კითხვები, და პასუხები პარამეტრები

[terra]

dr.house...

არაა საჭირო გარეთ ატარო ყველას დასანახად თუ როგორი ბეჯითი მლოცველი ხარ

მე ვიტყოდი არაა აუცილებელი

მართალი ხარ, საჭირბოროტო საკითხია.
თუმცა, მგლის შიშით ცხვარი ვის გაუწყვეტია

[dr.house...]

მე ვიტყოდი არაა აუცილებელი

მართალი ხარ, საჭირბოროტო საკითხია.
თუმცა, მგლის შიშით ცხვარი ვის გაუწყვეტია

კიი გეთანხებიი!!

[ნინნნო]

...ხომ ვერ მიმასწავლით, მოცეკვავე სალომეა სახარების ზუსტად რომელ მონაკვეთშია ნახსენები? ან სამოციქულოში ან ეპისტოლეებში?
ძალიან მჭირდება შევადარო, სახარების რუსულ თარგმანში , რუსული ენის თვისების გამო, მენელსაცხებლე დედა სალომე ”სალომე_ა”_დ არის ნახსენები თუ სალომე _დ.

[marine]

ნინნნო
მათეს სახარება
თავი მეთოთხმეტე

1. იმ ხანად ჰეროდე მეოთხედმთავრამდე მიაღწია იესოს ამბავმა;

2. და უთხრა თავის მსახურთ: ეს არის იოანე ნათლისმცემელი; მკვდრეთით აღმდგარა და ამიტომ ძალნი მოქმედებენ მასში.

3. ვინაიდან ჰეროდემ შეიპყრო იოანე, გათოკა და საპყრობილეში ჩააგდო ჰეროდიადას, თავისი ძმის - ფილიპეს ცოლის გამო.

4. რადგანაც იოანე ეუბნებოდა: არ შეიძლება შენ გყავდესო იგი.

5. და უნდოდა მისი მოკვლა, მაგრამ ხალხისა ეშინოდა, ვინაიდან წინასწარმეტყველად მიაჩნდათ იგი.

6. ხოლო ჰეროდეს დაბადების დღეს ჰეროდიადას ასულმა იცეკვა წვეულთა წინაშე და მოხიბლა ჰეროდე.

7. ამიტომ ფიცით აღუთქვა მას, მოგცემ, რასაცა მთხოვო.

8. ხოლო მან, დედამისისგან წინასწარ გაზრახებულმა, სთხოვა ლანგრით მიეცათ იოანე ნათლისმცემლის თავი.

9. შეწუხდა მეფე, მაგრამ, ფიცისა და თანამეინახეთა რიდით, მიცემა ბრძანა.

10. წარგზავნა მსახურნი, რათა იოანესთვის თავი მოეკვეთათ საპყრობილეში.

11. მოართვეს თავი ლანგრით და მისცეს ყმაწვილ ქალს, ხოლო მან მიართვა დედამისს.

12. იოანეს მოწაფეები მივიდნენ, გამოიტანეს მისი ნეშტი და დამარხეს: მერე კი წავიდნენ და აუწყეს იესოს.

13. ეს რომ გაიგო, იესო ნავით გაეცალა იქაურობას და უდაბნოში განმარტოვდა, მაგრამ შეიტყო ხალხმა და ფეხდაფეხ მიჰყვა ქალაქებიდან.

14. გამოვიდა იესო, იხილა დიდძალი ხალხი, შეებრალა ისინი და განკურნა მათი სნეულნი.

15. ხოლო შებინდებისას მივიდნენ მისი მოწაფეები და უთხრეს: უდაბურია ეს ადგილი და თანაც გვიანია უკვე: გაუშვი ხალხი, რათა წავიდნენ სოფლებში საჭმლის საყიდლად.

16. მაგრამ იესომ უთხრა მათ: არ დასჭირდებათ წასვლა; თქვენ თვითონ მიეცით საჭმელი.

17. ხოლო მათ უთხრეს: რომ არაფერი გვაქვს, ხუთი პურისა და ორი თევზის გარდა?

18. იესომ უთხრა მათ: აქ მომიტანეთ.

