მონოზონნი(სამონაზვნო წესით ცხოვრება), რაოდენ დიდი ყოფილა მონაზვნობის პატივი... პარამეტრები

[marine]

"სულიერ ცხოვრებაში დიდად გვეხმარება მყუდროება, კარგია, თუ ყოველ დღე გარკვეული დროით განვმარტოვდებით. დაე, ამ დროს კაცმა მიმოიხილოს თავისი თავი, შეიცნოს თავისი ვნებები, იღვაწოს და მოიკვეთოს ისინი, განიწმინდოს გული.

ძალზე კარგია, თუ სახლში არსებობს პატარა ოთახი, რომლის ატმოსფეროც მონაზვნის სენაკს მოგვაგონებს. იქ შეგვიძლია აღავსრულოთ ჩვენი სულიერი მოვალეობა, წავიკითხოთ სასულიერო შინაარსის წიგნები, ვილოცოთ. ეს ძალიან დაგვეხმარება - კითხვა გაუთბობს კაცს გულს და გადაიყვანს სულიერ მხარეს"

/მამა პაისი ათონელი/

[marine]

"მორჩილის კაბით შემოსვა"

[marine]

"დიდი, ბერული მოთმინებით იყო აღჭურვილი"

[marine]

"მონასტერი თავშესაფარი არ არის. აქ ღვთის სიყვარულმა უნდა მოგიყვანოს"

[marine]

"უკანასკნელ ჟამს, ჭეშმარიტი მონაზონი ძლივს იპოვის რომელიმე შორეულ და უცხო თავშესაფარს, რათა მასში გარკვეული თავისუფლებით ემსახუროს ღმერთს და არ მიჰყვეს განდგომილებისა და განდგომილთა ძალადობას ეშმაკის მსახურებისკენ...

ჰოი, უბედურებათა უბედურება, რომელსაც მხოლოდ ჭეშმარიტი ქრისტიანები და ჭეშმარიტი მონაზვნები გულისხმისყოფენ, და შეუცნობელია მათთვის, რომელთაც მოიცავს და დაღუპავს იგი!"

/წმ. ეგნატე ბრიანჩანინოვი/

[marine]

"როცა ბოლშევიკებისგან განადგურებული ოპტის მონასტერი აღდგა, იქ მრავალი სანუგეშო ამბავი ხდებოდა. სასტუმრო ოთახები მონასტერში ჯერ არ ჰქონდათ და პილიგრიმები ტაძარში იძინებდნენ.

ერთმა მათგანმა ლეიბი ღვთისმშობლის ხატის წინ გაშალა, მაგრამ საბანი აღარ შეხვდა და სიცივისგან ძილი გაუკრთა. შუაღამისას მასთან ვინმე მონაზონი მივიდა და თბილი მოსასხამი დააფარა.

დილით კაცს უნდოდა პატრონისთვის დაებრუნებინა მოასახამი. დაუწყო ძებნა, ვერ იპოვა, მერე კი უცბად სირბილი დაიწყო, გახარებული ხტოდა. რა დაგემართა, ძმაო? - ჰკითხეს ეკლესიის მსახურებმა. მან კი უთხრა: "მე ხომ კოჭლი ვიყავი. ახლა კი სირბილიც შემიძლია და ხტუნვაცო".

კაცს მოძღვარმა უთხრა, - ის მონაზონი ღვთისმშობელი იყოო".

[marine]

"ერთ მონასტერში ბერს ხორციელი ბრძოლები ჰქონდა, მაგრამ როგორც კი ერთი მოხუცი ბერის მოვლა და ნუგეშისცემა დაიწყო, ღმერთმაც ანუგეშა და ხორციელი ვნება გაუქრა"

[marine]

"მონაზვნობა ნიშნავს, არა თუ იოცნებო მონაზვნობაზე, არამედ იცხოვრო წმინდა წერილისეულად. მორჩილებით გამოწრთობილი სული ნაკლებ პრობლემებს ხვდება. გამოუცდელობა, არაქრისტიანული სვლა, ერული ცნობიერება უდიდესი ლოდია მონაზვნურ გზაზე".

/მღვდელ-მონაზონი ანდრია (სარია)/

[marine]

"ქრისტესთან განმარტოების მოთხოვნილება თუ დაკარგა მონაზონმა, მისი სული მკვდარია"

/მღვდელ-მონაზონი ანდრია (სარია)/

[marine]

„მონაზვნების განსაცდელი ამპარტავნების სულია. ამიტომაცაა, პირველი საფეხური იწყება მორჩილებით, ვინც მას ვერ გაივლის სულიერად, იგი მუდმივად დაცემულ მდგომარეობაში, მაწანწალა სულად იქცევა.

ყველას სურს მონასტერში მოვიდეს, ინახულოს მონაზონი, მოიკითხოს, მაგრამ იშვიათად სურთ ქრისტიანობისა და თავმდაბლობის სწავლა.

თავმდაბლობა ეს გახლავთ ქრისტეს შეგრძნება გულში. ვინც იცის რა არის თავმდაბლობა, ის ვერ აღწერს ამ სიტყვას, მაგრამ ვინც არ იცის, იმდენს ლაპარაკობს მასზე, თავად თავმდაბალსაც შეაშინებს.

თავმდაბლობა თავისთავად იბადება მორჩილებისმოყვარე მონაზონში“.

