 ეკუმენიზმის შესახებ, ემოციების გარეშე |
სტუმარს სალამი ( შესვლა | დარეგისტრირება )
  |
| მარიამი |
 Apr 16 2007, 10:17 PM
პოსტი
#381
|
 + + +  ჯგუფი: Senators პოსტები: 12,615 რეგისტრ.: 23-July 06 მდებარ.: თბილისი წევრი № 6  |
QUOTE და ამ დროს არ იცოდნენ ეს პატრიარქმა და მეუფე აბრაამმა? ვერ გავიგე... რატომ ვერ გაიგე გუჯა? ახლა ციტატას მოგიყვან პატრარქის ქადაგებიდან, რომელიც წარმოთქვა 1999 წლის 12 თებერვალს: "შეცდომებისგან არც ჩვენ ვართ დაზღვეულნი. ყოფილა შემთხვევები, როცა ჩვენს მღვდელმთავრებს, ჩვენს სასულიერო პირებს, ჩვენს მორწმუნეებს დაგვიშვია ესა თუ ის შეცდომა. ყოფილა შემთხვევა, როცა მოსულან ჩვენთან არამართლმადიდებლები, მაგალითად - კათოლიკეები, და გვიზიარებია ისინი. ეს შეცდომაა". "ყოფილა შემთხვევა, როცა ესა თუ ის სასულიერო პირი დასწრებია საერთო ლოცვას არამართლმადიდებლებთან, ესეც დიდი შეცდომაა". ციტატები მოვიყვანე სიტყვა-სიტყვით. QUOTE(ilia_7 @ Apr 16 2007, 11:14 PM)  ეკუმენურ ლოცვაში არ მიუღია მონაწილეობა და საიდან მსაგ სურათზე წარწერაა? საიდან სურათი? წარწერა არასწორედაა გაკეთებული! ისე ეგეც საკითხავია, ხო იცი  მე არ გამიგია, რომ თვითონ პატრიარქს ელოცოს არამართლმადიდებლებთან. ამ ფოტოზე შეიძლება სულაც არასწორი წარწერაა. თუმცა სწორიც რომ იყოს, პატრიარქის ზემოთმოყვანილი სიტყვები ყველა კითხვას პასუხს სცემს.-------------------- ნუ მივატოვებთ ერთმანეთს, როცა ერთმანეთს ვჭირდებით...
|
   |
 
|
| ილია |
Apr 16 2007, 10:21 PM
პოსტი
#382
|
 Member ჯგუფი: Members პოსტები: 903 რეგისტრ.: 29-March 07 წევრი № 1,525 |
ბასილი კობახიძე ესწრებოდა ლოცვებს შეილება, მანდ ზიარებას გულისხმობდა პატრიარქი მგონი
-------------------- უფალო, მასწავლე, როგორ მიყვარდე, მცირე ხნით მაინც მიბოძე ეს სიყვარული
|
|
|
|
| ზებედე |
Apr 16 2007, 10:28 PM
პოსტი
#383
|
 ზეციკეთი ჯგუფი: Members პოსტები: 4,332 რეგისტრ.: 27-July 06 წევრი № 19 |
ციტატა(მარიამი @ Apr 16 2007, 06:17 PM) რატომ ვერ გაიგე გუჯა? ახლა ციტატას მოგიყვან პატრარქის ქადაგებიდან, რომელიც წარმოთქვა 1999 წლის 12 თებერვალს: "შეცდომებისგან არც ჩვენ ვართ დაზღვეულნი. ყოფილა შემთხვევები, როცა ჩვენს მღვდელმთავრებს, ჩვენს სასულიერო პირებს, ჩვენს მორწმუნეებს დაგვიშვია ესა თუ ის შეცდომა. ყოფილა შემთხვევა, როცა მოსულან ჩვენთან არამართლმადიდებლები, მაგალითად - კათოლიკეები, და გვიზიარებია ისინი. ეს შეცდომაა". "ყოფილა შემთხვევა, როცა ესა თუ ის სასულიერო პირი დასწრებია საერთო ლოცვას არამართლმადიდებლებთან, ესეც დიდი შეცდომაა". ციტატები მოვიყვანე სიტყვა-სიტყვით. ისე ეგეც საკითხავია, ხო იცი მე არ გამიგია, რომ თვითონ პატრიარქს ელოცოს არამართლმადიდებლებთან. ამ ფოტოზე შეიძლება სულაც არასწორი წარწერაა. თუმცა სწორიც რომ იყოს, პატრიარქის ზემოთმოყვანილი სიტყვები ყველა კითხვას პასუხს სცემს.მარიამ, მიკვირს იცი? წინა პოსტებში დაწერე რომ პატრიარქმა მოინანია კათოლიკი რომ აზიარაო...და ეხლა წერ რომ არ გამიგია არამართლმადიდებლებთან ელოცოს პატრიარქსო...მე გამიგია, ფოტოც მინახავს, არ ვიცი ეს შეცდომაა თუ არა, მაგრამ პატრიარქმა თუ ეს შეცდომად ჩათვალა...ალბათ შეცდომაა... -------------------- მზეო ამოდი, ამოდი ნუ ეფარები გორასა წიწილის თეთრი ბუმბული, ველად გაჰქონდა ნიავსა |
|
|
|
| მარიამი |
Apr 16 2007, 10:35 PM
პოსტი
#384
|
|
+ + + ჯგუფი: Senators პოსტები: 12,615 რეგისტრ.: 23-July 06 მდებარ.: თბილისი წევრი № 6 |
QUOTE(ზებედე @ Apr 16 2007, 11:28 PM) მარიამ, მიკვირს იცი? წინა პოსტებში დაწერე რომ პატრიარქმა მოინანია კათოლიკი რომ აზიარაო...და ეხლა წერ რომ არ გამიგია არამართლმადიდებლებთან ელოცოს პატრიარქსო...მე გამიგია, ფოტოც მინახავს, არ ვიცი ეს შეცდომაა თუ არა, მაგრამ პატრიარქმა თუ ეს შეცდომად ჩათვალა...ალბათ შეცდომაა... ეგ ზიარებაზე ვთქვი, თანალოცვაზე არ მითქვას. განსხვავებას ვერ ხვდები, შე კაცო?  ის კათოლიკე იდგა ეკლესიაში და ზიარებაზე მივიდა ბარძიმთან და აზიარეს. მაგრამ პატრიარქს რომ ელოცოს ეკუმენურ შეკრებაზე სადმე არამართლმადიდებლებთან, ეგ არ გამიგია. თუმცა თავს ვერ დავდებ. აქ მთავარია მისი ზემოთ მოყვანილი სიტყვები და არა ეს თითო-ოროლა ფაქტი.QUOTE პატრიარქმა თუ ეს შეცდომად ჩათვალა...ალბათ შეცდომაა... ალბათ? ეს პირველად ჩვენს პატრიარქის კი არ უთქვამს. სჯულის კანონშიც წერია ამის შესახებ. მგონი ამ თემაშიც დაიწერა ამის შესახებ. -------------------- ნუ მივატოვებთ ერთმანეთს, როცა ერთმანეთს ვჭირდებით...
