კითხვები და თხოვნები პარამეტრები

[ვეშაპო]

mevar

ე.ი. ვგულისხმობ მას, რომ ავტორი არაა ცნობილი ამ საგალობლებისა და ხალხში, კერზოდ კი რომელიმე გვარში (ოჯახში) იყო დაცული და შემონახული,როგორც მოაღწია საბჭოთა პერიოდამდე.

ეგეთი რამ არ არსებობს.

აი ამას ვგულისხმობდი:
"გამოცემული აქვს სანოტო კრებულები: "ქართული საგალობლები"(იმერულ-გურული კილო), თბილისი 1968 წელი; "ქართული საგალობლები"(იმერული კილო)"
http://www.folk.ge/index.php?cur_d=&month=...dms=75&idmss=75

ეგ ხალხური კილოს საგალობლები არაა.
ტერმინი "იმერულ-გურული კილო" და ა.შ. ხალხურ კილოს არ ნიშნავს.
ეს არის პირობითი დასახელება დასავლეთ საქართველოს გალობისა, ვინაიდან მელოდიური ნახაზი ერთი და იგივე აქვთ გელათისა და შემოქმედის სკოლის საგალობლებს.
ჰარმონიაა განსხვავებული.
განსხვავებულია აგრეთვე გამშვენების მეთოდები, როგორც მელოდიაში, ასევე ჰარმონიაში.

იოანე ბატონიშვილის კალმასობაში მეთოდისა და იოანეს გაბაასებაში გამოყენებულია ტერმინები ”იმერული გალობა” (ქასრთული გალობის დასავლური კილო), ”ქართული გალობა” და "ქართული კილო" (ქართული გალობის აღმოსავლური კილო):

შემდგომად ამისა მოიღეს სანოვაგე და, რა ხელჰყვეს, მერეთ, ვითა ჩვეულება არს იმერთა, იწყეს გალობა, დია სასიამოვნოდ სასმენი.

და ოდეს სრულყვეს, ი ო ა ნ ე მ ჰრქვა მეთოდის: ჭეშმარიტად იმერული გალობა დია სასიამოვნო ხმა არს და კარგად შეწყობილი, რომელ საკრავსა მიემსგავსების.

მ ე თ ო დ ი: მართალს ანბობთ, ქართულ გალობაზედ იმერული გალობა უკეთ არის შეწყობილი, და თქვენ რომელი გისწავლიათ?

ი ო ა ნ ე: მე ქართულის კილოთი.

ასევე:

ი ო ა ნ ე: ძველად ქართველნი გალობდენ ბერძულის ხმითა და მერე ქართული უკვე გალობა გააკეთა გიორგი მთაწმიდელმან ქართველმან, რომელიც იყო ბერძნულსა და ქართულსა ენასა ზედა მეცნიერ და გალობათა და საკრავთა შინაცა გამოცდილ. და მერე უფრორე განაშვენეს იმერთა და მეტადრე გურიაში, ვითა აწ არსცა. და ესე კმა იყავნ.

http://www.webmix.ge/vvi/doc.php?doc=1527


ხოლო შენ რასაც გულისხმობ, კონკრეტულად ეგ არის შემოქმედის სკოლის (გურული კილო) გალობა, გადმოცემული არტემ ერქომაიშვილის მიერ.
კახი როსებაშვილმა გაშიფრა მხოლოდ 20 საგალობელი, ხოლო დავით შუღლიაშვილმა არტემ ერქომაიშვილის მიერ გადმოცემული 118 საგალობელი, მათ შორის ის 20 საგალობელიც, რომლებიც კახი როსებაშვილმა გამოსცა.
ასევე საინტერესოა ისიც, რომ კახი როსებაშვილის მიერ გამოცემულ ერთ კრებულს აწერია "გურული კილო", ხოლო მეორეს "გურულ-იმერული კილო".
თუმცა საგალობლები ერთი და იმავე მგალობელის მიერაა ჩაწერილი და ერთი და იმავე სკოლის გალობას წარმოადგენს.
უფრო სწორი იყო, მეორე კრებულზეც "გურული კილო" დაეწერათ, ვინაიდან ორივე კრებულში გადმოცემულია მელოდია, თავის ჰარმონიით და ჰარმონია აშკარად შემოქმედის სკოლისაა (გურული).

ეს ნოტები მინდაsmile.gif ოღონდ სადმე საიტზე თუ დევს.

ნეტში ეგ მასალა არ მეგულება.
არის ფოლკლორის კათედრაზე ორივე წიგნი, მაგრამ მე გირჩევ, დათო შუღლიაშვილის მიერ გამოცემული წიგნი შეიძინო, სადაც თავმოყრილია არტემის მიერ გადმოცემული აბსოლუტურად ყველა საგალობელი.

