მონოზონნი(სამონაზვნო წესით ცხოვრება), რაოდენ დიდი ყოფილა მონაზვნობის პატივი... პარამეტრები

[marine]

"უთუოდ ისაა ჭეშმარიტი მონაზონი, ვინც წარემატება მღვიძარებაში, ხოლო ჭეშმარიტად მღვიძარე ისაა, ვინც გულით არის მონაზონი."

/წმ. ევსუქი ხუცესი/

[lingvo]

მონაზვნობა არის უხორცო ძალების წესი და საქმე, რომელიც ნივთიერ და მოკვდავ ხორცში ყოფნისას აღესრულება.
მონაზონი იგია, რომელიც მხოლოდ საღმრთო საქმეს ხედავს და აღასრულებს ყოველთვის, ყველგან და ყოველგვარ ქმედებაში.
მონაზვნობა არის ის, რომ კაცმა საკუთარი ნება უარყოს, გაბნეული ზრახვები მოიკრიბოს და სამუდამოდ უფრთხილდებოდეს მათ.
მონაზვნობა ბუნების იძულებაა სამარადისოდ და - გრძნობების გამუდმებული დაცვა.
მონაზვნობა განწმენდილი ხორცი, წმინდა ბაგე და განათლებული გონებაა.
მონაზონი არის მგლოვარე სული, სიკვდილის გამუდმებული ხსოვნით გამწარებული ძილში და სიფხიზლეში.

წმ. იოანე სინელი; კიბე.

[marine]

ეშმაკს ჰკითხეს: - საით გაგიწევიაო. -სუფთა ადგილია მონასტერი და იქ უნდა მივიდე, რომ ყველაფერი ავურ-დავურიოო.

[marine]

"რადგან ბერობა გინდა, მაშ უკვე ხარ ბერი."

/წმ. გაბრიელი/

[marine]

"მთავარი ისაა, როცა ვნება გეძალება, მაგრამ ითმენ ქრისტეს სიყვარულისთვის, აი, ეს არის ღვაწლი. ეს ეხებათ, პირველ ყოვლისა, ბერ-მონაზვნებს, რომელნიც თავიანთი ნებით ითმენენ ამ ვნებას."

/წმ. გაბრიელი/

[marine]

მამა გაბრიელს განსაკუთრებულად უყვარდა ბერ-მონოზვნები, უხაროდა მათი დანახვა, მათთან საუბარი. არ მოსწონდა, როცა მონოზონი სხვა მონასტერში გადაყავდათ. ძლიერ განიცდიდა, სწუხდა და ამბობდა, რაც აქ ისწავლა, იმასაც დაჰკარგავს და იქაც ვერაფერს შეიძენს, წინათ წმინდა მამები სენაკს არ გამოიცვლიდნენო.

იტყოდა: "ოცდაათ წლამდე არავის უნდა დაასხან ხელი, ვაითუ ახალგაზრდამ ვერ გაუძლოს."

განსაკუთრებულ ყურადღებას აქცევდა ახალმოსულებს. ჯერ გამოსცდიდა, მერე დალოცავდა: გოლგოთამდე მიგეტანოს შენი ჯვარი! არ მოსწონდა, თუ ქართული კუნკულ-ბარტყული არ ეხურათ. შიო მღვიმელის ხატზე მიუთითებდა და იტყოდა: წინათ ქართველი ბერები ასე იმოსებოდნენ. თვითონ ქადაგებისას მანტიითა და კუნკულ-ბარტყულით იმოსებოდა. "ბერი ან მონოზონი ქადაგების დროს ისე უნდა იყოს შემოსილი, როგორც ეკურთხა", - იტყოდა.

[marine]

„როგორც მკვდარი არ ირჩევს საფლავს თავისთვის, ასევე ჩვენც, ვინც მივიღეთ ბერობის მოწოდება, არ შეიძლება მუდმივად ვარჩიოთ ადგილი მოსაგრეობისთვის და კრიტიკულად შევაფასოთ მონასტერი. ჩვენ სიმდაბლით ვემორჩილებით ღვთის ნებას და ვმოღვაწეობთ იქ, სადაც უფალმა დაგვაყენა.

როგორც გარდაცვლილი არ ირჩევს თავის მესაფლავეს, ასევე ჩვენც არ უნდა ვირჩევდეთ ჩვენთვის სასურველ, სულიერ მოძღვარს, არამედ, უსიტყვოდ უნდა დავემორჩილოთ უფლის ნებას და დავემორჩილოთ ნაკურთხ მოძღვარს.

როგორც მკვდარი არ გეგმავს თავის მომავალს, ჩვენ, ბერები, გარდაცვლილები ამ ქვეყნისთვის, არ ვაგებთ არანაირ ამქვეყნიურ გეგმებს და ვზრუნავთ მხოლოდ ერთზე - სათნო ვეყოთ უფალსა და ადამიანებს.“

[marine]

„მონაზონს, რომელიც ღამისთევის ლოცვას არ ასრულებს და თავის ავლა-დიდებად იესოს ლოცვა არ გაიხადა, არ შეიძლება მონაზონი ეწოდოს.“

[marine]