19. და მოლზე დასხდომა უბრძანა ხალხს: აიღო ხუთი პური და ორი თევზი, ზეცად აღაპყრო თვალნი, აკურთხა და დატეხა პურები და მისცა მოწაფეებს, ხოლო მათ ჩამოურიგეს ხალხს.

20. ყველამ ჭამა და გაძღა; ნარჩენებით კი გაავსეს თორმეტი კალათი.

21. ხოლო იყო მჭამელი ასე ხუთიათასამდე კაცი, ქალებისა და ბავშვების გარდა.

22. და მაშინვე აიძულა თავისი მოწაფეები, ნავში ჩამსხდარიყვნენ და მასზე ადრე გასულიყვნენ გაღმა, სანამდის თვითონ გაისტუმრებდა ხალხს.

23. ხალხი რომ გაისტუმრა, განმარტოებით ავიდა მთაზე სალოცავად; და მწუხრის ჟამს მარტო იყო იქ.

24. ხოლო ნავი უკვე შუაგულ ზღვაში იყო, და ტალღები ეხეთქებოდნენ მას, ვინაიდან პირქარი ქროდა.

25. და ღამის მეოთხე გუშაგობისას იესო ზღვაზე სვლით მივიდა მათთან.

26. ზღვაზე მომავალი რომ დაინახეს, მოწაფეები შეძრწუნდნენ და თქვეს: მოჩვენება არისო, და შიშით შეჰყვირეს.

27. მყისვე შეეხმიანათ იესო: მხნედ იყავით; მე ვარ, ნუ გეშინიათ.

28. მიუგო პეტრემ და უთხრა მას: უფალო, თუ მართლა შენა ხარ, მიბრძანე, რომ ზღვით მოვიდე შენთან.

29. მანაც უბრძანა: მოდი! და გადმოვიდა პეტრე ნავიდან, რათა ზღვაზე სვლით მისულიყო იესოსთან.

30. მაგრამ რა იხილა ძლიერი ქარი, შეშინდა, ჩაძირვა იწყო და შეჰღაღადა: უფალო, მიხსენ მე!

31. მყისვე გაუწოდა ხელი იესომ, ჩასჭიდა მას და უთხრა: მცირედ მორწმუნეო, რამ შეგაეჭვა?

32. და ავიდნენ თუ არა ნავზე, მაშინვე ჩადგა ქარი.

33. ხოლო ნავში მყოფნი მიეახლნენ, თაყვანი სცეს და უთხრეს: ჭეშმარიტად ღმრთის ძე ხარ შენ.

34. ასე გავიდნენ გაღმა და მიადგნენ გენესარეთის მხარეს.

35. და იცნეს იგი იქაურებმა, ხალხი დაგზავნეს მთელს მხარეში და მიჰგვარეს ყველა სნეული.

36. ევედრებოდნენ, ხელი შეგვახებინე შენი სამოსის კალთისთვისო; და ვინც შეახო, განიკურნა.

[marine]

მარკოზის სახარება
თავი მეექვსე

1. წამოვიდა იქიდან და მოწაფეების თანხლებით მივიდა თავის მამულში.

2. შაბათ დღეს დაიწყო სწავლება სინაგოგაში და მრავალი მსმენელი გაოცებული ამბობდა: ვინ მისცა ყოველივე ეს, ან რა სიბრძნე აქვს ბოძებული, რომ ამნაირი სასწაულები ხდება მისი ხელით?

3. განა ხურო არ არის, მარიამის ძე და იაკობის, იოსეს, იუდასა და სიმონის ძმა? მისი დებიც ხომ აქვე არიან, ჩვენს შორის? და ცდებოდნენ მასში.

4. ხოლო იესომ უთხრა მათ: არ არსებობს წინასწარმეტყველი პატივის გარეშე, თუ არა თავის მამულში, თავისიანებს შორის და თავის სახლში.

5. და არ მოუხდენია იქ არავითარი სასწაული. მხოლოდ რამდენიმე სნეულს დაადო ხელი და განკურნა.

6. უკვირდა მათი ურწმუნოება, ახლომახლო სოფლებში დადიოდა და ასწავლიდა მათ.

