წმინდა მამათა გამონათქვამები, გამონათქვამები, წერილები, ამონარიდები ქადაგებებიდან და ა.შ პარამეტრები

[George Leluashvili]

GIORGI LELUASHVILI
ჩვენს ერთ-ერთ საუბარში ახსენე ასეთი რამ:,,მართლმადიდებლობის ერთ-ერთ ბურჯს-იოანე ოქროპირს შეეშალა მეორედ მოსვლის დრო."
მაშინ შევთანხმდით,რომ როდესღაც გავაგრძელებდით ამ საუბარს,ხოდა ეხლა გეკითხები:
რას ეყრდნობა ან რომელი წყაროები გვიდასტურებენ ამას?
(ასეთი რამე მე შენამდე არ გამიგია და თუ გამარკვევ კარგი იქნება)

ეს მთელმა მართლმადიდებლურმა სამყარომ იცის, ძალიან ცნობილი ფაქტია
ეს თვითონ იოანე ოქროპირს უწერია თავის მერვე ტომში, სადაც მეორედ მოსვლას V-VI საუკუნეებში ვარაუდობს.

მაგრამ ეს არ ნიშნავს რომ წმ.მამებს არ უნდა ვენდოთ ამ ერთი შეცდომის გამო.
საქმე იმაშია, რომ ეს შეცდომა მე არ მაბრკოლებს სულის ცხონების გზაზე.
მრავალ ადამიანს (არამართლმადიდებელს) იმის დასამოწმებლად, რომ წმ. მამები ვითომ არაღვთივსულიერნი იყვნენ, ეს ფაქტი მოყავთ ხოლმე, მაგრამ განა შეიძლება მთელი წმ. მამათა სწავლებები, მთელი მათი ნამოღვაწევი ამ ერთი შეცდომის გამო უარვყოთ?
არამც და არამც!
ეს არც არაფერს ნიშნავს და არც არაფერს ამტკიცებს.

[A.V.M]

დაბრკოლება რა შუაშია მე უბრალოდ მაინტერესებდა სად წერია.
შევეცდები ეგ წიგნი მოვიძიო/

[georgios]

ეკლესიის მამების მიერ დაცული პრინციპი, რომელიც უზომოდ მიყვარს და ქრისტიანული ზნეობის ქვაკუთხედია:

ჭეშმარიტი თავმდაბლობა საკუთარ თავს თავმდაბლად ვერ ხედავს.

[-ი ბ ე რ ი ე ლ ი]

"სიკვდილამდე იბრძოლე ჭეშმარიტების დასაცავად. ნუ მეტყვი გულგრილად, რომ შენი საქმე არაა უზნეოთა გამოსწორება; ნუ მეტყვით, რომ არაფერი გვაქვს მათთან საერთო, იმიტომ რომ ეს არის სატ-ანური არაადამიანურობა. ერთი მგზნებარე ადამიანიც კი საკმარისია, რომ გამოასწოროს მთელი ქალაქი. მრავალთა დაღუპვა და სულიერი დაცემა მხოლოდ ჩვენი უდარდელობის ბრალია და არა სისუსტისა". წმ. იოანე ოქროპირი

მტერმა გამოიგონა წვალებანი და განხეთქილებანი, რათა დაამხოს სარწმუნოება, თვით ქრისტეს სახელით აცდუნოს გაუფრთხილებელნი, დაამახინჯოს ჭეშმარიტება, დაარღვიოს ეკლესიის ერტიანობა. თვით ეკლესიიდან იტაცებს ადამიანებს და სწორედ მაშინ, როდესაც ისინი უახლოვდებოდნენ ნათელს... ჰგონიათ, თითქოს ნათელში ვლენან და ღამის წყვდიადში კი დაეხეტებიან. ასეთია მტრის მანქანება, რომელიც მოციქულის თქმით, გარდაისახება "ანგელოსად ნათლისა" (2 კორ. 11, 14) და თავის მსახურებს ნათლის მსახურებად წარმოადგენს. ისინი კი... ტყუილს სიმართლედ აცხადებენ და დახვეწილი მზაკვრობით განაქარვებენ ჭეშმარიტებას. ეს იიმიტომ ხდება, საყვარელო ძმეობ, რომ არ მიმართავენ ჭეშმარიტების საწყისს, არ ეძიებენ მის სათავეს, არ იმარხავენ ზეციური მოძღვრის სწავლებას. განა შეუძლია მას, ვინც არ იცავს ეკლესიის ერთიანობას, ჩათვალოს, რომ სარწმუნოებას იცავს?
წმ. კვიპრიანე კართაგენელი

[terra]

-ი ბ ე რ ი ე ლ ი

კარგი ხარ.

