მართლმადიდებლობა თუ ფსევდო მართლმადიდებლობა პარამეტრები

[marine]

"მხოლოდ მართლმადიდებლობის გამო დაგვიფარავს ჩვენ უფალი და მხოლოდ ამიტომ შეიცვლება ჩვენი ერის მომავლის შესახებ სამსჯავრო წყალობად და მოწყალებად, თუკი დავიცავთ ჩვენს სარწმუნოებას, ჩვენს ეკლესიას და ჩვენს ღირებულებებს!"

/მეუფე შიო (მუჯირი)/

[marine]

"მართლმადიდებლური გარდამოცემა ჩვენ გადმოგვეცა ჩვენი მშობლებისგან, ჩვენი ბაბუებისა და ბებიებისგან. ჩვენ არავითარ შემთხვევაში არ უარვყოფთ მას, რადგან ვხედავთ, რომ ეს არის ჭეშმარიტი ცხოვრება. არ გვსურს, შევცვალოთ იგი, რადგან ის საუკუნეების მანძილზე ნაცადი ცხოვრებაა".

/არქიმ. გიორგი (კაფსანისი)/

[marine]

"მართლმადიდებლობა მშვიდობის მქადაგებელი რელიგიაა, რომელიც წყაროს წყალივით კვებავს, არწყულებს ჩვენში არსებულ ყოველ სიკეთეს"

[marine]

"ძველ დროში არსებობდა ოქროს სასინჯი ქვა, რომლითაც ამოწმებდნენ, ხალასი იყო თუ არა ოქრო, რადგან ოქრომჭედლებმა იცოდნენ, როგორი ხმა უნდა გამოეცა ხალას ოქროს. შეიძლება ითქვას, ასეთივე სასინჯი ქვა არის მართლმადიდებელი სარწმუნოებაც სხვა ნებისმიერ აღმსარებელობასთან - ქრისტიანული იქნება ეს, თუ არაქრისტიანული - მიმართებით. მართლმადიდებლური მოძღვრება მთლიანად ეყრდნობა წმინდა წერილს, წინასწარმეტყველთა და მოციქულთა მიერ საღვთო შთაგონებით გადმოცემულს, ამიტომ მასში არაფერი გვხვდება ისეთი, რაც შეიძლება ჩაითვალოს მხოლოდ ადამიანთა ნააზრევად და მათგან თვითნებურად განმარტებულად"

[marine]

"სადაც არ არის მადლი სულისა წმიდისა, იქ არ არის მართლმადიდებლობა"

[marine]

"მართლმადიდებლობაა - არ დაივიწყო ის მართალი სიტყვა, რომელიც აღუთქვი ღმერთს, როცა განაახლე შენი უპირობით დარღვეული აღთქმა. გაიხსენე, როგორ და რისთვის მოხდა ეს და ეცადე, არ დაუშვა ახალი ღალატი. ლამაზი სიტყვები როდი ფასობს, არამედ ერთგულება"

[marine]

"სადაც არ არის მართლმადიდებლობა, იქ არ არის ჭეშმარიტება, იქ არ არის სულიწმიდა, იქ არ არის ღმერთი"

/აკაკი მინდიაშვილი/

[marine]

"უბრალოება და ღვთისმოსაობა ხომ სწორედ მართლმადიდებლური სულია, რომელშიც მყოფობს ქრისტე"

/ღირსი პაისი ათონელი/

[marine]

"ჩვენს მართლმადიდებელ ეკლესიაში ერთი ცოდვაც კი არ არსებობს. ერთადერთი ეკლესიის გამხრწნელი ცოდვა თვით ჩვენგან გამომდინარეობს"

/ღირსი პაისი ათონელი/

[marine]

"მართლმადიდებლობა უზადო და შეურყვნელი ჭეშმარიტებაა ქრისტე-მაცხოვრის მიერ ადამიანთა საცხოვნებლად ამოსოფლად მოტანილი: ესაა - სრულ სიწმინდესა და უვნებლობაში დამარხული ნამდვილი მოძღვრება ქრისტესი რწმენასა და კეთილმსახურებაზე (სარწმუნოებრივ ცხოვრებაზე)".