“ერთმა ახალგაზრდა კაცმა, რომელიც მონასტერში გამუდმებით დადიოდა, მაგრამ ამსოფლიური ყოფაც ერთობ ძალუმად იზიდავდა (უყვარდა მუსიკა, ნაირგვარი სანახაობები, მოგზაურობა, გართობა), ჰკითხა მამა ეპიფანეს, დასაშვებია თუ არა მისთვის იფიქროს მონაზვნობაზე.
-შვილო ჩემო, მონაზვნად არ გამოდგები, -მიუგო მამა ეპიფანემ, -შენ მეტისმეტად გიზიდავს სოფელი, მონაზონს კი საწინააღმდეგო მისწრაფება უნდა ჰქონდეს: თავისი შინაგანი სამყარო უნდა იზიდავდეს და არა პირიქით.“

[marine]

„თუ გსურს მონაზვნობა, მაშინ ყველა ჟინისა და ამსოფლიურ მიდრეკილებათა ნახევარი ჯერ კიდევ ბერად აღკვეცამდე უნდა მოიკვეთო, მერე კი იღვაწო, რათა შენში საბოლოოდ აღმოიფხვრას ერისკაცული ცხოვრების კვალი.“

[marine]

„[დავითგარეჯში] მთავარი ეკლესიის მახლობლად მდებარეობს უდაბნოს სატრაპეზო. სატრაპეზოში ქვის მაგიდები ორ რიგად კლდეშია გამოკვეთილი. აქ ბერები დაჩოქილნი ტრაპეზობდნენ.“

[marine]

„ნუ განიკითხავ მონაზვნებს, ვინაიდან მათ თავიანთი სათნოების დაფარვა სურთ და ბევრი თავს სულელად აჩვენებს, რათა ადამიანებმა არ შეაქონ.“

„მონაზონი მხედარია, რომელიც წინა ხაზზე იბრძვის.“

[marine]

"მონაზონი არის ის, ვინც ხორციელ სხეულში მყოფი უხორცოთა მდგომარეობას ბაძავს."

[marine]

„ყველა ბერი და მონაზონი დედის მუცლიდან არის დანიშნული. რაც არ უნდა მოხდეს ადამიანის ცხოვრებაში, თუ ღმერთს ამორჩეული ჰყავს ამ გზისთვის, უთუოდ ამ გზას შეუდგება.“

[marine]

„თუ ყმაწვილს ანდა გოგონას ამგვარი შეკითხვა ებადება: რომელი გზა აირჩიოს ცხოვრებაში - დაოჯახება თუ მონაზვნური ცხოვრება მარტოობაში - უკვე ეს მოწმობს უფლისაგან მის განსაკუთრებულ გამორჩეულობაზე.“

/მამა არსენი (ბურეზარიტისი)/

„მონაზონთათვის დიდად სარგოა ღვთისმშობლის დაუჯდომლის გალობა ღამით, ეს დაუჯდომელი მათ ზეპირად უნდა იცოდნენ.“

/იღუმენია ზოილე დვალიშვილი (პატრიარქის ნათლია)/

[marine]

„ბერობის არსი გონების ბოროტ ზრახვათაგან განწმენდაშია.“

[marine]

"ერის მშვიდობა მონაზონთა ლოცვით მკვიდრდება."

[marine]

„დედა სარას ოცდაათი წლის განმავლობაში ებრძოდა მრუშობის ზრახვები და არასოდეს უთხოვია, რომ ეს ბრძოლა შეწყვეტილიყო; ღმერთს მხოლოდ იმას ევედრებოდა, რომ ამ ბრძოლის გასაძლიერებლად გამძლეობა და მოთმინება ებოძებინა.“

/წმ. ტიხონ ზადონელი/

[marine]

„კარგ ბერს ქალის გული უნდა ჰქონდეს.“

/წმ. გაბრიელი/

[marine]

ერთხელ ერთი კაცი, რომელიც ღმერთისკენ მიმავალ გზას ეძებდა, ბერთან მივიდა და უთხრა:

- შენთან დახმარების სათხოვნელად მოვედი. იქნებ ღმერთისკენ მიმავალი გზა მასწავლ...ო.

ბერმა უთხრა:

- იმ შემთხვევაში გასწავლი, თუ მიპასუხებ, ოდესმე ვინმე თუ გყვარებია?

კაცმა ამაყად მიუგო:

- სიყვარული და სხვა ამქვეყნიური საკითხები არ მაინტერესებს, სიყვარული, ესენი ჩემთვის ძალიან უმნიშვნელოა. მე ღმერთზე ვფიქრობ და ღმერთისკენ მიმავალ გზას ვეძებ.

ბერმა გაიღიმა:

- კიდევ ერთხელ და ღრმად დაფიქრდი, ცხოვრებაში ან ქალი, ან ბავშვი ან თუნდაც ცხოველი, ფრინველი, ყვავილი, მაინც არასოდეს გყვარებია?

- მე ჩვეულებრივი ერისკაცი არ გეგონო, – უთხრა კაცმა, – მე ღმერთისკენ მიმავალ გზას ვეძებ და სიყვარულისთვის დროს ვერ დავკარგავო.

ბერმა მოიწყინა და უთხრა:

- თუ ასეა, მაშინ შეუძლებელია შენ ღმერთისკენ მიმავალი გზა იპოვო. ჯერ ვინმე უნდა შეიყვარო, შენს გულში სიყვარულმა უნდა დაისადგუროს და ეს იქნება ღმერთისკენ მიმავალ გზაზე შენი პირველი ნაბიჯი. შენ მეკითხები კიბის ბოლო საფეხურზე, როდესაც პირველ საფეხურზეც კი არ შეგიდგამს ფეხი. წადი, შეიყვარე ვინმე და მერე ეძებე ღმერთისკენ მიმავალი გზა..