[nk44]

-ი ბ ე რ ი ე ლ ი[b]

გაიხარე მიხარია რომ აქ უკვე მეორე პოსტს ვხედავ შენსას.

[George Leluashvili]

"არ ვაქებ ჩვენში არსებულ არეულობასა და უწესრიგობას. ჩვენს დროში იქმნება იმის საშიშროება, რომ ყველაზე წმინდა ხარისხი ყველას დასაცინი გახდეს, რადგან წინამძღვრობა უკვე ქველი საქმეებით კი არ მოიპოვება, არამედ ხერხით, ხრიკით... სამღვდელო ხარისხისთვის ყოველგვარი მომზადების გარეშე... ერთ დღეში აგვყავს ისინი წმინდანთა ხარისხში და სიბრძნეს ვთხოვთ მათ, ვისაც არაფერი უსწავლიათ და თვითნებობის გარდა არაფერი შეუძლიათ, როდესაც სამღვდელო ხარისხს ღებულობენ. ასეთი მღვდელი ფიქრობს, რომ ძალაუფლების მიღებასთან ერთად ბრძენიც გახდა - იმდენად ცუდად იცნობს საკუთარ თავს, იმდენად წაართვა ძალაუფლებამ აზროვნების უნარი".

წმ. გრიგოლ ღვთისმეტყველი

[terra]

"არ ვაქებ ჩვენში არსებულ არეულობასა და უწესრიგობას. ჩვენს დროში იქმნება იმის საშიშროება, რომ ყველაზე წმინდა ხარისხი ყველას დასაცინი გახდეს, რადგან წინამძღვრობა უკვე ქველი საქმეებით კი არ მოიპოვება, არამედ ხერხით, ხრიკით... სამღვდელო ხარისხისთვის ყოველგვარი მომზადების გარეშე... ერთ დღეში აგვყავს ისინი წმინდანთა ხარისხში და სიბრძნეს ვთხოვთ მათ, ვისაც არაფერი უსწავლიათ და თვითნებობის გარდა არაფერი შეუძლიათ, როდესაც სამღვდელო ხარისხს ღებულობენ. ასეთი მღვდელი ფიქრობს, რომ ძალაუფლების მიღებასთან ერთად ბრძენიც გახდა - იმდენად ცუდად იცნობს საკუთარ თავს, იმდენად წაართვა ძალაუფლებამ აზროვნების უნარი".

წმ. გრიგოლ ღვთისმეტყველი

ესე იგი, ადამიანი არ იცვლება.
ასეა XXI საუკუნეში. ასე იყო ადრეც.

[George Leluashvili]

terra

ესე იგი, ადამიანი არ იცვლება.ასეა XXI საუკუნეში. ასე იყო ადრეც.

დღევანდელობას განსაკუთრებით შეესაბამება ეს სიტყვები.

[უჩა]

წმინდანების რიცხვი ყოველთვის ცოდვილთა რიცხვისგან მრავლდება.

ნეტარი ავგუსტინე

თუნდაც საკუთარი თვალით დაინახო მცოდველი, ნუ განიკითხავ, რადგან ხშირად თვალებიც ცდებიან.

წმ. იოანე სინელი

ნუ განიკითხავ მოყვასს: შენთვის ცნობილია მისი ცოდვა, ხოლო სინანული უცნობია.

ღირსი აბბა დოროთე

[აკაკი]

ბერი ვინმე მივიდა მკურნალისა მიმართ და ჰკითხა: გაქვსა შენ მცენარე რაიმე მკურნები ცოდვათა?

ხოლო მკურნალმან ჰრქუა მას: მოვედ და მიიღე ძირი მორჩილებისა, ფურცელი (ე.ი ფოთოლი)
მოთმინებისა, ყვავილი სიწმიდისა, ნაყოფი კეთილთა საქმეთა, დანაყე ფიალასა
შინა მდუმარებისასა, და განსცერი საცრითა გულისხმის-ყოფისათა, და შთაყარე
ჭურჭელსა სიმდაბლისასა, დაასხ წყალი ცრემლთაგან მლოცველობისათა, აღაყინე
ცეცხლითა საღმრთოისა სიყვარულისათა, განაგრილე მარხვითა, დაამარილე
ძმათ-მოყვარებითა, და იხმიე კოვზითა სინანულისათა, და ესრეთ ყოველისა ამის
აღმსრულებელი განკურნებულ იქმნების უკუნისამდე!

