მართლმადიდებლობა თუ ფსევდო მართლმადიდებლობა პარამეტრები

[marine]

"მართლმადიდებლურად ფიქრი იოლია, მაგრამ იმისათვის, რომ მართლმადიდებლურად იცხოვრო, აუცილებელია ღვაწლი".

/წმ. პაისი ათონელი/

[marine]

"ჩვენ ყველაფერი უნდა გავაკეთოთ იმისათვის, რომ მართლმადიდებლობა შევინარჩუნოთ. ეს არის სიმართლის დიდება, მართლად დიდება ღვთისა და ჩვენ ძალისაებრ ჩვენისა უნდა ვადიდოთ უფალი და თაყვანი ვცეთ მას".

/ილია მეორე/

[marine]

"კითხვა: რატომ ვიწოდებით მართლმადიდებელ ქრისტიანებად?

პასუხი: მართლმადიდებლებად ვიწოდებით იმიტომ, რომ ვართ რწმენის მართლად მადიდებელნი – ესე იგი, ვაღიარებთ ჭეშმარიტებად იმას, რაც გვიანდერძა მაცხოვარმა, დაგვმოძღვრეს მოციქულებმა, გადმოგვცეს წმიდანებმა და შეინახა და დაადგინა აღმსარებლობად ერთიანმა წმიდა მსოფლიო სამოციქულო ეკლესიამ."

[marine]

"ყველა მართლმადიდებელი ქრისტიანი - მეომარია!"

[marine]

"ცოდვაა ის, რომ როცა შენ ხარ ქართველი და არა ხარ მართლმადიდებელი"

/მეუფე ანანია (ჯაფარიძე)/

[marine]

"როცა მართლმადიდებელი ხარ, ყველაფერს სიღრმისეულად უნდა მიუდგე"

[marine]

"ჩვენი სარწმუნოება არის სიყვარული, ტრფიალება, აღფრთოვანება, საღვთო წადიერება. ეს ყველაფერი ჩვენში დევს. მათი მოპოვება ჩვენი სულის მოთხოვნაა"

/წმ. პორფირი კავსოკალიველი/

[marine]

"მართლმადიდებლობაა სწორედ ის საკრალური ღვთაებრივი ძალა, რომელიც საკუთარ თავში მუდამ ინახავს, ძალიან სათუთად იცავს და უფრთხილდება ჭეშმარიტ ფასეულობას"

[marine]

"ჩვენ, მართლმადიდებლები, მწვალებლობას არ უნდა ავყვეთ, თუნდაც ტანჯვა-წამება გველოდეს, მართლმადიდებლობას არ ვუღალატოთ"

/ღირსი ნიკონი/

[marine]

"ნუ შეშინდებით, ღმერთი არ დაგტოვებთ, ოღონდაც, კვლავ გიმეორებთ, მტკიცედ იდექით მართლმადიდებელ სარწმუნოებაზე, ნუ დათმობთ თქვენს რელიგიურ მრწამსს, თუნდაც მთელმა ქვეყანამ სასაცილოდ აგიგდოთ"

/წმ. ბარსანოფი ოპტინელი/

[marine]

"მართლმადიდებელი ერი გონიერი და ბრძენია"

[marine]

"დღეს აქტუალურია ეს საკითხი - მართლმადიდებლობა. ჩვენ ყველაფერი უნდა გავაკეთოთ იმისთვის, რომ მართლმადიდებლობა შევინარჩუნოთ. ბევრი შემთხვევაა, როცა ზოგიერთს არ ესმის, რა არის მართლმადიდებლობა და ჩვენ შევთხოვთ უფალს, რომ უფალმა გაუხსნას გონება და გული, რათა ირწმუნონ ჭეშმარიტება. ჭეშმარიტება გადაარჩენს ქვეყანას, კაცობრიობას"

/ილია მეორე/

[marine]

"მართლმადიდებლური სარწმუნოება უხვწყლიანი, ანკარა წყაროს სათავეა, რომელიც "ვიდოდის ცხოვრებად საუკუნოდ" (იოან. 4:14).

/ბერი ანთიმოზი/

[marine]

"ქრისტიანობა წიგნიერი რელიგიაა და ამიტომ ჩვენ მით უმეტეს მოგვეთხოვება ცოდნა ღმრთის ნებისა, რომ სიმართლის მხარეს დადგომა შეგნებულად შევძლოთ"

[marine]

"- რა არის მართლმადიდებლობა? რაში მდგომარეობს ჩვენი რელიგიის არსი?

