წმინდა მამათა გამონათქვამები, გამონათქვამები, წერილები, ამონარიდები ქადაგებებიდან და ა.შ პარამეტრები

[აკაკი]

ბერმა თქვა:

– შვილო, ვერ აგიწერ იმ სიამოვნებას, რომელსაც ჩემი გული განიცდიდა, როცა ადამიანები უსამართლოდ მექცეოდნენ. ვგრძნობდი, რომ ქრისტეს ყვედრების სამოსელით ვიმოსებოდი.

ათონური გერონდიკონიდან

[marine]

"მოკვდავთა შორის არ არსებობს ადამიანი, რომელიც დაიკვეხნიდა, რომ მან ცხოვრების გზა მძიმე განსაცდელების გარეშე გაიარა."

წმ. გრიგოლ ღვთისმეტყველი

[lingvo]

ოჰ, რა იოლია სიმდაბლის გზა! ასკეტური შრომის გარეშეც, სნეულებისას თავის დამდაბლებით, თავის განკითხვით და ღვთისადმი მადლიერებით ადამიანს შეუძლია მაღალ სულიერ საზომს მიაღწიოს და ძეობის სიხარული შეიგრძნოს! და პირიქით, როცა ადამიანი ასკეტურად იღწვის და ვერ აცნობიერებს საკუთარ სნეულებას, უძლურებასა და უბადრუკებას, მაშინ მისი ღვაწლი ჯილდოს გარეშე ბრძოლა, უსასყიდლოდ დაღვრილი ოფლი და უიმედო გზაა.

ბერი ეფრემ ფილოთეველი; მამობრივი დარიგებანი.

ღმერთი, ბრძოლა რომ ასწავლოს, განსაცდელებს უშვებს მათზე, ვისაც ის უყვარს. როცა ღვთის მადლი განგვეშორება, მაშინ განსაცდელთა ღრუბელი წამოიშლება და ადამიანი იქამდე მიდის, რომ ამბობს: „ღმერთმა დამტოვა!“ ათასობით გულისსიტყვა, სულის ხუთვა, ყველგან წყვდიადი და დაცემაა!

ყოველივე ამას წმინდა სიბრძნე, ღმერთი განაგებს და ვსწავლობთ, რომ მხოლოდ მას ძალუძს ჩვენი ხსნა, ღვთის გარეშე კი ყველა ჩვენი საქმე თივა და ნაგევია; როგორც კი განსაცდელის სუსტი ნიავი დაუბერავს, ყველაფერი მაშინვე იფანტება და ცხადი ხდება, რომ დაჟანგული საგნები ვართ და არც ძალა და უნარი გაგვაჩნია, რომ ღვთის მადლის შეწევნის გარეშე რაიმე განსაცდელს აღვუდგეთ წინ.

ამგვარად, ღვთის განგებულების მადლით საკუთარი თავის შემეცნების გაკვეთილს ვიღებთ – ჭეშმარტ სიმდაბლეს – გააზრებულს, მყარს, საფუძვლიანს, რომლის გარეშეც შეუძლებელია სულიერი სახლის აშენება. უფალი ჯერ უიმედობამდე მიგვიშვებს, რომ იძულებულნი გავხდეთ მას მოვუხმოთ საბრალო გოდებით, რადგან ამ ძახილით განიწმინდება ჩვენი ბაგე და გული.

ყველაფერ ამას განსაცდელები იწვევს. მართალია, უნდა ვილოცოთ, რომ ღმერთმა განსაცდელისგან დაგვიფაროს, მაგრამ როცა ის თავს დაგვატყდება, საჭიროა მოთმინებითა და სიბრძნით ავიტანოთ, სარგებელი რომ ვნახოთ. მაშ ყველაფერი მოითმინე და ასე გადარჩები.

ბერი ეფრემ ფილოთეველი; მამობრივი დარიგებანი.

[A.V.M]

lingvo
ვა.....
რა კაცი...