[George Leluashvili]

ბერი ვინმე მივიდა მკურნალისა მიმართ და ჰკითხა: გაქვსა შენ მცენარე რაიმე მკურნები ცოდვათა?

ხოლო მკურნალმან ჰრქუა მას: მოვედ და მიიღე ძირი მორჩილებისა, ფურცელი
მოთმინებისა, ყვავილი სიწმიდისა, ნაყოფი კეთილთა საქმეთა, დანაყე ფიალასა
შინა მდუმარებისასა, და განსცერი საცრითა გულისხმის-ყოფისათა, და შთაყარე
ჭურჭელსა სიმდაბლისასა, დაასხ წყალი ცრემლთაგან მლოცველობისათა, აღაყინე
ცეცხლითა საღმრთოისა სიყვარულისათა, განაგრილე მარხვითა, დაამარილე
ძმათ-მოყვარებითა, და იხმიე კოვზითა სინანულისათა, და ესრეთ ყოველისა ამის
აღმსრულებელი განკურნებულ იქმნების უკუნისამდე!

მაგრად მომეწონა, დიდებულია.

[kent5]

გველი იშორებს სიბერეს და ჩვენ ვერ განვიშორებთ ცოდვას? წმ.კირილე იერუსალიმელი

დაუდევრად მცონარებით აღვლენილი ლოცვა-ვედრება ფუჭადმეტყველებაა. წმ.ანტონ დიდი

[აბდალა]

http://library.iliauni.edu.ge/ilib/node/18

[George Leluashvili]

http://library.iliauni.edu.ge/ilib/node/18

როგორ უნდა გადმოვწერო?

[mekaje]

http://sibrdzne.ge/ ამ საიტზე ნახავთ წმინდა მამების დარიგებებს

[George Leluashvili]

რა არის ქრისტიანობა? როგორ უნდა დარჩე ქრისტიანად დღევანდელ დღეს? ერთი შეხედვით ქრისტიანობა თითქოს ძალიან ადვილია. მთავარია იყო ქრისტეს მოწაფე და მეგობარი. ეს ორი ცნება თითქოსდა ერთი და იგივეა, მაგრამ მათ შორის განსხვავება ნამდვილად არის.
ერთის მხრივ, ჩვენ, ქრისტეს მოწაფეებმა და მიმდევრებმა სახარებიდან უნდა ვისწავლოთ, რაც სწამს თვით ქრისტეს და რასაც ის გვასწავლის. მე ტყუილად როდი ვამბობ „რაც მას სწამს“. ერთხელ მოსკოვში ერთმა ახალგვაზრდა ოფიცერმა მკითხა:
- თქვენ კი გწამთ ღმერთი, მაგრამ თვით ღმერთს რისი სწამს?
- ადამიანისა. – ვუპასუხე მე.

მიტროპოლიტი ანტონ სუროჟელი

[აბდალა]

George Leluashvili

როგორ უნდა გადმოვწერო?

გაუქმებული ყოფილა ლინკები.

[აკაკი]

ბერი ფილოთეოს ზერვაკოსი დღევანდელი დღის თეოლოგებზე (ღვთისმეტყველებზე)

ბერმა ფილოთეოს ზერვაკოსმა თქვა:

დღეს მე ვხედავ მრავალ სწავლულ თეოლოგს და მეცნიერს, მაგრამ ერთს ბასილი დიდს, ერთს გრიგოლ ღვთისმეტყველს, ერთს ღვთაებრივ ოქროპირს, ერთს ათანასე დიდსაც ვერ ვხედავ. ეს მარად სახსოვარი და ყოვლად ღირსეული მამები, იმდენად, თავიანთი სამეცნიერო განათლებისათვის არ იყვნენ ქებულნი, რამდენადაც თავიანთი სათნოებებისათვის. ნუთუ გამორიცხავ შესაძლებლობას, რომ დღეს გახდე უკეთესი, მშვენიერი და სათნო? ან იქნებ დღეს ღმერთი არ იძლევა თავის მადლს და წყალობას ისე, როგორც ძველ დღეებში? არა. იესო ქრისტე იგივეა გუშინ, დღესაც და საუკუნოდ. ის აძლევს თავის მადლს და წყალობას მებრძოლთ და შეუდრეკელთ.

ახალი გერონტიკონიდან (ბერძნული), პრესვიტერი დიონისე ტატსისი.