P.S.
ფოლკლორის ცენტრის საიტზე დადებულ ინფორმაციაში შეცდომაა.

ამის ნაცვლად:

"ქართული საგალობლები"(იმერულ-გურული კილო), თბილისი 1968 წელი; "ქართული საგალობლები"(იმერული კილო)"

უნდა ეწეროს:

"ქართული საგალობლები"(იმერულ-გურული კილო), თბილისი 1968 წელი; "ქართული საგალობლები"(გურული კილო)"

[ლევანი.]

ვეშაპო
ვიცი აქ არ არის ამის ადგილი მაგრამ იქნება დამეხამრო რა.
Finalle-ეს ხაზები და კიდევ ეს როგორ მოვაშორო იქნებ მითხრა რა



აი ეს რაღაც Time Signature-ს სიმბოლო ( C )
და გამყოფი ხაზები რომ არის კიდევ ეგ. რომ ვწერ ნოტებს მერე აღარ ეტევა ზოგი შიგნით და მისმევს პაუზის ნიშანს...

[ვეშაპო]

ლევანი.
აუფ, ასე ძაან გამიჭირდება.
ერთს გეტყვი, რომ ტაქტის ხაზების გასაქრობად measure tool უნდა ჩართო (აი, ბანის გასაღების გვერდით რომაა მენიუში), მერე იმ ტაქტს უნდა დააკლიკო, რომლის მერეც გინდა, რომ ხაზი გაქრეს და იქ მერე თავად მიხვდები, რაც უნდა გააკეთო.

რაც შეეხება ზომის გაქრობას.
Staff tool-ში უნდა შეხვიდე (აი, ვიოლინოს გასაღები რომ ახატია, მენიუში მეორე), მერე იმ ხაზზე უნდა დაკლიკო, რომელზეც აქრობ და გახსნილ ფანჯარაში Items to Display-ში Time signatures (სულ ბოლოა ჩამონათვალში) უნდა გამოურთო.

[ლევანი.]

ვეშაპო
რაღაც ისე მაინც არ გამოდის როგორც მე მინდა
კარგი. გმადლობ.

პ.ს. შემით ისწავლე ეს პროგრამა თუ?

[ვეშაპო]

ლევანი.

რაღაც ისე მაინც არ გამოდის როგორც მე მინდა sad.gif
კარგი. გმადლობ.

პ.ს. შემით ისწავლე ეს პროგრამა თუ? smile.gif

კი, ჩემით ვისწავლე ძირითადად.
ხანდახან რაღაცეები შევეკითხე ხოლმე მცოდნეებს, მაგრამ დიდი არაფერი.
ძირითადად ჩემით ვისწავლე.

აჰა, ეს სახელმძღვანელოები შეიძლება გამოგადგეს:

http://allshares.ge/download.php?id=4F8D626A74

[mevar]

ვეშაპო

ეგეთი რამ არ არსებობს.

მაშინ, სამწუხაროა რომ ეს ინფორმაცია დევს ძალიან მაღალი მეცნიერული კომპეტენციის მქონე საიტზე
http://www.polyphony.ge/index.php?m=567
კერძოდ, ვკითხულობთ:
"ჟამთა ავად ცვლამ და ქართული გალობის დევნამ განაპირობა საგალობო სკოლების მონასტრებიდან ოჯახებში გადანაცვლება, რომელთა წყალობითაც გრძელდებოდა საქართველოში გალობის სწავლების ტრადიცია. შესაძლებელიამ ეს იყოს მიზეზი ამა თუ იმ საგალობო სკოლის სახელწოდებად სრულადმცოდნე მგალობელთა გვარ-სახელების დამკვიდრებისა (აქ შემდგომ აღწერილია დუმბაძის კოლო, რომელიც არტემმა შეითვისა თავად ანტონ დუმბაძის მოწაფის -მელქისედეკ ნაკაშიძისგან)... და შემდეგ -
...ზემოთდასახელებული წყაროებიდან მხოლოდ ძმები კარბელაშვილების გალობა, ე. წ. "კაბელაანთ კილო" წარმოადგენს აღმოსავლეთ საქართველოს საგალობო ტრადიციას, ე. წ. "ქართლ-კახურ გალობას"

არის ფოლკლორის კათედრაზე ორივე წიგნი, მაგრამ მე გირჩევ, დათო შუღლიაშვილის მიერ გამოცემული წიგნი შეიძინო, სადაც თავმოყრილია არტემის მიერ გადმოცემული აბსოლუტურად ყველა საგალობელი.

გმადლობ, გაიხარე, აუცილებლად ვნახავ. მგონი მალხაზსაც აქვს გამოცემული საგალობლები?

