კომპიუტერული თამაშები, ცოდვაა? პარამეტრები

[llaasshhaa]

დამლოცეთ მამაო მაინტერესებს თუ არის ეს ცოდვა თამაშები მიწერია სროლები მკვლელობები გონკები ხშირად ვტამაშობ და მინტერეზებს ტქვენი რა აზრის ხართ არ შეილება?

[დეკ. ანდრია]

დაგლოცოთ უფალმა!
კომპიუტერული თამაშების მოქმედება ადამიანის სულზე შეიძლება ნარკოტიკის მოქმედებას შევადაროთ. თუ ვეცდებით მოვწყდეთ, ვნახავთ რამდენად მივჯაჭვულვართ. ასეთი მიჯაჭვულობა კი უკვე ვნებაა.
ის, რასაც სცენარი ითვალისწინებს თამაშია და მკვლელობად ვერ შეირაცხება. მაგრამ ასეთი თამაში აუხეშებს სულს, ამზადებს ადამიანს იმისათვის, რომ მისთვის გაუფასურდეს სხვა ადამიანის ცხოვრება. სხვაგვარად რომ ვთქვათ, თამაშები, სადაც არის სისასტიკე, ასასტიკებენ სულს, ამზადებენ ადამიანს ცოდვისათვის და ამდენად მიუღებელია მათთვის, ვისაც უნდა დარჩეს პიროვნებად, და არა უსახური მასის ნაწილად, ვისაც უნდა გული აქციოს ღმრთის სავანედ და არა ვნებათა ბუდედ.
თამაშების ინდუსტრია ერთ–ერთი უმძლავრესია და იარაღისა და ნავთობის შემდეგ ყველაზე მომგებიანი. იქნებ დავფიქრდეთ, რა ამოძრავებს მათ, ვინც ქმნის ამ თამაშებს, რა ვართ ჩვენ მათთვის და რითი გვიზიდავენ ისინი.