მონოზონნი(სამონაზვნო წესით ცხოვრება), რაოდენ დიდი ყოფილა მონაზვნობის პატივი... პარამეტრები

[marine]

„- პატარა ბერო, - ხშირად მეტყოდა ხოლმე, - შენ ახლა შეუდექი გზას, ეცადე, საგზალი არ დაკარგო. ეგ გზა, რომელიც აირჩიე, ციცაბოა, სავალად ძნელი. მტკიცედ უნდა იდგე, რომ არ ჩამოვარდე. ჩაებღაუჭე მოძღვრის მარჯვენას, ის იქნება შენი დასაყრდენი“.

[marine]

„ერთი თვალის შევლებითაც ნათლად ჩანდა, წმინდა ბასილის უდაბნოს ისიქასტი მამა ქერუბინი ნათლის სოფელს გადასახლებულიყო“.

[marine]

„მონაზვნური კანონით, ბერს ჯარისკაცვით ქამარშემორტყმული კაბით, სკუფიითა და წინდებით უნდა ეძინოს. მეომარი მუდამ მზად უნდა იყოს, მოხმობისთანავე სადარაჯოდ დადგეს. ასევეა ბერიც - როგორც კი ლოცვისთვის მოუწოდებენ, მყის უნდა წამოხტეს. ასე ცხოვრობდა მამა გრიგოლი - ყოველ ღამით წამოდგებოდა და თავის კანონს ასრულებდა“.

[marine]

„ხის სკამზე ჩამომსხდარნი ვუღრმავდებოდით ღვთისმიერ ფილოსოფიას, რომელიც მონაზვნურ ცხოვრების ახლავს“.

[marine]

"სტასიდიები მდუმარე ლანდებით შეივსო"

[marine]

„ბერისთვის ღმერთი უნდა იყოს ანიც და ჰოეც“

[marine]

„მამა დამიანებს პატრიარქის შესახედაობა ჰქონდა“

[marine]

„რამდენი შებორკა და დაღუპვა ეშმაკმა! ასე რომ, იძინე ხის ტახტზე, ერთადერთი ქაშაყით შეხვდი აღდგომას, ჭამე მხოლოდ ერთი კოვზი ზეთით შენელებული მწვანილი, თუ გინდა, რომ კარგი ბერი გახდე“.

[marine]

„მამა იოაკიმე ხშირად უჩვეულოდ, ორიგინალურად მირჩევდა, როგორი სიყვარულით უნდა მოვპყრობოდი სამეურნეო საგნებს: „როცა რაიმე ჭურჭელს, ინსტრუმენტს ხმარობ, როგორც ამ დანას, ჭუჭყიანი რომ დატოვე, მუშაობის შემდეგ უნდა გაწმინდო, ეამბორო და უთხრა: გმადლობ, ჩემო ჯაყვავ, რომ მემსახურე. მერე კი თავის ადგილას დადო“. აბსოლუტურობის ზღვარს აღწევდა მამა იოაკიმეს დადგენილი წესი და რიგი. ჩვევად გვქონდა გადაქცეული: ყველაფერი რიგიანად უნდა შეგვესრულებინა“.

[marine]

„მამა არსენი კი „დამონებული“ ბერი იყო. მისმა მოძღვარმა იცოდა ეს და ყოველდღიურად მოთმინებისა და მორჩილების გვირგვინით მოსავდა. რამდენჯერ მოქცევია მკაცრად, აბუჩად აუგდია, თანაც სხვა მამების წინაშე! ის კი მოთმინებით მოუდრეკდა მუხლს და შენდობას სთხოვდა“

[marine]

"მისმა სახელმა და ცხოვრების წესმა მისი მიბაძვის დიდი სურვილი გამიჩინა, მაგრამ საკუთარ თავში ვერ ვხედავდი ძალას, მისნაირი სულიერი ნიჭები მომეხვეჭა. ამიტომ ჩემს სულიერ მოძღვარს ვთხოვე, ბერად აღკვეცის ჟამს ჩემთვის მისი სახელი მაინც დაერქმიათ. მწამდა, ამგვარად შევძლებდი, კავშირი მქონოდა ამ დაუვიწყარ პიროვნებასთან“.