[marine]

lingvo

ვახო, ძალიან მომენატრე!!!!!!!!!! დაპოსტე ხოლმე

[marine]

"სიყვარულის მთავარი იარაღი ორი სასწაულმოქმედი სიტყვაა - "მაპატიე" და "გმადლობთ", ისე არაფერი ასულდგმულებს ამ გრძნობას, როგორც მიტევება და მადლიერება."

/ბერი ერმოლაოსი (ჭეჟია)/

[†სერგი†]

ხსნა (ცხონება) არა "საკუთარ თავში და საკუთარი თავის მიერ" აღესრულება, როგორც კაცობრივი მოძღვრებანი ამტკიცებენ, არამედ ღმრთის მიერ და ღმერთში.

/წიგნიდან: ერთი ღამე მთაწმიდის უდაბნოში/

[marine]

„მსგავსი პოულობს მსგავს. ადამიანი ვერ იპოვის – არ შეუძლია იპოვოს ღმერთი, თუ ცოტათი მაინც არ ცდილობს მას მიბაძოს და მიემსგავსოს“

/დეკანოზი თეოდორე (გიგნაძე)/

[marine]

წმინდა სერაფიმე ვირიცელი (+1949) ასწავლიდა სულიერ შვილებს:

"დაკარგავ რამეს - ნუ შეწუხდები, იპოვე ან მოგცეს რამე - ნუ იხარებ უზომოდ, ყველაფრისთვის მადლობდე უფალს".



"მოვიდა კეთილდღეობა - მადლობდე უფალს და კეთილდღეობა მყარი იქნება.
მოვიდა უბედურება - მადლობდე უფალს და იგი დასრულდება".


/წმ. იოანე ოქროპირი/

"უნდა ვმადლობდეთ უფალს, როცა სიკეთეს გვანიჭებს და არ დავკარგოთ მოთმინება, როცას ამას არ აკეთებს, ან უხვ წყალობას არ გვანიჭებს".

/წმ. ბასილი დიდი/

"ქუთაისელი მიტროპოლიტი ნაომი (ვაჭრიძე, +1969) ასწავლიდა:

მოყვასს უსათუოდ უნდა მისცე სიყვარულის, პატივისცემის, მადლობის გამოხატვის საშუალება, რაც უნდა უმნიშვნელო ძღვენი მოგართვას, თქვენთვის ზედმეტი და უსარგებლო, იმგვარი სიამოვნებით უნდა მიიღო, პირუკუ მიანიჭო სიხარული მომკითხველს, რამეთუ ღმერთი იყო კაცი, ადამიანიც ღვთიურია ბუნებით.

ადამიანში უნდა ეძიებდე კაცს და ჰპვებდე ღმერთს."




"ორი საიმედო ხერხი ვიცი, რომლითაც შეგიძლია გაღარიბდე. ესაა: ქურდობა და კვირა დღეს მუშაობა."

[marine]

"როგორც ფუტკარს ბოლი და მტრედს მყრალი სუნი, ისე განდევნის ჩვენი ცხოვრების დამცველს ჩვენი დაოსებამდე სატირალი ცოდვის სიმყრალე".

/წმ. ბასილი დიდი/

[marine]

"სიმართლე ისეთი ზღუდე და კლდეა, რომელიც ყველა ისარს ისხლეტს და ავისმდომელთა სურვილებს ამსხვევს."


"ჩვენ გარშემო ქცევის სამი ძირითადი ნორმა დავიცვათ: ვიცხოვროთ სიწმინდით, სიმართლითა და ღმრთის მსახურებით."

[marine]

"დაე, თითოეულმა, ახალგაზრდა იქნება თუ ხნიერი, გამოიკვლიოს, ყოველ წუთს, დღისით თუ ღამით, ხომ არ აკეთებს, ამბობს ან ფიქრობს რაიმეს ისეთს, რაც არ მოსწონს უფალს ჩვენსას".