|
|
|
|
| მარიამი |
Apr 16 2007, 10:56 PM
პოსტი
#385
|
|
+ + + ჯგუფი: Senators პოსტები: 12,615 რეგისტრ.: 23-July 06 მდებარ.: თბილისი წევრი № 6 |
ეპიზოდი ქართველ წმინდანთა ცხოვრებიდან. გთხოვთ, ყურადღებით წაიკითხოთ:
დიდებული მამა შიოს ხსენების დღეს მღვიმის მონასტერში ერი შეიკრიბა. აქ იყო მეფე და ყველა მთავარი, ჩვეულებისამებრ, სარმიანე მღვდელმთავარიც მოვიდა თავის ეპისკოპოსებთან ერთად. აქვე იყვნენ იაკობის სარწმუნოების აღმსარებელი ვიღაც ეგვიპტელი კაცები, რომლებიც ქალაქ ტფილისით ჩამოვიდნენ. როდესაც მათ კათოლიკოსის მოსვლა იხილეს, მასთან მივიდნენ, თავისი ქვეყნიდან წამოღებული ძღვენი მიართვეს და მიიღეს რა მისგან კურთხევა, უთხრეს: “წმიდაო მეუფეო, ღირსი გაგვხადე დღეს შენი წმიდა ხელით ზიარებისა”. კათოლიკოსმა არ გამოიძია, თუ ვინ და რომელი სარწმუნოებისანი იყვნენ ეს ადამიანები და დიაკონს უბრძანა, ზიარებისას მოეყვანა ისინი. დაიწყო წმიდა ლიტურგია; მოვიდნენ ეგვიპტელები და კათოლიკოსმა ისინი თავისი ხელით აზიარა. როცა ეკლესიიდან გამოვიდნენ, მეფემ ყველანი სერობაზე დაპატიჟა. იმავე დღეს კათოლიკოსი მცხეთაში წავიდა, რადგან მეორე დღეს ყველა ქრიასტიანი სულის ხსენება იყო. დაღამდა თუ არა, კათოლიკოს სარმიანეს ძილში გამოეცხადა ორი კაცი, დიდებულნი ხილვითა და საშინელნი ხატითა. ერთი მათგანი იყო მღვდელთმოძღვარი, რომელსაც თავზე კუნკულის მსგავსი რიდე ეფარა; მეორე კი _ მოხუცი მონაზონი, რომელსაც ჯვრიანი ოქროს კვერთხი ეპყრა. როცა სარმიანემ დაინახა ისინი, შეეშინდა და იხსენებდა, თუ ვინ იყვნენ და სანამ ამას ფიქრობდა, კაცები მასთან მივიდნენ და ზეწარი მოსძარცვეს. მღვდელმთავარი გაუჩინარდა, ხოლო მონაზონი დარჩა და უთხრა: “ჰოი, სარმიანე, როგორ ხედავ შენს თავს?” მან კი მიუგო, რომ განკიცხულივით იყო. მაშინ ბერმა უთხრა: “ძალიან მოგწონს ეს?” კათოლიკოსმა მიუგო: “არა.” მოხუცმა ბერმა უთხრა: “ჰოი, ძმაო, ვინც განაშიშვლა ქრისტე ღმერთი, ბუნებით და მოქმედებით და მისი ნებისგან, არც მისი ღვთაებით გამოიცნეს იგი და არც კაცებრივი ბუნებით გამოაჩინეს მისი ძალა, სწორედ შენ შეიწყნარე ისინი ქრისტეს სისხლისა და ხორვების ცის ზიარებად, ეს კი უფრო მძიმედ მიაჩნია ცათა და ქვეყანის შემოქმედ მეუფეს.” კათოლიკოსმა ჰკითხა, თუ ვინ იყვნენ ეს ადამიანები. ბერმა მიუგო: “ისინი, ვისგანაც ძღვენი მიიღე და ამან გული ისე დაგიბრმავა, რომ აღარ გამოიძიე მათი ვინაობა და ამ საქციელით, ამ ბილწი მწვალებლების მიერ ღვთის სჯული შეურაცხყავი და აჰა, ახლა შენც განშიშვლებული ხარ ღვთის მადლისაგან.” ამ სიტყვებმა ძალიან შეაშინა კათოლიკოსი და ძლივს ჰკითხა ბერს: “შენ ვინ ხარ ბატონო ჩემო, ასე რომ ეძიებ ჩემს ცხოვრებას, ან ის ეპისკოპოსი ვინ იყო, რომელიც თავდაპირველად ვიხილე შენთან ერთად?” მოხუცმა მონაზონმა მიუგო: “ის ეპისკოპოსი ალექსანდრიიის მამათმთავარი კირილე იყო, რომელმაც ჭეშმარიტი მართლმადიდებელი სარწმუნოებისათვის, რომელიც დღეს შენ დაამცირე, მრავალი ღვაწლი იტვირთა თავს. ხოლო მე ვარ მონა ღვთისა შიო.” ამ სიტყვებზე იგი გაუჩინარდა და სარმიანესაც გამოეღვიძა. შეშფოთებულმა და შეწუხებულმა კათოლიკოსმა სასწრაფოდ ბრძანა ყველა ეპისკოპოსის შეკრება და მათ თვალცრემლიანმა უამბო თავისი ჩვენება და ჰკითხა, თუ როგორ გამოესყიდა და მოენანიებინა დანაშაული. ეპისკოპოსებმა გამოიძიეს და გადაწყვიტეს, რომ ჯერ იაკობის მიმდევართა ძღვენი მოეტანათ და კარიბჭის გარეთ დაეწვათ, “ხოლო შენ, _ უთხრეს კათოლიკოსს, _ იჩქარე და მიდი წმიდა შიოს მონასტერში და პირველი მადლი აღიარე, რადგან ასეთი ზრუნვით გამოგეცხადა იგი შენ, ხოლო შემდეგ ორმოცი დღე დიდი შრომით აჩვენე სინანული. ჩვენ კი მოკრძალებით სათითაოდ ვილოცებთ და ვიმარხულებთ და შევევედრებით უფალს, რომ შეგინდოს ეგ დანაშაული და ინებოს, გამოგვიცხადოს საქმის აღსასრული, რომლისთვისაც გულსავსედ ვიღწვით.” კათოლიკოსს მოეწონა მათი რჩევა, განთიადისას სასწრაფოდ ამცნო ყველა ეპისკოპოსს, რათა მარტვილის დღესასწაული აღესრულებინათ და ყველას ლოცვა სთხოვა. ხოლო თავად მღვიმის მონასტერში, წმიდა შიოს საფლავთან წავიდა, დავარდა მის წინაშე და დიდი სინანულითა და ცრემლით ეტყოდა: “მამაო, განფინე შენი წმიდა მამობრივი ლოცვები ღვთის წინაშე და სთხოვე, რათა შემინდოს, რადგან უფალი ჩემი დაუდევრობით განვარისხე. ამიერიდან არ გავალ აქედან, სანამ არ მივიღებ შენდობას ჩემი დანაშაულისათვის. სარმიანე მღვიმეში დარჩა და გულმოდგინედ ლოცულობდა და მარხულობდა. დადგა წმიდა და დიდებული კვირიაკეს ღამე და დაღლილ სარმიანეს მიელულა. მან იხილა, რომ გოგლგოთის წინ იდგა; იქ ჯვარცმულ ქრისტეს ხედავდა, ხოლო იგი ვიღაც საშინელ კაცებს ეპყრათ, სარმიანე ჯვარცმულთან მიიყვანეს. ის აქეთ-იქით იხედებოდა, რათა ვინმე დახმარებოდა, მაგრამ ვერავინ იპოვა. უეცრად მან დაინახა, რომ დიდებული მღვდელმთავარი კირილე, რომელიც პირველად იხილა და ნეტარი მამა შიო იმავე ჯვრიანი კვერთხით ხელში დიდი პატივითა და ბრწყინვალებით შემოსილნი შეიყვანეს იქ; ისინი გაბედულად წარსდგნენ ჯვარცმული ქრისტეს წინაშე და ევედრნენ სარმიანესათვის. ჯვარცმულისაგან ასეთი ბრძანება მიიღეს: “ხედავთ, დღითიდღე როგორ ვიტანჯები ჯვრით იმათ გამო, რომელთა მიერაც ეს შემემთხვა? მან ჩემი მტრები ჩემი ხორცის საჭმელად და ჩემი სისხლის სასმელად შეიყვანა, ამიტომ სარმიანე არაა შენდობის ღირსი, მხოლოდ თქვენი სიყვარულისა და ვედრების გამო შემინდია მისთვის და უთხარით, რომ ამიერიდან ფრთხილად იყოს.” წმიდა დიდებული მამები სარმიანესთან მოვიდნენ და უთხრეს: “ძმაო, ამიერიდან გამოსწორდი და მორიდებული იყავი”, კვლავ მოიტანეს იგივე ზეწარი და შემოსეს მას. სარმიანეს გაეღვიძა და მისი გული სიხარულით აღივსო, თუმცა მაინც ეჭვი შეეპარა, ჭეშმარიტი იყო თუ არა მისი ხილვა. როცა გათენდა, მოვიდა ფილიპე ეპისკოპოსი, რომელიც ეპისკოპოსთა კრებას გამოეგზავნა და მოუტანა წერილი, რომელშიც ეწერა: “დიდსა მამათმთავარსა ჩვენსა სარმიანეს, გიხაროდეს, შენი შვილნი და შენი სიწმიდის მწყემსნი, ყველა ეპისკოპოსნი გაუწყებთ, რათა აღარ შეაწუხო შენი მოხუცებული გვამი, რამეთუ წმიდა მამა შიოს მეოხებით უფალმა მოწყალებით გადმოგხედა და მის უღირს ხუთ მონას გამოგვიჩნდა და თითოეულს გვიბრძანა: “მიუტევა ღმერთმა სარმიანე კათოლიკოსს მისი დანაშაული და აწ უეჭველად მიიყვანეთ მწყემსი თქვენი”. ახლა გვიბრძანოს შენმა სიწმიდემ, რომ ყველა მანდ მოვიდეთ და მადლი შევწიროთ საკვირველთმოქმედ მამა შიოს.” სარმიანემ რომ ეს წერილი წაიკითხა, დამშვიდდა და ბრძანა, ყველა ეპისკოპოსი იქ მისულიყო. მრავალი მადლობა შესწირა უფალს და ნეტარ მამა შიოს და ამ მადლობის აღსანიშნავად დაადგინა, რომ ერთი კანდელი და ერთი სანთელი ჩაუქრობლად ენთოს წმიდა შიოს საფლავზე. პატარა კომენტარს გავაკეთებ. ზემოთ ნახსენები სარმეან კათალიკოსი არის წმინდა მამა, მისი ხსენების დღეა 21 აგვისტო (ძვ. სტ.). აქედან ნათლად ჩანს, რომ შეიძლება წმინდანიც კი შეცდეს, მაგრამ სინანულის შემთხვევაში მას ღმერთი მიუტევებს შეცოდებას და მისი სიწმინდე ამით არ იბღალება. მწვალებელთა ზიარება კი დიდი შეცდომა რომაა, ამ ისტორიიდან ნათლად ჩანს. -------------------- ნუ მივატოვებთ ერთმანეთს, როცა ერთმანეთს ვჭირდებით...
