რა არის თავისუფლება, არქ.რაფაელ კარელინი პარამეტრები

[saria-giorgi]

ეს სრულიად გაუგებარი ცნება როგორ უნდა განისაზღვროს?
თავისუფლება-ეს გადაწყვეტილების მიღების საშუალება და უფლებაა ადამიანისა,გამომდინარე იმ შინაგანი სურვილიდან,რომელიც შესაძლებელია იყოს ინტელექტუალური,მგრძნობელობი�
��ი ან უხეშად ინსტიქტური ანუ საშუალებაა იმისა,რომ ჩვენი სურვილები განვახორციელოთ.მაგრამ ჩვენი ინტელექტუალური ზრახვები მერყევია,რადგან არამდგრად წარმოდგენებსა და შეფასებებს ემყარება.
ჩვენს ინსტიქტებს რაც შეეხება,ამაში ოდნავ თუ განვსხვავდებით ამებისაგან,რომელიც ერთ მთლიან მუცელს წარმოადგენს.
რისი რეალიზება შეგვიძლია?თავისუფლება რომელ''მხეცს''უნდა მივანიჭოთ?
თავისუფლებაზე მოსაუბრეებს ავიწყდებათ,რომ ამისათვის გარკვეული კულტურაა საჭირო:უპირველესად,ადამიანის
ადმი პატივისცემის უნარი,ურომლისოდაც შეუძლებელია მისდამი სიყვარული.
თავისუფლება-ეს გამარჯვების ტრიუმფია სულიერ ცხოვრებაში.ამის გარეშე თავისუფლება ცინიკოსის დაცინვა ან მოძალადის მხეცური ეშვების ღრჭენა იქნება.
კინიკოსებისთვის თავისუფლება ქილიკშია,ადამიანი რასაც საპირფარეშოში აკეთებს,ისინი ქუჩაში აკეთებენ.
ქრისტიანობა გვიჩვენებს,თუ რაშია თავისუფლება-ეს იმის საშუალებაა,რომ ადამიანმა თავისი მთავარ მოწოდებას მისდიოს და განახორციელოს მასში ჩადებული პოტენციალი-ხატება და მსგავსება ღმრთისა.
თავისუფლება-ეს გულის გათავისუფლებაა ყოველი უცხოსაგან.
თავისუფლება-ეს მარადისობიდან გადმოდინებული ნათელია.ადამიანი საკუთარ თავს ღმერთში ჰპოვებს და თავისთავადი ხდება.
თავისუფლება-ეს გამოსვლაა ქმნილი,განივთებული,დაკომპლექ
სებული,ვნებიანი მდგომარეობიდან,ის ღმრთაებრივ სრულყოფასთან ზიარებაა.
ერთადერთი თავისუფლება ქრისტიანობამ განგვიცხადა.ეს ღმერთთან ჰარმონიაში ყოფნის თავისუფლებაა,ეს სულის გათავისუფლებაა ყოველივე უცხოსაგან-ვნებებისაგან,როგორც სულის მტკივნეული კორძებისაგან,მრავალი ფსიქიკური კომპლექსისაგან,რომელიც კრუნჩხვასავით არყევენ და კუმშავენ გონებას.თავისუფლება იხსნება იქ,სადაც მთავრდება დრო,ხოლო მარადისობა მარადიულში გაცხადდება.
როგორც ვთქვით,თავისუფლება,ეს არის მხოლოდ შინაგან წინააღმდეგობათა მოხსნა და ადამიანში ტრიმეტრიის ერთიანობის აღდგენაა,ასევე(და მეტადავ)სულის ჩართვაა ღმრთაებრივი ყოფიერების უმაღლეს თავისუფლებაში.წმ.პავლე მოციქული წერს:''დიდი სასყიდლით ხართ გამოსყიდულნი,ნუ იქნებით კაცთა მონანი,''უწინარეს ყოვლისა,საკუთარი ''მე''-ს,შავბნელი ვნებების მონა.
ვნებები-ეს ჩვენ არ ვართ,ეს სულში შთავარდნილი აჩრდილია დემონისა,ეს სულის ბნელი ორეულია.თავისუფლება მხოლოდ ღმერთშია.ჭეშმარიტი სინანული სულის დაბადებაა,ზიარება კი-აღდგომა მკვდრეთით.

მაცხოვარი ბრძანებს:''სცანთ ჭეშმარიტება და ჭეშმარიტებამან განგათავისუფლნეს თქვენ.''