/დიდი ათონელი ბერი, იოსებ ისიქასტი/

[iohanan]

ყველამ, ვინც სოფლის საქმეები დაუტევა, ეს ან მრავალი ცოდვის ქმნის შემდეგ ან უფლის სასუფევლის მოსახვეჭად ან ღვთისადმი სიყვარულით მოიმოქმედა. თუ ამ სამიდან რომელიმე არ იყო მათი წინამძღოლი, მაშინ უგუნურებაა მათი განშორება სოფლიდან. თუმცა, რის გამოც არ უნდა იყოს აღსრულებული ეს საქმე, ჩვენი ყოვლადკეთილი მეუფე მოელის, თუ დასასრული როგორი ექნებათ.
ღირსი იოანე სინელი

სქემ იღუმენი საბა
30 ქველის საქმე

1. სიმართლე იხსნის სიკვდილისაგან.

2. სადაც სიყვარულია, იქ ღმერთია.

3. შრომა ხორცისათვის მაქებარია, სულისათვის ცხონებაა.

4. მორჩილება – უმოკლესი გზაა გადარჩენისათვის.

5. სიმდაბლე – ამისი სატანას ეშინია.

6. თავშეკავება – თვით აღასრულებს ყველა მცნებას.

7. არ განკითხვა – უშრომელად გადარჩენაა.

8. გამოძიება – ყველა სათნოებაზე მაღლა დგას.

9. მონანიება – სიხარულია ღვთისა და ანგელოზების.

10. მარხვა ლოცვასთან ერთად ღმერთთან აერთებს.

11. მოწყალება თვითონ ღმერთის საქმეა.

12. ვინც გაჭირვებულს ეხმარება, მასში თვით იესო ქრისტეა.

13. ვინც მოთმინებით ატარებს მძიმე ტვირთს, ასრულებს მკაცრ მორჩილებას, მას თვითონ იესო ქრისტე უტვირთავს.

14. ვინც დამწუხრებულ მოყვასს ნუგეშს სცემს, ის მორჩილებით ეამბორება იესო ქრისტეს.

15. ვინც მოყვასს თავისზე უკეთეს საჭმელს მიართმევს, ის კვებავს ქრისტეს კეთილი საკვებით.

16. ვინც მოყვასის ცოდვებზე ტირის და ითხოვს მათ პატიებას, ის ფეხებს ბანს იესო ქრისტეს.

17. ვინც წმინდა ნაწერებს კითხულობს, ის იღებს თავის სულიერ სახლში იესო ქრისტეს.

18. ვინც ათხოვებს ღვთივკურთხეულ წიგნებს მოყვასს წასაკითხად, იგი სასიამოვნო საკვებს მიართმევს იესო ქრისტეს.

19. ვინც განეშორება უქმ სიტყვებს, ის ეზიარება ქრისტეს ტრაპეზს.

20. ვისაც არ სურს მოისმინოს გმობა და განკითხვა თავის ძმაზე, იგი აძევებს ეშმაკს თავისი სულიერი სახლიდან.

21. ვინც მიბაძავს მოყვასის კეთილ სათნოებებს, ის ძვირფას ყვავილებს იძენს.

22. ვინც გაჭირვებულს დაინახავს და გული შესტკივა მასზე, იგი ქრისტეს ჭრილობებს უშუშებს.

23. ვინც კეთილმსახურებით ასწავლის ღვთის სიტყვას, ის ძმათა შორის უფლის ლოცვა-კურთხევას ასრულებს.

24. ვინც უძლურ ძმას კვებავს და ეხმარება, ის ანგელოზებთან ერთად გალობს იესო ქრისტეს აკვანთან.

25. ვინც სიმდაბლით და კეთილკრძალულებით თავს იკავებს ჭამა-სმისაგან, უარყოფს ამქვეყნიურობას, მას მიაქვს საჩუქრები სამ მეფესთან ერთად იესო ქრისტესთან.

26. ვინც თავს ბანს მოყვასს ან ურეცხავს ტანსაცმელს, ის იოანე ნათლიმცემელთან ერთად ნათლავს იესო ქრისტეს.

27. ვინც განმარტოებულია (დახშულია), ის იმყოფება უდაბნოში იესო ქრისტესთან ერთად.

28. ვინც არ ეწინააღმდეგება წინასწარმეტყველებს და აკვდინებს თავის ხორცს (სხეულს), ის მარხულობს იესო ქრისტესთან ერთად.