[ვეშაპო]

მაშინ, სამწუხაროა რომ ეს ინფორმაცია დევს ძალიან მაღალი მეცნიერული კომპეტენციის მქონე საიტზე
http://www.polyphony.ge/index.php?m=567
კერძოდ, ვკითხულობთ:
"ჟამთა ავად ცვლამ და ქართული გალობის დევნამ განაპირობა საგალობო სკოლების მონასტრებიდან ოჯახებში გადანაცვლება, რომელთა წყალობითაც გრძელდებოდა საქართველოში გალობის სწავლების ტრადიცია. შესაძლებელიამ ეს იყოს მიზეზი ამა თუ იმ საგალობო სკოლის სახელწოდებად სრულადმცოდნე მგალობელთა გვარ-სახელების დამკვიდრებისა (აქ შემდგომ აღწერილია დუმბაძის კოლო, რომელიც არტემმა შეითვისა თავად ანტონ დუმბაძის მოწაფის -მელქისედეკ ნაკაშიძისგან)... და შემდეგ -
...ზემოთდასახელებული წყაროებიდან მხოლოდ ძმები კარბელაშვილების გალობა, ე. წ. "კაბელაანთ კილო" წარმოადგენს აღმოსავლეთ საქართველოს საგალობო ტრადიციას, ე. წ. "ქართლ-კახურ გალობას"

მერედა მანდ რა არის არასწორი?
ჩამოთვლილია უბრალოდ პიროვნებები, რომელთაც ბოლომდე შემოინახეს ქართული გალობა.
ეგეთი პიროვნებები რაჟდენ ხუნდაძესაც ყავს ჩამოთვლილი მის მიერვე გამოცემულ ”იოანე ოქროპირის ლიტურღია”-ში.
შემოქმედის სკოლის გალობას ”დუმბაძის” კილოსაც ეძახდნენ, ვინაიდან გურიაში სახელოვანი მგალობლების ბოლო მასწავლებლები სწორედ დუმბაძეები იყვნენ.
როცა ბერი აღარ გალობს მონასტერში, იმას საერო პირი ინახავს, თუმცა მაგლობელთაგან ბევრნი იყვნენ სასულიერო პირებიც.

რავიცი, რა ვერ გაიგე მანდ, ვერ ვხვდები.

მითუმეტეს, შენივე მოტანილ ციტატაში კარგად ჩანს, რომ ეგ ხალხური კილოს საგალობლები არაა, ვინაიდან გარკვევით წერია მანდ:

საგალობო სკოლების მონასტრებიდან ოჯახებში გადანაცვლება

რა, რახან მე საგალობელს ვამბობ ეკლესიაში და საერო პირი ვარ, ესეიგი გინდა თუ არა ხალხური კილოს გალობას ვამბობ?
და ბერმა თუ იგივე საგალობელი თქვა, ესეიგი საეკლესიოა?

ხალხური კილოს საგალობელი არ არსებობს.
შეიძლება არსდებობდეს არქაული სარიტუალო დანიშნულების სიმღერა-საგალობელი, მაგრამ ის არანაირად არ სრულდება ეკლესიაში.

მოკლედ, რაღაცა გაუგებრობასთან გაქვს საქმე.

მგონი მალხაზსაც აქვს გამოცემული საგალობლები?

მალხაზს გამოცემული აქვს ქართული საეკლესიო გალობის 6 ტომი (აქედან 4 არის გელათის სკოლის გალობა, 1 არის გელათისა და შემოქმედის სკოლის, და ერთიც ე.წ. ”კარბელაანთ კილოსი”).
ასევე ქართული საეკლესიო გალობის 2 მცირე ზომის კრებული (ერთი გელათის სკოლის, მეორე ე.წ. ”კარბელაანთ კილოსი”).
ასევე გურული საეკლესიო და სალხინო საგალობლები (გადმოცემული ცნობილი მგალობელის დიმიტრი პატარავას მიერ).

[mevar]

ვეშაპო

მოკლედ, რაღაცა გაუგებრობასთან გაქვს საქმე.

კაცო ვახ ეგ "გაუგებრობა" ხომ აგიხსენი უკვე ვიგულისხმე ის, რასაც საიტზე დადებული ტექსტი გვამცნობს. რატომ ვიხმარე ტერმინი (რომელიც არ არსებობს) ხალხური კილო? მომწონს. სრამდენადაც ვიცი მაგ (მხედველობაშია დუმბაძე-ერქომაიშვილი) საგალობლების ავტორი (ავტორები) უცნობია. სავარაუდოდ, შექმნის თარიღებიც უცნობია. მრავალი წლის (ალბათ 2 საუკუნის მაინც) მანძილზე ასე, ხალხური მოღერალ-მგალობლების მიერ ითქმეოდა და სავარაუდოდ მნიშვნელოვან ცვლილებებსაც განიცდიდა, რაც საერთოდ ახასიათებს ზეპირ (არაფიქსირებულ) გადაცემას. ამ სირთულის საგალობლები არც შექმნილა და არც შეიქმნება. გარდა ამისა, არის ერთი ძალიან სერიოზული მიზეზი რის გამოც მოვიხსენიებ "ხალხური კილოს" საგალობლებად, მაგრამ ამ მიზეზის განსაჯაროებისგან ჯერჯერობით თავს შევიკავებ, სანამ სათანადო მტკიცებულებებით არ გამყარდება