- მართლმადიდებლობა ქრისტიანობის პირველსახეა, ჭეშმარიტი სახე, რომელმაც ჭეშმარიტი ქრისტიანობა, უფლის მიერ მოცემული მოძღვრება, უცვლელად, შეურყვნელად, გაუმდიდრებლად და გაუღარიბებლად, გაუუბრალოებლად, დაუმახინჯებლად შემოგვინახა. ჭეშმარიტება, რომელიც სულიწმინდის გარდამოსვლის შემდეგ იქადაგეს მოციქულებმა, უცვლელად არის შემონახული მართლმადიდებლობაში. ეს რელიგია მოიცავს ყველაფერს, რაც სულის ცხონების მოსურნე ადამიანს სჭირდება."

/დეკ. გიორგი სხირტლაძე/

[marine]

"გარდა გამოხსნისა, ქრისტემ მოგვიტანა ახალი სწავლება ღმერთზე, რომელიც ადამიანთათვის მოვიდა ამქვეყნად, ჯვარს ეცვა, აღდგა და ამაღლდა ზეცად. არსად, არც ერთ რელიგიაში არ განკაცებულა უფალი და თავისი სისხლით არ გამოუსყიდია კაცობრიობა. აი, ამით არის ქრისტიანობა განსაკუთრებული, გამორჩეული.

რატომ მოიქცა ასე უფალი? იმიტომ, რომ ვუყვარვართ, სიყვარული კი თავგანწირვას გულისხმობს. სწორედ სიყვარული იქცა ქრისტიანობის საფუძვლად. ქრისტიანობამ იქადაგა სიყვარული, როგორც ყველაფრის საწყისი, დასაბამი ყოველი სიკეთისა. ქრისტემ თავისი უსაზღვრო სიყვარული გვაჩვენა და ჩვენც ამ სათნოების მოხვეჭა გვიქადაგა. სიყვარული ღვთისა და მოყვასისა - აი, ის უხილავი ჯვარი, რომელიც თითოეულმა ჩვენგანმა საკუთარ გულში უნდა გამოისახოს. თუ სიყვარული არ გვაქვს, ვერც ქრისტიანებად ვიწოდებით. "ამით სცნან, ვითარმედ ჩემნი მოწაფენი ხართ, უკეთუ იყვარებოდეთ ურთიერთარსს", - ამბობს უფალი. რაგინდ წესიერად ცხოვრობდეს მორწმუნე, თუ სიყვარული არ აქვს, მისი მადლს მოკლებული სული კვდომისკენ მიისწრაფვის."

/დეკ. გიორგი სხირტლაძე/

[marine]

"ქრისტიანობა, სხვათაგან განსხვავებით, ღმერთთან შერიგებული ადამიანის რელიგიაა."

/დეკ. გიორგი სხირტლაძე/

[marine]