7. მოუხმო თორმეტს, წყვილ-წყვილად დაუწყო წარგზავნა, და მისცა მათ უწმინდურ სულთა დათრგუნვის ძალა.

8. და ამცნო მათ, არაფერი წაეღოთ გზაში, გარდა არგნისა; არცა აბგა, არც პური, არც რვალი სარტყლით:

9. არამედ სცმოდათ მხოლოდ ხამლები, და ნუ იგულებდნენ ორ ხელ სამოსს.

10. და უთხრა მათ: თუ სადმე შეხვალთ სახლში, იქვე დარჩით, სანამ არ გამოხვალთ იქიდან.

11. ხოლო თუ არავინ მიგიღოთ და არც ისმინოს თქვენი, იქიდან გამოსვლისას, მათ სამოწმებლად ჩამოიბერტყეთ თქვენი ფეხიდან მტვერი. ჭეშმარიტად გეუბნებით თქვენ: განკითხვის დღე სოდომისა და გომორისთვის უფრო ასატანი იქნება, ვიდრე იმ ქალაქისათვის.

12. და წავიდნენ ისინი სინანულის საქადაგებლად.

13. აძევებდნენ მრავალ ეშმაკს, ზეთს სცხებდნენ და ჰკურნავდნენ უამრავ სნეულს.

14. ჰეროდე მეფემ გაიგო ეს (ვინაიდან გაცხადდა მისი სახელი) და თქვა: იოანე ნათლისმცემელი აღმდგარა მკვდრეთით და ამიტომ ძალნი მძლავრობენ მასში.

15. სხვები ამბობდნენ: ეს ელიაა; ზოგი კი ამბობდა: წინასწარმეტყველია, ანდა როგორც ერთი წინასწარმეტყველთაგანი.

16. ხოლო ჰეროდემ რომ გაიგო, თქვა: ეს იოანეა, რომელსაც მე მოვკვეთე თავი; მკვდრეთით აღმდგარა.

17. ვინაიდან ჰეროდემ თვითონ წარგზავნა ხალხი, შეაპყრობინა იოანე, შეკრა და საპყრობილეში ჩააგდო ჰეროდიადას, თავისი ძმის, ფილიპეს ცოლის გამო, ცოლად რომ შეერთო მას.

18. რადგან იოანე ეუბნებოდა ჰეროდეს: არ უნდა გყავდესო შენი ძმის ცოლი.

19. ამიტომ ჰეროდიადა სდევნიდა მას და ცდილობდა მოეკლა იგი, მაგრამ არ შეეძლო.

20. რადგანაც ჰეროდეს ეშინოდა იოანესი, ვინაიდან იცოდა, რომ მართალი და წმიდა კაცი იყო და უფრთხილდებოდა; ბევრ რამეს აკეთებდა მისი რჩევით და სიამოვნებით უსმენდა მას.

21. მაგრამ ქალმა დრო იხელთა, როცა ჰეროდემ თავისი დაბადების დღეს წვეულება გაუმართა თავის დიდებულებს, ათასისთავებსა და გალილეველ წარჩინებულებს;

22. გამოვიდა ჰეროდიადას ასული, იცეკვა და მოხიბლა ჰეროდეც და მისი თანამეინახენიც. და უთხრა მეფემ ქალწულს: მითხარი, რაც გსურს, და მოგცემო.

23. და შეჰფიცა: რაც უნდა მთხოვო, მოგცემ, თუნდაც ჩემს ნახევარ სამეფოსო.

24. ხოლო ის გავიდა და დედამისს ჰკითხა: რა ვთხოვოო? და მან მიუგო: იოანე ნათლისმცემლის თავი.

25. მსწრაფლ შემობრუნდა მეფესთან და უთხრა: მინდა ახლავე მომართვა ლანგრით იოანე ნათლისმცემლის თავი.

26. შეწუხდა მეფე, მაგრამ ფიცისა და თანამეინახეთა რიდით ვერ იკადრა გაეწბილებინა იგი.

27. მაშინვე გაგზავნა თავისი მცველი და უბრძანა მოეტანა იოანეს თავი.