მალხაზს გამოცემული აქვს ქართული საეკლესიო გალობის 6 ტომი (აქედან 4 არის გელათის სკოლის გალობა, 1 არის გელათისა და შემოქმედის სკოლის, და ერთიც ე.წ. ”კარბელაანთ კილოსი”).
ასევე ქართული საეკლესიო გალობის 2 მცირე ზომის კრებული (ერთი გელათის სკოლის, მეორე ე.წ. ”კარბელაანთ კილოსი”).
ასევე გურული საეკლესიო და სალხინო საგალობლები (გადმოცემული ცნობილი მგალობელის დიმიტრი პატარავას მიერ).

გმადლობ მეგობარო. ძალიან კი შეგაწუხეთ მაგრამ კიდევ ერთი შეკითხვის უფლებას მივცემ თავს. ზემოხსენებული საგალობლები რა ეპოქას მიეკუთვნება და ცნობილია თუ არა მათი ავტორები? გმადლობ წინასწარ.

[ვეშაპო]

mevar

რატომ ვიხმარე ტერმინი (რომელიც არ არსებობს) ხალხური კილო? მომწონს.

ჰმ, მე რომ ახლა ეკლესიას თბილწყალკანალი დავარქვა მხოლოდ იმიტომ, რომ მომწონს, მართალი ვიქნები?

სრამდენადაც ვიცი მაგ (მხედველობაშია დუმბაძე-ერქომაიშვილი) საგალობლების ავტორი (ავტორები) უცნობია. სავარაუდოდ, შექმნის თარიღებიც უცნობია.

კაი, მაშინ მითხარი ე.წ. "კარბელაანთ კილოს" საგალობლების ავტორები, წლები, და თუ რატომ არ მიიჩნევ მათ "ხალხურ კილოდ"?

მრავალი წლის (ალბათ 2 საუკუნის მაინც) მანძილზე ასე, ხალხური მოღერალ-მგალობლების მიერ ითქმეოდა და სავარაუდოდ მნიშვნელოვან ცვლილებებსაც განიცდიდა, რაც საერთოდ ახასიათებს ზეპირ (არაფიქსირებულ) გადაცემას.

ნუ, თუ ეს გამუქებული "სასტავი" ხალხური მომღერლებია, მაშინ არ ვიცი:

იმერეთის ეპარქიაში: 1) დავით ჩხარელი (ასე უძახდენ) შოთაძე; 2) არქიმანდრიტი სიმონ (წულუკიძე); ძმა მისი
3) თავადი ყარამან წულუკიძე; ძმანი: 4) სინო, 5) იოანე, 6) ბესარიონ კანდელაკები; 7) ოქროპირ კანდელაკი; 8) გოგინა დავითის ძე შოთაძე; 9) სიმონა კუტი ფირცხალავა (ხონის `სობოროზე~ იყო და ავრცელებდა გალობას); 10) ანტონ ქუთათელაძე, დეკანოზი (ამ ანტონს, როგორც გამიგონია, ჭალაგანიძის ქალი ყავდა, რომელიც სრული მგალობელი იყო); 11) ნიკიფორე კანდელაკი სინოს ძე, არქიმანდრიტი (როგორც ვიცით, მთელათ წიგნები იცოდა გალობით, მარა ცუდი ხმის მიზეზით აღარ გალობდა; სამაგიეროთ ძალიან საქები კანანარხი იყო);

გურიაში: 12) იოანე ცქიტიშვილი; 13) გალობელი ანთაძე (ასე უძახდენ) ნიკოლოზ; 14) დეკანოზი იოანე გოგიტიძე;
15) მღვდელი გიორგი დუმბაძე; 6) ანტონ ნიკოლოზის ძე დუმბაძე; 17) დეკანოზი დავით ანტონის ძე დუმბაძე
(დღესაც არის); 18) იულო დუმბაძე; 19) ღვდელი მაქსიმე ჩხატარაიშვილი; 20) მაქსიმე წეროძე;

