 ღმერთის არსებობა მათემატიკური დადასტურება |
სტუმარს სალამი ( შესვლა | დარეგისტრირება )
  |
| წკაპო |
 Feb 19 2009, 04:35 PM
პოსტი
#101
|
|
Newbie  ჯგუფი: Members პოსტები: 19 რეგისტრ.: 18-February 09 წევრი № 6,523  |
როგორც იქნა, მოვიცალე და მუხლობრივ განვიხილე თემის წამყვანი უსტარი (რომელიც კრიტიკას არათუ ვერ უძლებს, ღირსიც კი არაა, რომ ამდენი დრო დამეკარგა). ვინაიდან ფორუმის ძრავი ზღუდავს უსტრებში BB-კოდის რაოდენობას, ამიტომ მისი სამ ნაწილად დაყოფა მომიწია.
ციტატა "პოლონელი მღვდელი და მათემატიკოსი მიხალ ჰელერი ტემპლტონის პრემიის ლაურეატი და მეცნიერული მიღწვევებისათვის დაწესებული ყველაზე დიდი ფულადი ჯილდოს მფლობელი გახდა. გასულ კვირას ნიუ-იორკში გამართულ ცერემონიაზე მას საზეიმოდ გადასცეს მილიონ 600 ათასი დოლარი. ეს ჯილდო კათოლიკე მღვდელმა იმით დაიმსახურა, რომ მისი სამეცნიერო ნაშრომები ღმერთის არსებობის ირიბ დადასტურებას შეიცავს. თავისთავად რაიმე ჯილდოს მიღება არაფერს ნიშნავს. მთავარია რომელი ორგანიზაციისაგანაა ჯილდო. ტემპლტონის პრემიის სრული სახელია „ტემპლტონის ჯილდო სულიერ რეალობათა შესახებ კვლევებისათვის ან აღმოჩნებისათვის“ (ინგლ. Templeton Prize for Progress Toward Research or Discoveries about Spiritual Realities), 2001 წლამდე მას ერქვა „ტემპლტონის ჯილდო სარწმუნოების წინსვლისათვის“. ჯილდოს სამეცნიერო ღირებულება გარკვეულ ეჭვებს აღძრავს ჩემში.ციტატა პროფესორი მიხალ ჰელერი 72 წლისაა. იგი კოსმოლოგიის სპეციალისტი გახლავთ, თუმცა მისი მოღვაწეობის სფერო მათემატიკას, ფილოსოფიასა და მეტაფიზიკასაც მოიცავს. საკმაოდ ჩვეული მოვლენა იქნებოდა, რომ არა მეტაფიზიკის მიწებება.ციტატა ტემპლტონის პრემიაზე მისი კანდიდატურა კრაკოვში მდებარე იაგელონის უნივერსიტეტის რექტორმა კაროლ მუიჟელმა წარადგინა. რეკომენდაციები არ ჰქონია ურიგო.ციტატა "მისი უნიკალურობა ისაა, რომ იგი ერთდროულად შემოქმედებითი მეცნიერი და მოაზროვნე მორწმუნეა. ჟორჟ ლემეტრი ვითომ არც არსებულა (სხვათა დასახელებას არ მოვყვები, ესეც კმარა)... ჟორჟ ლემეტრი - გაფართოებადი სამყაროს მოდელის ფუძემდებელი, ფიზიკოსი და იმავდროულად მღვდელმსახური (კანონიკოსი).ციტატა მეცნიერებაში ამას ტრანსცედენტალური საიდუმლოს შეგრძნება მოაქვს, რელიაგიაში კი - სამყაროს დანახვა მეცნიერის ფართოდ გახელილი თვალებით. წინადადების მეორე ნაწილს კიდევ დაეთანხმებოდა კაცი, მაგრამ პირველი ნაწილი აზრსაა მოკლებული : რას ნიშნავს ტრანსცენდენტული საიდუმლოს შეგრძნება? მეცნიერის შეხედულებით სრული აბსურდია ეს სიტყვათ რახა-რუხი. ციტატა "მან მეცნიერების თეოლოგიურობის მცნება დაამკვიდრა. მან შეძლო ეჩვენებინა, რომ რელიგია, რომელიც მეცნიერული კვლევებისაგან თვითიზოლირებას ახდენს, არადამაჯერებელია, ხოლო მეცნიერება, რომელიც სამყაროს აღქმის სხვა გზებს უარყოფს, ბრმაა", - ასე შეაფასა თავისი პროტეჟეს მოღვაწეობა მუიჟელმა. დავიწყოთ იმით, რომ მცნება აქ არაფერ შუაშია, უნდა იყოს ცნება (ეს ისე, სტატიის ავტორის „განათლების დონის“ საჩვენებლად), მეორეც ნეტავ რას უნდა ნიშნავდეს მეცნიერების თეოლოგიურობა? რატომ ცდილობენ მეცნიერებას ყველგან მიატმასნონ თეოლოგია? ალბათ, ამით სურთ თეოლოგიის სერიოზულობა და სანდოობა გაზარდონ მეცნიერების ხარჯზე. ბატონი მუიჟელი საკმაოდ უცნაურ განცხადებას აკეთებს, როცა ამბობს რომ „მან შეძლო ეჩვენებინა, რომ რელიგია, რომელიც მეცნიერული კვლევებისაგან თვითიზოლირებას ახდენს, არადამაჯერებელია“, ვინაიდან მსგავსი რამ ისედაც ცხადი იყო სამყაროსათვის საღი გონებით მომზირალი ადამიანისათვის. კიდევ უფრო დიდი აბსურდია მისი წინადადების ბოლო