუხარეა ხალხისთვის, რადგან ყველა ვერ ცხონდება. თვითონ უფალი ისე წუხდა ხალხისთვის, რომ თავი ჯვარზე სიკვდილისთვის გაიმეტა. ხალხისათვის იმავე წუხილს ატარებდა გულში ღვთისმშობელიც. მასაც, თავისი საყვარელი ძის მსგავსად, ყველასთვის სურდა ცხონება“.

/ღირსი სილუანე ათონელი/

[marine]

„მონოზონი რომ გახდე, ან რკინის უნდა იყო, ან - ოქროსი. რკინის - ე.ი. დიდი მოთმინება გქონდეს; ოქროსი - დიდი სიმდაბლე“

/ღირსი ამბროსი ოპტინელი/

[marine]

„მთელი მონაზვნური ცხოვრების არსი სამი უმთავრესი სახით გამოიხატება: ან განშორებით უნდა იმყოფებოდეს და განმარტოებით მოღვაწეობდეს, ან ვინმე ერთთან თუ ორთან დაყუდებით, ან საძმოში იმყოფებოდეს მოთმინებით“.

/ღირსი იოანე სინელი/

[marine]

„მორჩილს გაუჭირდება სულის მშვიდობის შენარჩუნება, თუ მის მოძღვარს ცუდი ხასიათი აქვს. ცუდი ბერის ხელმძღვანელობით ცხოვრება მორჩილისათვის მძიმე ჯვარია; მან უნდა ილოცოს ბერისთვის და მაშინ შეძლებს სულისა და ხორცის მშვიდობის შენარჩუნებას“.

/ღირსი სილუანე ათონელი/

[marine]

“გამიგონია ერთი ძმის შესახებ: როცა ვინმე ძმასთან მივიდოდა და ნახავდა, რომ სენაკი დანაგვიანებული და დაულაგებელი ჰქონდა, გულში იტყოდა: “ნეტარია ეს ძმა, ყველა საზრუნავი გადადო და გონება მაღლა აღმართა, ამიტომ არ ყოფნის დრო სენაკის დასალაგებლად“; ხოლო თუ მივიდოდა და ნახავდა, რომ ძმის სენაკი წესრიგში იყო, მაშინ შემდეგნაირად მსჯელობდა: „ამ ძმას სენაკი ასე დაუსუფთავებია და გული როგორი სუფთა ექნება!“

/ღირსი დოროთე პალესტინელი/

[marine]

„ღვთის მოწოდების გარეშე შეუძლებელია, მოიძულო სოფელი და მისი ხიბლი. დაელოდეთ, როგორ მოაწყობს ღმერთი თქვენ მიმართ. რა თქმა უნდა, მისი განგება ყოველთვის საუკეთესოდ მოაწყობს, როცა საკუთარ ნებას სრულად დავუმორჩილებთ მის წმინდა ნებას“

/ღირსი მაკარი დიდი/

[marine]

„ვაი ჩვენდა! უფალმა, მეუფემ ცისა და ქვეყნისა და მთელი სოფლისა, თავი დაიმდაბლა, დაემორჩილა თავის დედას და წმინდა იოსებს, ჩვენ კი არ გვინდა დავემორჩილოთ ბერს, რომელიც უყვარს უფალს და რომელსაც მან ჩვენი თავი მიაბარა. თუკი ბერს ცუდი ხასიათი აქვს, მართალია, ეს ძალიან მწარეა მორჩილისათვის, მაგრამ ის სიმდაბლით უნდა ლოცულობდეს ბერისთვის და მაშინ უფალი შეიწყალებს ბერსაც და მორჩილსაც“.

/ღირსი სილუანე ათონელი/

[marine]

„ოპტელი მოძღვრის - ანატოლის ერთი სულიერი შვილი, რომელიც მონაზვნობის რთულ გზას შესდგომოდა, თავის წერილში სთხოვდა ღირს მამას, ესწავლებინა, რა უნდა გაეკეთებინა საცხოვნებლად.
- დაიწყე თავმდაბლობით, გააგრძელე თავმდაბლობით, დაასრულე თავმდაბლობით და წმინდანთა შორის შეირაცხები“.

[marine]

„ყველა მონოზვნური აღთქმა - ზოგადქრისტიანული აღთქმაა, რადგან ყველა უნდა ცხონდეს, ხოლო ცხონებისთვის ვნებების სოფელი უნდა უარვყოთ და ასკეტურად ვებრძოლოთ ცოდვებს. ერისკაცებისგან მონოზვნები მხოლოდ უქორწინებლობით განსხვავდებიან. თუმცა ამ აღთქმასაც არ შემოაქვს რაიმე ახალი მორალური თვალსაზრისით, იმიტომ რომ უქორწინებლობა ცხოვრების ერთ-ერთი გზაა ქორწინების გზასთან ერთად. ორივე ეს გზა თავისთავად არც წმინდანად ხდის ადამიანს და არც ცოდვილად“

/მღვდელმოწამე ილარიონი (ტროიცკი)/

[marine]

„მორჩილება მხოლოდ მონაზვნებს კი არა, ყველა ადამიანს სჭირდება. თავად უფალიც მორჩილი იყო. ამპარტავნები და თვითრჯულები არ აძლევენ მადლს მათში ცხოვრების ნებას, ამიტომ არასოდეს აქვთ სულის მშვიდობა; მორჩილის სულში კი ადვილად იმკვიდრებს სული წმიდის მადლი და აძლევს მას სიხარულსა და მშვიდობას“.

