წმინდა მამათა გამონათქვამები, გამონათქვამები, წერილები, ამონარიდები ქადაგებებიდან და ა.შ პარამეტრები

[mak]

როგორც დათესილი მარცვალი საჭიროებს წვიმას,ასევე ჩვენთვისაც აუცილებელია ცრემლთა ღვრა.როგორც მიწას ესაჭიროება მოხვნა და დაბარვა, ასევე ჩვენი სულისთვისაც აუცილებელი ყოფილა სხვადასხვა განსაცდელნი,საცთურნი და მწუხარებანი,რათა მან ღვარძლი არ აღმოაცენოს,არ გაამპარტავნდეს და სასტიკი არ შეიქმნას.საგულდაგულო დამუშავების გარეშე ხომ მიწაც არ გამოსცემს კეთილ ნაყოფს!
(წმინდა იოანე ოქროპირი)

[xornabujeli]

ჩვენ ყოველთვის რთული და ძნელი რამე გვიტაცებს და სახლის შენება გვიყვარს არა საძირკველზედ, არამედ ღრუბლებში.
წმინდა გრიგოლ ივერიელი (ფერაძე)

ვკითხულობ აქ, წმ.მამათა გამონათქვამებს, და ვხვდები, რა შორს ვარ ჭეშმარიტი ქრისტიანისაგან,ღმერთმა შემაძლებინოს იმ მინიმუმის მაინც აღსრულება,რაც აცხოვნებს კაცს.ამ მარხვაში, ერთი ნაბიჯით მაინც წაგვეწიოს წინ სულიერებაში.მოკლედ, ჩემს თავსაც და თქვენც ცხოვნებას გისურვებთ.
ღმერთს ებარებოდეთ!

[mak]

ურწმუნოება იქიდან იშვება, რომ ჩვენ ადამიანური დიდება გვწყურია./იოანე წინასწარმეტყველი/

xornabujeli
+1

გააკეთე ის, რის ქმნასაც სიკვდილის წინ ისურვებდი./მიტროპოლიტი ფილარეტი/

[T.L.]

უბედურია ყოველი სული, რომელიც სიყვარულით ემსჭვალვის იმას, რაც მოკვდავია. რადგან ამ უკანაკნელის დამკარგავს სიცოცხლე აუტანელ ტანჯვად ექცევა. სწორედ მაშინ გრძნობს მთელი სიმძაფრით თავზარდამცემ უბედურებას, თუმცა უბედური იყო მანამდეც, ვიდრე თავისი სიყვარულის საგანს დაკარგავდა.

ნეტარი ავგუსტინე

[mak]

თუკი ხედავ,რომ მართალს ბოროტი აღსასრული მოევლინა,ნუ დაეცემი სულიერად,რადგან უბედურება ბრწყინვალე გვირგვინს უმზადებს.ღმერთი ზოგიერთებს მიწაზევე სჯის,რათა იმქვეყნიური სასჯელი შეუმსუბუქოს ან სრულიად გაათავისუფლოს მისგან.როდესაც ხედავ,რომ ვიღაც ხომალდთან ერთად დაინთქა ზღვაში,სახლის ნანგრევებში მოყვა,მდინარეში დაიხრჩო ან სხვაგვარი მძლავრებით აღესრულა,სხვები კი მასავით ან მასზე მეტად სცოდავენ და ცოცხლები და უვნებელნი არიან,ნუ შეშფოთდები და ნუ იტყვი- ერთნაირად შემცოდენი რატომ ერთნაირადვე არ დაიხოცნენ? ღმერთი ზოგიერთს სხვისი ხელით სიკვდილს მოუვლენს,რათა იმქვეყნიური სასჯელი შეუმსუბუქოს,ან მის ცოდვილ ცხოვრებას წყვეტს,რათა უსჯულოების გამრავლებით უფრო დიდი სასჯელი არ დაიმსახუროს.სხვას კი ამგვარ სიკვდილს არ უგზავნის,რათა პირველის მაგალითით განსწავლული,გამოსწორდეს.თუკი ისინი არ სწორდებიან,დამნაშავეა არა ღმერთი,არამედ მათი უზრუნველობა.
(წმინდა იოანე ოქროპირი)

[xornabujeli]

ვინაიდან,ახლა პეტრე-პავლობის მარხვის ჟამი გვიდგას ძვირფასო თანა-ფორუმელებო,უმეტესწილად დავწეროთ მარხვასა და თავშეკავებაზე წმ. მამა გამონათქვამები.

