თავმდაბლობა vs ამპარტავნება პარამეტრები

[marine]

"მზის ნათელი შენი შუქი როდია და, რასაკვირველია, მისით არ ამაყობ; ნუ იამაყებ შენი გონებითაც: თუ მასში არის ნათელი, ეს ღვთის საჩუქარია, ხოლო თუ სიბნელეა, მაშინ საამაყო არაფერი გაქვს!"

[marine]

"ღვთის - სიცოცხლის წყაროსა და სიკეთის საწყისთან გაუცხოების გამო გაუხუშებული სული ამაოდ იმედოვნებს, რომ ვითარდება, მაღლდება, იზრდება და წინ მიდის: მასში კი მხოლოდ თავმოყვარეობის სული იზრდება, იგი მხოლოდ ამპარტავნებით მაღლდება, მხოლოდ ბოროტებაში იზრდება, წინ მიდის, მაგრამ - ამაოების გზით, რომელსაც დაღუპვამდე მიჰყავს!"

[marine]

"ჩვენი საკუთარი ძალებით არცერთი კეთილი საქმის ქმნა არ ძალგვიძს, ამიტომ, თუკი ღვთის შეწევნით ვნებებს დათრგუნავ და საკუთარ თავს უკეთესად ჩათვლი, დაემსგავსები ხაზინადარს, რომელიც სახელმწიფო ფულის მიღებით თავს მდიდრად ჩათვლის!"

[marine]

"რატომ მოხდა, რომ ამაყ ფარისევლებს, - რომლებიც უფალმა გველებს, ანუ, განკიცხულ სულთა რიცხვს მიაკუთვნა, - "იქედნეს ნაშობნი" - გველთა განსაკუთრებული ჯიშის სახელი ეწოდათ? იქედნე პატარა, ძლივს შესამჩნევი, ბრმა გველია, მაგრამ შეიარაღებულია უძლიერესი, მომაკვდინებელი შხამით. ასევე ამპარტავნებაც სულის უძლურებაა, ძლივს შესამჩნევი, ხშირად ადამიანის უღრმესი თავმდაბლობით წარმოდგება, რომელსაც ადამიანები სიწმიდედ და ვნებათაგან თავისუფლებად შერაცხავენ, მაგრამ იგი კლავს სულს და მისთვის ყოველგვარი სათნოება შეუძლებელი ხდება. იქედნე ბრმაა; ბრმაა ამპარტავანიც. მისგან დაბრმავებული ვერც ხედავს და ვერც გრძნობს ღმერთს, მოკლებულია მართალ ხედვას - საკუთარი თავისა და ადამიანთა მიმართ"

[marine]

"ყველაზე უტყუარი ნიშანი იმისა, რომ ცდუნებული ხარ, არის ის, რომ საკუთარი თავი სხვაზე ცბიერი გგონია"

[marine]

"ამპარტავანს არ ძალუძს დიდხანს იფიქროს, რადგან მას სურს, ჭკვიანი ჩანდეს და სხვების წინაშე ბრწყინავდეს"

[marine]

"ამპარტავნება არის ცრუ შეგრძნება საკუთარი თავის უპირატესობისა"

/დეკ. ირაკლი კუთხაშვილი/

[marine]

"თქვენი ცოდვების ზომა დაადგინეთ მხოლოდ სიმდაბლით, შეზღუდეთ ამპარტავნება და არ გაზომოთ მისით ღვთის მოწყალება, რომელიც უსაზღვროა!"

[marine]

"ამპარტავანი თავის პატივისმცემელთ არაფრად მიიჩნევს, მისთვის მიგებულ პატივს კი დიდად აფასებს"

/წმ. იოანე ოქროპირი/

[marine]

"საკუთარი თავით მეტისმეტი უკმაყოფილება სისუსტეა; მეტისმეტი კმაყოფილება კი - სისულელე!"

