თავმდაბლობა vs ამპარტავნება პარამეტრები

[marine]

"ნებისმიერი სულიერი ღვაწლი მაცხოვნებელი და სასარგებლოა მაშინ, როდესაც მასში ქედმაღლობისა და ამპარტავნების ნატამალიც არ არის; ხოლო ჩვენი განდიდებისთვის გაკეთებული ყოველი საქმე ფუჭია, ამაოა და სასუფეველს კი არ გვაახლოებს, არამედ გვაშორებს"

/მეუფე შიო მუჯირი/

[marine]

"ამპარტავნება ყველგან და ყოველთვის მარტოხელაა. ის აქვე, ამ ცხოვრებაშივეა დასჯილი იმით, რომ არ შეუძლია, იყოს ბედნიერი"

/არქიმანდრიტი რაფაელი (კარელინი)/

[marine]

"უტიფარია ადამიანი, ვინც თავის ცოდვებს ვერ ხედავს და თავი მოაქვს. ყოველი ამაყი და ამპარტავანი გულითა, საძაგელი არს უფლის წინაშე"

/ღირსი გაბრიელი, აღმსარებელი და სალოსი/

[marine]

"დემონს ადამიანისთვის მოაქვს: სიამაყე, ამპარტავნება, ქედმაღლობა, თავდაჯერებულობა, თავმოწონება და ამით განაშორებს ადამიანს ღვთისაგან"

[marine]

"ღმერთს ყველაზე მეტად ამპარტავანი არ მოსწონს და ყველაზე მეტად აფასებს თავმდაბალს"

[marine]

"ამა სოფლის სიბრძნის მთავარი და არსებითი ნიშანია ამპარტავნება, ის კი თავისთავად ყველა ცოდვისა და ნაკლოვანების კარია. ამპარტავანმა არ იცის, რა არის ღმერთის თაყვანისცემა, შიში ღმრთისა, საღმრთო და სამოქალაქო კანონების დაცვა, მოყვასის, მისი მოთხოვნილებების , მისი კეთილდღეობის, თვით სიცოცხლის პატივისცემა; მისთვის უცხოა საკუთარი თავის შეცნობა, უცხოა სათნოება, იგია მტერი და მოძულე ყოველი კაცისა და საკუთარი თავისაც. ასეთი ადამიანი მზად არის ყოველგვარი უსჯულოების ჩასადენად, თითქოს რაღაც განსაკუთრებული უფლება ჰქონდეს ამისა. ამპარტავანი არის კაცი გაქვავებული გულითა და დემონური გონებით"

/წმინდა მღვდელმთავარი ეგნატე ბრიანჩანინოვი/

[marine]

"ამპარტავნება ნერვებს აღაგზნებს, სისხლს ადუღებს, ოცნებებს აღძრავს, ხელს უწყობს დაცემული ცხოვრების განახლებას; სიმდაბლე კი ნერვებს ამშვიდებს, სისხლის მოძრაობას აცხრობს, აღვირს ასხამს ოცნებებს, დაცემულ ცხოვრებას მოაკვდინებს და ქრისტესმიერ ცხოვრებას განაცხოველებს"

/წმინდა მღვდელმთავარი ეგნატე ბრიანჩანინოვი/

[marine]

"დასაბამი ცოდვისაი არს ამპარტავნებაი" - პირველი შინაგანი აზრი და მოძრაობა ბოროტებისკენ; თუმცა, შესაძლოა ამპარტავნება იყოს ბოროტების ფესვი და ფუძეც. ვეცადოთ განვეშოროთ ყველაზე დამღუპველ ვნებას - ამპარტავნებას, რათა ეშმაკის ტოლი განკითხვა და ისეთივე სასჯელი არ დავიტეხოთ თავს, არც მისი ტანჯვის თანაზიარნი გავხდეთ. რამეთუ, რამდენი კეთილი საქმეც არ უნდა აღვასრულოთ, ეს მანკიერება (ამპარტავნება) არ აძლევს მათ ჩვენში მყარად დამკვიდრების საშუალებას, არამედ, რაღაც ფესვის მსგავსად, აბრკოლებს მათ მტკიცე არსებობას"

/წმინდა მღვდელმთავარი ეგნატე ბრიანჩანინოვი/

[marine]

"ღმერთს სიმდაბლე უყვარს, ხოლო უგუნურ მოშურნეობას, რაგინდ დიდ მოღვაწეობაში იყოს კაცი, უარყოფს, რადგანაც მას საფუძვლად ამპარტავნება და თავდაჯერება უდევს. წმ. მამების სწავლებით, საკუთარ ძალებს აღმატებული მოღვაწეობა ძალიან მავნეა და მას ან შფოთი მოსდევს, ან სასოწარკეთილება, ან კიდევ ერთიცა და მეორეც რიგრიგობით, რაც იმას მოწმობს, რომ ასეთ მოღვაწეობაში არ არის ჭეშმარიტება - ესაა მხოლოდ სულის არასწორი მდგომარეობა"

/წმინდა მღვდელმთავარი ეგნატე ბრიანჩანინოვი/

[marine]

"თვალთმაქცობა, იშვება რა ამპარტავნებისაგან, ანუ ადამიანთა ქებისა და დიდების ძიებისგან, თავისი წარმატებებით ამპარტავნებას კვებავს. ხოლო, როცა ამპარტავნება სიმწიფის ასაკს მიაღწევს, მაშინ მისი მოქმედება აღტყინებენიდან მუდმივ სწრაფვაში გადადის. მაშინ ამპარტავნებიდან ყალიბდება უგუნური და ბრმა ვნება - სიამაყე. სიამაყე არის სულის სიკვდილი სულიერი თვალსაზრისით: სიამაყით მოცულ სულს არ ძალუძს არც თავმდაბლობა, არც სინანული, არც მოწყალება, რაც რაიმე სულიერი აზრი ან გრძნობა, რომლებსაც მოაქვს ცოცხალი ცოდნა გამომსყიდველის შესახებ და მასთან შეთვისება"

/წმინდა მღვდელმთავარი ეგნატე ბრიანჩანინოვი/

[marine]

"ჰოი, იძულებით, იძულებით აიძულე თავი, რომ განეშორო ტარტაროზთა სიხარბის შხამს, ასევე ამპარტავნებას, რომლითაც მოწამლულხარ და ვერც ამას გრძნობ, უბედურო კაცუნავ!"