"განსაკუთრებით შთამბეჭდავია ერთი ამბავი, რომელიც მოლდო-ვლახეთში მოხდა: როცა სარდალი მიხაილი ძმის განდევნის შემდეგ მოლდო-ვლახეთში გამეფდა, პირველ რიგში დედაქალაქ ბელგრადში მართლმადიდებლური ეკლესიის აშენება განიზრახა. შეეწინააღმდეგენ ლათინი ქსენძები, მათი სარწმუნოების მქონე ბოიარები და ერისკაცნი. ისინი სარდალს უმტკიცებდნენ თავიანთი რწმენის ჭეშმარიტებას და წინააღმდეგნი იყვნენ უცხო სარწმუნოების ტაძრის აგებისა. მათ შესთავაზეს სარდალს - კამათით გაერკვიათ, სად არის ჭეშმარიტება. "გავიდეთ შუა ქალაქში, მოიტანონ ორი ჭურჭელი ანკარა წყლით. ჩემი სამღვდელოება აკურთხებს ამ წყალს, თქვენიც ასევე მოიქცეს. დავბეჭდოთ ჩემი და თქვენი ბეჭდებით, შევინახოთ თქვენს დიდ ტაძარში ორმოცი დღის განმავლობაში, დავკეტოთ და დავბეჭდოთ ტაძრის კარებიც. დათქმული დროის გავლის შემდეგ ვისი წყალიც უხრწნელი დაგვხვდება, მისი რწმენა იქნება უკეთესიო", - ბრძანა მიხაილმა. ასეც მოიქცნენ. მაგრამ 25 დღის გავლის შემდეგ ღვთის გამოცხადებით აღძრული მართლმადიდებელი ეპისკოპოსი მივიდა სარდალთან და უთხრა: - ნუ დაელოდები ორმოცი დღის დასრულებას, დაუძახე ლათინებს, წადით ეკლესიაში და ნახავთ ღვთისმოშიშ მართლმადიდებელთა რწმენის გამარჯვებასო. მის რჩევას დაჰყვნენ მართლმადიდებლებიც და კათოლიკეებიც და ეკლესიისკენ გაეშურნენ. ეპისკოპოსი დაემხო მიწაზე, ილოცა ღვთის მიმართ, მერე გახსნა მართლმადიდებელთაგან დაბეჭდული ჭურჭელი და წყალი უფრო წმინდა აღმოჩნდა, ვიდრე მაშინ, წყაროდან რომ მოიტანეს. თან სასიამოვნო სუნი ასდიოდა. კათოლიკეთა ჭურჭლიდან გახრწნილი წყლის ისეთი სიმყრალე ამოვარდა, რომ ლათინთა უმეტესობამ იმავე წამს აღიარა მართლმადიდებლობის ჭეშმარიტება."

[marine]

"ქრისტიანობას, მართლმადიდებლობას ძალუძს, ნებისმიერ კითხვას თუ გამოწვევას უპასუხოს. თუ ადამიანი ღმერთს ეძიებს, ესე იგი, ღმერთმა ის უკვე იპოვა და ისიც ადრე თუ გვიან უთუოდ მოვა ტაძრამდე. ვინც ეძებს, აუცილებლად
იპოვის, მთავარია, სწორად ეძებოს. თუმცა ისიც შეიძლება, ძიებისას საერთოდ ასცდეს ქრისტეს, ამიტომ ძალიან დიდი სიფრთხილეა საჭირო. სანამ სხვა რელიგიას შევეხებით, ჯერ ჩვენი უნდა ვიცოდეთ კარგად."

/დეკ. გიორგი სხირტლაძე/

[marine]

"- გარდა იმ სათნოებებისა, რომლებზეც ვისაუბრეთ, რითია მართლმადიდებლობა გამორჩეული?

- ყველა სხვა რელიგია, როგორც აღნიშნავს ყველა, ვინც კი მათ საფუძვლიანად გაეცნო, ადამიანის ინტელექტის ნაყოფია. ამას ადვილად შეამჩნევს ყველა, ვისაც სულიერი ხედვა აქვს - არავინ არავისთვის არ გაკრულა ჯვარზე, არ დაფლულა, არ აღმდგარა მკვდრეთით და ამაღლებულა, არავის მოსვლა არ უწინასწარმეტყველებიათ, გარდა მაცხოვრისა.

გამორჩეულია თვით ქრისტე ისეთი სახით, როგორიც მართლმადიდებლობაშია - ღმერთი და კაცი, ღვთაებრივი და ადამიანური ბუნების შეურყვნელად მატარებელი, კაცთათვის დედამიწაზე მოსული წმინდა სამების მეორე ჰიპოსტასი.

სუნთქვითი ვარჯიშები, მედიტაციები, რაც არ უნდა სრულყოფილი, დახვეწილი და ინტელექტუალური სისტემები იყოს, ვერ აცხოვნებს, ვერ გადაარჩენს ადამიანს, იმიტომ, რომ მათში მადლი არ არის, მადლის გარეშე კი არ არსებობს ცათა სასუფევლის მკვიდრობა.

ადამიანი არა მარტო გონებით ხვდება მართლმადიდებლობის ჭეშმარიტებას, არამედ გულით. გულის კარნახი, შინაგანი ხმა აგრძნობინებს, აპოვნინებს მას ჭეშმარიტ ღმერთს. ქრისტე იხილვება ყველგან. არ არის ადგილი, მას რომ ვერ ვჭვრეტდეთ. ყველგან არის ის და ყოველივეს აღავსებს, მაგრამ უწინარესად საკუთარ თავში, საკუთარ გულში უნდა ჩავიხედოთ და იქ დავინახოთ."

/დეკ. გიორგი სხირტლაძე/