|
|
|
|
| lado s |
Apr 17 2007, 04:21 PM
პოსტი
#386
|
|
Newbie ჯგუფი: Members პოსტები: 74 რეგისტრ.: 24-December 06 წევრი № 738 |
როგორც ამ თემაში გამოიკვეთა, ეკუმენიზმის მომხრეები ემს-ში მონაწილეობას ორი ძირითადი არგუმენტით ამართლებენ: 1) აუცილებელია დიალოგი, ქრისტიანული ღირებულებების დაცვა, მშვიდობის დაცვა, ცოდნისა და გამოცდილების გაზიარება. 2) მართლმადიდებელი ეკლესიების უმეტესობა ეკუმენიზმის მომხრეა, უმაღლესი იერარქები მონაწილეობენ ეკუმენიზმში და ამართლებენ მას.
რაც შეეხება პირველ არგუმენტს. დიალოგი ერეტიკოსებთან ყოველთვის არსებობდა და ამისთვის ძველ მამებს არ დასჭირვებიათ ორგანიზაციების შექმნა და საეკლესიო კანონების დარღვევით მწვალებლებთან და წარმართებთან ერთად ლოცვა ან სხვა რიტუალებში მონაწილეობა. საღად მოაზროვნე ადამიანისთვის ცხადი უნდა იყოს, რომ ერთად ლოცვაში იგულისხმება ის, როდესაც ურთიერთშეთანხმებით ხდება ერთობლივი ლოცვის ან სხვა რელიგიური მსახურების აღსრულება, და არა ის, როცა ტრანსპორტში ან შენობაში, ან თუნდაც ეკლესიაში გვერდით მდგომი სხვაგვარად მორწმუნე თავისთვის ილოცებს. კანონებში (განმარტებები იხ. ქვემოთ) საუბარია იმაზე, რომ შეთანხმებული ერთობლივი მსახურებით ხდება ეკლესიიდან მოკვეთილი ადამიანის ან ადამიანების სარწმუნოებრივი ცნობა, აღიარება, დამღუპველი ერესის მიმართ ინდიფერენტულობა, რაც ეკლესიიდან მოკვეთილს უმტკიცებს იმ აზრს, რომ მისი ცრურწმენა ან განხეთქილებაში ყოფნა არ არის დამღუპველი. ეს ქმედება აბრკოლებს ან აცდუნებს ერთობლივი მსახურების მართლმადიდებელ მოწმეებსაც. ამ მიზეზთა გამო, სახარების სწავლებაზე დაყრდნობით (უკუეთუ კრებულისაცა არა ისმინოს, იყავნ იგი შენდა, ვითარცა მეზუერე და წარმართი მათ. 18,17) ეკლესიამ ასეთი ქმედებისთვის მკაცრი სასჯელი დააწესა _ განკვეთა, რითიც ცხადი გახადა ცოდვის სიმძიმე. სხვადასხვა ჰუმანიტარული თუ სამშვიდობო და მეცნიერული მოღვაწეობა რომ ემს-ის და მსგავსი ორგანიზაციების გარეშეცაა შესაძლებელი (თუკი საჭიროა), ამის ყველაზე აშკარა დადასტურებაა რომის კათოლიკეთა მაგალითი, რომლებიც არ არიან ემს-ის წევრები, მაგრამ ყველაზე აქტიურები არიან ზემოხსენებულ საკითხებში. მეორე არგუმენტზე: ის აზრი, თითქოს ადგილობრივ ეკლესიათა უმეტესობა ეკუმენიზმის მომხრეა, სიმართლისგან ძალიან შორსაა. სამღვდელოებისა და მრევლის უმეტესობა რომ უარყოფითადაა ეკუმენიზმის მიმართ განწყობილი, ეს კარგად ჩანს მრავალრიცხოვან საეკლესიო გამოცემებში, პირად შთაბეჭდილებებზე რომ არაფერი ვთქვათ. თვით ის მცირერიცხოვანი იერარქებიც კი, ვინც საჯაროდ იცავს ეკუმენიზმს, ხშირად პირად საუბრებში მკვეთრად უარყოფით შეფასებებს აძლევენ ემს-ს და ეკუმენიზმს და აღიარებენ, რომ იძულებულნი არიან გარკვეული მიზეზების გამო დარჩნენ ემს-ში. ამის ნათელი დადასტურებაა იერუსალიმის პატრიარქის დიოდოროსის და ალექსანდრიის პატრიარქის ნიკოლოზის მაგალითები, ასევე სერბეთის სინოდი. ყველა მათგანმა საჯაროდ უარყოფითი პოზიცია დააფიქსირა ემს-ის მიმართ, მაგრამ ბოლომდე მაინც ვერ დატოვეს ეს ორგანიზაცია. და კიდევ ერთი საკითხი. ეკუმენისტებს უყვართ იმის გამეორება, რომ ეკუმენიზმის წინააღმდეგ ფანატიკოსები ილაშქრებენ; მაგრამ აღსანიშნავია, რომ ხიბლი, ანუ ბოროტისაგან შთაგონებული ცდუნების მორჩილება და სამეუფეო გზიდან მნიშვნელოვანი გადაცდენა, როგორც სულიერი სნეულება, დაფუძნებული ამპარტავნებაზე, თავის მსხვერპლს სხვადასხვაგვარ განსაცდელებს უმზადებს, როგორც ანტიეკუმენიზმის ნიადაგაზე სქიზმაში ჩაგდებას, ასევე ეკლესიის სწავლებაზე მეტად თანამედროვე “ავტორიტეტების” დაჯერებას, ეკუმენიზმის ნიადაგზე ერეტიკოსების ჭეშმარიტ ეკლესიად ცნობას და მათთან რელიგიურ ერთობაში შესვლას. საქართველოში ორივე მაგალითები საკმაოდ გვაქვს, ასე რომ, ფრთხილად ვიყოთ... ალექსანდრიის პატრიარქი ნიკოლოზი მე ვგმობ ეკუმენიზმს და ვთვლი მას არა ჩვეულებრივ ერესად, არამედ პანერესად _ ყველა ერესისა და ბოროტმორწმუნეობის შესაკრებლად... ეკუმენიზმი მიმართულია მართლმადიდებლობის წინააღმდეგ. ის წარმოადგენს დღეს ყველაზე დიდ საშიშროებას, ჩვენი ეპოქის ურწმუნოებასთან ერთად, რომელიც აღმერთებს მატერიალურ კავშირებსა და სიამოვნებებს. მივესალმები და ვაკურთხებ ყველა სასულიერო პირსა და ერისკაცს, ვინც იბრძვის ეკუმენიზმის წინააღმდეგ. იერუსალიმის პატრიარქი დიოდოროსი ეკუმენისტურ მოძრაობას (თავისი დიალოგებით, რომელთა ერთადერთი მიზანი ეკლესიისთვის ზიანის მიყენებაა), სურს მართლმადიდებლობა დაუმორჩილოს პაპიზმსა და ეკუმენიზმს. პირველი წელი არაა, რაც დაიწყო მუშაობა წმინდა მიწაზე მართლმადიდებლობის გასანადგურებლად... ჩვენ გულისტკივილით შევნიშნეთ, რომ ამ დიალოგებს ერეტიკოსები ბოროტად იყენებენ. ისინი აცდუნებენ ჩვენს მორწმუნეებს, ცდილობენ ყველანაირი საშუალებით გადაიბირონ ისინი თავის სარწმუნოებაზე. ისინი აჩვენებენ პაპის ფოტოებს ჩვენს პატრიარქებთან და ეპისკოპოსებთან ერთად და ამბობენ, რომ ერთობა უკვე მიღწეულია... მიტროპოლიტი ავგუსტინე ფლორინელი (საბერძნეთი) ეკუმენიზმი არის დაბრუნება ძველი დინებისკენ _ სინკრეტიზმისკენ (აღრევა), რომლის საშუალებითაც ძველი ხალხები, თავიანთი რელიგიების ჭეშმარიტებაში ეჭვი რომ ეპარებოდათ, ცდილობდნენ მეტაფიზიკური წყურვილის მოკვლას, რამეთუ ამ დინებაში ჩაედინებოდა მრავალი განსხვავებული სარწმუნოების მდინარეები. წმიდა კანონები, რომლებიც განსაზღვრავენ მართლმადიდებელთა ქცევას მწვალებლებთან მიმართებით, დაითრგუნა და კვალად უსირცხვილოდ ითრგუნება. ყოველივე ამისგან დიდი საცთური მოდის. ზოგიერთები გადამეტებული დაჟინებით გვიყვებიან სიყვარულის მოთხოვნილებებზე, ამბობენ, რომ მისი გულისთვის ბევრი რამ უნდა დავთმოთ და მრავალი მსხვერპლიც უნდა გავიღოთ. მაგრამ ჭეშმარიტი სიყვარული პირდაპირ არის დაკავშირებული ჭეშმარიტებასთან; არ არის საკმარისი მხოლოდ იმის თქმა, რომ ჩვენ გვიყვარს ერთმანეთი; საჭიროა “ჭეშმარიტ ვიყვნეთ სიყუარულსა