28. ისიც წავიდა, თავი მოჰკვეთა მას საპყრობილეში და ლანგრით მიართვა ქალწულს, ხოლო ქალწულმა მისცა დედამისს.

29. ეს რომ გაიგეს, იოანეს მოწაფეები წავიდნენ, გამოიტანეს მისი ნეშტი და ჩაასვენეს იგი სამარხში.

30. შეიკრიბნენ მოციქულები იესოსთან და უამბეს ყველაფერი, რაც ექმნათ და ესწავლებინათ.

31. ხოლო იესომ უთხრა მათ: წადით, განმარტოვდით უდაბურ ადგილას და ცოტა დაისვენეთ; - რადგან ბევრი იყო მომსვლელ-წამსვლელი და ჭამის დროც არ ჰქონდათ.

32. და მარტონი გაემგზავრნენ უდაბურ ადგილას ნავით.

33. მაგრამ ხალხმა დაინახა მიმავალნი, ბევრმა იცნო იგი და ქალაქებიდან ფეხდაფეხ მიჰყვნენ სირბილით, დაწინაურდნენ და მათზე ადრე მივიდნენ იქ.

34. გამოვიდა იესო, დაინახა დიდძალი ხალხი და შეებრალა ისინი, რადგანაც იყვნენ, როგორც უმწყემსო ცხვრები; და დაიწყო მათთვის მრავალი რამის სწავლება.

35. და რაკი დიდმა დრომ განვლო, მოწაფეები მივიდნენ და უთხრეს მას: უდაბურია ეს ადგილი და თანაც გვიანია უკვე;

36. გაუშვი ისინი, რათა წავიდნენ ახლომახლო სოფლებსა თუ დაბებში პურის საყიდლად, ვინაიდან არაფერი აქვთ საჭმელი.

37. ხოლო მან პასუხად თქვა: თქვენ თვითონ მიეცით საჭმელი. მათ უთხრეს: რა ვქნათ, წავიდეთ, ვიყიდოთ ორასი დინარის პური და ამათ მივცეთ საჭმელად?

38. მან კი იკითხა: რამდენი პური გაქვთ? წადით და ნახეთ. მათაც ნახეს და მოახსენეს: „ხუთი პური და ორი თევზი“.

39. მაშინ უბრძანა მათ, მწვანე მდელოზე ჯგუფ-ჯგუფად დაესხათ ხალხი.

40. და დასხდნენ რიგ-რიგად. ას-ასი და ორმოცდაათ-ორმოცდაათი.

41. აიღო ხუთი პური და ორი თევზი, ზეცად აღაპყრო თვალნი, აკურთხა, დატეხა პურები და მისცა თავის მოწაფეებს, რათა ჩამოერიგებინათ მათთვის; და ორი თევზიც უწილადა ყველას.

42. ყველამ ჭამა და გაძღა.

43. და გაავსეს პურისა და თევზის ნარჩენებით თორმეტი კალათი.

44. ხოლო იყო პურის მჭამელი ასე ხუთი ათასამდე კაცი.

45. მაშინვე აიძულა თავისი მოწაფეები, ნავში ჩამსხდარიყვნენ და მასზე ადრე გასულიყვნენ გაღმა, ბეთსაიდას, სანამდის თვითონ გაისტუმრებდა ხალხს.

46. ხოლო როდესაც გაისტუმრა ისინი, მთაზე ავიდა სალოცავად.

47. მწუხრის ჟამს ნავი შუაგულ ზღვაში იყო, თვითონ კი მარტო იდგა ხმელეთზე.

48. და დაინახა, რომ გაუჭირდათ ცურვა, ვინაიდან პირქარი ქროდა; ხოლო ღამის მეოთხე გუშაგობისას ზღვაზე სვლით მივიდა მათთან და დააპირა უკან მოეტოვებინა ისინი.

49. ხოლო მათ, ზღვაზე მომავალი რომ დაინახეს, მოჩვენება ეგონათ და ყვირილი მორთეს;

50. რადგან მისმა ხილვამ თავზარი დასცა ყველას. და მაშინვე შეეხმიანათ იესო: მხნედ იყავით; მე ვარ, ნუ გეშინიათ.