[marine]

"წმ. იოანე ოქროპირის თქმით, მართლმადიდებელ ეკლესიას აყენებენ ჭრილობებს, და მიუხედავად ამისა, არ ეცემა, მასზე მუდმივად იერიში მიაქვთ, მაგრამ ვერ იღებენ, მის ჩაძირვას ცდილობენ, მაგრამ ფსკერზე არ ეშვება"

/აკაკი მინდიაშვილი/

[marine]

"ჩვენ არ უნდა გავიგოთ მართლმადიდებლობა მარტო ისე, როგორც რელიგია. იგი უფრო უნდა ავამაღლოთ და ასე დაინახოს თითოეულმა მართლმორწმუნე ქრისტიანმა. და მაინც როგორ? მართლმადიდებლობა ეს არის ცხოვრების მომნიჭებელი, რომელიც ადამიანის ბიოლოგიურ არსებობას სახეს უცვლის, განწმენდს და ცვლის საზოგადოებას და ვინც ახლოს არ არის მართლმადიდებელ სარწმუნოებასთან, ვინც სიწმინდით და მართლად ემსახურება და გაიაზრებს მას სულიწმიდის არსით, მაშინ ხდება კავშირი ღმერთსა და ადამიანს შორის, ცოცხალსა და მიცვალებულ სულებს შორის. ხდება კავშირი ზეციურსა და მიწიერს შორის. სწორედ ეს კავშირი, ეს ურთიერთობები გვიხსნის, თუ რა თქმა უნდა, სულიერი სვლა გვექნება ქრისტესაკენ"

/მიტროპოლიტი ილარიონი (ქიტიაშვილი)/

[marine]

"ერთ-ერთ მართლმადიდებლურ ჟურნალში ამგვარი ისტორია ამოვიკითხეთ: ერთმა ხეიბარმა ადამიანმა (მას სერგი ერქვა) თავისი ცხოვრების განმავლობაში რელიგიურ თემაზე მრავალი წიგნი წაიკითხა. წაკითხულს დაკვირვებით იწერდა, მაგრამ მაინც ვერ გაეგო: სად არის ჭეშმარიტება, როგორ უნდა სწამდეს და ლოცულობდეს.

ბოლოს და ბოლოს, უნაყოფო ძიებით დაღლილმა სერგიმ გადაწყვიტა, ჩანაწერები ნაგავში გადაეყარა. ისინი ერთ პარკუჭში მოაგროვა და გონებაში წარმოთქვა: "რომელი რელიგიაც ჭეშმარიტია, დაე, ის ხელნაწერი დაბრუნდეს ჩემთან".

მოხდა სასწაული: მეორე დღეს სერგის ნაცნობმა მეეზოვემ, რომელიც ნაგავს ცლიდა, ხეიბარს მართლმადიდებლობის შესახებ მისი ჩანაწერები მოუტანა: "შეხედე, რაღაც საინტერესო ვიპოვე! გამომართვი და წაიკითხე". სერგი გაოგნებული იყო. ამ დღიდან საბოლოოდ და ყოვეგვარი ეჭვის გარეშე მართლმადიდებელი გახდა.

უფლის ბრძნულ განგებულებას გზა და საშუალება მრავალი აქვს ადამიანების რწმენისა და ცხონების გზაზე მოსაქცევად - ოღონდ მათ წრფელად უნდა სურდეთ თავიანთი უკვდავი სულის ხსნა".

/მღვდელმონაზონი კონსტანტინე (კოვალჩუკი)/

[marine]

"მართლმადიდებლობა არის დოგმატისა და ზნეობის, მჭვრეტელობისა და მოღვაწეობის საოცარი ერთობა"

/არქიმანდრიტი ეფრემ ფილოთეველი/

[marine]

"მართლმადიდებლობა ყოველთვის იცავდა ზომიერებასა და ჰარმონიას. არ უშვებდა შეცდომებს, ვინაიდან წმინდა მამები სულიწმიდის შთაგონებით მოღვაწეობდნენ"

/არქიმანდრიტი ეფრემ ფილოთეველი/

[marine]

"სიყვარული, ღვთისადმი მსახურება, წადიერება, ღმერთთან შეერთება, ეკლესიასთან შეერთება - ეს მიწიერი სამოთხეა. თუ ღვთის მადლს მოვიხვეჭთ, მაშინ ყველაფერი ადვილი, სასიხარულო და ღვთის კურთხევაა. აბა, იპოვე სხვა სარწმუნოება, რომელიც ასე სრულყოფილსა და ბედნიერს გახდის ადამიანს. დასანანია, თუ ამ სიდიადეს ვერ აღვიქვამთ!"