ნაწილი „ხოლო მეცნიერება, რომელიც სამყაროს აღქმის სხვა გზებს უარყოფს, ბრმაა“! გაუგებარია რა იგულისხმება „სამყაროს აღქმაში“. ან მთარგმნელი შეცდა და აღქმა შემეცნებაში შეეშალა. ამ უკანასკნელის შესახებ კი შეიძლება ითქვას, რომ მეცნიერებას არასოდეს უარუყვია სამყაროს შემეცნების სხვა გზები. ციტატა ტემპლტონის ფონდის თავმჯდომარე ჯონ ტემპლტონი კი ამბობს, რომ "მიხალ ჰელერის მისწრაფებამ სამყაროს უფრო ღრმად შეცნობისაკენ ერთის მხრივ რელიგიურ კონცეპციებში მნიშვნელოვან წინსვლამდე მიგვიყვანა და მეორეს მხრივ მეცნიერების ჰორიზონტები გააფართოვა". ამაზე მსუბუქი და არაფრისმთქმელი განცხადებები პოლიტიკოსების მხრიდანაც კი იშვიათია.ციტატა რას ამტკიცებს პოლონელი პროფესორი და მღვდელი მისი თეორია ღმერთის არსებობას პირდაპირ არ ადასტურებს, თუმცა მნიშვნელოვნად ცვლის დღეს გაბატონებულ შეხედულებას სამყაროს მატერიალურობის შესახებ. პროფესორმა ჰელერმა გამოიყვანა რთული მათემატიკური ფორმულა, რომელიც საშუალებას იძლევა სამყაროში მომხდარი ყველა მოვლენა, მათ შორის შემთხვევითობებიც, მათემატიკური გამოთვლებით აიხსნას. ეს მუხლობრივ უნდა იქნეს განხილული. ციტატა მისი თეორია ღმერთის არსებობას პირდაპირ არ ადასტურებს ანუ მორიგი „აურზაური არაფრის გამო“, თუმცაღა საინტერესო წინადადებაა. დემაგოგიის ხელოვნების ყველა წესითაა შედგენილი, დაუკვირვებელ მკითხველს უქმნის შთაბეჭდილებას, რომ ასეა თუ ისე ღმერთის არსებობა დადასტურებულ იქნა...ციტატა თუმცა მნიშვნელოვნად ცვლის დღეს გაბატონებულ შეხედულებას სამყაროს მატერიალურობის შესახებ. მორიგი ცარიელი წინადადება. რაში ცვლის ამ გაბატონებულ შეხედულებას? თუნდაც მიგვანიშნოს თუ არ გვეუბნება. სამყაროს მატერიალურობაო, ამბობს სტატია, საინტერესოა როგორ ესმის ავტორს მატერიალურობა. ----- გაგრძელება შემდეგ უსტარში. წინა უსტრის გაგრძელება. ------------------ ციტატა პროფესორმა ჰელერმა გამოიყვანა რთული მათემატიკური ფორმულა, რომელიც საშუალებას იძლევა სამყაროში მომხდარი ყველა მოვლენა, მათ შორის შემთხვევითობებიც, მათემატიკური გამოთვლებით აიხსნას. ფორმულა დაიდოს და ისიც ითქვას, თუ რატომაა მსგავსი ფორმულის გამოყვანა ღმერთის არსებობის თუნდაც არაპირდაპირი დამტკიცება. (აღარას ვიტყვი იმაზე, რომ შემთხვევითობა და მათემატიკა სულაც არაა შეთავსებელი ცნებები).ციტატა ჰელერის შრომები სამყაროს შექმნის ფუნდამენტური თეორიის შექმნის მცდელობის გარშემოა აგებული. სპეციალისტთა თქმით, იგი თავის კვლევებში აინშტაინზე შორს მიდის კვანტური მექანიკის, კოსმოლოგიის, ფიზიკისა და მათემატიკის სფეროში და შეიცავს ჰაიზენბერგის განტოლების საკუთარ ვერსიას. ძალიან საინტერესოა ამ სპეციალისტთაგან თუნდაც ერთის სახელის გაგება, ისე ჰაიზენბერგის განტოლების ჰელერისეულ ვერსიაზეც არ ვიტყოდი უარს.ციტატა პოლონელი მღვდელი ასე მსჯელობს: თუ ჩავთვლით, რომ სამყაროს ჰქონდა დასაწყისი, მაშინ უნდა ვივარაუდოთ, რომ მას ჰყავდა შემოქმედი. სწორედ აქ ცდება პოლონელი მღვდელი:1) სამყაროს დასაწყისი არ უნდა ჩაითვალოს, უნდა მოხდეს მისი არსებობის თუნდაც თეორიული აუცილებლობის დამტკიცება; 2) სამყაროს დასაწყისის არსებობის არც დაშვებიდან და არც აღმოჩენიდან ლოგიკურად, ვიმეორებ, ლოგიკურად არ გამომდინარეობს შემოქმედის აუცილებლობა, ამიტომაც ვარაუდი იმის შესახებ რომ სამყაროს ჰყავდა შემოქმედი, მოკლებულია ყოველგვარ ლოგიკურ საფუძვლებს და არ ეყრდნობა საღ აზრს. ციტატა მაგრამ, თუ სამყარო ავტონომიურია, არ აქვს საზღვრები, არ აქვს დასაწყისი და დასასრული - მაშინ იგი უბრალოდ არსებობს. ასეთ შემთხვევაში სადაა შემოქმედის ადგილი. იდიოტური განცხადებაა! აკი