წმინდა მამათა გამონათქვამები, გამონათქვამები, წერილები, ამონარიდები ქადაგებებიდან და ა.შ პარამეტრები

[თამარი]

თუ, შენი აზრით, მოყვასი ღირსი არ არის შენი სიყვარულისა, ღირსია ღმერთი, რომლის მონაცაა იგი და რომლის სახელსაც ატარებს; ღირსია ქრისტე, რომელმაც მისთვის სისხლი დათხია.
წმიდა ტიხონ ზადონელი


ნურცერთი ადამიანის მიმართ ნუ გექნება სიძულვილის გრძნობა და ღმერთი შეგიყვარებს.
წმიდა ეპიფანე კვიპრელი

ვინც ხელზე ზეთს ისხამს, რათა ავადმყოფს აცხოს იგი, თვითონ უწინარეს იღებს ზეთის ცხიმს; ასევეა ძმისთვის მლოცველი (და საერთოდ მოყვასის სარგებლისთვის მზრუნველი და მისთვის სიკეთის მკეთებელი), ვიდრე მას მოუტანს სარგებელს, თვითონ ღებულობს მას.
ძველი პატერიკიდან

[marine]

"ვერაფრით ისე ვერ მიემგვანება ადამიანი ღმერთს, როგორც ქველმოქმედებით."

აბბა ევაგრი

[თამარი]

განა მოწყალების გაცემით შენი სიმდიდრე ამოიწურება? იგი არათუ არ ამოიწურება, არამედ - ზეციური მადლიც მიემატება.

წყალს აქვს თვისება, სხეულს ჭუჭყი ჩამორეცხოს; მოწყალებას კი ძალუძს, სულიერი უწმიდურება მოსპოს.

მოწყალებას გლახაკს აძლევ, ქრისტე კი ღებულობს მას
წმიდა იოანე ოქროპირი

მიდით და დაიმკვიდრეთ ცათა სასუფეველი, - ეუბნება უფალი მოწყალეთ, - არა იმიტომ, რომ თქვენ არ შესცოდეთ, არამედ იმისათვის, რომ მოწყალებით განიწმიდეთ ცოდვებისაგან.
ნეტარი ავგუსტინე

ვინც ღატაკს შეიწყალებს, მას მფარველად ღმერთი ჰყავს.
წმიდა ისააკ ასური

[marine]

"გიყვარდეს მორჩილება, იგი დაფარავს შენს ცოდვებს."

"შორს ტყუილი! იგი ანელებს შენში ღვთის შიშს."

"არც ერთი წუთი არ შეწირო მსხვერპლად სიზარმაცეს."

"განაგდე ამპარტავნება. ყოველი ადამიანი შენზე უკეთესად აღიარე."

"ფუჭ სიტყვებს ნუ წარმოთქვამ, ნურც სხვისგან მოისმენ მათ, რათა არ აღიბეჭდოს სულში."

წმ. ანტონი დიდი

[თამარი]

ქრისტიანმა, შეძლებისდაგვარად, უნდა შეზღუდოს თავისი საჭიროებები; სიფხიზლე და ზომიერება - ყველაზე საუკეთესო მარაგია, რომელიც ზეცისაკენ სავალ გზაზე შეგიძლია თან გაიყოლო.
წმიდა კლიმენტი ალექსანდრიელი

ღარიბი ის ქრისტიანია, ვისაც ამასოფელში გამდიდრება სურს.
წმიდა ტიხონ ზადონელი

ქრისტიანი ისაა, ვინც ადამიანის შეძლებისდაგვარად ბაძავს ქრისტეს სიტყვით, საქმითა და გულისთქმით.
წმიდა იოანე კიბისაღმწერელი

[marine]

"ფშვინვიერ ადამიანთან უნდა ისაუბრო კაცობრივ ამბებზე; სულიერი გონების მქონესთან კი - ზეციურზე. სულიერ საკითხებზე არ უნდა ილაპარაკო მათთან, რომლებსაც მოსმენის სურვილსაც კი ვერ შეატყობ."

