რა არის თავისუფლება, არქ.რაფაელ კარელინი პარამეტრები

[saria-giorgi]

ეს სრულიად გაუგებარი ცნება როგორ უნდა განისაზღვროს?
თავისუფლება-ეს გადაწყვეტილების მიღების საშუალება და უფლებაა ადამიანისა,გამომდინარე იმ შინაგანი სურვილიდან,რომელიც შესაძლებელია იყოს ინტელექტუალური,მგრძნობელობი�
��ი ან უხეშად ინსტიქტური ანუ საშუალებაა იმისა,რომ ჩვენი სურვილები განვახორციელოთ.მაგრამ ჩვენი ინტელექტუალური ზრახვები მერყევია,რადგან არამდგრად წარმოდგენებსა და შეფასებებს ემყარება.
ჩვენს ინსტიქტებს რაც შეეხება,ამაში ოდნავ თუ განვსხვავდებით ამებისაგან,რომელიც ერთ მთლიან მუცელს წარმოადგენს.
რისი რეალიზება შეგვიძლია?თავისუფლება რომელ''მხეცს''უნდა მივანიჭოთ?
თავისუფლებაზე მოსაუბრეებს ავიწყდებათ,რომ ამისათვის გარკვეული კულტურაა საჭირო:უპირველესად,ადამიანის
ადმი პატივისცემის უნარი,ურომლისოდაც შეუძლებელია მისდამი სიყვარული.
თავისუფლება-ეს გამარჯვების ტრიუმფია სულიერ ცხოვრებაში.ამის გარეშე თავისუფლება ცინიკოსის დაცინვა ან მოძალადის მხეცური ეშვების ღრჭენა იქნება.
კინიკოსებისთვის თავისუფლება ქილიკშია,ადამიანი რასაც საპირფარეშოში აკეთებს,ისინი ქუჩაში აკეთებენ.
ქრისტიანობა გვიჩვენებს,თუ რაშია თავისუფლება-ეს იმის საშუალებაა,რომ ადამიანმა თავისი მთავარ მოწოდებას მისდიოს და განახორციელოს მასში ჩადებული პოტენციალი-ხატება და მსგავსება ღმრთისა.
თავისუფლება-ეს გულის გათავისუფლებაა ყოველი უცხოსაგან.
თავისუფლება-ეს მარადისობიდან გადმოდინებული ნათელია.ადამიანი საკუთარ თავს ღმერთში ჰპოვებს და თავისთავადი ხდება.
თავისუფლება-ეს გამოსვლაა ქმნილი,განივთებული,დაკომპლექ
სებული,ვნებიანი მდგომარეობიდან,ის ღმრთაებრივ სრულყოფასთან ზიარებაა.
ერთადერთი თავისუფლება ქრისტიანობამ განგვიცხადა.ეს ღმერთთან ჰარმონიაში ყოფნის თავისუფლებაა,ეს სულის გათავისუფლებაა ყოველივე უცხოსაგან-ვნებებისაგან,როგორც სულის მტკივნეული კორძებისაგან,მრავალი ფსიქიკური კომპლექსისაგან,რომელიც კრუნჩხვასავით არყევენ და კუმშავენ გონებას.თავისუფლება იხსნება იქ,სადაც მთავრდება დრო,ხოლო მარადისობა მარადიულში გაცხადდება.
როგორც ვთქვით,თავისუფლება,ეს არის მხოლოდ შინაგან წინააღმდეგობათა მოხსნა და ადამიანში ტრიმეტრიის ერთიანობის აღდგენაა,ასევე(და მეტადავ)სულის ჩართვაა ღმრთაებრივი ყოფიერების უმაღლეს თავისუფლებაში.წმ.პავლე მოციქული წერს:''დიდი სასყიდლით ხართ გამოსყიდულნი,ნუ იქნებით კაცთა მონანი,''უწინარეს ყოვლისა,საკუთარი ''მე''-ს,შავბნელი ვნებების მონა.
ვნებები-ეს ჩვენ არ ვართ,ეს სულში შთავარდნილი აჩრდილია დემონისა,ეს სულის ბნელი ორეულია.თავისუფლება მხოლოდ ღმერთშია.ჭეშმარიტი სინანული სულის დაბადებაა,ზიარება კი-აღდგომა მკვდრეთით.

მაცხოვარი ბრძანებს:''სცანთ ჭეშმარიტება და ჭეშმარიტებამან განგათავისუფლნეს თქვენ.''

[marine]

"ცოცხალ მონაზე უმჯობესია
თავისუფლების ძებნაში მკვდარი!
იმისი საქმე შთამომვალობას
ბნელს გაუნათებს, როგორც ლამპარი"

/აკაკი წერეთელი/

[marine]

"უფალმა მოგვცა თავისუფალი ნება, რათა ერთდროულად პასუხს ვაგებდეთ საკუთარ ქმედებებზე და ვბატონობდეთ მათზე"

[marine]

"კეთილი, თუნდაც ემსახურებოდეს, თავისუფალია, ბოროტი კი, თუნდაც მეფობდეს, მონაა, და ამასთან იმის მსგავსია, ვისაც ერთი ბატონი კი არ ჰყავს, არამედ იმდენი ღმერთი, რამდენიც - ნაკლოვანება!"

/ნეტარი ავგუსტინე/

[marine]

"გრძნობებისათვის თავისუფლების მიცემა გულის თავისუფლებასაც ნიშნავს"

/წმ. ისააკ ასური/

[marine]

"უფალმა ინებოს, რომ ჩვენმა ხალხმა შეიცნოს ჭეშმარიტება და მოვიპოვოთ თავისუფლება, ჭეშმარიტი სულიერი თავისუფლება, რის გარეშეც ნამდვილი თავისუფლება არ არსებობს!"