მარხვა და ლოცვა განუყრელნი არიან.
წმ. ნილოს სინელი


მარხვა სხეულისა საზრდელია სულისა.
წმ. იოანე ოქროპირი


რამდენადაც ჩვენ მარხვა არ დავიცავით, განგდებული ვიქმენით სამოთხიდან. ვიმარხულოთ, რათა დავბრუნდეთ.
წმ. ბასილი დიდი



როგორც დასაბამი ნაყოფისა არის ყვავილი, ისე დასაბამი მოღვაწეობისა არის მარხვა.
წმ. მაქსიმე აღმსარებელი


რომელიც სძლევს მუცელს, იგი მოაუძლურებს ვნებას, და რომელიც ჭამისაგან იძლევა, იგი აღაღორძინებს ბოროტ გულისთქმას.
წმ. მაქსიმე აღმსარებელი



გადამეტებული საკვები სხეულს მეტისმეტად გადატვირთულ ხომალდს ამსგავსებს, რომელიც ტალღების მცირეოდენ მოძრაობაზეც კი ფსკერზე ეშვება.
აბბა ლეონტი


დაიმორჩილე სტომაქი, სანამ მას არ დაუმორჩილებიხარ.
წმ. იოანე კიბისაღმწერელი

[mak]

ვინც მწირის მსგავსად არ მწუხარებს და იურვებს ამქვეყნად,ის ვერ გახდება ცათა სასუფევლის მოქალაქე.


ღმერთი არ დაუშვებს,რომ ჩვენ განუწყვეტლივ შეჭირვებაში ვიყოთ ამქვეყნად, რათა სასო არ წარგვეკვეთოს.ამასთან,არც იმას დაუშვებს,რომ გამუდმებით კეთილდღეობითა და სიხარულით ვგიებდეთ,რათა არ დავეცეთ.(ნეტარი ავგუსტინე)
როგორი საწყლები ვართ ჩვენ,როდესაც თავს ვიტვირთავთ ცხოვრებისეული საზრუნავებით!

[-tamar-]

წმინდა იოანე კრონშტადტელი
დარიგებები სამღვდელო პირებს:

"როცა ლოცვისას ან ლოცვის გარეშეც გული ურწმუნოებით ან ეჭვებით გეტანჯება, იცოდე, რომ ძველისძველი კაცისმკვლელი (ეშმაკი) გწვევია, თვითონ გულის ტაჯვაც იყოს შენთვისმტკიცებულება იმისა, რომ რაც გეეჭვება-ჭეშმარიტებაა."

"ყოველთვის გახსოვდეს, რომ ლოცვისას გხედავს და გისმენს ღმერთი და მისი ყოვლადწმინდა დედა; შემდეგ წარმოიდგინე რომ გისმენენ ისეთი ყოვლადსახიერი არსებები, რომლებიც შენთვის წყალობას აუცილებლად გაიღებენ, თუ მათ გულით ევედრები".

"როცა რაიმეს სთხოვთ კეთილ და მოწყალე ადამიანს, თხოვნის წარმოთქმისაც კი ფიქრობთ, რადგან ის ასეთი კეთილი და მოწყალეა, აუცილებლად შეგისრულებთ სათხოვარს. აუცილებლად ასე უნდა მოიქცეთ, როცა ლოცვით ევედერბით უფალ ღმერთს და როცა თქვენი სათხოვარი ღირსეულია. ღმერთი განა არ აღასრულებს თქვენ სსამართლიან სათხოვარს? ითხოვდეთ, -ამბობს მაცხოვარი, - და მოგეცეს თქვენ (მათე 7,7; ლუკა 11,9) ადამინური მოწყალება მხოლოდ სუსტი აჩრდილია ღვთის მოწყალებისა: უკუეთუ თქვენ უკეთურთა ... (მათე 7, 11)

(წყარო ჟურნალი კარიბჭე)

[marine]

"წმინდანთა დასი გაიყოფა ორ ნაწილად - შეწყალებულებად და განწმენდილებად.