51. ნავში ჩაუჯდა მათ და ქარიც ჩადგა, რამაც კიდევ უფრო განაცვიფრა ისინი.

52. რადგან ვერ მიმხვდარიყვნენ პურობის სასწაულს, ვინაიდან გამქისებულიყო მათი გული.

53. გავიდნენ გაღმა და მიადგნენ გენესარეთის მხარეს.

54. ნავიდან გადმოსვლისთანავე იცნეს იგი იქაურებმა.

55. შემოირბინეს მთელი ეს მხარე, და ყველგან, სადაც კი ესმოდათ, აქ არისო, სარეცლებით მიჰყავდათ მასთან სნეულნი.

56. სადაც უნდა შესულიყო - სოფლებში, დაბებსა თუ ქალაქებში, მოედნებზე აწვენდნენ თავიანთ სნეულთ და სთხოვდნენ, ნება მიეცი, შენი სამოსის კალთას შეეხონო; და ყველა, ვინც მას ეხებოდა, იკურნებოდა.

[ნინნნო]

მარიამ, მადლობ, ვნახე ეგ ადგილი და იქ ნახსენებია მხოლოდ როგორც ასული ჰეროდიასი, სახეი არ წერია

[zaz]

ნინნნო
ადგილი მომყავს ლოპუხინის განმარტებიდან:
«Дочь Иродиады», которая плясала перед Иродом, в Евангелиях не называется Саломией. Сведения, что у Иродиады была дочь Саломия, вышедшая замуж за тетрарха Филиппа, заимствуются из Иосифа Флавия.

[ნინნნო]

ნინნნო
ადგილი მომყავს ლოპუხინის განმარტებიდან:
«Дочь Иродиады», которая плясала перед Иродом, в Евангелиях не называется Саломией. Сведения, что у Иродиады была дочь Саломия, вышедшая замуж за тетрарха Филиппа, заимствуются из Иосифа Флавия.

მე მაინტერესებს რუსულად მენელსაცხებლე დედა სალომე გამოითქმის როგორც სალომეა თუ სალომე?

უბრალოდ, ქართველ ბავშვს, რომელსაც მშობლებმა დაარქვეს სალომე, სახელის დარქმევის ლოცვის წაკითხვის დროს, რომელიც დაბადებიდან მე_7 დღეს იკითხება, რუსმა მღვდელმა, წარმოთქვა სახელი ”სალომეა” და მაინტერესებს, სალომე უნდა ეთქვა თუ სალომეა. რადგან შეიძლება რუსულში სალომე სალომეად გამოითქმის, როგორც მაგალითად, ნინო და რუსულად კი ნინას ამბობენ ხოლმე.
მაშინ მითხარით თუ შეიძლება, მარკოზის სახარების მე 16 თავში, რუსულ თარგმანში, მენელსაცხებლე დედებზე რომ წერია, რუსულად როგორ გამოითქმის სალომე, _ სალომე წერია თუ სალომეა? მადლობთ, მაგრამ იქნებ განმიმარტოთ მოკლედ, ჯერ ერთი, მომიტევეთ, დიდად გათვითცნობიერებული არ ვარ, ლოპუხინი ვინ არის? და როგორც გავიგე, ანუ ჰეროდიას ქალს არ ერქვა სალომეა? თუმცა ეს ჩემთვის არაა მაინცდამაინც საკვანძო საკითხი.

[georgios]

ნინნნო

მე მაინტერესებს რუსულად მენელსაცხებლე დედა სალომე გამოითქმის როგორც სალომეა თუ სალომე?

რუსულად გამოითქმის სალომეა.

უბრალოდ, ქართველ ბავშვს, რომელსაც მშობლებმა დაარქვეს სალომე, სახელის დარქმევის ლოცვის წაკითხვის დროს, რომელიც დაბადებიდან მე_7 დღეს იკითხება, რუსმა მღვდელმა, წარმოთქვა სახელი ”სალომეა” და მაინტერესებს, სალომე უნდა ეთქვა თუ სალომეა. რადგან შეიძლება რუსულში სალომე სალომეად გამოითქმის, როგორც მაგალითად, ნინო და რუსულად კი ნინას ამბობენ ხოლმე.