მეგრელიაში: 21) გიორგი ჭალაგანიძე (გურიიდან გადმოსახლებული); 22) დიმიტრი ჭალაგანიძე; 23) როსტომ
ჭალაგანიძე; ძენი მისნი: 24) ოსია, 25) გიორგი, 26) დიტო ჭალაგანიძეები (დიტო დღესაც არის); 27) გიორგიტა
გეგეჭკორი; ძე მისი 28) იოანე გეგეჭკორი; 29) არჩილ ივანეს ძე გეგეჭკორი; 30) სიკო გეგეჭკორი; თავადნი: 31) დავით (დათიკა) ჩიქოანი (მთავრის სახლთ უხუცესი); ძმა მისი 32) იოანე ჩიქოანი; 33) ჭყონდიდელ_მიტროპოლიტი ბესარიონ (მთავრის დადიანის ძე); ამან ზედმიწევნით იცოდა ქართული გალობა და როცა 1813 წელში ჟამმა ამოწყვიტა მეგრელიაში გალობლები, ამ ბესარიონ მიტროპოლიტმა ასწავლა სრული გალობა ზემოთ დასახელებულ როსტომ ჭალაგანიძეს და მით შემოაბრუნა მეგრელიაში გალობა.


კიდევ: ნიკო მეძმარიაშვილი; ოქროპირ კანდელაკი (მღვდელი); ივლიანე წერეთელი (მღვდელი); რაფიელ კანდელაკი;
ნიკოლოზ კანდელაკი; თავადნი: დათა გუგუნავა; მელქისედეკ ნაკაშიძე; არჩილ დადიანი; ჯამბაკურ გურიელი; ძმები მისი: ტელემაგუ და ვახტანგ გურიელები; ყურამან თავდგირიძე; სეფე გუგუნავა; სიმონ გუგუნავა; აგრეთვე: არისტო ქუთათელაძე;
ნანო ხაბთასი; ნესტორ კონტრიძე (მღვდელი); მელიტონ ქელბაქიანი; თემურაზ გეგეჭკორი; მ. სვანიძე; ალექსანდრე ჟღენტი;
იესიკა ჟღენტი; დავით ჯინჭარაძე (მღვდელი); მერაბა ცქიტიშვილი; კოსტანტინე თავდგირიძე; ასლან ერისთავი (რაჭისა) დასხვა;

ასევე მივამატებდი თავად ამ სიტყვების ავტორს, დეკანოზ რაჟდენ ხუნდაძეს.

გმადლობ მეგობარო. ძალიან კი შეგაწუხეთ მაგრამ კიდევ ერთი შეკითხვის უფლებას მივცემ თავს. ზემოხსენებული საგალობლები რა ეპოქას მიეკუთვნება და ცნობილია თუ არა მათი ავტორები? გმადლობ წინასწარ.

ნუ, თუ იოანეს (კალმასობიდან) დავუჯერებთ:

ი ო ა ნ ე: ძველად ქართველნი გალობდენ ბერძულის ხმითა და მერე ქართული უკვე გალობა გააკეთა გიორგი მთაწმიდელმან ქართველმან, რომელიც იყო ბერძნულსა და ქართულსა ენასა ზედა მეცნიერ და გალობათა და საკრავთა შინაცა გამოცდილ. და მერე უფრორე განაშვენეს იმერთა და მეტადრე გურიაში, ვითა აწ არსცა. და ესე კმა იყავნ.

მარა ზოგიერთ საგალობელზე თავად გიორგი მთაწმინდელი ამბობს, რომე ამა და ამ გალობას 400 წელი უფრო ახსოვსო.

[mevar]

ვეშაპო

ჰმ, მე რომ ახლა ეკლესიას თბილწყალკანალი დავარქვა მხოლოდ იმიტომ, რომ მომწონს, მართალი ვიქნები?

)) არა არ იქნები მართალი. იმიტომ რომ მიზანი და წარმოშობის წყარო სხვადასხვა აქვს მაგ ორ ფენომენს
მე რასაც ვამბობ იქ წყაროცა და მიზანიც საერთოა.
რაც შეეხება მოწონებას- გურულზე ნაკლები გურული მგელმა შეჭამოსო
ვითომ რატომ არ უნდა მოვიწონო ის, რაც ჯერ კიდევ დასამტკიცებელია (იხ.შ. ნუცუბიძე) მაშინ როცა აღიშნულ საიტზე ვხვდებით შეუწყნარებელი "მოწონების" ყოვლად გაუმართლებელ ფაქტს. კერძოდ (ჰო, ახლა რას გიხსნი მე შენ, ისედაც მოგეხსენება ალბათ, რომ დრო გადის და სულ სხვანაირად აჩვენებს მოვლენებს ვიდრე მეცნიერებას ეგონა):
ქართული მრავალხმიანობის შესახებ სტატიაში ვაწყდებით ნონსენსს- ტერმინს- "ოსტინატური მრავალხმიანობა"(!)
ეს არის სრული ნონსენსი.
მაგრამ ავტორს მოსწონს ტერმინი და ბასტა!:D

გამუქებულის გვერდით გაუმუქებელიც მრავლადაა, მაგრამ ეგ არაფერს წყვეტავს წარმოშობის პრობლემის მხრივ.