ღმერთი ყველგანმსუფევია?.. არ მესმის რატომ ვერ მოიძებნებოდა ღმერთისათვის ადგილი მარადიულ და უსაზღვრო სამყაროში. გასარკვევია აგრეთვე როგორ მოიაზრება პატივცემული მღვდლის მიერ ღმერთის როლი სამყაროში. შექმნა სამყარო, ხელი დაიბანა და განდგა? არადა სწორედ ამას გვაფიქრებინებს ის, რომ „თუ სამყარო ავტონომიურია, არ აქვს საზღვრები, არ აქვს დასაწყისი და დასასრული - მაშინ იგი უბრალოდ არსებობს. ასეთ შემთხვევაში სადაა შემოქმედის ადგილი“. ასეთ შემთხვევაში რა საჭიროა ღმერთის ძებნა, როდესაც შემთხვევითობა შესანიშნავად ართმევს თავს შემოქმედის როლს, ღმერთის დაშვება კი ცვლის ერთ მარადიულს (ოღონდ ბუნებრივსა და დაკვირვებადს) მეორით (წარმოსახულითა და ჯერჯერობით არაპირდაპირად დამტკიცებულით). ციტატა ჰელერი ეწინააღმდეგება სამყაროს წარმოშობის ნიუტონისეულ კონცეფციას, ანუ იდეას აბსოლუტური დროის, აბსოლუტური სივრცისა და ღმერთის შესახებ, რომელიც ქმნის ენერგიასა და მატერიას. მან მკვლევარებს შესთავაზა დაუბრუნდნენ თეოლოგიის ტრადიციულ დოქტრინას, რომლის თანახმადაც საყაროს შექმნა სივრცისა და დროისაგან დამოუკიდებელი აქტი იყო. ეუფ, ეს ჰელერი თურმე ისევ ნიუტონის დროში ცხოვრებულა, აკი აინშტაინსაც გადაუსწროო?  ციტატა "მე ყოველთვის მინდოდა იმით ვყოფილიყავი დაკავებული, რაც ყველაზე მთავარია. და რა შეიძლება მეცნიერებასა და რელიგიაზე მთავარი იყოს. მეცნიერება ჩვენ გვაძლევს ცოდნას, რელიგია კი სამყაროს არსებობის არსს გვიხსნის. ის, რომ ეს ორი უდიდესი ღირებულება ხშირად ერთმანეთთან კონფლიქტის მდგომარეობაში იმყოფება - ეს პარადოქსია. ხშირად ვეკითხები ხოლმე საკუთარ თავს: როგორ შეიძლება განათლებული ადამიანები იმდენად ბრმები იყვნენ, რომ ვერ ხედავდნენ, რომ მეცნიერება უბრალოდ სწავლობს იმას, რაც შექმნა ღმერთმა", - განაცხადა თავად ჰელერმა. ბუნებისმეტყველ მეცნიერთა უმრავლესობა კი ხშირად ეკითხება საკუთარ თავს „როგორ შეიძლება განათლებულობის პრეტენზია ჰქონდეს ადამიანს, რომელიც ყველაფერს ღმერთით ხსნის“ციტატა ღმერთის არსებობის ალბათობა 62%-ია ერთი ღერი სიგარეტი სიცოცხლეს 8 წუთით გიმოკლებთ... ამ ტიპის განცხადებაა.ციტატა ეს არ არის პირველი მცდელობა, როდესაც მეცნიერებმა მათემატიკური ფორმულებით სცადეს ღმერთის არსებობის დადასტურება და გარკვეულ წარმატებასაც მიაღწიეს. მაგალითად გამოდგება გერმანელ მათემატიკოსთა ჯგუფის მიერ ჩატარებული კვლევის შედეგები, რომელიც შარშან შემოდგომაზე გამოქვეყნდა. ხანდახან ისე მგონია, რომ ღმერთი ელემენტარულ ნაწილაკში ეშლებათ... ციტატა მეცნიერთა მიზანი იყო გამოეთვალათ რამდენია იმის ალბათობა, რომ ღმერთი არსებობს. ამისათვის მათ მე-18 საუკუნის ცნობილი მეცნიერისა და მღვდელის თომას ბეისის მიერ გამოყვანილი ფორმულა გამოიყენეს. ცნობისათვის, თომას ბეისის კვლევების შედეგები თანამედროვე მეცნიერებაში მეტად აქტიურად გამოიყენება, განსაკუთრებით კომპიუტერულ პროგრამირებაში. (მღვდელის თუ მღვდლის?) ვინაა ეს თომას ბეისი (ლათინური ტრანსკრიფცია არ მოგვეპოვება?).-------- დასასრული შემდეგ უსტარში წინა ორი უსტრის დასარული. ----------------- ციტატა გერმანელი მეცნიერები კვლევას რამდენიმე მიმართულები აწარმოებდნენ - სამყაროს წარმოშობა და მოწყობა, ევოლუცია, სიკეთე და ბოროტება, რელიგიური დოგმატები და სხვა. დიდებულია! ჰიპოთეზურად ვუშვებთ რაღაცას და მერე ვთვლით მის ალბათობას. დავუშვათ ღმერთი არსებობს, მაშინ ევოლუციაც მისი ჩარევით მოხდებოდა, სიკეთეც არ იარსებებდა , ჰოდა აწი უკვე შეგვიძლია დავიანგარიშოთ კიდეც ჩვენი ჰიპოთეზის ალბათობა...