რატომ სწამთ რეინკარნაცისა?, გთხოვთ გამარკვიოთ:( პარამეტრები

[natani]

ამჟამად ამერკაში ვიმყოფები.
აქაურ ბავშვებთან კამათი მომიხდა..

ერთ ერთმა მითხრა რომ რეინკარნაციისა სწამს.მეორემ მითხრა რომ არ სწამს ჯოჯოხეთის, მესამემ კი საერთოდ გამაგიჯა ყველა ადამიანი სამოთხეში ხვდებაო, და როგორ ცუდადაც არ უნდა მოვიქცე ღმერთი მპატიობს ყველაფერსო.

ცოტა არ იყოს დავიბენი...

მამაო იქნებ ამიხსნათ საიდნ ესმით ამდენი სისულელე ამ ხალხს.

ან საერთოდ საიდან დაასკვნეს ამერიკელებმა რომ ადამიანი სიკვდილის შემდეგ სიცოცხლეს აგრძელებს

[დეკ. ანდრია]

ის, რამაც თქვენ გაგაკვირვათ და გაგაოგნათ არის ნაყოფი სარწმუნოებრივ საკითხებში კაცობრივი ბრძნობისა. ჭეშმარიტება ღმრთივგამოცხადებითია. ჩვენ კი არ მივაგენით მას, არამედ თვითონ გამოგვიცხადა თავი. მაგრამ ადამიანები ცდილობენ საკუთარი სურვილებისა და შეხედულებების პრიზმიდან შეხედონ მას და განმარტონ იგი. შედეგად კი სარწმუნოებრივ შეხედულებათა დაქსაქსვას ვიღებთ. ძნელი სათქმელია, რატომ წამს ადამიანს სწორედ ასე და არა სხვაგვარად; გამოუკვლეველია ადამიანის გულის სიღრმე. ყველა დაბნეულობას ერთი რამ აერთიანებს: განუწმედელი გონებით ჭეშმარიტების განმარტების მცდელობა.

გირჩევდით, რომ ნაკლებად ედავოთ მათ და, თუ შეძლებთ გონებისმიერი მტკიცებულება მოუყვანოთ მართლმადიდებლობის ჭეშმარიტების დასამტკიცებლად. თუმცა, უფრო დიდი მტკიცებულება მაინც არის სარწმუნოებით ცხოვრება და ასეთი ცხოვრებით მოხვეჭილი ნაყოფებები. უფალი ქადაგებდა, სასწაულებს იქმოდა, გულებს ათბობდა, ანუგეშებდა, მაგრამ აბა ვნახოთ, რამდენი გაყვა! ერთმა და ორმაც რომ მიიღოს თქვენი სიტყვა, უკვე დიდია.