/ღირსი სილუანე ათონელი/

[marine]

„აღასრულეთ თქვენი ლოცვითი კანონები; თუ რაიმე მიზეზის გამო მთელ კანონს ვერ ასრულებთ, მაშინ ნახევარი მაინც შეასრულეთ ან რაიმე ნაწილი. ეცადეთ, ერთი დღეც არ დარჩეთ ლოცვის გარეშე. ნათქვამია სამონაზვნო განაწესში, რომ ვინც თავის კანონს არ ასრულებს, მან არ უნდა ჭამოს, რამეთუ სულით მკვდარია ღვთის წინაშე“.

/ღირსი ნიკონ ოპტინელი/

[marine]

„მონოზვნობას შედგომილთათვის თავის უარყოფა ნიშნავს, უარყო საკუთარი აზრი და ნება და მოთმინებით ელოდო მწუხარებებს. ამისთვის უნდა მოემზადო შენი სულიერი და ხორციელი ძალებით“.

/ღირსი მაკარი დიდი/

[marine]

„დეკანოზი ვიაჩესლავ ტულუპოვი თავის წიგნში, „ღვთაების შესამოსელი“, აღნიშნავს: „დიდი ოპტელი მამები - ლეონი, მოსე და მაკარი, ცდილობდნენ, თავიანთ მოწაფეებში უპირველეს ყოვლისა, სიმდაბლისა და სიმშვიდის სული ჩაენერგათ. მათ, თავად სიმდაბლის ცოცხალ მაგალითებს, მიაჩნდათ რომ თავმდაბლობა ქრისტიანის სულიერი ცხოვრების საფუძველია. ეს შეხედულება ოპტელ მამებს წმინდა წერილის, წმინდა მამათა თხზულებების ღრმა შესწავლისა და პირადი ასკეტური გამოცდილების წყალობით ჩამოუყალიბდათ.“

[marine]

„ხშირია შემთხვევა, როდესაც ასკეტს თვით ეშმაკი უახლოვდება. ასეთ დროს საშინელი შიში გეუფლება, სამშვინველსა და სხეულს დიდი მწუხარება იპყრობს, რაც იმდენად ძლიერია, რომ მას ყაჩაღების გარემოცვაში ყოფნის შიშიც ვერ შეედრება. რადგან მოღვაწესთან ამ დროს მთელი ჯოჯოხეთი მიდის იმისთვის, რომ მონაზონი შეშინდეს“

/არქიმანდრიტი იეროთეოსი (ვლახოსი)/

[marine]

“ცოდვების გარდა მონასტერში არაფერი მიმიტანია და არც კი ვიცი, რისთვის მომმადლა უფალმა ჯერ კიდევ ახალგაზრდა მორჩილად ყოფნისას ისე უხვად სული წმიდის მადლი, რომ ჩემი სულიც და ხორციც ამ მადლით იყო სავსე. მადლი ისეთივე იყო, მოწამეებს რომ ჰქონდათ, და ჩემს ხორცს სწყუროდა ქრისტესთვის ტანჯვა“

/ღირსი სილუანე ათონელი/

[marine]

„ოპტელმა ბერებმა თავიანთ მონასტერში უძველესი ქრისტიანული კეთილკრძალულების ტრადიციები ააღორძინეს. ამ ტრადიციის ფუძემდებლები კი ბევრს წერდნენ სიმდაბლეზე და ყოველთვის ხაზს უსვამდნენ მის უდავო აუცილებლობას ადამიანის ცხონების საქმეში“

[marine]

„ამჟამად შენ ფიქრობ, რომ მონასტრის მაგალითებით მალე აღიძვრები სინანულად, მაგრამ გეუბნები, რომ შენთვის მტრის პირველი ისარი არ იქნება, რომ დაინახავ მონოზვნების ნაკლს და შეგზარდება ისინი, და ეს მანამ გაგრძელდება, სანამ საკუთარ უძლურებასა და ვნებებს არ დაინახავ“

/ღირსი მაკარი დიდი/

[marine]

"მორჩილება საკუთარი სულის სრული უარყოფაა, რომელიც ხორციელი მოქმედებით გამოიხატება. ანდა პირიქით, მორჩილება ხორციელ ასოთა მოკვდინებაა ცოცხალი გონების მიერ."

/ღირსი იოანე სინელი/

[marine]

„თუ მონასტერში მსახურობ, აბრაამს ემსგავსე, რომელიც სამი საკვირველი სტუმრის მიღების ღირსი გახდა. სიმდაბლით და სიხარულით ემსახურე მამებს, ძმებს, სტუმრებს - და აბრაამის ჯილდოს მიიღებ“.

/ღირსი სილუანე ათონელი/

[marine]

“სულიერი სანერგე“ ანუ მონასტერი“