მონოზონნი(სამონაზვნო წესით ცხოვრება), რაოდენ დიდი ყოფილა მონაზვნობის პატივი... პარამეტრები

[marine]

“[მამა არტემი] საოცრად უბრალო იყო. ერთხელ მონასტრის საქმეზე პირეაში ჩავიდა. ნავსადგურში ერთი მეძავი დედაკაცი მიუახლოვდა და სახლში (ბორდელში) წაყვანა შესთავაზა. უმანკო ბერი ღმერთს ადიდებდა: ამდენ ხალხში ერთი კაცი მაინც გამოჩნდა, ვინც შემიფარებსო.

მასპინძელმა ოთახში შეიყვანა, საჭმელი მისცა და მარტო დატოვა. ბერმა სკვნილზე ლოცვა დაიწყო. მალე ქალმა კარზე დაუკაკუნა.

მამა არტემი მიჩვეული იყო, რომ კარზე დაკაკუნებისას ამბობდნენ: „ლოცვითა წმიდათა მამათა ჩვენთათა“, ის კი „ამინს“ იტყოდა და კარს გააღებდა.

- თქვი „ლოცვითა“, თორემ არ გაგიღებ, - გასძახა ქალს, როცა მან კარზე ბრახუნი ატეხა.

„რახან არ ამბობს, ესე იგი დემონური სულია“, - გაიფიქრა მამა არტემმა, ლოცვა განაგრძო და კაკუნს ყური აღარ ათხოვა.

რადგან ბერმა ღამის გათევისთვის ფული არ გადაიხადა, მეორე დღეს ქალი მთავარეპისკოპოსთან მივიდა საჩივლელად. მამა არტემი თავს იმართლებდა, მას თავად სურდა ჩემი დაბინავება და ამაში ფული არ მოუთხოვიაო. მთავარეპისკოპოსმა დააფასა მამა არტემის უბრალოება და მისი კვებისა და ღამსთევის ფული თვითონ გადაიხადა“.

[marine]

„ღმერთი - მოძღვარი - მორჩილი. ჩემო შვილო, თუ დაინახავ მონასტერს და ძმობას, რომელიც სულს ღაფავს, იცოდე, რომ ამ ღვთივმოცემული წესრიგის დარღვევაა ამის ბრალი“.

[marine]

„სათნო ბერი, რომელსაც სახეზე არაამქვეყნიური სიკეთე და ზეციური ღიმილი აღბეჭვდოდა“.

[marine]

„სენაკის კარზე გვიკაკუნებდა ამისთვის დადგენილი ძმა და ხმამაღლა ამბობდა: „ლოცვითა წმინდათა მამათა ჩვენთათა...“ ეს ნიშანი იყო გაღვიძებისა. იმ წუთსვე გადავიძრობდით საბანს და წამოვდგებოდით, ვითარცა სულიერი საგუშაგოს მეომარნი, ვითარცა ლოცვის ებგურნი. მთლიანი სამონაზვნო სამოსით შემოსილთ გვეძინა, როგორც მცველებს, დარაჯობის ჟამს რომ ელიან“.

[marine]

„-შენ ახალგაზრდა ხარ, შვილო, ახლახან შეუდექი ბერობას, წინ კი გრძელი გზა გაქვს, რომელიც ბერისთვის ეკლიანია. ბევრჯერ გეტკინება“.

[marine]

„ბერი რაც შეიძლება დიდხანს უნდა იდგეს ღვთის წინაშე“.

[marine]

„მოძღვარმა თავისი მორჩილის თითოეული ნაბიჯი უნდა იცოდეს. ის, რაც არ იცის ბერმა თავის მორჩილზე, ღმერთსაც არ უნდა მისი ცოდნა, რადგან უფალს მორჩილთან ურთიერთობა მხოლოდ მისი მოძღვრის მიერ სურს“.

[marine]

„ამით მასწავლა, რომ შორს უნდა იყო ყოველგვარი სიახლისგან, რომელიც ცხოვრებას აიოლებს“.

[marine]

„ყურადღებით დავათვალიერე კელია. თავიდან თითქოს არ დამაკმაყოფილა, დაბალი იყო, ვიწრო, მოსაწყენი, მაგრამ მალევე მივხვდი მისი ამგვარად აშენების აზრს და ამ გრძნობამაც გამიარა. თითქმის ყველა კინოვიასა და კალივაში კელიები პატარა, დაბალჭერიანი, თაგვის სოროსავითაა. ასეთი სივიწროვე ბერს ეხმარება, მიაქციოს თავისი გონება შიგნით, გულისკენ“.

[marine]

„კურთხეულნი არიან ის ბერები, ვინც თავიანთ მოძღვარს „ღვთის შემდეგ ღმერთს“ უწოდებენ“.

[marine]

„ბერობა არის განუწყვეტელი იძულება ბუნებისა“.

[marine]

„დაუბანლობით უსახურნი ჩანდნენ, მუდამ ფეხშიშველნი იყვნენ. მიუხედავად ამისა, ხშირად ვთხოვდი მოძღვარს, მათთან წავეყვანე, რადგან მათ გვერდით სულიერ სიმშვიდეს და ბრწყინვალებას ვგრძნობდი“.

[marine]

„მწამდა, ისინი მონაზვნური ცხოვრების სწორ გზაზე გამიყვანდნენ“

[marine]

„ბერობა ღვაწლია, რადგან ბერი ყოველთვის შრომობს“.

[marine]

„მე უკვე უფლის არმიის ახალგაწვეული ჯარისკაცი ვარ“.

[marine]

„ჩონჩხად ქცეული მეუდაბნოე“

[marine]

„მკაცრად მოღვაწე საძმოში მორჩილებდა“

[marine]

„სრულყოფილი ბერი ხომ სიყვარულის ბერია. სრულყოფილება სიყვარულით გამოიხატება“.

[marine]

„ამ კეთილმა ბერებმა ძალზე მნიშვნელოვანი როლი ითამაშეს ჩემი ბერული ცხოვრების იდეალის ჩამოყალიბებაში“.

[marine]

„მისი უსიტყვო მორჩილება, იობის მოთმინება და დაუღალავი სწრაფვა, არ წაბორძიკებულიყო განსაცდელების ჟამს - ჩემში განსაკუთრებულ კრძალვასა და პატივისცემას იწვევდა“.