წმინდა მამათა გამონათქვამები, გამონათქვამები, წერილები, ამონარიდები ქადაგებებიდან და ა.შ პარამეტრები

[marine]

"როდესაც არ გსურს, შეუნდო სხვას, ეს ნიშნავს, რომ არ გინდა იყო ქრისტიანი".

[marine]

"უნდა განიხილო, თუ ვის ეუბნები. როდესაც იცი, რომ მსმენელი სარგებლობას ღებულობს, მაშინ ესაუბრე მას, ხოლო წინააღმდეგ შემთხვევაში ნუ ისაუბრებ".

/წმ. ბერები ბარსანოფე დიდი და იოანე/

[marine]

"იმ ადამიანს, ვისაც ღმრთისადმი იმედი აქვს, ტკბება სრულყოფილი სიმშვიდით. სიწყნარე იპყრობს მის გულს, ხოლო მის სულში მეფობს სრული უშფოთველობა. მას ხომ შემწედ უფალი ჰყავს, მაშ რისი უნდა ეშინოდეს? რამ უნდა დააუძლუროს? თუნდაც, მის წინააღმდეგ ომი გააჩაღონ, მაინც არ ეშინია, რადგან უფლის იმედი აქვს. თუნდაც, მაცდურმა ადამიანებმა დევნა დაუწყონ, მაინც არაფრის ეშინია, რადგან იცის, რომ ყოველივე უფლის ნების შესაბამისად ხდება. არა აქვს არც თავისი მშვილდის, არც თავისი კაპარჭის იმედი, მისი ხსნა არც მის ხმალზეა დამოკიდებული, არამედ – ყოვლისმპყრობელზე, მის უფალზე, რომელსაც შეუძლია მისი გამოხსნა იმათი ხელიდან, ვინც კი მას ებრძვის, ცოდვილის მახიდან და ქარიშხლისაგან. უფლის ძალაში მას ეჭვი არ ეპარება – „ხელთა ზედა აღიპყრან და უფალმა იხსნას იგი“.

/პენტაპოლიის ეპისკოპოსი წმინდა ნექტარიოსი/

[marine]

"სიზარმაცე - ერთ-ერთი სასიკვდილო ცოდვაა, კაცში სულს კლავს. ზარმაცი ხორცი - ბუდეა ბიწიერებისა, ზარმაცი სული კი ეშმაკის კოლონიაა".

[marine]

"თითოეული მორწმუნე, არა მხოლოდ სასულიერო პირი, არამედ მრევლი, უნდა იყოს ცოცხალი მაგალითი, განსახიერება ღვთიური სათნოებისა, მისი ხატება და მსგაგვსება, რომ თუნდაც იმ ურწმუნომ შენში დაინახოს, როგორი იქნებოდა ქრისტე".

/მეუფე ეფრემი (გამრეკელიძე)/

[marine]

„აღთქმათა დაცვისათვის - სწავლა მამა ანტონისი:
„მოიხსენენით აღთქუმანი თქუენნი ღმრთისა მიმართ და გულისხმა-ყავთ, რამეთუ ეძიებს მას ღმერთი თქუენგან დღესა მას სასჯელისასა“.

[marine]

"სიკეთე სიმდიდრისა და სიგლახაკისა - სწავლა წმიდა იოვანე ოქროპირისა:

"არა თუ სიმდიდრესა ვჰგმობთ, არამედ რომელთა-იგი ბოროტად იხუმიეს სიმდიდრე მათი. რამეთუ ფრიად კეთილ არს სიმდიდრე, რომელთა-იგი კეთილად განგებაი მათი მოიგეს, და კუალად ფრიად კეთილ არს სიგლახაკე, რომელთა-იგი მადლობით დაითმინონ".

[marine]

"სინერგიით სრულქმნილი სურნელი - სწავლა წმიდა მაკარი დიდისა:

"საკუმეველი უკუეთუ არა შთავარდეს ცეცხლსა, არა გამოჩნდების სურნელებაი მისი მდიდრად, ეგრეთვე უკუე კეთილნი იგი საქმენი სულისანი - ლოცვაი და ტირილი და მარხვაი ანუ მღვიძარებაი და სხუანი საქმენი სათნოებათანი უკუეთუ არა შეეზავნენ ცეცხლსა მას ზეცისა სულისასა, არა გამოჩნდების ძალი იგი სურნელებისა სათნოებათა მისთაისა და არცა სრულ იქმნებიან იგინი".

[marine]

"გიყვარდეთ ღმერთი და მოყვასი. თქვენ მხოლოდ ქრისტე და სული გჭირდებათ. ამას გეუბნებით და გამცნებთ, დაე, თქვენი სხეული დაწვან და შეწვან; დაე, წაგართვან ნივთები, ნუ ინაღვლებთ ამაზე. მიეცით ყველაფერი: ის თქვენი არ არის. თქვენ გჭირდებათ ქრისტე და სული. მთელი სამყარო რომ თავს დაგესხას, ვერ წაგართმევენ იმ ორს, თუკი თვითონვე არ დაუთმობთ".