წმ. სერაფიმე საროველი

[lamara]

როდესაც ცას ღრუბელი გადაეყრება, მზე კარგად მაშინ გამოჩნდება, ხოლო სული მაშინ იხილავს საღმრთო ნათელს, როცა ძველი ცოდვებისაგან განიწმიდება.

წმ. იოანე სინელი, კიბისაღმწერელი

აი იოანე სინელის კიდევ 2 გამონათქვამი:

მონასტერი ცა არის დედამიწაზე, ამისთვის ასეთი ვყოთ გულნი ჩვენნი, ვითარცა ანგელოსნი, რომელნიც მსახურებენ უფალსა.

რაჟამს მოგიხდეს გულისსიტყვა განკითხვად მოძღვრისა, ვითარცა სიძვისაგან ივლტოდე მისგან, ნუ დაუჯერებ ამ გველს, არამედ უთხარ: ჰოი, მაცთურო, მე კი არ ვარ მისი მთავარი, არამედ ის არის ჩემი მსაჯული, რამეთუ არა მე- მისი, არამედ მას ჩემი ტვირთი უტვირთავს.

[marine]

"შეაჩვიე შენი თავი იმას, რომ ყველა შემთხვევისას, რაც კი შეგხვდება ცხოვრებაში, ყოველთვის, ყოველ ჟამს, ყველას და თვით უფალსაც ეუბნებოდე - "მაპატიე".

წმიდა ანტონი დიდი

[თამარი]

თუ ხორციელად იცხოვრებ, სულსაც დაიღუპავ და ხორცსაც; ხოლო თუ ღვთივსათნოდ იცხოვრებ, ორივეს აცხოვნებ.
ღირსი სერაფიმე საროველი

თუ ცხონება გსურს, გააკეთე ყველაფერი, რაც მასთან მიგიყვანს.
წმიდა ისიდორე პელუზიელი

[marine]

"ნუ იტყვი უგულო სიტყვებს: "მე არაფერი მაქვს ამ კაცთან საერთო." ჩვენ არაფერი გვაქვს საერთო ეშმაკთან, ყოველ ადამიანთან კი ბევრი რამ გვაქვს საზიარო".

წმიდა იოანე ოქროპირი

[ნათია]

კითხვა: რატომ ამბობენ დასნეულებულ ადამიანზე, რომ მას ღმერთი ეწვია?

პასუხი : როდესაც ადამიანი ავადაა, მაშინ მისი სული ღვთის ძიებას იწყებს...

ღირსი ეფრემ ასური

[di_onise]

უფრთხილდით საკუთარ აზრებს, ვინაიდან აზრები ზეცაში ისმის.
ნეტარი ავგუსტინე

გახსოვდეთ, რომ ის წუთი, რომელსაც სიზარმაცე გართმევთ, შესაძლოა უკანასკნელიც კი იყოს თქვენს ცხოვრებაში და მას სიკვდილი და სამსჯავრო მოყვეს.
ს.ა. ნილუსი

ვინც გვკიცხავს, ის გვჩუქნის, ხოლო ვინც გვაქებს, ის გვპარავს.
ოპტელი ბერი ამბორსი

ჩვენ ყოველთვის რთული და ძნელი რამე გვიტაცებს და სახლის შენება გვიყვარს არა საძირკველზედ, არამედ ღრუბლებში.
წმინდა გრიგოლ ივერიელი (ფერაძე)

სხვებს ყველაფერი მიუტევე, საკუთარ თავს კი ნურაფერს შეუნდობ.
აბბა ისაია

როდესაც მოყვასს წყენისათვის სამაგიეროს უხდი, მაშინ მას ღმერთი აღარ სჯის. თუკი მიუტევებ, მაშინ ღმერთი ან მას სჯის, ან შენ მოგიტევებს ცოდვებს.
წმინდა იოანე ოქროპირი