[marine]

"განა არ ჰგავს ქედმაღალი და გაბღენძილი ადამიანი გაბერილ ბუშტს, ანდა, - წყალმანკით თუ ძლიერი სიმსივნით დაავადებულ ადამიანს? განა არ მიემსგავსება იგი სასაცილო ბავშვს, რომელსაც ლოყები გამოუბუშტავს?"

[marine]

"ვისაც გამოცდილებით სურს, შეიცნოს მუდმივი მოუსვენრობა, მისთვის მხოლოდ ისაა საჭირო, ამპარტავანი იყოს და მაშინ იგი საკუთარი მხრებით ატარებს ნამდვილ ჯოჯოხეთს - მტანჯველ მისწრაფებას ადამიანთა პატივისცემის გამყინავი გრძნობისადმი, რომელსაც ვერასოდეს მიაღწევს!"

[marine]

"როგორც ბრმას ვერ მოჰკითხავ, რატომ ვერ ხედავს, ასევე ამპარტავანს ვერ გააგებინებ, რა არის სიმდაბლე. სამწუხაროდ, მისი სულიერი თვალები დაბრმავებულია. პირველ რიგში მათი თვალების გახელვას სჭირდება საკუთარი ნება. უფალი არ ძალადობს არავისზე, არც ურწმუნოზე და არც მორწმუნეზე. ამპარტავნები ხომ მორწმუნეებშიც არის და არამორწმუნეებშიც. უფალი მდაბალია და ცდილობს, მოთმინებით, სიყვარულით განკურნოს. ის ელოდება მათ ნებას, რომ მიხვდნენ, რა საშინელ მდგომარეობაში იმყოფებიან. როგორც აპოკალიფსში ბრძანებს წმინდა იოანე ღვთისმეტყველი, მე ყველა ადამიანის კართან ვდგავარ და ვრეკ, იქნებ ვინმემ გამიღოს. იქნებ ვინმემ შეისმინოს ჩემი კაკუნი და გამიღოსო"

/დეკ. ლუკა ბუცხრიკიძე/

[marine]

"ყველა ადამიანი შენზე აღმატებულად ჩათვალე!"

/წმ. ბარსანოფი დიდი/

[marine]

"მართალია, გონიერი ხარ, მაგრამ სხვა მაინც გჭირდება!"

[marine]

"სიმდაბლეს (თავმდაბლობას) ღირსი იოანე კიბისაღმწერელი უწოდებს "ყველა ვნებათა მომაკვდინებელსა და გამანადგურებელს"

[marine]

"ღირსი იოანე კიბისაღმწერელი თავმდაბლობას უწოდებს "ღვთაებრივ საფარველს", რომელიც "საკუთარი სათნოებების დანახვის საშუალებას არ გვაძლევს"

[marine]

"ყოველ საქმეში საკუთარი თავი მწირად ჩათვალე იმისათვის, რომ სხვებს ასწავლო, და მთელი ცხოვრების განმავლობაში ჭკვიანი იქნები"

/წმ. ისააკ ასური/

[marine]

"ელვის ბრწყინვალება მეხის ჩამოვარდნას მოასწავებს, ამპარტავნებისა კი - პატივმოყვარეობის გამოჩენას"

/წმ. ნილოს სინელი/

[marine]

"ვინ ვართ ჩვენ, ყველა, თუ არა - ღატაკნი? რა გაგვაჩნია საკუთარი? - არაფერი, - ცოდვების გარდა! აპოკალიფსში ვიღაც თავს იქებს: "მდიდარ ვარ და განვმდიდრდი და არარაი მეხმარების", - არაფერი მიჭირს და არაფერი მაკლიაო. ასეთს ეტყვიან: "და არა უწყი, რამეთუ შენ ხარ უბადრუკ და საწყალობელ და გლახაკ და ბრმა და შიშველ!". როგორი შესამეცნებელი გაკვეთილია ჩვენი ამპარტავნებისათვის!"