მათ თავიდანვე ჰიპოთეტურად დაუშვეს, რომ ღმერთი არსებობს, შემდეგ კი დაიწყეს გამოთვლა, თუ რამდენია ალბათობა იმისა, რომ: სამყარო სწორედ ღმერთმა შექმა; დედამიწაზე ევოლუცია ღმერთის ჩარევით განხორციელდა; სიკეთე ღმერთის გარეშე არ არსებობს და ასე შემდეგ. რაც მთავარია ევოლუციაც მიაწებეს, ღვთივჩარეული ევოლუცია ევოლუცია არაა, მას მეცნიერები უწოდებენ ევოლუციურ კრეაციონიზმს. ან ის მეცნიერები ვერ არიან მეცნიერები ან ჩვენი ავტორი ვერ გადმოგვცემს ზუსტად მათი კვლევების შინაარსს. ციტატა ყველა დასმულ საკითხზე მათემატიკურად გამოთვლილი ალბათობის მაჩვენებელი საკმაოდ მაღალი აღმოჩნდა. ამ მონაცემების შეჯერებით კი მეცნიერებმა მთავარ კითხვასაც გასცეს პასუხი - ალბათობა იმისა, რომ ღმერთი არსებობს, 62%-ია. [/b] მეთოდიკა მაინტერესებს საოცრად. ამას წინათ დრეიკის ფორმულას გადახედეს და ჩვენს გალაქტიკაში 361 ცივილიზაცია უნდა არსებობდესო, განაცხადეს. თუმცაღა არავის თავში აზრად არ მოსვლია ეთქვა, რომ უცხოპლანეტურ ცივილიზაციათა არსებობა არაპირდაპირ დამტკიცდა. ციტატა და ბოლოს კიდევ ერთი საინტერესო დეტალი: ახლახანს ჩატარებული გამოკითხვით დადგინდა, რომ მეცნიერთა დაახლოებით ორ მესამედს სწამს ღმერთის ამა თუ იმ ფორმით არსებობა. ამასთან, საბუნებისმეტყველო და ტექნიკურ სფეროთა წარმომადგენლები უფრო მეტად არიან ათეისტები, ვიდრე ჰუმანიტარული დარგების მიმდევრები." ასეთი თანაფარდობა ყოველთვის არსებობდა, ზუსტ მეცნიერებათა წარმომადგენლები ყოველთვის გამოირჩეოდნენ ათეიზმით, თუმცა ამ წინადადების მიზანი ამის წარმოჩენა კი არ იყო, არამედ ის მეცნიერთა ორ მესამედს სწამს ღმერთის არსებობა. თუმცაღა საკითხავია, რამდენად წონადია ასეთ საკითხებში ლინგვისტის აზრი. |
   |
 
|
| კანუდოსელი |
Feb 19 2009, 04:53 PM
პოსტი
#102
|
 Advanced Member ჯგუფი: Members პოსტები: 8,829 რეგისტრ.: 2-November 06 მდებარ.: კანუდოსი წევრი № 374 |
ბრავო!
მაგარია წკაპო...  ყოჩაღ, სად გეყო ნერვი რომ გაარჩიე, მე ამდენი ნერვი არ აღმომაჩნდა პ.ს. მართალია ზოგ აზრში არ გეთანხმები, თუმცა ძირითადში ძალიან კარგია -------------------- ინკვიზიტორი იეღოველი ეკუმენისტი მასონი ბუდისტი მღვდელი გულისყურით გისმენთ :-)
პ.ს. ბყკ :-) ბ - ბუდისტ ყ - ყრმათა კ - კავშირი |
|
|
|
| გიორგი |
Feb 19 2009, 05:36 PM
პოსტი
#103
|
 მეცნიერი & ხელოვანი ჯგუფი: Members პოსტები: 7,905 რეგისტრ.: 18-November 06 წევრი № 491 |
წკაპო
ციტატა სადაა ქრისტიანის თავმდაბლობა? ასეთი ამპარტავანი განცხადების შემდეგ განმცხადებელთან პაექრობის სურვილი მეკარგება ხოლმე, ქილიკის ხასიათზე დავდგები ხოლმე. მეგობარო, ეს იყო კონკრეტული ადამიანის მიმართ, კონკრეტულ საკითხთან მიმართებაში ნათქვამი, რომელიც საკმაოდ კარგად მიცნობს მე. ყოვლად ზედმეტი იყო შენი შეფასება...  არ არის საჭირო გამოეკიდო კონტექსტიდან ამოგლეჯილ ფრაზებს და განკითხვა დაიწყო. -------------------- My Favourites:
Dinamo Tbilisi & Real Madrid, as Football Clubs. Georgia & Italy, as National Teams. Katie Melua, as a Musician. Stephen Hawking, as a Scientist. 'Contact' (1997), as a Film. 'Don Quixote', as a Novel. Miguel de Cervantes, as a Writer. Ayrton Senna, as F1 Racing Driver. |
|
|
|
| წკაპო |
Feb 19 2009, 05:59 PM
პოსტი
#104
|
|
Newbie ჯგუფი: Members პოსტები: 19 რეგისტრ.: 18-February 09 წევრი № 6,523 |