/ღირსი ნილოს ათონელი, მირონმდინარე/

[marine]

"ამპარტავნება ადვილად დაამხობს სათნოებას, თავმდაბლობა კი აღემატება ცოდვის სიმძიმეს"

/მღვდელი ზურაბი (ქარაული)/

[marine]

"დათრგუნეთ, დაამდაბლეთ ამპარტავანი გულისსიტყვები! და მაშინ თქვენს გულს მოეფინება სიმდაბლისგან შობილი მშვიდობა ღვთისა. მოწყალე უფალმა განგამტკიცოთ და შეგიწყალოთ თავისი მიუწვდომელი მოწყალებით"

/წმ. ეპისკოპოსი ეგნატე ბრიანჩანინოვი/

[marine]

"საშინელებაა ამპარტავნება და თვალთმაქცობა თავიანთი გავნითარებისა და სიმწიფისას, როცა ისინი ადამიანს დაეუფლებიან, როცა ისინი გადაიქცევიან საქმიანობის წესად, ხასიათად. ისინი ქმნიან ფარისეველს, რომელიც გაშმაგებითა და ბრმა სიმტკიცით მიისწრაფვის ყველა ურჯულოებისა და უკეთურების ჩასადენად; ისინი ქმნიან ფარისეველს, რომელსაც სათნოების ნიღაბი მხოლოდ იმისთვის სჭირდება, რომ უფრო თავისუფლად და წარმატებით ჩაეფლოს უკეთურებაში"

/წმ. ეგნატე ბრიანჩანინოვი/

[marine]

"ამპარტავნებას ადამიანური დიდება შია და სწყურია. უფალმა ბრძანა მისი მოკვდინება მისთვის დამახასიათებელი შიმშილით. მან ბრძანა ამპარტავნებისთვის საჭმლისა და სასმელის - ადამიანური ქების წართმევა; ბრძანა ყველა კეთილი საქმის საგულდაგულოდ დამალვა ადამიანთა თვალთაგან, ბრძანა ყველა კეთილი საქმის, თვით მოყვასისადმი სიყვარულის მთლიანად შეწირვა მხოლოდ ღვთისათვის"

/წმ. ეგნატე ბრიანჩანინოვი/

[marine]

"ამპარტავნება არის ამაო სურვილი და ძიება დროებითი, ადამიანური ქებისა. ამპარტავნება ჩნდება ღვთის ღრმა უცოდინარობისგან ან ღვთის ღრმა დავიწყებისგან, მარადისობისა და ზეციური დიდების დავიწყებისაგან და ამიტომაც იგი თავისი დაბნელებით დაუოკებლად მიისწრაფვის მიწიერი, დროებითი დიდების შეძენისაკენ"

/წმ. ეგნატე ბრიანჩანინოვი/

[marine]

"სადაც ლოცვა არაა, იქ ამპარტავნება მეფობს, ის გაბერილი ბუშტის მსგავსია, ნემსის ერთი მიკარებით რომ სკდება. უმცირესი ჩხვლეტით სიამაყე სასოწარკვეთილებად გადაიქცევა ხოლმე"

/წმ. ნიკოლოზ სერბი/

[marine]

"მდაბალი მუდამ სინანულშია, ხოლო ამაყი არასდროს, რადგან საკუთარ თავზე ძალიან დიდი წარმოდგენა აქვს და საერთოდ ვერ გრძნობს სინანულის საჭიროებას"

/მიტროპოლიტი ათანასე ლიმასოლელი/

[marine]

"იოსები [მონრეალის ყოვლადწმიდა ღვთისმშობლის ივერიის მირონმდინარე ხატის მცველი] მთლიანად თავმდაბლობა იყო"

[marine]

"თავმდაბლობის საოცარი გაკვეთილი მოგვცა თავად მონრეალის [ყოვლადწმიდა ღვთისმშობლის მირონმდინარე ივერიის] ხატის მოვლენამაც. როგორც ქრისტემ აირჩია სამყაროში მოსვლისთვის მწირი შობის სადგური და არა ბრწყინვალე სამეფო სასახლეები, ასევე ყოვლადწმიდა ღვთისმშობლის მონრეალის ხატმა მირონდენა დაიწყო არა საპატრიარქოს დარბაზებში, არამედ ნახევრად სარდაფის სენაკში, სადაც ღარიბ ესპანელ-ემიგრანტს [ძმა იოსებს] დაედო ბინა. განა ეს არ არის ჩვენთვის გაკვეთილი იმისა, რომ ღმერთის ძალა უძლურებაში აღესრულება, რომ ამაოდ ვცდილობთ ამა ქვეყნის ძლიერთა მხარდაჭერის მოპოვებას, როდესაც არ ვსასოებთ ღმერთს, რომელიც უცილობლად მოგვივლენს თავის შემწეობას საჭირო დროს?"