ზედა” (ეფეს. 4,15), ანუ უნდა გაგაჩნდეს ჭეშმარიტი და წრფელი სიყვარული შეერთებული ჭეშმარიტ რწმენასთან და უნდა გსურდეს სულიერი სიკეთე მისთვის, ვინც გიყვარს. სიყვარული ჭეშმარიტებისა და რწმენის გარეშე არის სიცრუე და მოტყუება. სიყვარული ზეციური ყლორტია, რომელიც ვითარდება, ყვავის და ნაყოფს იძლევა მხოლოდ ჭეშმარიტების ნიადაგზე; ხოლო ჭეშმარიტება _ არა ნაწილობრივი, არამედ სრული, მხოლოდ მართლმადიდებლობაშია. ეპისკოპოსი არტემი (სერბეთი, რაშკო-პრეზრენის ეპარქია) ჩვენი ეპისკოპოსებისა და თეოლოგების მეშვეობით ჩვენ დავიწყეთ მონაწილეობა ყველა კონფერენციაში, ასსამბლეაში, შეხვედრაში, ერთობლივ ლოცვასა და ყოველივე დანარჩენში რაც კი ემს-ს მოეპრიანებოდა, _ და ყველაფერზე ყოველგვარი კამათის გარეშე ვთანხმდებოდით. ამ თანამშრომლობის შედეგად სერბეთის მართლმადიდებელი ეკლესია დროდადრო ღებულობდა მატერიალურ დახმარებას ემს-დან: წამლების, სტიპენდიების, შვეიცარიაში გასეირნების და ფინანსური სუფსიდიების სახით, მაგალითად, როგორიცაა ახალი შენობის დაპროექტება თეოლოგიური ფაკულტეტისათვის. ამ ნამცეცა დახმარების გამო ჩვენ სულიერ პლანში ვკარგავდით რწმენის სიწმიდეს, ეკლესიის კანონიკურ მემკვიდრეობას და ერთგულებას მართლმადიდებელი ეკლესიის წმიდა გადმოცემისადმი. ამრიგად, მართლმადიდებელი ეკლესიების დასწრებას სხვადასხვა ეკუმენურ თავყრილობებზე არა აქვს არავითარი კანონიკური გამართლება. ჩვენ მივდივართ იქ არა იმისთვის, რომ ღიად და ურყევად წარმოვაჩინოთ მართლმადიდებლური რწმენისა და ეკლესიის უცვალებელი ჭეშმარიტება, არამედ კომპრომისებისათვის და იმისთვის, რომ მეტნაკლებად დავეთანხმოთ ყველა გადაწყვეტილებას და ფორმულირებას, რომლებსაც არამართლმადიდებლები გვთავაზობენ. და ამგვარად ჩვენი ქმედებებით მივედით ჩვენ ბალამანდამდე, შამბეზიმდე, ასიზამდე, მიუხედავად იმისა, რომ ყოველივე ეს წარმოადგენს წმიდა მართლმადიდებელი სარწმუნოების ღალატს. არქიმანდრიტი ხარლამპი ვასილოპულოსი (საბერძნეთი, გაზ. “ორთოდოქსოს ტიპოსის” რედაქტორი, გარდ. 1982 წ.) თანამედროვე ეკუმენიზმი ეს არის მოძრაობა, რომლის მიზანია ჯერ დასავლეთის ერეტიკულ აღმსარებლობებთან მართლმადიდებლობის გაერთიანება, ხოლო შემდეგ, შემდგომ ეტაპზე, _ ყველა რელიგიის გაერთიანება ერთ საზარელ პანრელიგიად. კონსტანტინე მურატიდისი (ათენის უნივერსიტეტის საღვთისმეტყველო ფაკულტეტის პროფესორი) მეტისმეტად საგანგაშოა ის ფაქტი, რომ ეკუმენისტური ღვთისმეტყველების ზეგავლენით ზოგიერთ მართლმადიდებელ ღვთისმეტყველს დაუფიქრებლად შემოაქვს მართლმადიდებელი ეკლესიის დოგმატიკისა და კანონიკისთვის დამღუპველი წინადადებები. ათონის მონასტრების წერილი კონსტანტინოპოლის პატრიარქ ბართოლომეოს I-ს (1999 წ.) (ფრაგმენტები) პაპის დელეგაციისადმი (გასული წლის ნოემბრის) თქვენს მიმართვაში, რომელზედაც ვსაუბრობთ, გამოთქმული იყო მართლმადიდებლობისათვის მოულოდნელი შეხედულებანი. ამან უკიდურესად შეგვაწუხა და სინდისი აგვიფორიაქა. ჩვენს შეშფოთებას სულ უფრო და უფრო აძლიერებს ჩვენი სულიერი შვილებისა და საერთოდ ჩვენთან მოსულ კეთილმსახურ ქრისტიანთა შეკითხვები _ ეთანხმება თუ არა მიმართვის სიტყვები ჩვენი წმიდა ეკლესიის ცნობიერებას?! საქმე ტრაგიკულ ხასიათსაც კი იღებს, როდესაც ვხედავთ, თუ როგორ უერთდებიან განხეთქილებაში მყოფთა საზოგადოებებს კეთილმსახური მართლმადიდებელი მორწმუნენი და ამით როგორ ჩნდება ეკლესიის წმიდა სხეულზე სისხლიანი იარები. იცით თუ არა, თქვენო ყოვლადუწმიდესობავ, რომ მწყემსისათვის იმაზე დიდი სადარდელი არაფერია, ვიდრე ქრისტეს ცხოვართა ასეთი გაფანტვა. რა პასუხი გავცეთ მათ? როგორ გავამართლოთ ის, რისი გამართლებაც არ შეიძლება? როგორ დავარწმუნოთ საკუთარი თავი და ჩვენი შვილები, რომ თქვენი მიმართვის სიტყვები მართლმადიდებელი სარწმუნოების ფარგლებს არ გადადის მაშინ, როდესაც ისინი უგულვებელყოფენ ეკლესიის გადმოცემას და შეურაცხყოფენ მის თვითშეგნებას?! ...როგორ შეგვიძლია, ჩვენი სინდისის წინაშე გავამართლოთ მიმართვის სიტყვები: “ჩვენი წინაპრები, რომელთაგანაც მემკვიდრეობით გადმოგვეცა განყოფა, იყვნენ ბოროტების დასაბამის _ გველის (ეშმაკის) უბედური მსხვერპლნი და უკვე მართალი მსაჯულის _ ღმერთის ხელში არიან”?! წმიდა მამათა თქმით, კათოლიკე მართლმადიდებელი ეკლესიისაგან დასავლეთის ეკლესიის ჩამოშორების ნამდვილი დამნაშავენი რომის პაპი და მისი წარმომადგენლები იყვნენ. თქვენო ყოვლადუწმიდესობავ, იცით, რომ წმ. მარკოზი (ეფესელი) ამბობს: “განხეთქილების მიზეზი მათ შექმნეს იმით, რომ აშკარად შეიტანეს ჩამატება (“და ძისაგან”). ჩვენ კი პირველები გამოვეყავით მათ, უფრო ზუსტად, მოვიცილეთ, მოვკვეთეთ ისინი ეკლესიის საერთო სხეულიდან”. ... ნუთუ შეიძლება იყვნენ “ბოროტების დასაბამის _ გველის უბედური მსხვერპლნი” ის წმიდა მამები, რომლებმაც სამართლიანად მოკვეთეს ეკლესიის სხეულიდან ერეტიკული რომი, როგორც უკურნებელი წევრი და გაკერეს ქრისტეს უკერავი კვართი? რომელი მართლმადიდებელი არ დანაღვლიანდება მარტოოდენ ამ სიტყვების გაგონებით?! ასევე, როგორ მივიღოთ მიმართვის სიტყვები: “რადგან ერთი ეკლესია აღიარებს, რომ მეორე ეკლესია არის საღვთო მადლის სავანე და მაცხოვნებელი, გამორიცხულია... მცდელობა, განაგდონ მორწმუნენი ერთისგან და შეუერთონ მეორეს”?! ნუთუ უკვე აღარ გვწამს, რომ მხოლოდ მართლმადიდებელი ეკლესია არის ერთი, წმიდა, კათოლიკე და სამოციქულო ეკლესია?! ნუთუ ისევ ვუბრუნდებით ბალამანდის დოკუმენტის ანტიმართლმადიდებლურ ეკლესიოლოგიას, რომელიც, როგორც თქვენ ავსტრიელ ჟურნალისტებს განუცხადეთ, არც ერთმა მართლმადიდებელმა ეკლესიამ (გარდა რუმინეთისა) არ მიიღო, და როგორც იცით, იგი საჯაროდ დაგმო ელადის ეკლესიამ, ხოლო ჩვენმა წმიდა კინოტმა, მრავალმა ეპისკოპოსმა და ღვთისმეტყველმა კი უკუაგდო, როგორც ანტიმართლმადიდებლური?! ...