ღვინო საღმრთო საქმეა, სიმთვრალე - ეშმაკისა.
წმ. იოანე ოქროპირი

საღმრთო წერილი ზარმაცებს ჭიანჭველებთან აგზავნის შრომისმოყვარეობაში საწვრთნელად, ლოთები კი ცხოველებთან უნდა გააგზავნონ თავშეკავების სასწავლად.
მღვდელმონაზონი
ი. ტოლმარდოვი

[butiko]

,, რა უგუნური ნათქვამია: ,,სადაც ყველა, მეც იქ!"
ნოე რომ ისეთი ყოფილიყო, როგორც ყველა, ისიც სხვებთან ერთად დაიღუპებოდა.


ყოველგვარი ცოდვის სათავე ამპარტავნებაა, ხოლო ყოველგვარი ბოროტების ძირი- ვერცხლისმოყვარეობა;
პირველი განგვაშორებს ღმერთს, ხოლო მეორე ამქვეყნიურობისაკენ მიგვდრეკს.

[marine]

"სანამ რაიმეს მიუყვებოდეთ მოყვასს, უნდა დაფიქრდეთ, გაამდიდრებს თუ არა მას სულიერად ეს ნაამბობი და მართლაც საჭიროა თუ არა, იცოდეს ეს ამბავი რაიმე სერიოზული მიზეზის გამო."

მამა ალექსანდრე ელჩანინოვი

[catherina_10]

"როგორც ქარწაღებული ხომალდი ქანაობს აქეთ-იქით ქარიშხლის ნებაზე, ასევე სულიც, რომელიც ღვთის მადლს მოკლებულია, მუდმივად ცოდვისაგან იმართება, რომელიც მას იქით კი არ მიაქანებს, საითაც თავად სურს, არამედ იქით - სადაც დემონს უნდა."

წმიდა იოანე დამასკელი

[თამარი]

სათნოებათა დასაწყისი მძიმეა, მაგრამ გაგრძელება სასიამოვნოა.

სათნოების გზაზე რაც მეტად წაიწევ წინ, მით უფრო მსუბუქი მოგეჩვენება შენი გზა.

უფალმა შეგვიმსუბუქა სათნოების ღვაწლი არა მხოლოდ მომავალი სიკეთის იმედით, არამედ - სხვა საშუალებითაც, ე.ი. თავისი მუდმივი შეწევნით.

ამბობენ, რომ ცხონება ძნელია, მაგრამ სამარცხვინოა და პატიებას არ იმსახურებს იგი, ვინც მიუხედავად ყველაფრისა ცხონებას ვერ მოიპოვებს.

წმიდა იოანე ოქროპირი

[di_onise]

ერთხელ ღირსი არსენი დიდი მძიმედ ავად გახდა. ბერებმა იგი ტაძრის საავადმყოფოში გადაიყვანეს და რბილ საწოლზე დააწვინეს.

სხვა მონასტრის ერთმა ხუცესმა მოინახულა იგი და როდესაც რბილ საწოლზე მწოლიარე იხილა, დაბრკოლდა და გაიფიქრა: „ეს არსენი დიდია? განა შეიძლება მისთვის ასეთი განსვენება?“

მაგრამ როგორც კი ასეთ რამ გაიფიქრა, იქ მყოფმა მღვდელმა ამოიცნო მისი ფიქრები, გვერდით გაიხმო იგი და ჰკითხა, თუ როგორ ცხოვრობდა ერში.

- მწყემსი ვიყავი, უკიდურეს სიღატაკესა და მწუხარებაში ვცხოვრობდი, - უპასუხა ბერმა ყოველგვარი დაეჭვების გარეშე.

- ახლა კარგად ცხოვრობ? - კვლავ ჰკითხა მღვდელმა.