არ აქვს ამას გადამწყვეტი მნიშვნელობა. მას ქართველები მოიხსენიებთ როგორც სალომეს, ხოლო რუსები სალომეას და ეს ერთი და იგივეა. მასე არც ჩვენ ქართველები წარმოვთქვამთ სწორად ებრაულ სახელებს, გარკვეული ბგერითი ცვლილებები შეგვაქვს მათში, რითაც ერგება ჩვენს მეტყველებას ან როგორც შემოვიდა სხვა ენების მეშვეობით. ის სალომე-მენელსაცხებლის სახელს მიიღებს და რუსი მღვდელი, ბუნებრივია, სალომეა-ს წარმოსთქვამდა.

მოსკოვში მოვინათლე და ნათლობის მოწმობაშიც მიწერია სახელი Георгий, თუმცა ვარ ქართველი გიორგი. ამით ჩემი სახელი არ შეცვლილა, ქართველები აქ ლოცვებში გიორგი-თ მომიხსენიებენ და ჩემი ნათლია რუსეთში როგორც Георгий-ს.

ასევე წმინდანებსაც სხვადასხვა სახელებით მოვიხსენიებთ, თუნდაც იგივე წმინდა გიორგის, მაგრამ ჩემი ლოცვა ქართულად ან რუსულად აღვლენილი სახელში ბგერათა განსხვავების გამო არ იცვლის აზრს.

[zaz]

ნინნნო
ჰეროდიას შვილს სალომეა ერქვა, ოღონდ ეს ვიცით არა სახარებიდან, არამედ ისტორიკოს იოსებ ფლავიუსის ნაშრომებიდან.
ქართულად სახელი სალომე რუსულად გამოითქმის როგორც Саломия. ასე რომ მღვდელმა ბავშვს სახელად სალომე დაარქვა.

მაშინ მითხარით თუ შეიძლება, მარკოზის სახარების მე 16 თავში, რუსულ თარგმანში, მენელსაცხებლე დედებზე რომ წერია, რუსულად როგორ გამოითქმის სალომე, _ სალომე წერია თუ სალომეა?

მომწავს ციტატა და თარგმანი:
და როცა გავიდა შაბათი, მარიამ მაგდალელმა, მარიამ იაკობისამ და სალომემ იყიდეს ნელსაცხებელი, რათა მისულიყვნენ და ეცხოთ მისთვის.
По прошествии субботы Мария Магдалина и Мария Иаковлева и Саломия купили ароматы, чтобы идти помазать Его.

[marine]

მე რამდენადაც ვიცი სახარებაში სახელი სალომეა არ არის ნახსენები.

[Laitmani]

უსამართლო მოდერატორის, ვინმე აფხაზის ყოველ პოსტს ზომბივით უნდა დავეთანხმო და ყოველ მის უსამართლო მოქმედებაზე პოლიხრონიოონ უნდა ვიყვირო, ხომ ვერ მიმასწავლით, განყოფილებას სადაც ამისათვის უსამართლოდ არ სჯიან?

გმადლობთ წინასწარ.

[ikanosi]

უსამართლო მოდერატორის, ვინმე აფხაზის ყოველ პოსტს ზომბივით უნდა დავეთანხმო და ყოველ მის უსამართლო მოქმედებაზე პოლიხრონიოონ უნდა ვიყვირო, ხომ ვერ მიმასწავლით, განყოფილებას სადაც ამისათვის უსამართლოდ არ სჯიან?

აფხაზმა გაგაბრაზა? დაველაპარაკები მაგას

[Laitmani]

A.V.M

ფორუმზე აკრძალულია:,, საქართველოს კათოლიკოს პატრიარქისადმი , წმ.სინოდის (ერთად თუ ცალკეული მღვდელთმთავრისადმი), ნებისმიერი ქართველი სასულიერო პირისადმი, ქართული ეკლესიისადმი-მაპროვოცირებელი , ცინიკური , ცილისმწამებლური , და უბრალოდ ,,განმკითხველი'' პოსტები,

მკრეხელობა ჩაიდინა მაგ თქვენმა პატრიარქმა, თეთრზე შავით დამტკიცებული მკრეხელობა, ისეთი მკრეხელობა რომ ვერავინ ვერ უარჰყოფს ვერც ფაქტსა და ვერც მკრეხელობის სტატუსს.