/მღვდელ-მონაზონი ანდრია (სარია)/

[marine]

ბოლო ჟამის ეკლესიის შესახებ

ერეტიკოსები დიდად შეავიწროებენ მონაზვნებს და მონაზვნური ცხოვრება იმ დროს საძრახისი იქნება. მონასტრები დაცარიელდება, მონაზვნები შემცირდებიან, ხოლო ვინც დარჩება, ძალადობის დათმენა მოუწევს. ეს მონაზვნური ცხოვრების მტრები, რომელნიც მხოლოდ მოჩვენებით იქნებიან კეთილმსახურნი, ეცდებიან მონაზვნების გადაბირებას, დაპირდებიან მათ მფარველობასა და ცხოვრებისეულ სიკეთეებს, ურჩებს კი გაძევებით დაემუქრებიან. ამ მუქარის გამო სულმოკლეებს დიდი ურვა დაატყდებათ თავს. თუკი იმ დრომდე მიაღწევ, გიხაროდეს, რადგან მაშინ მორწმუნეთათვის, რომელთაც სხვა სათნოებები არ ექნებათ, სარწმუნოებაში მყარად დგომისათვის იქნება გამზადებული გვირგვინები, თანახმად უფლის სიტყვისა: "ყოველმან რომელმან აღმიაროს წინაშე კაცთა, მეცა აღვიარო წინაშე მამისა ჩემისა ზეცათაისა"

/ღირსი ანატოლი ოპტელი/

[marine]

"მონაზვნები - ნებაყოფლობით მოწამეებად იწოდებიან... თუ ბევრმა მოწამემ ხანმოკლე ტანჯვის შემდეგ მოიღო გვირგვინი, მონაზვნები მთელი ცხოვრების განმავლობაში ეწამებიან და, მართალია, მტრის მახვილთცემა ხშირად ასცდებათ ხოლმე, ხორციელი და ფიქრისმიერი გულისთქმებით გამოიცდებიან და ამგვარ ბრძოლასა და ტანჯვაში ჰგიებენ უკანასკნელ ამოსუნთქვამდე..."

[marine]

„ანგელოზთასწორი ღვაწლი“

[marine]

„საბერო წესნი გაითავისა“

[marine]

“მისი სული ღვთისთვის ცხოვრების საკვირველი და უქრობი სურვილით იწვოდა: - საზრდელად - თავშეკავება ჰქონდა, სიმდიდრედ - უპოვარება, სხეულს კი ოდენ ჯვალოს ძველი საბერო კაბა უფარავდა“

[marine]

„როდესაც ახალშემონაზვნებული წმინდა ძღვენს აზიარა, იქაურობა გამოუთქმელმა კეთილსურნელებამ აღავსო“.

[marine]

„რჩეულთ კი დიდი სქემით აპატიოსნებდა“

[marine]

"საბერო მორჩილი"

[marine]

"უკანასკნელ ჟამს ჭეშმარიტი მონაზონი (რათქმაუნდა, ეს ეხება არა მხოლოდ მონაზვნებს, არამედ ყველა ჭეშმარიტ ქრისტიანს!) ძლივს იპოვის რომელიმე მოშორებულ და უცნობ თავშესაფარს, რათა მასში გარკვეული თავისუფლებით ემსახუროს ღმერთს და თავი დაიცვას განდგომილების ძალადობისა და განდგომილთა სატანის მსახურებისაგან"

[marine]

მონაზვნის აღთქმა
კ ი თ ხ ვ ა - მ ი გ ე ბ ა

უკეთუ მოსრულხარ წინაშე ღვთისა, გკითხავ სიმშვიდით
და მომიგე ჩუენ ყოვლითა კრძალულებითა:

კითხვა: რაისათვის მოსრულხარ, ძმაო, შევრდომით, წმიდასა ამასა მსხვერპლის შეწირვასა და წმიდათა ამათ კრებულთა?
მიგება: მნებავს განშორებაი სოფლისაგან, პატიოსანო მამაო.

კითხვა: ნებითა შენითა ღირს იქმნებია ანგელოსებრივსა ამას სახესა და წესსა გუნდთა მონოზონთასა?
მიგება: ჰე, ღუთისა ძალითა, პატიოსანო მამაო.

წინამძღვარმან: ხოლო რაჟამს აღგირჩევიეს კეთილი და სანატრელი ეს საქმეი, უკეთუ გნებავს განსრულებაი კეთილისა საქმისა, შრომითა, რუდუნებითა და ტკივილითა განსრულდების.

კითხვა: ნებსით გონებითა შენითა მოხუალა წინაშე უფლისა?
მიგება: ჰე, ღუთისა ძალითა, პატიოსანო მამაო.

კითხვა: დაიცავა ქალწულებასა შენსა ყოვლითა გონებითა და სასოებითა?
მიგება: ჰე, ღუთისა ძალითა, პატიოსანო მამაო.

კითხვა: ცხოვრებასა შინა შენსა ვიდრე სიკვდიდმდე ჰყოფა მორჩილებასა უფროსისასა, და ყოველთა ქრისტეს მიერ ძმათასა?
მიგება: ჰე, ღუთისა ძალითა, პატიოსანო მამაო.

კითხვა: დაითმენა ყოველსა ძვირისხილვასა, იწროებასა, ბოროტთა მიერ აღძრულსა მზაკუარებასა, სასუფევლისათვის ცათასა?
მიგება: ჰე, ღუთისა ძალითა, პატიოსანო მამაო.