ისინი სხვადასხვა გზით მივიდნენ ცათა სასუფეველში.

შეწყალებულები სინანულის გზით მივიდნენ, განწმენდილებს კი განუწყვეტელი ლოცვით ურთიერთობა ჰქონდათ ღმერთთან და უკვე მაშინ, მიწიერ ცხოვრებაში სულიწმინდის მადლით იყვნენ განწმენდილნი. ისინი ხორცშესხმული ანგელოზებივით ცხოვრობდნენ!"

/სქემიღუმენი საბა (ოსტაპენკო)/

[GODZILLA]

ეს თემა ყველაზე ძალიან მომწონს.... ყოველდღე წავიკითხავ ამ სიტყვებს ...................

[mak]

რწმენა იმაში მდგომარეობს, რომ თავმდაბლობითა და მოწყალებით იცხოვრო./წმ. პიმენი დიდი/

[N10a_16]

თუკი ვინმე ქრისტიანთაგან მოწყალებას არ გასცემს, იგი საუფლო საქორწინო პალტთა მიღმა დარჩება და დაიღუპება. ამიტომ ხელნიცა შენნი ოდენ ზეცისაკენ კი არა, ღარიბ-ღატაკთა შესაწევნელდაც განიპყარ!
წმ. იოანე ოქროპირი

[mak]

მოიპოვე სულიერი სიმშვიდე და შენს გარშემო სხვებიც გადარჩებიან./წმ. სერაფიმე საროველი/

[mak]

ნუ ეცდები ღვთის ღრმად გამოკვლევას, უფრო მეტად ეცადე, მიემსგავსო მას.”

წმ. გრიგოლ ღვთისმეტყველი

[T_a_M_o]

მრავალნი ვუწოდებთ ჩვენს თავს ცოდვილს და შესაძლოა ასეც ვფიქრობდეთ, მაგრამ გულის სიმდაბლეს სხვებისგან მიყენებული შეურაცხყოფა გამოცდის.
წმ. იოანე სინელი

[qalbatonimrcheveli]

''დედა ბავშვის გაჩენით პირველ რიგში სამყაროს ადამიანს მატებს.ამის შემდეგ იგი მოვალეა,მისი სახით ზეცას ანგელოზი აჩუქოს.''-წმ.იოანე ოქროპირი.

[T_a_M_o]

კაცი, რომელიც იქადის თავის სათნოებითა, ამით ამტკიცებს, რომ მას არა აქვს ჭეშმარიტი სათნოება. შინაგანი გულის კმაყოფილება არის ნიშანი მისი უგუნურებისა.
წმინდა გაბრიელ ქიქოძე

[Маиа]

Авва Агафон, когда у него возникал помысел осуждения говорил: " Агафон, не делай этого"...........
Больше думайте не о том, как говорить, а о том, что говорить. Чтобы ваши уста всегда прославляли Бога, чтобы Ваши слова несли мир и утешение близким и окружающим Вас людям.
Старайтесь, насколько это возможно, быть незаметными для других.
Старец Паисий Святогорец

[T_a_M_o]

რა წყენაც არ უნდა შეგემთხვეს, რა უსიამოვნებაც არ უნდა შეგხვდეს, თქვი: „ამას იესო ქროსტესთვის დავითმენ!“ მხოლოდ თქვი ეს და მაშინვე გულზე მოგეშვება, რამეთუ იესუ ქრისტეს სახელი ძლიერია. მასთან ყოველგვარი უსიმოვნება წყნარდება, დემონები ქრებიან. დაწყნარდება შენი გულისტკენაც, შენი სულმოკლეობაც დამშვიდდება, როდესაც მის უტკბილეს სახელს გაიმეორებ.

ღირსი ანტონ ოპტინელი

[anamaisi]

"Lord Jesus, please, be my heavenly bridegroom."
ძალიან მაინტერესებს ვინმემ, უფრო ჩახედულმა მართლმადიდებლურ საკითხებში განმიმარტოს ამ სიტყვების არსი და მნიშვნელობა, რომელი წიგნიდანაა, ვისი ნააზრევია და ასე შემდეგ. მე მითხრეს , რომ ეს მკრეხელობაა და ცოდვილი მოკვდავი ამას არ უნდა შესთხოვდეს უფალს.