[აკაკი]

"ურწმუნო ყველაზე უიღბლო, უბედური და სამწუხარო პრიოვნებაა კაცთა შორის; იმიტომ, რომ ის უარყოფს ერთადერთ უძვირფასესს ამ სამყაროში - რწმენას, რომელიც ერთადერთი ჭეშმარიტი წინამძღოლია სიკეთისა და ბედნიერებისაკენ. დიდად სამწუხაროა ურწმუნო, რადგან მან უარყო იმედი და სასოება, ერთადერთი და მუდმივად მხარდამჭერი, გვერდში მდგომი ცხოვრების გზაზე. დიდად უბედურია ურწმუნო, რადგან იგი კარგავს ჭეშმარიტ სიყვარულს ხალხისას, რომლებიც გარსეხვევიან მის შეწუხებულ, მშფოთვარე გულს. ურწმუნო უბედურია იმიტომ, იგი უარყოფს ღვთაებრივ სილამაზეს და ღვთაებრივ მსგავსებას შემოქმედისადმი. ისაა სილამაზე, რაც ღვთაებრივმა შემოქმედებამ ამოტვიფრა ჩვენს გულებზე და რომელიც ჩვენმა რწმენამ გამოგვიცხადა და გამოავლინა ჩვენთვის.

ურწმუნოს თვალი, ბუნების ძალების გარდა, ვერაფერს ხედავს სხვას ამ ხილულ შესაქმეში (ე.ი სამყაროში). მისთვის ბრწყინვალე ხატი წმიდა შემოქმედისა და მისი გასაოცარი სილამაზე დაფარული და უცნობი რჩება. მისი ხედვა უზარმაზარი, თვალუწვდენელი სამყაროს გარეთაა. იგი ვერ ხედავს ვერსად სამყაროს სილამაზეს. იგი ვერ პოულობს სილამაზეს ღვთის სიბრძნისას. მას არ აცვიფრებს და არ აკვირვებს ღვთის ძლიერება. იგი ვერ ამჩნევს სიკეთეს ღვთისას; ღვთაებრივ წინასწარმცოდნეობას, სამართალსა და სიყვარულს შემოქმედისას ქმნილებისადმი. მისი გონება ვერ სცდება ფიზიკურ სამყაროს. ვერც იმას შეძლებს, რომ გასცდეს თავის გრძნობების სამეფოს. მისი გული უგრძნობი რჩება ღვთის სიბრძნისა და ძლიერების სახის წინაშე. არის ისე, რომ არ აძლევს თაყვანისცემის არანაირ გრძნობას საწყისს. მისი ბაგეები ბეჭედდასმული და დალუქული რჩება. პირი მისი უძრავია. მისი ენა დამქანცავი, მოსაწყენი და დამღლელია. მოსაწყენი და დამღლელია მისი შფოთვა, ალიაქოთი და უწესრიგობა. მისი შფოთვა ტკივილია და მისი ტკივილი უიმედობა და სასოწარკვეთილებაა. ეს ყველაფერი იმიტომ, რომ მოინუსხა მისი ყურადღება, გულისყურიანობა და ზრუნვა, დაკარგა რა თავისი მადლი. რადგან ყველანაირი ”სიხარული” და სიამოვნება ცხოვრებისა, რომლებიც გამოეცადა მას, შეუძლო და უუნარო აღმოჩნდა იგი ბედნიერი გაეხადა."

(ამონარიდი) - წმ. ნექტარიოს ეგინელი

----------------------------------------------------------

”რას ამბობენ ათონელი ბერები ბოლო ჟამის შესახებ?

სხვათაშორის ჩვენს დროში ეს ანტიქრისტეზე საუბარს ნიშნავს. სატანა უტევს მარცხნიდანაც და მარჯვნიდანაც: ის ურჩევს ადამიანს ან არ იზრუნოს უკანასკნელი ჟამისათვის, ან ცდილობს დააჯეროს ის, რომ უკანასკნელი ჟამი ხვალ მოვა. ხალხი ფიქრობს ბოლო ჟამის დღეებზე, ეშინიათ ყველაფრის და ასე მხოლოდ სულიერად ზიანდებიან. ნამდვილმა, ჭეშმარიტმა ქრისტიანმა უნდა იზრუნოს თავისი სიკვდილის დროზე - ჩვენი სიკვდილია ჩვენთვის ეს "უკანასკნელი ჟამი". იყავით ერთგულნი ჩვენი უფლის იესო ქრისტესი და ეკლესია, რომელიც ტრადიციის შემნახველია, მოგცემთ ინფორმაციას ანტიქრისტეზე, და რაც მთავარია, ის ერთადერთია, რომელიც გვეტყვის რა უნდა გავაკეთოთ.”

- ვატოპედის მონასტრის წინამძღვარი არქიმანდრიტი ეფრემი