[ვეშაპო]

mevar

ქართული მრავალხმიანობის შესახებ სტატიაში ვაწყდებით ნონსენსს- ტერმინს- "ოსტინატური მრავალხმიანობა"(!)
ეს არის სრული ნონსენსი.

რატომ?

გამუქებულის გვერდით გაუმუქებელიც მრავლადაა, მაგრამ ეგ არაფერს წყვეტავს წარმოშობის პრობლემის მხრივ.

ნუ, წარმოშობის პრობლემას რაც შეეხებოდა, ორჯერ მოვიტანე აბსოლუტურად სხვა ციტატა (აი კალმასობა რომ ჰქვიან), მაგრამ ”ალბათ” ყურადღება არ მიგიქცევია.
ასევე, კითხვაც დავსვი:

მითხარი ე.წ. "კარბელაანთ კილოს" საგალობლების ავტორები, წლები, და თუ რატომ არ მიიჩნევ მათ "ხალხურ კილოდ"?

"ალბათ" არც მაგას მიაქციე ყურადღება.

მერე კიდევ, რომც არ იყოს ცნობილი საგალობლების შემქმნელების ვინაობა, რატომ მაინცა და მაინც "ხალხური კილო" და რატომ არა "საეკლესიო, ან სამონასტრო კილო"?
გლეხურ ყოფაშია შექმნილი ეს გალობა?
მთელი რვა ხმის სისტემები, ძლისპირები, დასდებლები, ტროპარები, კონდაკები და ა.შ.

[mevar]

ვეშაპო

რატომ?

იმიტომ, რომ ოსტინატო არის განვითარების პრინციპი, და არა მრავალხმიანობის ტიპი.
ამას ლაფსუსიც აღარ ჰქვია.

ნუ, წარმოშობის პრობლემას რაც შეეხებოდა, ორჯერ მოვიტანე აბსოლუტურად სხვა ციტატა (აი კალმასობა რომ ჰქვიან), მაგრამ ”ალბათ” ყურადღება არ მიგიქცევია.

მივაქციე, კი როგორარა. ანუ პასუხი მივიღე. არმიქცევაში ალბათ იმას გულისხმობ რომ მადლობის გადახდა დამავიწყდა.ახლა გიხდი მადლობას

მითხარი ე.წ. "კარბელაანთ კილოს" საგალობლების ავტორები, წლები, და თუ რატომ არ მიიჩნევ მათ "ხალხურ კილოდ"?
"ალბათ" არც მაგას მიაქციე ყურადღება.

როგორ არ მივაქციე და მეგონა გიპასუხე
ამჟამად ასე ვთქვათ "დაკავებული" ვარ იმერულ-გურული კილოთი. ეს მაინტერესებს და ლოკალურად შემოვიფარგლები ამ რეგიონის მუს.ენით. ამიტომ კარბელასნთ კილოს არც ვეხები და არ შემიძლია არანაირი ზედაპირული დასკვნის გაკეთება. მოკლედ ამ ეტაპზე თავს ვიკავებ.

მერე კიდევ, რომც არ იყოს ცნობილი საგალობლების შემქმნელების ვინაობა, რატომ მაინცა და მაინც "ხალხური კილო" და რატომ არა "საეკლესიო, ან სამონასტრო კილო"?
გლეხურ ყოფაშია შექმნილი ეს გალობა?
მთელი რვა ხმის სისტემები, ძლისპირები, დასდებლები, ტროპარები, კონდაკები და ა.შ.

უძველესი ცნობები ხანძთელთან მოიპოვება კიდევ თუ არ ვცდები.
8ხმის სისტემას რაც შეეხება უკამათოა. 8ხმა არ მქონია მხედველობაში.
როცა ამ საკითხს ძალიან ფართოდ უყურებ ადამიანი, რომლიმე სუბკულტურაში არ ლოკალიზირდები, მაშინ ეს თემა უფრო ვრცელ მასშტაბზე გადის და აქ მე მთლიანად ვიზიარებ პატრიარქის გამოთქმულ აზრს ქართული გალობის, როგორც უძველესი სულიერი კულტურის შესახებ.
რა თქმა უნდა ამ წიაღში გამოკვეთება სუბკულტურები,სპეციფიკური მახასიათებლებით. მაგრამ უზოგადესი- ზოგადმუს.ენის სააზროვნო პრინციპები საერთოა, ერთიანია და ერთი წიაღიდან არის. გამომასახველობითი საშუალებების სპექტრი იცვლება კონკრეტული მიზანმიმართებით (საწესო, სამონასტრო და ა.შ.).
ვრცელი და რთული ასახსნელია ეს და დასასაბუთებელიც, ამიტომ ამ თემას აქ ვერც გავშლით და ვერც ამოვწურავთ.