/არქიმანდრიტი ქერუბინი/

[marine]

"მაშინ იქნები კარგი ბერი, როცა ყურადღებით მოეპყრობი შენი მორჩილების წვრილმანსაც".

[marine]

“[მამა არტემი] საოცრად უბრალო იყო. ერთხელ მონასტრის საქმეზე პირეაში ჩავიდა. ნავსადგურში ერთი მეძავი დედაკაცი მიუახლოვდა და სახლში (ბორდელში) წაყვანა შესთავაზა. უმანკო ბერი ღმერთს ადიდებდა: ამდენ ხალხში ერთი კაცი მაინც გამოჩნდა, ვინც შემიფარებსო.

მასპინძელმა ოთახში შეიყვანა, საჭმელი მისცა და მარტო დატოვა. ბერმა სკვნილზე ლოცვა დაიწყო. მალე ქალმა კარზე დაუკაკუნა.

მამა არტემი მიჩვეული იყო, რომ კარზე დაკაკუნებისას ამბობდნენ: „ლოცვითა წმიდათა მამათა ჩვენთათა“, ის კი „ამინს“ იტყოდა და კარს გააღებდა.

- თქვი „ლოცვითა“, თორემ არ გაგიღებ, - გასძახა ქალს, როცა მან კარზე ბრახუნი ატეხა.

„რახან არ ამბობს, ესე იგი დემონური სულია“, - გაიფიქრა მამა არტემმა, ლოცვა განაგრძო და კაკუნს ყური აღარ ათხოვა.

რადგან ბერმა ღამის გათევისთვის ფული არ გადაიხადა, მეორე დღეს ქალი მთავარეპისკოპოსთან მივიდა საჩივლელად. მამა არტემი თავს იმართლებდა, მას თავად სურდა ჩემი დაბინავება და ამაში ფული არ მოუთხოვიაო. მთავარეპისკოპოსმა დააფასა მამა არტემის უბრალოება და მისი კვებისა და ღამსთევის ფული თვითონ გადაიხადა“.

[marine]

„ღმერთი - მოძღვარი - მორჩილი. ჩემო შვილო, თუ დაინახავ მონასტერს და ძმობას, რომელიც სულს ღაფავს, იცოდე, რომ ამ ღვთივმოცემული წესრიგის დარღვევაა ამის ბრალი“.

[marine]

„სათნო ბერი, რომელსაც სახეზე არაამქვეყნიური სიკეთე და ზეციური ღიმილი აღბეჭვდოდა“.

[marine]

„სენაკის კარზე გვიკაკუნებდა ამისთვის დადგენილი ძმა და ხმამაღლა ამბობდა: „ლოცვითა წმინდათა მამათა ჩვენთათა...“ ეს ნიშანი იყო გაღვიძებისა. იმ წუთსვე გადავიძრობდით საბანს და წამოვდგებოდით, ვითარცა სულიერი საგუშაგოს მეომარნი, ვითარცა ლოცვის ებგურნი. მთლიანი სამონაზვნო სამოსით შემოსილთ გვეძინა, როგორც მცველებს, დარაჯობის ჟამს რომ ელიან“.

[marine]

„-შენ ახალგაზრდა ხარ, შვილო, ახლახან შეუდექი ბერობას, წინ კი გრძელი გზა გაქვს, რომელიც ბერისთვის ეკლიანია. ბევრჯერ გეტკინება“.

[marine]

„ბერი რაც შეიძლება დიდხანს უნდა იდგეს ღვთის წინაშე“.

[marine]

„მოძღვარმა თავისი მორჩილის თითოეული ნაბიჯი უნდა იცოდეს. ის, რაც არ იცის ბერმა თავის მორჩილზე, ღმერთსაც არ უნდა მისი ცოდნა, რადგან უფალს მორჩილთან ურთიერთობა მხოლოდ მისი მოძღვრის მიერ სურს“.

[marine]

„ამით მასწავლა, რომ შორს უნდა იყო ყოველგვარი სიახლისგან, რომელიც ცხოვრებას აიოლებს“.