/მეუფე შიო (მუჯირი)/

[marine]

"ნება თითოეულ ჩვენგანს გვასწავლის და გვტანჯავს"

[marine]

ზოგი თვლის, რომ ქრისტიანობა მონობის რელიგიააა, არადა, ქრისტე ადამიანის თავისუფლებისთვის ეწამა!..

/მამა პეტრე კვარაცხელია/

[marine]

"იმისათვის, რომ ვინმე თავისუფალი იყოს, საკმარისი არ არის, უბრალოდ ბორკილებისაგან გათავისუფლდეს, არამედ იცხოვროს იმგვარად, რომ პატივი სცეს და მხარი დაუჭიროს სხვების თავისუფლებასაც"

/ნელსონ მანდელა/

[marine]

"ეკლესია არსებობს არა ადამიანების დასათრგუნად, არამედ მათს გასათავისუფლებლად. ამიტომაც გვჭირდება იგი ყველას"

/არქიმ. გიორგი (კაფსანისი)/

[marine]

"ჭეშმარიტი თავისუფლება ქრისტიანული თავისუფლებაა - შინაგანი თავისუფლება, და არა - გარეგნული; ზნეობრივი და სულიერი, და არა - ხორციელი; მუდამ კეთილისმოქმედი და არასდროს - მტანჯველი; რომელსაც შეუძლია, ქოხში იცხოვროს ისევე მოხერხებულად, როგორც დიდებულთა და სამეფო სახლებში, - სადაც ხელქვეითი ხელქვეითად რჩება და მბრძანებლის დარად ყოველგვარი სიკეთით სარგებლობს. ის თავისუფლებაა, რომელსაც ვერც ბორკილები შეზღუდავს და ვერც - საპრყობილე, რომელიც შეგვიძლია დავინახოთ ქრისტიან მარტვილებში!"

[marine]

"ყოველმან, რომელმან ქმნეს ცოდვაი, მონაი არს იგი ცოდვისაი". განა თავისუფალია ანგარებისმოყვარე? განა იგი ოქროზე არ არის მიჯაჭვული? განა თავისუფალია სხეულისათვის სიამოვნების მიმნიჭებელი? იგი ხელებით და ფეხებით კი არა, თავითა და გულითაა მიბმული საკუთარ კერპზე!"

[marine]

"როდესაც ადამიანი ყოველთვის იმას აკეთებს, რაც სურს, მონა არის და არა თავისუფალი. თავისუფალი ნება გულისხმობს იმ საქმეთა კეთებას, რაც უფალთან გვაახლოებს, რაც სულის საცხოვნებლად წაგვადგება"

[marine]

"სულის მოპარვა" გულისხმობს ღმერთისგან განშორებას. ამ დროს ადამიანი ეშმაკის ტყეობაშია, მაგრამ ამას ვერ ამჩნევს და თავი თავისუფალი ჰგონია"

[marine]

"რას ნიშნავს თავისუფლება? განთავისუფლებას ქვეცნობიერის ბორკილებისგან, განთავისუფლებას სურვილების, ნებისა და ვნებებისაგან, ყოველგვარი სიცრუისაგან. ჩვენ ღვთის მიმართ სიყვარულის სწორ გზას ვადგავართ. მას შემდეგ, რაც გავთავისუფლდი, შემიძლია წინ ვიფრინო. მონა არ დაფრინავს, არამედ მხოლოდ თავისუფალი ადამიანი. გზა ხსნილია ჩემ წინაშე და შემიძლია ავიდე ღმერთისადმი სიყვარულის კიბეზე"

/სქემარქიმანდრიტი ემილიანე (ვაფიდისი)/

[marine]

"საკუთარ თავზე გაიმარჯვე და სადაც უნდა იყო, თავისუფლებას ყველგან მოიპოვებ"

/ბერი სვიმეონ ათონელი/

[marine]

"თავისუფლება მხოლოდ შეუპოვარი ადამიანის ხვედრია"

[marine]

"ზოგს მაძღარი გალია ხიბლავს, ზოგს კი მშიერი თავისუფლება"

[marine]

"ვიღაც ხის ტოტზე ნავარდობს,
ვიაღაცას ხიბლავს გალია"

[marine]

"მადლი და ადამიანის თავისუფლება ერთდროულად ვლინდება და ერთი მეორის გარეშე არ მოიაზრება"

[marine]

"თუ თავისუფლება სულიერ ცხოვრებაშიც კი არ გამოიყენება შესაფერისად, როგორღა მოიხმარენ მას სწორად ერულ ცხოვრებაში?! რა უნდა უყო მას - ასეთ თავისუფლებას? ამგვარი თავსუფლება კატასტროფაა. ამიტომაა, რომ სახელმწიფოშიც ხდება ყველაფერი ის, რასაც ახლა ვხედავთ. შეძლებენ თანამედროვე ადამიანები, რომ სწორად გამოიყენონ მათთვის მინიჭებული თავისუფლება? თუ ადამიანები შესაფერისი ფორმით არ გამოიყენებენ მას, თავისუფლება კატასტროფად მოგვევლინება. ერულმა ევოლუციამ ამ ცოდვილ თავისუფლებასთან კავშირში ადამიანს სულიერი მონობა მოუტანა. სულიერი თავისუფლება არის სულიერი მორჩილება ღვთის ნებისადმი. ხედავ, რომ მორჩილება თავისუფლებაა, თუმცა მტერი თავისი ბოროტებით ცდილობენ, ის მონობად წარმოადგინონ"

/ღირსი პაისი ათონელი/