29. ვინც გარდაცვლილისთვის ლოცულობს, ის ქრისტესთან ერთად მიდის ლაზარეს კუბოსთან და სთხოვს მამა-ზეციერს მის აღდგინებას მკვდრეთით.

30. ვინც სიმდაბლით მადლობს უფალს ყველაფრისათვის, ის ამზადებს ადგილს თავისთვის ღმერთის სასუფეველში.

ამინ!

[marine]

„თუ საკუთარი ცოდვები გვახსოვს, სხვისაზე ვერასოდეს ვიფიქებთ“.

/წმ. ტიხონ ზადონელი/

[marine]

"საკუთარი თავის მიმართ უყურადღებო არასოდეს შეიქნება ღირსი მადლის წვევისა".

/წმ. ლევ ოპტელი/

"სათნოებათა აღსრულებისას თითეული მათგანი სიმდაბლით განამყარე, რომელსაც ამბა დოროთე "დუღაბს" უწოდებს: ისევე, როგორც სახლის შენებისას ქვა ან აგური ერთმანეთზე ეწყობა, დუღაბით მტკიცედ შეიკვრის, ხოლო უდუღაბოდ ჩამოიქცევა, ასევე სათნოებები სიმდაბლის გარეშე სიკეთეს არ მოიტანენ".

/ღირსი მაკარი ოპტელი/

[marine]

"რამდენადაც თავს გავიმართლებთ და სხვებს ბრალს დავდებთ, იმდენად მოგვაკლდება სულიერი სიმშვიდე, სიტყვისაებრ ფსალმუნისა:

"მშვიდობაი მრავალ არს მათთანა, რომელთა უყვარს სჯული შენი" (ფს. 118, 165)...

... სიმშვიდის მოსაპოვებლად სულ არ არის საჭირო შორ გზას დაადგე, სჯობს საკუთარ სახლში დამდაბლდე - ეს უფრო ადვილი იქნება".

/წმ. ამბროსი ოპტელი/

[marine]

"უმჯობესია, საკუთარ თავზე ცუდი მოისმინო, ვიდრე სხვაზე თქვა ცუდი".

/წმ. გრიგოლ ღვთისმეტყველი/

[marine]

"გსურს გამოიყურებოდე მშვენიერად და ღირსეულად?
იკმარე ის სახე, რაც შემოქმედმა მოგცა".


/წმ. იოანე ოქროპირი/

"ბევრნი ფიქრობენ, რომ არაფერს ნიშნავს, ცნობისმოყვარეობით უყურო სხვის სილამაზეს, მაგრამ ამისგან იშვება მრუშობა და არეულობა სახლებში".

/წმ. ისიდორე პელუსიელი/


"ქრისტიანისთვის ტანსაცმლის ერთ-ერთი დანიშნულება ის არის, რომ დაიცვას საცდურისაგან როგორც საკუთარი თავი, ასევე სხვები.

ქრისტიანი უბიწო უნდა იყოს ხალხის წინაშეც და მარტო ყოფნის დროსაც".

/არქიმანდრიტი რაფაელი (კარელინი)/

[marine]

"მოაზროვნე და სათნოებითი სული შესაცნობია გამოხედვით, ნაბიჯით, ხმით, სიცილით, ურთიერთობით, საუბრებით, რადგან მასში ყველაფერი გარდაქმნილია და გარდაკაზმულია უკეთილმშვენიერებისკენ;

მართლაც, მისი ღვთისმოყვარე გონება, როგორც ფხიზელი კარისმცველი, შესასვლელს უხშობს უკეთურ და სამარცხვინო ზრახვებს".



"ვისაც ღვთისმოყვარე გონება აქვს, გულით განათლებულია და თავისი გონებით ხედავს ღმერთს".

/წმ. ანტონი დიდი/

[marine]

"თუკი ჩვენ სულიერად ვიქნებით სათანადო სიმაღლეზე, მატერიალურსაც მოგვცემს უფალი და ყველაფერი კარგად იქნება".

/ილია II/