[ვეშაპო]

mevar

იმიტომ, რომ ოსტინატო არის განვითარების პრინციპი, და არა მრავალხმიანობის ტიპი.smile.gif
ამას ლაფსუსიც აღარ ჰქვია.

მაინც, ყოველი შემთხვევისთვის:
http://ru.wikipedia.org/wiki/%D0%9E%D1%81%...%B0%D1%82%D0%BE


ოსტინატური მრავალხმიანობა არ გულისხმობს, რომ ესა და ეს განვითარების პრინციპი, ასეთი და ასეთი მრავალხმიანობის ტიპია.
მაგ ტერმინში პირადად მე იმას ვხედავ, რომ ესა და ეს მრავალხმიანი სიმღერა ვითარდება ამა და ამ პრინციპით (ამ შემთხვევაში ოსტინატურად).

რატომ არ შეიძლება მრავალხმიანობა ოსტინატური, თუნდაც ბურდონული იყოს, ვერ ვხვდები.

არმიქცევაში ალბათ იმას გულისხმობ რომ მადლობის გადახდა დამავიწყდა.

არ მიქცევაში ვგულისხმობ იმას, რომ იგივე კითხვას იმეორებ, ან ისეთ ფრაზას წერ, რომ იგივე კითხვა იკვეთება.

ახლა გიხდი მადლობას

როგორ გეკადრება.
პირიქით მადლობა, რომ საგალობლების ავტორის ვინაობას აღარ კითხულობ.

ამჟამად ასე ვთქვათ "დაკავებული" ვარ იმერულ-გურული კილოთი. ეს მაინტერესებს და ლოკალურად შემოვიფარგლები ამ რეგიონის მუს.ენით. ამიტომ კარბელასნთ კილოს არც ვეხები და არ შემიძლია არანაირი ზედაპირული დასკვნის გაკეთება. მოკლედ ამ ეტაპზე თავს ვიკავებ.

კაი, ეს ფრაზა დროებით უკანდახევად ჩავთვალოთ.

8ხმის სისტემას რაც შეეხება უკამათოა. 8ხმა არ მქონია მხედველობაში.

ის ძLისპირებიც, დასდებლებიც, ტროპარებიც, კონდაკებიც და ა.შ.-ც იმ 8 ხმის სისტემაში შედის.
თუკი თვლი, რომ 8 ხმის სისტემა ეკლესიის შემოქმედებაა, მასში შემავალი მელოდიებიც ასევე უნდა მიიჩნიო, თუ არადა საკუთარ თავს ეწინააღმდეგები.

[mevar]

ვეშაპო

ოსტინატური მრავალხმიანობა არ გულისხმობს, რომ ესა და ეს განვითარების პრინციპი, ასეთი და ასეთი მრავალხმიანობის ტიპია.
მაგ ტერმინში პირადად მე იმას ვხედავ, რომ ესა და ეს მრავალხმიანი სიმღერა ვითარდება ამა და ამ პრინციპით (ამ შემთხვევაში ოსტინატურად).

რატომ არ შეიძლება მრავალხმიანობა ოსტინატური, თუნდაც ბურდონული იყოს, ვერ ვხვდები.

საამისოდ კარგად უნდა ვიცნობდეთ მუსიკის თეორიას და თეორიულ სისტემებს, აგრეთვე ფორმის ანალიზს.მანდ ვიკიპედია ვრ გიშველით
გავიმეორებ:
ტერმინი - მრავალხმიანობის ტიპი აღნიშნავს ხმათა შორის ურთიერთდამოკიდებულების უზოგადეს პლასტს, ტიპს, რომლიც ხმათა ურთიერთდამოკიდებულების ამა თუ იმ უზოგადეს ტიპიურ გამოხატულებას გულისხმობს.
ხოლო ოსტინატო- ეს არის მუს. ქსოვილის განვითარების კონკრეტული პრინციპი, რომელიც გულისხმობს ერთი რომელიმე (და არა მხოლოდ ბანის, ანუ basso როგორც ზერელედ ჰგონიათ) სეგმენტის (ხმის, ჰარმონიული კომპლექსის, რიტმის, ტემბრის და ა.შ.) დასრულებული ნახაზის უცვლელ თანმიმდევრობას,განმეორებადო�
��ას.
განა შეიძლება, რომ განვითარების ხერხი მრავალხმიანობის ტიპად გამოვაცხადოთ? არავითარ შეთხვევაში.