და ბოლოს, როგორ არ უნდა განვიცადოთ უდიდესი ტანჯვა მიმართვის დასასრულის გამო: “დაე, ღირს-გვყოს უფალმა, ვიხილოთ მისი ერთი, წმიდა, კათოლიკე, სამოციქულო ეკლესიის ერთობის აღდგინება”. ეს სიტყვები ხომ ტოვებს შთაბეჭდილებას, თითქოს რომთან განხეთქილების დროიდან შეწყდა ერთი, წმიდა, კათოლიკე, სამოციქულო ეკლესიის არსებობა და ჩვენ მისი “აღდგინებისათვის” ვლოცულობთ. გამოდის, ჩვენ ერთი, წმიდა, კათოლიკე ეკლესიის წიაღში კი არ დავიბადეთ, მოვინათლეთ და აღვიზარდეთ, არამედ მის აღდგინებას ველით?! ნუთუ ფუჭია ჩვენი რწმენა და ამაოდ ვიღვწით?! ეპისკოპოსი ნიკოდიმოს მილაში (სჯულისკანონის ცნობილი განმმარტებელი) ლაოდიკიის კრების 10 კან. განმარტებიდან მწვალებლობა ყოველთვის მწვალებლობად რჩება, მაშინაც, როდესაც ასწავლის _ ძე ღმერთი არ არის მამის ერთარსიო, და მაშინაც, როდესაც ქადაგებს _ სული წმიდა მამისაგან და ძისაგან გამოვალსო; რამეთუ ყველა შემთხვევაში იგი ერთნაირად შეურაცხყოფს სახარებისეულ სწავლებას სარწმუნოების ძირეულ დოგმატებზე, რის შედეგად ყოველი მწვალებელი მართლმადიდებელი ეკლესიის ანათემის ქვეშ ექცევა (2 მს. კრებ. 1 კან. ბასილი დიდის 1 კან.). მოციქულთა 45 კანონის განმარტება იმის შესახებ, თუ ვინ იწოდება მწვალებლად და რა არის მწვალებლობა, ნათქვამია ბასილი დიდის პირველი კანონის განმარტებაში. მოციქულთა მეათე კანონი, როგორც ვნახეთ, საეკლესიო ერთობიდან განყენებულებთან ერთად სახლში ლოცვასაც კი კრძალავს და განაყენებს ყველას, ვისაც განყენებულთან ლოცვითი ერთობა ექნება. საეკლესიო ერთობიდან განყენებულს, ბუნებრივია, ყველა მწვალებელი მიეკუთვნება; აქედან გამომდინარე სრულიად თანმიმდევრულია ნებისმიერი მართლმადიდებლისთვის მათთან ლოცვითი ერთობის აკრძალვა. მით უმეტეს უფრო მეტად უნდა აეკრძალოთ მსგავსი ერთობა სასულიერო პირებს, რომლებიც ვალდებულნი არიან მაგალითი იყვნენ მორწმუნეთათვის ყოველგვარი ცრუ სწავლებისაგან შეუბილწავი სარწმუნოების სიწმინდის დაცვაში... ძალიან ბრძნულად შენიშნავს არქიმანდრიტი იოანე ამ კანონის განმარტებისას, როდესაც ამბობს, რომ კანონები ცდილობენ არა მხოლოდ მართლმადიდებლების მწვალებლური სულით დასნეულებისგან დაცვას, არამედ სარწმუნოებისა და მართლმადიდებელი ეკლესიისადმი ინდიფერენტიზმისაგან დაცვასაც; ინდიფერენტიზმი ადვილად შეიძლება აღმოცენდეს, როდესაც ადგილი აქვს მწვალებლებთან ახლო ურთიერთობას სარწმუნოებრივ საქმეებში. ასეთი დამოკიდებულება არ ეწინააღმდეგება ქრისტიანული სიყვარულისა და შემწყნარებლობის სულს, რომლითაც გამოირჩევა მართლმადიდებელი ეკლესია. დიდი განსხვავებაა _ სარწმუნოებაში შეცდომილთა შეწყნარებასა... და მათთან რელიგიურ ურთიერთობაში შესვლას შორის, რამეთუ ეს უკანასკნელი ნიშნავს, რომ ჩვენ არა მარტო მათ მართლმადიდებლობაზე მოქცევას არ ვცდილობთ, არამედ თვითონაც ვმერყეობთ მასში. წმ. გრიგოლ ღვთისმეტყველი “ჩემი სამწყსო ჩემს ხმას ისმენს, იმას, რაც მოსმენილი მაქვს საღმრთო სიტყვათაგან, რაც მისწავლია წმინდა მამათაგან, ამასვე ვასწავლიდი დიდი ხნის განმავლობაში, არაფერს არ ვცვლიდი და არც აწ შევწყვეტ სწავლებას, რადგან მასთან (ამ სწავლებასთან) ერთად დავიბადე და მასთანვე თანავარსებობ” (სიტყვა XXXII არიანელთა მიმართ). წმ. მაქსიმე აღმსარებელი რომელთა დაიმარხეს მართალი სარწმუნოებაჲ და ქმნეს საქმენი კეთილნი, წარვიდენ ცხოვრებად საუკუნოდ, ხოლო ცოდვილნი და შეურაცხმყოფელნი სარწმუნოებისანი სატანჯველად მიეცნენ საუკუნოდ. |
|
|
|
| ზებედე |
Apr 17 2007, 05:18 PM
პოსტი
#387
|
|
ზეციკეთი ჯგუფი: Members პოსტები: 4,332 რეგისტრ.: 27-July 06 წევრი № 19 |
ციტატა(lado s @ Apr 17 2007, 12:21 PM) ალექსანდრიის პატრიარქი ნიკოლოზი მე ვგმობ ეკუმენიზმს და ვთვლი მას არა ჩვეულებრივ ერესად, არამედ პანერესად _ ყველა ერესისა და ბოროტმორწმუნეობის შესაკრებლად თქვენო უწმინდესობავ, ყველა ერესში და ბოროტმორწმუნეობაში მართლმადიდებლებსაც გულისხმობთ? თქვენ მგონი ბოროტმორწმუნეს უწოდებთ ყველა ემს-ში მართლმადიდებელ იერარქს და მათ შორის საქართველოს პატრიარქსაც რომელიც ეკუმენიზმში მონაწილეობდა... ციტატა(lado s @ Apr 17 2007, 12:21 PM) ეკუმენიზმი მიმართულია მართლმადიდებლობის წინააღმდეგ ალბათ თქვენ უნდა იყოთ მსოფლიო პატრიარქი რომ ემს-იდან დაგვიცავდით... ციტატა(lado s @ Apr 17 2007, 12:21 PM) ის წარმოადგენს დღეს ყველაზე დიდ საშიშროებას, ჩვენი ეპოქის ურწმუნოებასთან ერთად, რომელიც აღმერთებს მატერიალურ კავშირებსა და სიამოვნებებს. მსოფლიო პატრიარქმა თქვა ბევრი მოვაქციეთო, მოიტყვილა თუ? ციტატა(lado s @ Apr 17 2007, 12:21 PM) მივესალმები და ვაკურთხებ ყველა სასულიერო პირსა და ერისკაცს, ვინც იბრძვის ეკუმენიზმის წინააღმდეგ. თქვენო უწმინდესობავ, "ყველაში" იგულისხმება სქიზმატები-განდგომილები, რომლებიც პირველები წავიდნენ ეკუმენიზმის წინააღმდეგ და "ბრძოლა გამოუცხადეს" ეკუმენიზმს...ყველაში იგულისხმება ვინც განიკითხავს იერარქებს ეკუმენიზმის გამო, და შფოთს ტეხავენ, ასეთ ხალხს როგორ ლოცავთ და აკურთხებთ???????????????? -------------------- მზეო ამოდი, ამოდი ნუ ეფარები გორასა წიწილის თეთრი ბუმბული, ველად გაჰქონდა ნიავსა |
|
|
|
| მარიამი |
Apr 17 2007, 05:53 PM
პოსტი
#388
|
|
+ + + ჯგუფი: Senators პოსტები: 12,615 რეგისტრ.: 23-July 06 მდებარ.: თბილისი წევრი № 6 |
QUOTE თქვენო უწმინდესობავ, ყველა ერესში და ბოროტმორწმუნეობაში მართლმადიდებლებსაც გულისხმობთ? თქვენ მგონი ბოროტმორწმუნეს უწოდებთ ყველა ემს-ში მართლმადიდებელ იერარქს და მათ შორის საქართველოს პატრიარქსაც რომელიც ეკუმენიზმში მონაწილეობდა... დიდი შეცდომაა. ეკუმენიზმში კი არა მონაწილეობდა, არამედ ემს-ში, რომელიც არის ორგანიზაცია და არა ეკლესია. ეკუმენიზმი არის მწვალებლური სწავლება, მაგრამ ემს არის ორგანიზაცია, რომელში მონაწილეობაც ეკლესიას არ ხდის მწვალებლურად. თუმცა კი ბოლო დროს იქ უკვე ზეეკლესიის პრეტენზიები გაჩნდა და როგორ განვითარდება მოვლენები კიდევ საკითხავია. -------------------- ნუ მივატოვებთ ერთმანეთს, როცა ერთმანეთს ვჭირდებით...