[marine]

"როგორც სკამი ვერ დგას ერთ ფეხზე, ასევე თავისუფლება მარტო ვერ დგას. რომ შენარჩუნდეს, საჭიროა კიდევ ორი რამ, კერძოდ, ჭეშმარიტება და წყალობა (უფრო სწორად, სიყვარული, თუ გავბედავდით ამ სიტყვის გამოყენებას დღეს)"

/წმ. ნიკოლოზ სერბი/

[marine]

"ქრისტე აკაკუნებს ადამიანის გულის კარზე, თუმცა მხოლოდ თავისუფლებით პატივდებულ ადამიანს შეუძლია მისი გაღება. "ცხადია, მის გარეშე, ქრისტეს გარეშე" - წერს ნეტარხსენებული გიორგი ფლოროვსკი - "ადამიანს არ შეუძლია არაფრის გაკეთება. თუმცა, არსებობს რაღაც, რაც მხოლოდ ადამიანის მიერ შეიძლება გაკეთდეს - შეეგებოს ღვთის მოწოდებას და შეიწყარნოს ქრისტე"

/მსოფლიო პატრიარქი ბართლომე I/

[marine]

"ადამიანს თავისუფლება ვერ მიენიჭება, სანამ მას სურს რამე, რაც სოფელს ეკუთვნის"

/აბბა ესაია/

[marine]

"თავისუფლება გამოიხატება ადამიანის ნდომა-მისწრაფებაში; თავისუფლება მოქმედებაა, განხორციელებაა ნებისა, აზრისა, გრძნობისა და არ განსვენება, უქმად ყოფნა. თავისუფლება პიროვნებისა და ერისა ერთიერთმანეთთან მჭიდროდ არის დაკავშირებული. სადაც არაა პიროვნება თავისუფალი, იქ ერი დამონებულია და დამონებულ ერში, რა თქმა უნდა, პიროვნებაც მონაა, უთავისფულო, სხვის ხელში სათამაშო ნივთი"

/ვაჟა-ფშაველა/

[marine]

"ღმერთს ჩვენთვის თავისუფლება რომ არ მოენიჭებინა, ის გააუქმებდა რწმენის გზას და მასთან მიგვიყვანდა ძალდატანებითი ცოდნის გზით"

/მამა ზოსიმე (ზაქარია), ტროიცკო-სერგიევის ბერი/

[marine]

"ორი თავისუფლება გვაქვს ჩვენ. ერთია თავისუფლება, რომელიც არის ქრისტეში, როდესაც უფალი ამბობს: - "სცანთ ჭეშმარიტი და ჭეშმარიტებამან განგათავისუფლეს თქვენ". მეორეა თავისუფლება, რომელზეც პავლე მოციქული ბრძანებს: - "მე შემიძლია გავაკეთო ყველაფერი, მაგრამ ყველაფერი სასარგებლო როდია ჩემთვის". ეს არის ორი თავისუფლების პრინციპი.

პირველი თავისუფლება არის ეკლესიური თავისუფლება, რომ ქრისტე მათავისუფლებს ჩემი სინანულის მეშვეობით და ჩემს ცოდვილობას ვგრძნობ, ჩემს თავს შევიცნობ, ვნანობ და ქრისტე მათავისუფლებს ეკლესიის იმ მადლმოსილების ბეჭდით, რომელიც არის სინანული, აღსარება.

მეორეა თავისუფლება, როდესაც რასაც მინდა, იმას ვაკეთებ. კი, ბატონო, რაც გინდა, ის გააკეთე, ეს თავისუფლება შენ მოცემული გაქვს, მაგრამ რეალურად ამ თავისუფლებას შედეგად მონობა მოაქვს, იმიტომ, რომ რასაც შენ აკეთებ, მასზე დამოკიდებული ხდები და მთელი ცხოვრება მისი ზემოქმედების ქვეშ ხარ. ანუ არის რაღაც ისეთი თავისუფლება, რომელიც გარეგნულად თავისუფლებას ჰგავს, მაგრამ შინაგანად მონობაა და, ამავე დროს, არის თავისუფლება, რომელიც შინაგანადაც და გარეგნულადაც გათავისფულებს.

იმისათვის, რომ შევძლოთ ვიყოთ თავისუფალნი, საჭიროა სინანული, ანუ აღსარება, გათავისუფლება იმ ტკივილისგან, რომელიც გვაქვს და მაშინ ჩვენ, როგორც თავისუფალნი, სხვა ადამიანებსაც შევხედავთ უკვე სინანულის თვალით, სინანულის შედეგად გათავისუფლებით მინიჭებული სიხარულით, რომელსაც განვიცდით"

/დეკ. თეიმურაზ ქორიძე/

[marine]

"თავისუფლება თავის არშეკავებაში კი არ არის, არამედ საკუთარი თავის ფლობაშია"

/თეოდორ დოსტოევსკი/