ხოლო ბურდონი - არის ზუსტადაც რომ ტიპი მრავალხმიანობისა და არა განვითარების ფორმა.



რაც შეეხება შენს დანარჩენ შენიშვნებს და გაკილვებს, ასეთ რამეს გეტყვი:
მაინტერესებს თქვენ რა იცით, რა საგანზე რა აზრი პრიველირებს, თქვენგან მაინტერესებს და ამიტომ
მე თქვენს წინ ბრიყვი ვარ და უვიცი.

კიდევ ერთხელ მადლობა და ბოდიში, რომ შეგაწუხეთ.

[ვეშაპო]

mevar

საამისოდ კარგად უნდა ვიცნობდეთ მუსიკის თეორიას და თეორიულ სისტემებს, აგრეთვე ფორმის ანალიზს.მანდ ვიკიპედია ვრ გიშველითbiggrin.gif
გავიმეორებ:
ტერმინი - მრავალხმიანობის ტიპი აღნიშნავს ხმათა შორის ურთიერთდამოკიდებულების უზოგადეს პლასტს, ტიპს, რომლიც ხმათა ურთიერთდამოკიდებულების ამა თუ იმ უზოგადეს ტიპიურ გამოხატულებას გულისხმობს.
ხოლო ოსტინატო- ეს არის მუს. ქსოვილის განვითარების კონკრეტული პრინციპი, რომელიც გულისხმობს ერთი რომელიმე (და არა მხოლოდ ბანის, ანუ basso როგორც ზერელედ ჰგონიათ) სეგმენტის (ხმის, ჰარმონიული კომპლექსის, რიტმის, ტემბრის და ა.შ.) დასრულებული ნახაზის უცვლელ თანმიმდევრობას,განმეორებადო�
��
��ას.
განა შეიძლება, რომ განვითარების ხერხი მრავალხმიანობის ტიპად გამოვაცხადოთ? არავითარ შეთხვევაში.

ვიკიპედია ჩემ საშველად არ მომიტანია და თუკი ადრესატი ვერ კითხულობს ოსტინატოს მნიშვნელობას, მაშინ აღარ ვიცი.
თან, ოსტინატო რასაც ნიშნავს, მარტო ვიკიპედიაში არ წერია ეგ, უბრალოდ ყველაზე გავრცელებული რესურსია და იმიტომ მოვიტანე.

მოკლედ, ჩემთვის აბსოლუტურად გასაგებია, რისი თქმა უნდა ტერმინ "ოსტინატური მრავალხმიანობის" ავტორს (მიუხედავად იმისა, რომ არ ვიცი, ვინაა) და სულ არ მაინტერესებს ამ შემთვევაში მართლწერის ნორმებს არღვევს, თუ სისხლის სამართლის კოდექსს.

ხოლო ბურდონი - არის ზუსტადაც რომ ტიპი მრავალხმიანობისა და არა განვითარების ფორმა.

რატომ ვითომ, ბურდონი ერთხმიანი რომ იყოს, არ შეიძლება?
მართალია გლახა მოსასმენია, მარა მაინც.

რაც შეეხება შენს დანარჩენ შენიშვნებს და გაკილვებს, ასეთ რამეს გეტყვი:
მაინტერესებს თქვენ რა იცით, რა საგანზე რა აზრი პრიველირებს, თქვენგან მაინტერესებს და ამიტომ
მე თქვენს წინ ბრიყვი ვარ და უვიცი.

კიდევ ერთხელ მადლობა და ბოდიში, რომ შეგაწუხეთ.

ვერ მივხვდი.
რამე დავწერე არასწორი?

[აკაკი]

გამშვენებული სასუფეველსა შენსა მოიპოვება? მარტო მელოდიაა კომპიუტერი, რომ "უკრავს"

[ვეშაპო]

აკაკი

გამშვენებული სასუფეველსა შენსა მოიპოვება? მარტო მელოდიაა კომპიუტერი, რომ "უკრავს"

ცხრა ნეტარება - გელათის სკოლა (გამშვენებული კილო) - ანსამბლი სახიობა

[აკაკი]

აა, ეს სხვა არის.. მადლობა ესეც, რომ დადე

აი ამ მელოდიაზე ვამბობდი

http://soundcloud.com/yipiani/track-12

კარბელაანთ კილო - ქართული საეკლესიო გალობის III ტომი

ან თუ შეიძლება და შეგიძლია, რომ ნოტები დადო

[ვეშაპო]

აკაკი

კარბელაანთ კილო - ქართული საეკლესიო გალობის III ტომი

ან თუ შეიძლება და შეგიძლია, რომ ნოტები დადო

ა ბატონო:

http://allshares.ge/download.php?id=B7BE169065

[აკაკი]

მადლობა (ღრმითამო)