|
|
|
|
| KAIROS |
Apr 17 2007, 06:41 PM
პოსტი
#389
|
 იხარეთ! ჯგუფი: საფინანსო პოსტები: 9,492 რეგისტრ.: 9-November 06 მდებარ.: Aurea mediocritas წევრი № 438 |
ციტატა ეკუმენიზმი არის მწვალებლური სწავლება, მაგრამ ემს არის ორგანიზაცია, რომელში მონაწილეობაც ეკლესიას არ ხდის მწვალებლურად მარიამ ეს მარგალიტია  ელემენტალური ლოგიკის არ არსებობსათან ერთად, მთლიანად დაივიწყე მსოფლიო პატრიარქის მიერ ეკუმენიზმის განმარტება... ასე რომ, მე ამ აბსურდებზე კომენტარებს არ ვაკეთებ, საკმარისად ვწერე, მაგრამ როგორც ამბობენ წყლის ნაყვას არ მინდა დრო შევალიო! ციტატა იერუსალიმის პატრიარქი დიოდოროსი ეკუმენისტურ მოძრაობას (თავისი დიალოგებით, რომელთა ერთადერთი მიზანი ეკლესიისთვის ზიანის მიყენებაა), ლადო შენი მოყვანილი ციტატები ან არის პროვოკაცია ან სრული იგნორირება საეკლესიო ტრადიციებისა, როგორი სუბიქტური მიდგომაა საკითხისადმი, როდესაც მოგყავს იერუსალიმის პატრიარქის უკიდურესად უარყოფითი მიდგომა ეკუმენიზმისადმი და მსოფლიო პატრიარქის აზრი კი არ გაინტერესებს? საქმე იმაშია, რომ ემს და შესაბამისად ეკუმენისტურ მოძრაობაში მონაწილეობა არის ეკლესიის საგარეო პოლიტიკა და ყველას აქვს უფლება შეინარჩუნოს თავისი დამოკიდებულება, მაგრამ არავის აქვს უფლება საკუთარი აზრი და დამოკიდებულება გამოაცხადოს ერთადერთ ჭეშმარიტებად! -------------------- ...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი |
|
|
|
| გლახა |
Apr 17 2007, 06:44 PM
პოსტი
#390
|
|
-------- ჯგუფი: Members პოსტები: 4,345 რეგისტრ.: 24-July 06 წევრი № 12 |
KAIROS
ციტატა საქმე იმაშია, რომ ემს და შესაბამისად ეკუმენისტურ მოძრაობაში მონაწილეობა არის ეკლესიის საგარეო პოლიტიკა და ყველას აქვს უფლება შეინარჩუნოს თავისი დამოკიდებულება, მაგრამ არავის აქვს უფლება საკუთარი აზრი და დამოკიდებულება გამოაცხადოს ერთადერთ ჭეშმარიტებად! ბრავო! |
|
|
|
| მარიამი |
Apr 17 2007, 06:52 PM
პოსტი
#391
|
|
+ + + ჯგუფი: Senators პოსტები: 12,615 რეგისტრ.: 23-July 06 მდებარ.: თბილისი წევრი № 6 |
QUOTE ელემენტალური ლოგიკის არ არსებობსათან ერთად, მთლიანად დაივიწყე მსოფლიო პატრიარქის მიერ ეკუმენიზმის განმარტება... ასე რომ, მე ამ აბსურდებზე კომენტარებს არ ვაკეთებ, საკმარისად ვწერე, მაგრამ როგორც ამბობენ წყლის ნაყვას არ მინდა დრო შევალიო! რადგან ვერ გაიგე, განვმარტავ, თუმცა მეგონა, რომ არ დამჭირდებოდა. მაშ ასე: ეკუმენიზმი, როგორც სწავლება არის მწვალებლური და რატომ არის, ეს უკვე ზემოთ დავწერე ოფიციალური განმარტების მიხედვით (ეს განმარტება დღევანდელი მსოფლიო პატრიარქის დაბადებამდე ჩამოყალიბდა). ე.მ.ს. არის ეკლესიათა მსოფლიო საბჭო - ანუ ორგანიზაცია და არა ეკლესია. და სანამ ის არავის აძალებს, რომ გაუერთიანდეს სხვა ეკლესიებს, მიიღოს ეკუმენიზმის სწავლება ჭეშმარიტებად, ილოცოს სხვა სარწმუნოების მიმდევრებთან ერთად, ანუ არ მოითხოვს სარწმუნოებისგან გადახვევას, მანამდე იქ ყოფნა კიდევ შესაძლებელია და არ ჩაითვლება მწვალებლობად. მაგრამ ბოლო დროს ამის ტენდენცია უკვე მძაფრად შეინიშნება და ამაზე დიდი ხნის წინ შეშფოთდნენ მართლმადიდებელი ეკლესიის წარმომადგენლები არა მარტო საქართველოში. ეკუმენიზმზე კი (თანალოცვაზე, მწველებელთა ზიარებაზე) უკვე დავწერე არა მარტო პატრიარქის აზრი, არამედ წმინდანთა ცხოვრებიდან ეპიზოდიც. ასე რომ, შენი სიტყვებით ვიტყვი: QUOTE დაუჯერეთ პატრიარქს! და წმიდანებს!QUOTE არავის აქვს უფლება საკუთარი აზრი და დამოკიდებულება გამოაცხადოს ერთადერთ ჭეშმარიტებად ნახე არა როგორ გაუხარდა გლახას? იმედია, ამით იმის თქმა არ გინდოდა, რომ არ გვაქვს უფლება, მართლმადიდებლობა გამოვაცხადოთ ჭეშმარიტებად. გლახამ აშკარად ასე გაიგო. იმედია დააზუსტებ. -------------------- ნუ მივატოვებთ ერთმანეთს, როცა ერთმანეთს ვჭირდებით...