/წმ. პორფირი კავსოკალიველი/

[marine]

"ეს არის ჩვენი სარწმუნოება - სიმაღლე, სიდიადე, მადლი, სიხარული, მხიარულება! რაოდენ მხურვალედ გრძნობდა ამ ყველაფერს დავით წინასწარმეტყველი! იგი ამბობდა: "ჰსურის და მოაკლდების სულსა ჩემსა ეზოთა მიმართ უფლისათა". რა მშვენიერია!"

/წმ. პორფირი კავსოკალიველი/

[marine]

"ჩვენი სარწმუნოება არის სარწმუნოებათა სარწმუნოება, გამოცხადებითი, ნამდვილი, ჭეშმარიტი სარწმუნოება. სხვა რელიგიები კაცობრივია, ცარიელია"

/წმ. პორფირი კავსოკალიველი/

[marine]

"განა ღვთაებრივი ცეცხლის გარდამოსვლით უფალი მთელს კაცობრიობას არ ამცნობს, რომ მხოლოდ მართლმადიდებლობაა ჭეშმარიტი სარწმუნოება? განა ღვთაებრივ ცეცხლს ერთნაირად არ ხედავს მუსლიმანი, ბუდისტი, კათოლიკე, ბაპტისტი, იეღოველი და კიდევ სხვა მრავალი სექტანტი? და თუ ამის აღიარება არ უნდა, სმენას იყურებს და თვალს იბრმავებს, ეს უკვე მისი ნებაა, მისი არჩევანია - გადარჩება თუ არა..."

/არქიმანდრიტი შიო (ხარძეიშვილი)/

[marine]

"ქარები გამალებით სცემენ და ეკვეთებიან ხოლმე კლდეს, მაგრამ ქარები მიდიან და მოდიან, - ესაა ქარების თვისება, - მოვიდნენ და წავიდნენ, კლდე კი მტკიცედ და შეურყევლად დგას. ასევეა ცრუ სწავლებანიც, ქარებივითაა - მოდიან, ეკვეთებიან ეკლესიას, რომელიც უფალმა კლდესა ზედა დააფუძნა, და ქარების მსგავსად ცრუმოძღვრებანიც მიდიან. ეს კლდე უმტკიცესია, სვეტი და სიმტკიცეა ჭეშმარიტებისა და აჰა, უკვე ორიათასი წელია მტკიცედ და შეურყვნელად დგას იგი.

უფალმა ბრძანა: "... ამ კლდეზე მე აღვაშენებ ჩემს ეკლესიას და მას ვერ დასძლევს ჯოჯოხეთის ბჭენი, მას "ბჭენი ჯოჯოხეთისანი ვერ ერეოდიან".

ე. ი. ქრისტეს ეკლესია უძველესია, ხოლო ყველა მტერი და მეტოქე მართლმადიდებელი ეკლესიისა განწირულია ძლევისათვის, რადგან თვით უფალმა თქვა: ჩემს ეკლესიას ვერ "ძლევენ ბჭენი ჯოჯოხეთისანი". ნუთუ ვინმე ფიქრობს, რომ ქრისტე სიმართლეს, ჭეშმარიტებას არ იწინასწარმეტყველებდა და მისი ეკლესია უხილავ თუ ხილულ ბოროტ ძალთაგან ძლეული იქნებოდა?!

მან ბრძანა:

- მე აღვაშენებ ჩემს ეკელსიას.

დავუკვირდეთ, ისე კი არ თქვა: მე აღვაშენებ ჩემს ეკლესიებსო, რადგან ერთია უფალი, ერთია ჭეშმარიტება, არამედ აღვაშენებ ჩემს ეკლესიასო, და ჭეშმარიტი ეკელსიაც ერთადერთია, - ესაა მართლმადიდებელი ეკლესია, მართლმადიდებლური, ქრისტიანული ღვთიური მოძღვრება, რომელიც ქრისტემ მოგვიტანა და მოციქულთა მეშვეობით გადმოგვეცა"

/აკაკი მინდიაშვილი/