- ძალიან მშვიდად, - უპასუხა მან, - ყველაფერი აუცილებელი მაქვს.

- იცოდე, - უთხრა მღვდელმა, - რომ ეს ბერი, რომელსაც ხედავ, თითქმის მეორე მამა იყო მეფის შვილებისათვის; მას ათასობით მონა ჰყავდა, რბილი და ძვირფასი საწოლი ჰქონდა; მისი სიმდიდრე დაუთვლელი იყო; ასე რომ, ერში ამდენი შრომის შემდეგ შენ აქ ისვენებ, მამა არსენი კი, ერში განსვენების შემდეგ აქ შრომობს.

ხუცესმა აღიარა თავისი შეცდომა, მღვდელს ფეხებში ჩაუვარდა და შენდობა სთხოვა, რომ თავის გულში შეურაცხყოფა მიაყენა ღირს მამას.













ერთხელ მონაზონმა ჰკითხა წმიდა მაკარის, რა გზით უნდა გადავრჩეო. მაკარიმ უპასუხა:

- წადი სასაფლაოზე და ლანძღე მკვდრები.

მონაზონი უსიტყვოდ დაემორჩილა, წავიდა და საფლავებს ლანძღვა და ქვების სროლა არ დააკლო.

- მითხარი, არაფერი უთქვამთ შენთვის მკვდრებს? - შეეკითხა მონაზონს მაკარი.

- არა, მამაო - გაოცებით უპასუხა მონაზონმა.

- ახლა წადი და ადიდე ისინი.

მონაზონი წავიდა და მრავალი კეთილი სიტყვით შეამკო მკვდრები, ადიდა ისინი როგორც მართალნი და წმინდა ადამიანები, შემდეგომ კი კვლავ დაბრუნდა მაკართან.

- რა გითხრეს მკვდრებმა? - კვლავ ჰკითხა მაკრამა მონაზონს.

- კვლავ არაფერი უთქვამთ! - უპასუხა მონაზონმა.

- ხომ ხედავ, მათ არაფერი უთქვამთ შენთვის არც მაშინ, როდესაც შეურაცხყოფდი და არც მაშინ, როცა ქება-დიდებას შეასხამდი. გახსოვდეს, თუ გადარჩენა გინდა, მიემსგავსე მკვდარს: ნუ განრისხდები, როდესაც შეურაცხგყოფენ და ნურც ამაღლდები, თუ ვინმემ შეგაქო. იყავი როგორც მკვდარი და გადარჩები.

[თამარი]

di_onise

წმიდა მაკარის სწავლების მსგავსი დღეს ხსენებულ ღირს ანუბი აღმსარებელთანაც გვხვდება.
მაგრამ სჯობს ეს აქ დავწერო. http://church.ge/index.php?showtopic=48&pi...=20&#entry99019

[geoatak]

რა კარგი საიტებია ortodoxy.ge; children.wanex.net და othodox.ge. რამდენი საინტერესო ინფორმაციაა ამ სიატებზე, ვიწერთ და ვიწერთ ცალკეულ ვებ-გვერდებს... ახლა უკვე ამ სამივე საიტის (დიახ, მთელი საიტების) გადმოწერა შეგიძლიათ. ეს ფაქტიურად რელიგიური ენციკლოპედიაა. გადმოწერეთ და თუ მოგეწონებათ, გაავრცელეთ... ცოდნა ძალაა, ეს საიტები რელიგიურ ცოდნას ნამდვილად იძლევიან. აქ არა მარტო წმინდა მამათა გამონათქვამებს, არამედ ბერ სხვა საინტერესო მასალასაც გაეცნობით.

აი ეს ლინკიც:
http://www.fast.ge/?d=E6AA96BE1

[likita]

" მე ის არ მიკვირს რომ დაეცი, მე ის მაკვირვებს რომ არ გსურს ადგომა"_ იოანე ოქროპირი.