ციტატა( გიორგი @ Feb 19 2009, 02:36 PM)  წკაპო მეგობარო, ეს იყო კონკრეტული ადამიანის მიმართ, კონკრეტულ საკითხთან მიმართებაში ნათქვამი, რომელიც საკმაოდ კარგად მიცნობს მე. ვითომ? ციტატა( გიორგი @ Feb 19 2009, 02:36 PM) ყოვლად ზედმეტი იყო შენი შეფასება... შესაძლოა, თუმცაღა ამპარტავანს ყოველთვის უნდა მიუთითო, თორემ დაიჯერებს იმას, რითიც ამპარტავნობს. ციტატა( გიორგი @ Feb 19 2009, 02:36 PM) არ არის საჭირო გამოეკიდო კონტექსტიდან ამოგლეჯილ ფრაზებს და განკითხვა დაიწყო. ფორუმგეზე არც მე ვარ უცხო ხილი, ამიტომაც მივეცი თავს უფლება, შემეფასებინა შენი თვითაღტაცება. P.S. საწყენად არ მიიღო ჩემი ნათქვამი. მოყვარეს პირში უძრახეო, ხომ გაგიგია. თემას ნუ გავაოფტოპიკებთ. |
|
|
|
| გიორგი |
Feb 19 2009, 06:03 PM
პოსტი
#105
|
|
მეცნიერი & ხელოვანი ჯგუფი: Members პოსტები: 7,905 რეგისტრ.: 18-November 06 წევრი № 491 |
წკაპო
ციტატა ვითომ? დიახ. ციტატა თუმცაღა ამპარტავანს ყოველთვის უნდა მიუთითო თანაც აგრძელებ კიდეც?!  ციტატა საწყენად არ მიიღო ჩემი ნათქვამი. უკვე მივიღე. დანარჩენს დრო გვაჩვენებს... -------------------- My Favourites:
Dinamo Tbilisi & Real Madrid, as Football Clubs. Georgia & Italy, as National Teams. Katie Melua, as a Musician. Stephen Hawking, as a Scientist. 'Contact' (1997), as a Film. 'Don Quixote', as a Novel. Miguel de Cervantes, as a Writer. Ayrton Senna, as F1 Racing Driver. |
|
|
|
| წკაპო |
Feb 19 2009, 06:13 PM
პოსტი
#106
|
|
Newbie ჯგუფი: Members პოსტები: 19 რეგისტრ.: 18-February 09 წევრი № 6,523 |
კანუდოსელო,
ციტატა(კანუდოსელი @ Feb 19 2009, 01:53 PM) ბრავო! მაგარია წკაპო... გმადლობ. ციტატა(კანუდოსელი @ Feb 19 2009, 01:53 PM) მართალია ზოგ აზრში არ გეთანხმები, თუმცა ძირითადში ძალიან კარგია საინტერესო იქნებოდა შენთან მსჯელობა. ---------- გიორგი, ციტატა( გიორგი @ Feb 19 2009, 03:03 PM) უკვე მივიღე. მაპატიე, წყენა ნამდვილად არ მინდოდა. |
|
|
|
| კანუდოსელი |
Feb 19 2009, 06:15 PM
პოსტი
#107
|
|
Advanced Member ჯგუფი: Members პოსტები: 8,829 რეგისტრ.: 2-November 06 მდებარ.: კანუდოსი წევრი № 374 |
ციტატა(წკაპო @ Feb 19 2009, 07:10 PM) საინტერესო იქნებოდა შენთან მსჯელობა. მე საერთოდ ლოგიკურად ღმერთის შესახებ ფუნდამენტური დასკვნების გაკეთების წინაარმდეგი ვარ - ანუ კომენტარი შენს წინადადადებაზე, რომ ლოგიკურად არ გამომდინარეობს სამყაროს შექმნიდან ღმერთის არსებობაო... არ გამომდინარეობს (თუმცა გარკვეული მინიშნება მაინც არის) და ძალიან კარგიცაა, რადგან ღმერთის შემეცნება აპოფატიკითაა მხოლოდ შესაძლებელი...თან გაიხსენე გიოდელის თეორემა...უფ, სანამ გავუტიე, აჯობებს დროზე მოვრჩე - საქმეები მაქვს ოხრად -------------------- ინკვიზიტორი იეღოველი ეკუმენისტი მასონი ბუდისტი მღვდელი გულისყურით გისმენთ :-)
პ.ს. ბყკ :-) ბ - ბუდისტ ყ - ყრმათა კ - კავშირი |
|
|
|
| წკაპო |
Feb 20 2009, 01:34 PM
პოსტი
#108
|
|
Newbie ჯგუფი: Members პოსტები: 19 რეგისტრ.: 18-February 09 წევრი № 6,523 |
ციტატა(კანუდოსელი @ Feb 19 2009, 03:15 PM) მე საერთოდ ლოგიკურად ღმერთის შესახებ ფუნდამენტური დასკვნების გაკეთების წინაარმდეგი ვარ - ანუ კომენტარი შენს წინადადადებაზე, რომ ლოგიკურად არ გამომდინარეობს სამყაროს შექმნიდან ღმერთის არსებობაო... მცირედი გაუგებრობაა, ღმერთის შესახებ ლოგიკურად დასკვნა არ მიგულისხმია, იმის თქმა მინდოდა, რომ ბატონი ჰელერის სიტყვები „თუ ჩავთვლით, რომ სამყაროს ჰქონდა დასაწყისი, მაშინ უნდა ვივარაუდოთ, რომ მას ჰყავდა შემოქმედი“ არალოგიკურია, თავად ღმერთზე არ მქონია საუბარი.  |
|
|
|
| კანუდოსელი |
Feb 20 2009, 01:44 PM
პოსტი
#109
|
|
Advanced Member ჯგუფი: Members პოსტები: 8,829 რეგისტრ.: 2-November 06 მდებარ.: კანუდოსი წევრი № 374 |
საქმე იმაშია, რომ სამყაროს დასაწყისი დროში - ერთგვარი მინიშნებაა შემოქმედის არსებობისა.