მსოფლიო საეკლესიო კრებების დადგენილებები დავდე, დიდი რჯულის კანონი დავდე, პატრიარქის შეუსაბამო მოქმედება დავდე, სხვა რაღა მექნა? სად დავწამე აბა ცილი? რა არ კრძალავს დიდი რჯულის კანონი მწვალებელთათვის წმინდა ევქარისტიის მიცემას? რა იგივე რჯულის კანონი არ იძახის რომ ყველა მწვალებელია რომელიც მცირედი მიდრკეს მართლმადიდებლობისაგანო? არ იძახის რომ მწვალებელ არს ყველა არამართლმადიდებელიო? ჰო და კათოლიკენი თუ მართლმადიდებელნი არ არიან, რჯულის კანონით მწვალებლები არიან და რად მიცა მწვალებელთ ევქარისტია როდესაც ამ საქციელს რჯულის კანონი კრძალავს? პატრიარქმა შეურაცჰყო სულიწმიდით ნაკარნახევი კანონიც, მსოფლიო საეკლესიო კრებების დადგენილებებიც და კიდევ მე ვარ ცილისმწამებელი? ხომ დავამტკიცე ეს ფაქტებით? რაა ჰაერზე ხომ არ ვისაუბრე სხვა დემაგოგებივით? ამის გამო მივიღე ბანი? განა ეს უსამართლობა არ არის? აბა ეგეთი საქციელი უბრალო მღვდელს ექნა ხო ეგრევე განკვეთდნენ და რაა? რადგან პატრიარქია მკრეხელობის უფლება აქვს?

არ მისცე უწერია ქრისტეს წმიდა სისხლი და ხორცი არ მიცე მწვალებელთა და იქედნეთა ნაშობებს, არა ეს ადგა და მიცა, დააკვალიფიცირეთ რა ეწოდება ამას თუ არა ენით აუწერელი მკრეხელობა?

[A.V.M]

შეგიძლია შენი ნებით დატოვო ფორუმი.იმიტომ რომ ასე ვერ გაჩერდები აქ.
შენი ეს პოსტი წაიშლება და არქივში გადავა. შენც გაფრთხილებას მიიღებ.
რა ხეირი მერე? იგებ რამეს ამით?
ადგები და იტყვი ეხლა აფხაზზე რამეს.სინამდვილესი აფხაზი არაფერ შუაშია, აქ ფორუმის შინაგანაწესზეა გვაქვს საუბარი და ვინც არ უნდა იყოს აფხაზი,მეგრელი თუ ოსი აუცილებლად იგივენაერად განვითარდება მოვლენები.

[Laitmani]

კაი დავტოვებ ოღონდ უნდა აღიაროთ რომ სიმართლეს გაურბიხართ და უსამართლობას სჩადიხართ.

[George Leluashvili]

ისე, მართლა ბევრი ადამიანი სვამს კითხვას, თუ რა ედო პატრიარქის მიერ კათოლიკეების ზიარებას საფუძვლად.
მეც მაინტერესებს და არავინ იცის პასუხი?

[A.V.M]

გიორგა!
ჯერ არ გინდა ეგ.
მოდერი შემოვა,გასუფთავდება აქაურობა და მერე ვილაპარაკოთ თუ გინდა მაგაზე.
ან ეხლავე შემოსკაიპდი...

[Laitmani]

ისა გავიგე ივერია გაბრწყინდებაო და ბათუმს ხომ არ გულისხმობდა ამის მთქმელი?

[აკაკი]

Laitmani
პირველად ის, რომ არავის დასაცინი არაა ეს სიტყვები...
მეორედ კი ის მინდა ვთქვა, რომ ეს გაბრწყინვება სულ სხვა მოვლენაა, ვიდრე მრავალს ჰგონია.