|
|
|
|
| KAIROS |
Apr 17 2007, 07:22 PM
პოსტი
#392
|
|
იხარეთ! ჯგუფი: საფინანსო პოსტები: 9,492 რეგისტრ.: 9-November 06 მდებარ.: Aurea mediocritas წევრი № 438 |
ციტატა ნახე არა როგორ გაუხარდა გლახას? იმედია, ამით იმის თქმა არ გინდოდა, რომ არ გვაქვს უფლება, მართლმადიდებლობა გამოვაცხადოთ ჭეშმარიტებად. გლახამ აშკარად ასე გაიგო. იმედია დააზუსტებ. გლახამ რა გაიგო, ამას ვერ გეტყვი, მაგრამ აი შენ რომ საერთოდ ვერ გაიგე, ეგ აშკარაა, სად დავწერე მე აქ მართლმადიდებლობაზე? ან დოგმატიკაზე? შეუშვით გონებაში, რომ ეკუმენიზმი და ემს-ში ყოფნა არ არის დოგმატური საკითხი და შესაბამისად ყველას თავისუფლად შეიძლება საკუთარი აზრი ქონდეს მათზე! ის რომ "ეკუმენიზმი არის მწვალებლობა" არის უბრალო გაყალებება რეალობისა, აბა მაჩვენე სინოდის დადგინელებაში სად წერია, ეკუმენიზმი მწვალებლობააო? და თუ არ წერია, იქნებ მითხრა, რა გამორჩათ ამის აღნიშნვნა? აკი ეკუმენური მოძრაობის ცენტრ ე.მ.ს გამოსვლას თუ ხსნი, არ აჯობებდა ეთქვათ, ეკუმენიზმია მთლიანად მწვალებლობა და ამიტომ გამოვდივართო, საქმე იმაშია, რომ ეგ შენი წარმოდგენებია და ფობიაა და არა ის მიდგომა, რომლითაც ეკლესია უყურებს ეკუმენიზმსაც და ე.მ.ს-აც! ცოტა ობიექტურობა და ლოგიკა არ გვაწყენდა... წავედი, წავედი, წყლის ნაყვა მოსაწყენი ხდება... ციტატა დაუჯერეთ პატრიარქს! და წმიდანებს! ამათ რა უპირისპირებ? იქნებ, როგორც ადრე გაბედე და პატრიარქთა სულიერება შეუპირისპირე ერთმანეთს, ახლაც იგივე დიდ შეცდომას ჩადიხარ? მარიამ! ფრთხილად! -------------------- ...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი |
|
|
|
| ზებედე |
Apr 17 2007, 07:22 PM
პოსტი
#393
|
|
ზეციკეთი ჯგუფი: Members პოსტები: 4,332 რეგისტრ.: 27-July 06 წევრი № 19 |
ციტატა(KAIROS @ Apr 17 2007, 02:41 PM) ლადო შენი მოყვანილი ციტატები ან არის პროვოკაცია ან სრული იგნორირება საეკლესიო ტრადიციებისა, როგორი სუბიქტური მიდგომაა საკითხისადმი, როდესაც მოგყავს იერუსალიმის პატრიარქის უკიდურესად უარყოფითი მიდგომა ეკუმენიზმისადმი და მსოფლიო პატრიარქის აზრი კი არ გაინტერესებს? საქმე იმაშია, რომ ემს და შესაბამისად ეკუმენისტურ მოძრაობაში მონაწილეობა არის ეკლესიის საგარეო პოლიტიკა და ყველას აქვს უფლება შეინარჩუნოს თავისი დამოკიდებულება, მაგრამ არავის აქვს უფლება საკუთარი აზრი და დამოკიდებულება გამოაცხადოს ერთადერთ ჭეშმარიტებად! გეთანხმები, ლადოს მოყვანილ არგუმენტებში, კერძოდ, სხვადასხვა პატრიარქების აზრები აშკარად ეწინააღმდეგება მსოფლიო პატრიარქის ქადაგებას ეკუმენიზმთან დაკავშირებით, ჩემთვის ბართლომეოსის ავტორიტეტი და აზრი უფრო მნიშვნელოვანია ვიდრე სხვა პატრიარქების აზრები... -------------------- მზეო ამოდი, ამოდი ნუ ეფარები გორასა წიწილის თეთრი ბუმბული, ველად გაჰქონდა ნიავსა |
|
|
|
| მარიამი |
Apr 17 2007, 09:01 PM
პოსტი
#394
|
|
+ + + ჯგუფი: Senators პოსტები: 12,615 რეგისტრ.: 23-July 06 მდებარ.: თბილისი წევრი № 6 |
QUOTE ეკუმენიზმი და ემს-ში ყოფნა არ არის დოგმატური საკითხი გეთანხმები ემს-ში ყოფნაზე და არა ეკუმენიზმზე. ვიმეორებ, რომ ეკუმენიზმი მისი კლასიკური განმარტებით არის სხვადასხვა სარწმუნოებების გაერთიანება კომპრომისების გზით. ანუ ჩვენ ერთი დოგმატი უნდა დავთმოთ, კათოლიკებმა - მეორე, პროტესტანტებმა - მესამე და გავერთიანდეთ. არ არის ეს დოგმატური საკითხი? კაიროს, ჩვენ ვერ შევთანხმდით ტერმინოლოგიაში, თორემ რასაც მე ეკუმენიზმს ვეძახი (და არა მარტო მე, ენციკლოპედიები, ათონის მთის ბერები და უამრავი პატრიარქი და ეპისკოპოსი, ჩვენი მამა გაბრიელი), დარწმუნებული ვარ, რომ ის შენც არ მოგწონს. მაგრამ რატომღაც არ გინდა მას თავისი სახელი დაარქვა. რატომ ვერ ვხვდები. რაში გაწყობს ეს ტერმინოლოგური აღრევა? QUOTE აბა მაჩვენე სინოდის დადგინელებაში სად წერია, ეკუმენიზმი მწვალებლობააო? და თუ არ წერია, იქნებ მითხრა, რა გამორჩათ ამის აღნიშნვნა? აკი ეკუმენური მოძრაობის ცენტრ ე.მ.ს გამოსვლას თუ ხსნი, არ აჯობებდა ეთქვათ, ეკუმენიზმია მთლიანად მწვალებლობა და ამიტომ გამოვდივართო კი ბატონო, ამ წუთას გიჩვენებ. ეს არის ამონარიდი 1997 წლის 20 მაისის სინოდის სხდომიდან: "ვითვალისწინებთ, რომ უკანასკნელ წლებში ე.მ.ს.-ს მხრიდან ადგილი აქვს მცდელობას მიანიჭოს ეკლესიოლოგიური ხასიათი თავად ე.მ.ს.-ს, რაც ეწინააღმდეგება მართლმადიდებელი ეკლესიის მრწამსს. ამ ეკუმენურ ორგანიზაციებში ნაკლებად არის გათვალისწინებული მართლმადიდებელი ეკლესიის ინტერესები. ამიტომ მართლმადიდებელ ეკლესიებში წარმოიშვა აზრი ამ ორგანიზაციიდან გამოსვლისა." QUOTE ახლაც იგივე დიდ შეცდომას ჩადიხარ? მარიამ! ფრთხილად! შეცდომა სადაა? ჩვენი პატრიარქის აზრები და წმინდანთა ცხოვრება ავტორიტეტად რომ მომყავს? იქნებ ჩემი გაფრთხილების მაგივრად პატრიარქი გაგეფრთხილებინა, ან წმ. სარემან კათალიკოსი, რომ მწარედ ცდებიან?  QUOTE ჩემთვის ბართლომეოსის ავტორიტეტი და აზრი უფრო მნიშვნელოვანია ვიდრე სხვა პატრიარქების აზრები მათ შორის ჩვენი პატრიარქის აზრიც? პაპიზმში გადავვარდით, თუ როგორაა ჩვენი საქმე? -------------------- ნუ მივატოვებთ ერთმანეთს, როცა ერთმანეთს ვჭირდებით...
|
|
|
|
| KAIROS |
Apr 17 2007, 09:21 PM
პოსტი
#395
|
|
იხარეთ! ჯგუფი: საფინანსო პოსტები: 9,492 რეგისტრ.: 9-November 06 მდებარ.: Aurea mediocritas წევრი № 438 |
ეეჰ, მარიამ არ გატყობ წინსვლას, საოცრად ჯიუტობ...