უ.ს. მინიშნებაა, რომ არსებობს ტრანსცენდენტული "მიზეზი". რადგან, თუ მატერია-დრო-სივრცე არ არსებობდა დიდ აფეთქებამდე - მაშინ ის, რაც იწვევს სამყაროს რეალობაში - არის სივრცე-დრო-მატერიის მიღმა, ასეთ კატეგორიას ფილოსოფიაში ტრანსცენდენტული მიზეზი ეწოდება. -------------------- ინკვიზიტორი იეღოველი ეკუმენისტი მასონი ბუდისტი მღვდელი გულისყურით გისმენთ :-)
პ.ს. ბყკ :-) ბ - ბუდისტ ყ - ყრმათა კ - კავშირი |
|
|
|
| წკაპო |
Feb 20 2009, 01:52 PM
პოსტი
#110
|
|
Newbie ჯგუფი: Members პოსტები: 19 რეგისტრ.: 18-February 09 წევრი № 6,523 |
ციტატა(კანუდოსელი @ Feb 20 2009, 10:44 AM) საქმე იმაშია, რომ სამყაროს დასაწყისი დროში - ერთგვარი მინიშნებაა შემოქმედის არსებობისა. ეს კონცეპტი ყოველთვის გაუგებარი იყო ჩემთვის. ეგებ განავრცო. ციტატა(კანუდოსელი @ Feb 20 2009, 10:44 AM) უ.ს. მინიშნებაა, რომ არსებობს ტრანსცენდენტული "მიზეზი". ანთროპომორფიზმს ვუახლოვდებით/ვიყენებთ? ციტატა(კანუდოსელი @ Feb 20 2009, 10:44 AM) რადგან, თუ მატერია-დრო-სივრცე არ არსებობდა დიდ აფეთქებამდე - მაშინ ის, რაც იწვევს სამყაროს რეალობაში - არის სივრცე-დრო-მატერიის მიღმა, ასეთ კატეგორიას ფილოსოფიაში ტრანსცენდენტული მიზეზი ეწოდება. პულსირებადი სამყაროს შესახებაც არსებობს მოსაზრებანი... ეს ტრანსცენდენტული მიზეზი რამდენად შეიძლება იყოს შემოქმედი და არა უბრალოდ დასაბამი? განვსაზღვროთ რას ვგულისხმობთ შემოქმედში... |
|
|
|
| კანუდოსელი |
Feb 20 2009, 02:08 PM
პოსტი
#111
|
|
Advanced Member ჯგუფი: Members პოსტები: 8,829 რეგისტრ.: 2-November 06 მდებარ.: კანუდოსი წევრი № 374 |
პულსირებადი სამყარო ნაკლებად სარწმუნოა თუ დღევანდელ დაკვირვებებს დაეჯერება...
ტრანსცენდენტს რაც შეეხება - უფრო დეტალურად რომ ვისაუბროთ ფილოსოფია უნდა მოვიხმოთ და ახლა მე ამის არც ნერვი და არც დრო მაქვს -------------------- ინკვიზიტორი იეღოველი ეკუმენისტი მასონი ბუდისტი მღვდელი გულისყურით გისმენთ :-)
პ.ს. ბყკ :-) ბ - ბუდისტ ყ - ყრმათა კ - კავშირი |
|
|
|
| წკაპო |
Feb 20 2009, 02:13 PM
პოსტი
#112
|
|
Newbie ჯგუფი: Members პოსტები: 19 რეგისტრ.: 18-February 09 წევრი № 6,523 |
ციტატა(კანუდოსელი @ Feb 20 2009, 11:08 AM) პულსირებადი სამყარო ნაკლებად სარწმუნოა თუ დღევანდელ დაკვირვებებს დაეჯერება... ერთი შესაძლებლობა ვახსენე.  თანაც, სამყაროს საშუალო სიმკვრივე დავადგინეთ განაღა? ციტატა(კანუდოსელი @ Feb 20 2009, 11:08 AM) ტრანსცენდენტს რაც შეეხება - უფრო დეტალურად რომ ვისაუბროთ ფილოსოფია უნდა მოვიხმოთ და ახლა მე ამის არც ნერვი და არც დრო მაქვს თავად ახსენე ტრანსცენდენტი.  მე პირადად ყოველივე ტრანსცენდენტულს ალმაცერად ვუყურებ, ამიტომაც მსურდა შენისათანასაგან მიმეღო ცოტაოდენი განმარტება.  |
|
|
|
| გიორგი |
Feb 20 2009, 04:39 PM
პოსტი
#113
|
|
მეცნიერი & ხელოვანი ჯგუფი: Members პოსტები: 7,905 რეგისტრ.: 18-November 06 წევრი № 491 |
კანუდოსელი
ციტატა სამყაროს დასაწყისი დროში თუ თვითონ დროის დასაწყისი? საკითხი ასე დგას: აქვს თუ არა რაიმე ფიზიკური აზრი 30 მლრდ წლის წინანდელ დროს? -------------------- My Favourites:
Dinamo Tbilisi & Real Madrid, as Football Clubs. Georgia & Italy, as National Teams. Katie Melua, as a Musician. Stephen Hawking, as a Scientist. 'Contact' (1997), as a Film. 'Don Quixote', as a Novel. Miguel de Cervantes, as a Writer. Ayrton Senna, as F1 Racing Driver. |
|
|
|
| კანუდოსელი |
Feb 22 2009, 01:11 AM
პოსტი
#114
|
|
Advanced Member ჯგუფი: Members პოსტები: 8,829 რეგისტრ.: 2-November 06 მდებარ.: კანუდოსი წევრი № 374 |
ჰო, ეგ ვიგულისხმე რაა...