/წმ. კოზმა ეთოლიელი/

[marine]

"ხორცთა მტრობა მოგვეთხოვება - სწავლა მამა ესაიასი: "თანა-გაც, რაითა იყო მტერ ხორცთა შენთა და არა განუსუენებდე მათ".

[marine]

"როდის დაეცა ისეთი სახელმწიფონი, როგორიც კართაგენი, ძველი საბერძნეთი, ფინიკია და რომია?

- როდესაც გარეგნულად სიმდიდრით და ძლიერებით გაბრწყინდნენ, შინაგანად კი ფუფუნებამ და ცოდვებმა განხრწნა".

/წმ. ნიკოლოზ იაპონელი/

[marine]

"ღმერთი მკაცრად სჯის მას, ვინც იცის ნება უფლისა და არ აღასრულებს".

[marine]

"შეუძლებელია ჭიდან ერთდროულად ამოვიღოთ ორი ვედრო წყალი, რადგან, როცა ბორბალი ბრუნავს, ჭაში ერთ ცარიელ ვედროს უშვებს და სავსე ამოაქვს. ასევე შეუძლებელია ერთდროულად ვიზრუნოთ სულზეც და სხეულზეც; როცა ჩვენ მთელ ძალისხმევას სულს მივაპყრობთ და იგი, სათნოებებით სავსე, ზევით მიისწრაფვის, მაშინ სხეული მოღვაწეობით მსუბუქდება და სულს მიწიერი საზრუნავებით აღარ ამძიმებს".

/ნეტარი სვინკლიტიკია/

[marine]

"თუ ვინმე ნებაყოფლობით მოაკლებს თავის თავს ამსოფლიურ სიკეთეთ, მაშინ რა ზომითაც მოაკლდება იგი მათ, იმ ზომით თან ახლავს მას ღმერთის გულმოწყალება და შეეწევა მისი კაცთმოყვარება".

[marine]

"უფალმა თავისი განხორციელებით, ცხოვრებით, ჯვარცმითა და აღდგომით ადამიანი სულიერი სრულყოფის ახალ საფეხურზე აიყვანა, ზეციური ნათლით განაბრწყინვა, ღვთაებრივ სიყვარულს აზიარა. მას რომ მივეახლოთ, სიტყვითა და საქმით ქრისტიანულად უნდა ვიცხოვროთ, უნდა დავძლიოთ ვნებები და და ცოდვისმიერი მისწრაფებები, მაშინ სული ჩვენი იქცევა სპეტაკ ტაძრად და უფალი ღირს გვყოფს, მასში დაივანოს".

/ილია II/

[marine]

"ადვილად არ უნდა მივიღოთ ხილვა, თუნდაც ის ღვთისგან იყოს. ღმერთს ხომ, ასე ვთქვათ, უხარია, როცა ხილვას არ ვიღებთ და ამით ვამჟღავნებთ ჩვენს სიმდაბლეს და სულიერ სიფრთხილეს, რომელსაც ის ჩვენგან ითხოვს. უფალმა იცის, რა გზით გვანახოს ის, რაც სურს, როგორ გვასწავლოს რაიმე, არა ხილვით, არამედ სხვანაირად".

/ღირსი პაისი ათონელი/

[marine]

"წმინდა წერილში ნათქვამია, ლაჩრები ღმერთს არ უყვარსო. არავინ არ უნდა იყოს მშიშარა და ლაჩარი, ღვთისა უნდა ეიმედებოდეს. ღმერთს მშიშრები და ლაჩრები არ უყვარს, ვინაიდან ისინი ახლოს არიან გულგატეხილობასა და სასოწარკვეთასთან. ეს კი სასიკვდინე ცოდვაა. მშიშარა და ლაჩარი უფსკრულის პირას დგას. ჭეშმარიტი ბერისთვის უცხო უნდა იყოს ასეთი განწყობა".

[marine]

"სჯობს კაცი დიდი სიმაღლიდან ჩამოვარდეს, ვიდრე ენისგან დაეცეს".

/წმ. ათანასე ათონელი/

[marine]

"ღმერთის გარეშე ზღურბლამდეც კი არ გადადგათ ფეხი!"

/ხალხური სიბრძნე/

[marine]

"ვინც ზვაობს ბუნებითი საქმეების - გონებამახვილობის, ხელმარჯვეობის, კარგად კითხვის, მეცნიერული გულისხმისყოფის, ტკბილხმოვანების, გარეგნული მშვენიერებისა და მათ მსგავსთა გამო, იგი ვერასოდეს მიიღებს ბუნების უაღრეს სიკეთეებს, რამეთუ ვინც მცირეზე არ არის საიმედო, იგი დიდზედაც არასაიმედო და მზვაობარია".

/წმ. იოანე სინელი/