ციტატა შეცდომა სადაა იქ რომ უპირისპირებ და მამეორებინებ ერთიდაიგივეს მარიამ! ციტატა დაუჯერეთ პატრიარქს! და წმიდანებს! ამათ რა უპირისპირებ? იქნებ, როგორც ადრე გაბედე და პატრიარქთა სულიერება შეუპირისპირე ერთმანეთს ციტატა ეკუმენიზმი მისი კლასიკური განმარტებით ეგ შენი კლასიკური განმარტება არაა საერთო და მიღებული ყველასათვის, ასე თვლის ზოგი და ზოგი არ თვლის, ამიტომ ეს არ გაძლევს საშუალებას ჭეშმარიტებად გამოაცხადო, მსოფლიო პატრიარქი მაგალითად სულაც არ თვლის ასე ციტატა მათ შორის ჩვენი პატრიარქის აზრიც? პაპიზმში გადავვარდით, თუ როგორაა ჩვენი საქმე? როგორ მსოფლიო პატრიარქს რომ დავუჯეროთ ეგაა პაპიზმი და სხვა პატრიარქს რომ დავუჯეროთ ეგ აღარაა უკვე? მარიამ! არ გესმის ეს საკითხი ჯანსაღად, უკიდურესად უდგები საკითხს, არა აეგ დოგმატიკა არა!!!ახლა ციტატა "ვითვალისწინებთ, რომ უკანასკნელ წლებში ე.მ.ს.-ს მხრიდან ადგილი აქვს მცდელობას მიანიჭოს ეკლესიოლოგიური ხასიათი თავად ე.მ.ს.-ს, რაც ეწინააღმდეგება მართლმადიდებელი ეკლესიის მრწამსს. ამ ეკუმენურ ორგანიზაციებში ნაკლებად არის გათვალისწინებული მართლმადიდებელი ეკლესიის ინტერესები. ამიტომ მართლმადიდებელ ეკლესიებში წარმოიშვა აზრი ამ ორგანიზაციიდან გამოსვლისა აქ რომ რაც გაწყობდა ის გამიშავე, ეს რატომ გამოგეპარა? ციტატა ადგილი აქვს მცდელობას ანუ ეს არის სწორედ იმ მეორე ფრთის მცდელობა, რომელიც კაიროსმა დაგმო და ყველამ, მაგრამ ეს არ არის ეკუმენიზმის არსი!მარიამ. აღარ გცემ პასუხს... მარტო გირჩევ დაანებო ამ ციტატების ამოგლეჯას თავი, და მოიყვანო ადგილი სინოდის დადგენილებიდან სადაც წერია "ეკუმენიზმი არის მწვალებლობა" და თუკი ვერ მოიყვან, მაშინ დადუმდი! ვიმეორებ ისევ! ციტატა ის რომ "ეკუმენიზმი არის მწვალებლობა" არის უბრალო გაყალებება რეალობისა, აბა მაჩვენე სინოდის დადგინელებაში სად წერია, ეკუმენიზმი მწვალებლობააო? და თუ არ წერია, იქნებ მითხრა, რა გამორჩათ ამის აღნიშნვნა? აკი ეკუმენური მოძრაობის ცენტრ ე.მ.ს გამოსვლას თუ ხსნიდნენ, არ აჯობებდა ეთქვათ, ეკუმენიზმია მთლიანად მწვალებლობა და ამიტომ გამოვდივართო? -------------------- ...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი |
|
|
|
| მარიამი |
Apr 17 2007, 09:24 PM
პოსტი
#396
|
|
+ + + ჯგუფი: Senators პოსტები: 12,615 რეგისტრ.: 23-July 06 მდებარ.: თბილისი წევრი № 6 |
QUOTE დაუჯერეთ პატრიარქს! და წმიდანებს! ამათ რა უპირისპირებ? დედა, რა ცუდად გაგიგია... აქ ჩვენი პატრიარქი ვიგულისხმე და კი არ დავუპირისპირე, პირიქით, შევავსე ერთმანეთით. არ გამიკვირდა, რა დაპირისპირებაზე მელაპარაკება-თქო ისე საინტერესო საკითხია, შენ გეცოდინება: როცა ორი პატრიარქი ერთმანეთის საწინააღმდეგო მოსაზრებას გამოთქვამს, რომელს უნდა დავუჯერო? ასე რომ, მე და შენ აქ თანაბარ პოზიციებზე ვდგავართ. მე ერთის მჯერა, შენ - მეორესი და ორივეს ამის უფლება გვაქვს QUOTE მოიყვანო ადგილი სინოდის დადგენილებიდან სადაც წერია "ეკუმენიზმი არის მწვალებლობა" არის თუ არა მწვალებლობა ის, რაც ეწინააღმდეგება მართლმადიდებელი ეკლსიის მრწამსს? და როცა სინოდის სხდომაზე ითქვა ეს ფრაზა: QUOTE ე.მ.ს.-ს მხრიდან ადგილი აქვს მცდელობას მიანიჭოს ეკლესიოლოგიური ხასიათი თავად ე.მ.ს.-ს, რაც ეწინააღმდეგება მართლმადიდებელი ეკლესიის მრწამსს ნიშნავს თუ არა იმას, ეკუმენიზმი არის მწვალებლობა? იმედია სწორად შეგიძლია გაშიფრო, რას ნიშნავს ემს-თვის ეკელსიოლოგიური ხასიათის მინიჭება. ეს იგივე ეკუმენიზმია - ჩემეული გაგებით. ჩემზე ნაკლები ჯიუტი არც შენ ხარ, ხო იცი -------------------- ნუ მივატოვებთ ერთმანეთს, როცა ერთმანეთს ვჭირდებით...
|
|
|
|
| KAIROS |
Apr 17 2007, 09:34 PM
პოსტი
#397
|
|
იხარეთ! ჯგუფი: საფინანსო პოსტები: 9,492 რეგისტრ.: 9-November 06 მდებარ.: Aurea mediocritas წევრი № 438 |
ციტატა ადგილი აქვს მცდელობას მიანიჭოს მარიამ! ეს ნიშნავს რომ ჯერ არა აქვს მინიჭებული, არის ნათელი თუ არა? და ე.ი. რადგანაც სინოდის დადგენილებაში არსად არ წერია, რომ "ეკუმენიზმი არის მწვალებლობა", შენ არ გაქვს უფლება მოიგონო და დასკვნები გამოიტანო! და სანამ არ უთქვამს ეს სინოდს, მარიამიც ნუ იტყვის, შევთანხმდით? ციტატა როცა ორი პატრიარქი ერთმანეთის საწინააღმდეგო მოსაზრებას გამოთქვამს, რომელს უნდა დავუჯერო? ასე რომ, მე და შენ აქ თანაბარ პოზიციებზე ვდგავართ. მე ერთის მჯერა, შენ - მეორესი და ორივეს ამის უფლება გვაქვს აშკარად და ასე რომ არცერთი არ ვცდებით  და არც არსადაა ამუნიები და მწვალებლობა, შეეშვით ფობიებს -------------------- ...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი |
|
|
|
| მნათე |
Apr 17 2007, 09:37 PM
პოსტი
#398
|
 Advanced Member ჯგუფი: Members პოსტები: 17,662 რეგისტრ.: 23-July 06 მდებარ.: Tbilisi წევრი № 4 |
რით ვეღარ გაიგეთ; ეკუმენიზმი ანტიქრისტეს რელიგიაა!!!
 -------------------- ანალოღია და ჯვარი მომიტანეთ, ვქადაგებ!
რომ გამრეცხავთ, გავიწევ :))))) |
|
|
|
| მარიამი |
Apr 17 2007, 09:39 PM
პოსტი
#399
|
|
+ + + ჯგუფი: Senators პოსტები: 12,615 რეგისტრ.: 23-July 06 მდებარ.: თბილისი წევრი № 6 |
KAIROS
შენ როგორ გესმის აბა: რას უწოდეს მწვალებლობა სინოდის სხდომაზე? მცდელობა, როგორც ასეთი, რისიც არ უნდა იყოს, მწვალობლობა ვერ იქნება. ე.ი. მწვალებლობა უწოდეს იმას, რაც მოყვებოდა ამ მცდელობას, რომ განხორციელებულიყო. არა? ე.ი. ეკუმენიზმს. თორემ ემს-ში ყოფნა თავისთავად მწვალებლობა რომ არაა, ეგ უკვე დავწერე. ყოველ შემთხვევაში მანამდე, სანამ ეს მცდელობა წარმატებით არ დამთავრდება. QUOTE შეეშვით ფობიებს მე არაფრის არ მეშინია. ომამდე ტანკისტი ვიყავი ეს ისე, სიტუაციის განსამუხტავად -------------------- ნუ მივატოვებთ ერთმანეთს, როცა ერთმანეთს ვჭირდებით...
|
|
|
|
| KAIROS |
Apr 17 2007, 09:42 PM
პოსტი
#400
|
|
იხარეთ! ჯგუფი: საფინანსო პოსტები: 9,492 რეგისტრ.: 9-November 06 მდებარ.: Aurea mediocritas წევრი № 438 |
გამაგიჟებს ეს ქალი!
რეები დაწერე  ციტატა მცდელობა, როგორც ასეთი, რისიც არ უნდა იყოს, მწვალობლობა ვერ იქნება. ე.ი. მწვალებლობა უწოდეს იმას, რაც მოყვებოდა ამ მცდელობას, რომ განხორციელებულიყო. არა? ე.ი. ეკუმენიზმს. აჰაჰა, რეეებს ხლართავ ახლა დამშვიდდი და გაიგე, [color=#FF0000][b]სანამ სინოდი არ იტყვის, რომ მწვალებლობაა ეკუმენიზმიო, მანამ შენ არ გაქვს ამის თქმის უფლება! მარტივად და ნათლად! -------------------- ...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი |
|
|
|
|
ამ თემას კითხულობს 1 მომხმარებელი (მათ შორის 1 სტუმარი და 0 დამალული წევრი)
0 წევრი:
| მსუბუქი ვერსია | ახლა არის: 17th June 2025 - 08:00 PM |
მართლმადიდებლური არხი: ივერიონი
ფორუმის ელექტრონული ფოსტა: იმეილი
CHURCH.GE-Powered by Giorgi and IPB. Hosting by WebHostinG.Ge
2025
Licensed to: church.ge