თუმცა ძნელი სათქმელია როგორაა რეალურად...კვანტური ეფექტების გათვალისწინება სპობს სინგულარობას.... -------------------- ინკვიზიტორი იეღოველი ეკუმენისტი მასონი ბუდისტი მღვდელი გულისყურით გისმენთ :-)
პ.ს. ბყკ :-) ბ - ბუდისტ ყ - ყრმათა კ - კავშირი |
|
|
|
| კანუდოსელი |
Feb 22 2009, 01:22 AM
პოსტი
#115
|
|
Advanced Member ჯგუფი: Members პოსტები: 8,829 რეგისტრ.: 2-November 06 მდებარ.: კანუდოსი წევრი № 374 |
ციტატა(წკაპო @ Feb 20 2009, 03:13 PM) მე პირადად ყოველივე ტრანსცენდენტულს ალმაცერად ვუყურებ, ამიტომაც მსურდა შენისათანასაგან მიმეღო ცოტაოდენი განმარტება. ფილოსოფიაში გადავედით მაშინ. მოკლედ ეს საკითხი ასე დგას (ჰეგელი): არსი არის ის, რაც არსებობს, თავად ფაქტი მისი განმარტებისა - არსებობს - გულისხმობს მის შეზღუდვას - ანუ, იმას, რომ არსი არ არის არარსი - არარსი, ანუ ის, რაც არ არსებობს (მატერიალური იგულისხმება). ამიტომ ფილოსოფიაში შემოდის ორი "საპირისპირო" ცნება - არსი და არარსი. ახლა რატომ ჩავსვი სიტყვა საპირისპირო, ბრჭყალებში...მოკლედ, უსასრულო მსჯელობის მეთოდს (ეს მეთოდი თავად განიმარტება მაგალითის მოყვანით) თუ გამოვიყენებთ, გამოდის შემდეგი: არსი არსებობს და არარსი არ არის არსი. მაგრამ მეორეს მხრივ, არარსი არის ის რაც არ არის არსი - ე.ი. არსი და არარსი ერთდროულად განსხვავებულიცაა და ამავდროულად ურთიერთის შემცველი - "იდენტური", რადგან ორივე, როგორც არსი ისე არარსი არის და თან ერთიმეორის საზღვარზეა. ამიტომ გამოდის, რომ ფილოსოფიაში არარსი (ტრანსცენდენტული) იმიტომ არის-არსებობს, რომ არის-არსებობს თავად არსი. ამაზე უფო გასაგებად ვერ დავწერ, სამწუხაროდ ჰეგელი კიდევ უფრო საშინელია, მის ტერმინებს თავად ჰეგელისტები ვერ იგებენ. ისე, სავლე წერეთელის მიერ შემუშავებულ-განვრცობილი უსასრულო მსჯელობის მეთოდი ძალიან ფუნდამენტურია. პ.ს. მოკლედ, ამიტომ მწამს რომ ტრანსცენდენტული "არსებობს". ანუ საკმარისია არარსი არ იყოს კატეგორია, რომ არსი - როგორც არა-არარსი - დაკარგავდა აზრს - და არც ის იარსებებდა -------------------- ინკვიზიტორი იეღოველი ეკუმენისტი მასონი ბუდისტი მღვდელი გულისყურით გისმენთ :-)
პ.ს. ბყკ :-) ბ - ბუდისტ ყ - ყრმათა კ - კავშირი |
|
|
|
| წკაპო |
Feb 22 2009, 02:41 PM
პოსტი
#116
|
|
Newbie ჯგუფი: Members პოსტები: 19 რეგისტრ.: 18-February 09 წევრი № 6,523 |
ციტატა(კანუდოსელი @ Feb 21 2009, 10:22 PM) ფილოსოფიაში გადავედით მაშინ. მოკლედ ეს საკითხი ასე დგას (ჰეგელი): არსი არის ის, რაც არსებობს, თავად ფაქტი მისი განმარტებისა - არსებობს - გულისხმობს მის შეზღუდვას - ანუ, იმას, რომ არსი არ არის არარსი - არარსი, ანუ ის, რაც არ არსებობს (მატერიალური იგულისხმება). ამიტომ ფილოსოფიაში შემოდის ორი "საპირისპირო" ცნება - არსი და არარსი. ახლა რატომ ჩავსვი სიტყვა საპირისპირო, ბრჭყალებში...მოკლედ, უსასრულო მსჯელობის მეთოდს (ეს მეთოდი თავად განიმარტება მაგალითის მოყვანით) თუ გამოვიყენებთ, გამოდის შემდეგი: არსი არსებობს და არარსი არ არის არსი. მაგრამ მეორეს მხრივ, არარსი არის ის რაც არ არის არსი - ე.ი. არსი და არარსი ერთდროულად განსხვავებულიცაა და ამავდროულად ურთიერთის შემცველი - "იდენტური", რადგან ორივე, როგორც არსი ისე არარსი არის და თან ერთიმეორის საზღვარზეა. ამიტომ გამოდის, რომ ფილოსოფიაში არარსი (ტრანსცენდენტული) იმიტომ არის-არსებობს, რომ არის-არსებობს თავად არსი. (ნუ ჩამქოლავთ , რასაც ახლა ვიტყვი, ვიცი, აკრძალულია საფილოსოფიო წრეებსა და მათ მიმდებარე დარგებში)ჰეგელს დიდი ხნის წინათ დავანებე თავი, მივხვდი, რომ ჰეგელიანობა უბრალო ტვინის ვარჯიშია, უნაყოფო და ჩიხში შემყვანი. მისი მოძღვრება არსისა და არარსის შესახებ არის სპეკულატიური მოძღვრება და უმართებულოდ მეჩვენება მისი განზოგადება რეალურ სამყაროზე. „ არარსი, როგორც დაუყოვნებლივი არარსი უდრის თავის თავს, ამდენად, პირუკუ, არის იგივე რაც არსი. არსის ჭეშმარიტება, ისევე როგორც არარსისა, შემდგომში არის ამ ორთა ერთობა; ეს ერთობა არის მერმისი“ (სამწუხაროდ, ქართულ წყაროზე ხელი არ მიმიწვდება, ამიტომ ფრანგულიდან ვთარგმნე). მომიტევეთ და ამ მტკიცებასთან შედარებით მღვდელ ჰელერის დასკვნები ბევრად უფრო ჰგავს საღს აზრს. ციტატა(კანუდოსელი @ Feb 21 2009, 10:22 PM) ამაზე უფო გასაგებად ვერ დავწერ, სამწუხაროდ ჰეგელი კიდევ უფრო საშინელია, მის ტერმინებს თავად ჰეგელისტები ვერ იგებენ. ნიშანდობლივი განცხადებაა - (თითქმის) არავის ესმის ჰეგელიანობა და მაინც მის ნააზრევს ეყრდნობიან. რელიგიას ჰგავს, ოღონდ მეცნიერების სამოსშია გახვეული. მე ასე მესმის, როდესაც ადამიანს არ ძალუძს სხვა ადამიანისათვის რამის ახსნა, მაშინ ამ ადამიანმა თავადვე არ იცის ის, რაზეც ლაპარაკობს. ციტატა(კანუდოსელი @ Feb 21 2009, 10:22 PM) ისე, სავლე წერეთელის მიერ შემუშავებულ-განვრცობილი უსასრულო მსჯელობის მეთოდი ძალიან ფუნდამენტურია. ჰმმ, არც კი გამიგია სავლე წერეთელი. სად შეიძლება მისი ნაშრომების მოხელთება? ციტატა(კანუდოსელი @ Feb 21 2009, 10:22 PM) პ.ს. ძალიან ბევრი დაშვებაა (გონებრივ წიაღსვლებს ვეძახი ასეთ მსჯელობებს), ამიტომაც ... მოკლედ, ამიტომ მწამს რომ ტრანსცენდენტული "არსებობს". ანუ საკმარისია არარსი არ იყოს კატეგორია, რომ არსი - როგორც არა-არარსი - დაკარგავდა აზრს - და არც ის იარსებებდა მაინც ვერაფერი გავიგე. |
|
|
|
| კანუდოსელი |
Feb 22 2009, 05:24 PM
პოსტი
#117
|
|
Advanced Member ჯგუფი: Members პოსტები: 8,829 რეგისტრ.: 2-November 06 მდებარ.: კანუდოსი წევრი № 374 |
ციტატა(წკაპო @ Feb 22 2009, 03:41 PM) მომიტევეთ და ამ მტკიცებასთან შედარებითშ მღვდელ ჰელერის დასკვნები ბევრად უფრო ჰგავს საღი აზრს. ვითომ? ჰმ...  ციტატა(წკაპო @ Feb 22 2009, 03:41 PM) მე ასე მესმის, როდესაც ადამიანს არ ძალუძს სხვა ადამიანისათვის რამის ახსნა, მაშინ ამ ადამიანმა თავადვე არ იცის ის, რაზეც ლაპარაკობს. მე მგონი ავხსენი კიდეც და საიდან გამოდის ეს დასკვნა? უბრალოდ უფრო მარტივად ფილოსოფია არ იხსნება.... - სინამდვილეში კი იხსნება, ოღონდ თითოეულ ადგილას უამრავი დეტალი უნდა განსაზღვრო და მაშინ ფორუმი ტრაქტატებს დაემსგავსება... ციტატა(წკაპო @ Feb 22 2009, 03:41 PM) ჰმმ, არც კი გამიგია სავლე წერეთელი. სად შეიძლება მისი ნაშრომების მოხელთება? ფილოსოფიის ინსტიტუტში - სხვათა შორის ფილოსოფიის ინსტიტუტი სავლე წერეთელი სახელობისააან საჯაროში... უცხოური არ ვიცი სად და როგორ... ციტატა(წკაპო @ Feb 22 2009, 03:41 PM) ძალიან ბევრი დაშვებაა (გონებრივ წიაღსვლებს ვეძახი ასეთ მსჯელობებს), ამიტომაც ... მაინც ვერაფერი გავიგე. კონცეპტუალურ დონეზე - დაშვებების არარსებობა შეუძლებელიცაა... (გიოდელის თეორემა), მეორეს მხრივ ბევრს ვერ დავარქმევდი მე ამას... პ.ს. მეჩვენება, რომ ვაოფებთ, თუმცა თან თემამაც მოიტანა... ისე ახალი თემაც შეიძლება გაიხსნას და ფილოსოფიურ კონცეფციებზე იყოს საშუალება საუბრისა.... -------------------- ინკვიზიტორი იეღოველი ეკუმენისტი მასონი ბუდისტი მღვდელი გულისყურით გისმენთ :-)
პ.ს. ბყკ :-) ბ - ბუდისტ ყ - ყრმათა კ - კავშირი |
|
|
|
| წკაპო |
Feb 22 2009, 08:39 PM
პოსტი
#118
|
|
Newbie ჯგუფი: Members პოსტები: 19 რეგისტრ.: 18-February 09 წევრი № 6,523 |
ციტატა(კანუდოსელი @ Feb 22 2009, 02:24 PM) ვითომ? ჰმ... უჰუ. დანარჩენს არ შევეხები, თორემ მართლა ძალიან ვშორდებით თემას. |
|
|
|
| კანუდოსელი |
Feb 22 2009, 08:48 PM
პოსტი
#119
|
|
Advanced Member ჯგუფი: Members პოსტები: 8,829 რეგისტრ.: 2-November 06 მდებარ.: კანუდოსი წევრი № 374 |
меня терзают смутные сомнения (@И.В. меняет профессию
) что вы не долюбливайте философию -------------------- ინკვიზიტორი იეღოველი ეკუმენისტი მასონი ბუდისტი მღვდელი გულისყურით გისმენთ :-)
პ.ს. ბყკ :-) ბ - ბუდისტ ყ - ყრმათა კ - კავშირი |
|
|
|
| წკაპო |
Feb 22 2009, 08:53 PM
პოსტი
#120
|
|
Newbie ჯგუფი: Members პოსტები: 19 რეგისტრ.: 18-February 09 წევრი № 6,523 |
ციტატა(კანუდოსელი @ Feb 22 2009, 05:48 PM) меня терзают смутные сомнения (@И.В. меняет профессию ) что вы не долюбливайте философию თქვენ ეგ ეჭვები სწორად გღრღნიან. |
|
|
|
|
ამ თემას კითხულობს 1 მომხმარებელი (მათ შორის 1 სტუმარი და 0 დამალული წევრი)
0 წევრი:
| მსუბუქი ვერსია | ახლა არის: 6th July 2025 - 11:41 PM |
მართლმადიდებლური არხი: ივერიონი
ფორუმის ელექტრონული ფოსტა: იმეილი
CHURCH.GE-Powered by Giorgi and IPB. Hosting by WebHostinG.Ge
2025
Licensed to: church.ge