იესოს ლოცვა, ჩვენი პრაქტიკა პარამეტრები

[marine]

"უფალო, იესო ქრისტე, შემიწყალე მე!" ეს ლოცვა ჭეშმარიტად ეკლესიის საიდუმლოა. ის ბომბივითაა, რომელიც ერთი შეხედვით პატარაა, მაგრამ მთელი სივრცის აფეთქება შეუძლია. საკმარისია, ადამიანმა მისი მოხვეჭა და გათავისება შეძლოს, რომ ის ხედავს, როგორ იწყება გარღვევა გულის სიღრმეში, საიდანაც ყველანაირი სიბინძურე, ვნება და ცოდვა გამოედინება. ადამიანის შიგნით სიღრმისეული "ზონდირება" მიმდინარეობს და ამავდროულად მისი არსების სიღრმეში საღმრთო მადლი აღწევს"

/მიტროპოლიტი ათანასე ლიმასოლელი/

[marine]

"ათონის წმინდა მთის ძმური რჩევა ყოველთვის შემდეგში მდგომარეობს: რაც ხშირად და დიდი რწმენით ვილოცებთ, - უფალო იესო ქრისტე, შემიწყალე მე, - მით მეტად დავუახლოვდებით ქრისტეს და მით უფრო მეტ ძალას მივიღებთ მისგან ამ ცხოვრებისეული ტკივილებისა და განსაცდელების დასაძლევად"

[marine]

"ღირსი მამა [ალექსი შუშანია] უპირატესობას ანიჭებდა იესოს ლოცვას სკვნილზე, რაც "მისი საყვარელი ლოცვა იყო"

/მიტროპოლიტი შიო (მუჯირი)/

[marine]

"მორჩილ ფავსტოსადმი კიდევ ერთ, დაუთარიღებელ წერილში მამა ალექსი [სენაკელი (შუშანია)] ურჩევს მას იესოს ლოცვის ღვაწლის გაძლიერებას: "იესოს ლოცვას დიდად მიეძალე გულში". შემდეგ დასძენს, რომ ეს ლოცვა "განდევნის ყოველი შენი სულის მტრებს და მოგცემს ნუგეშის"

/მიტროპოლიტი შიო (მუჯირი)/

[marine]

"საეკლესიო მსახურებების დროს სასარგებლოა იესოს ლოცვა: იგი აკავებს გონებას გაფანტულობისგან და ეხმარება მას, რათა ყური უგდოს საეკლესიო გალობასა და კითხვას"

/წმინდა მღვდელმთავარი ეგნატე ბრიანჩანინოვი/

[marine]

"ვფიქრობ, ამჟამად ყველაზე ქმედითი ღვაწლის აღორძინებას თითოეული ჩვენგანის, მთელი საზოგადოებისა და სახელმწიფოსთვისაც კი, "იესოს ლოცვა" წარმოადგენს. თუკი მონაზვნები და ერისკაცები თავიანთი ცხოვრების მთავარ საქმიანობად "იესოს ლოცვას" ჩათვლიან, მაშინ, ვიმედოვნებ, ღვთის სასწაული შედგება, როგორც ეს ბიზანტიის დაცემის წინ მოხდა, - უფალი მოგვმადლებს დღეგრძელობას. ღირსი იოანე სინელი ამბობს: "იესო ქრისტეს სახელით ებრძოლე მოწინააღმდეგეს, ამაზე ძლიერ იარაღს ვერ მოიძიებ ვერც მიწაზე და ვერც ზეცაში". ეს ნიშნავს, რომ არ არსებობს უფრო აღმატებული ძალა, ვიდრე იესო ქრისტეს სახელია, როცა ის ადამიანის გულს შეეუღლება"

/არქიმანდრიტი რაფაელი (კარელინი)/

[marine]

"იესოს ლოცვის გამეორება: უფალო იესო ქრისტე, ძეო ღვთისაო, შემიწყალე მე ცოდვილი, - თქვენ უფრო მიგაახლოებთ უფალს, რომელიც მოგცემთ ზეციურ სიყვარულს ყველას მიმართ, თქვენი მტრების მიმართაც კი"

/მამა ზოსიმე (ზაქარია) ტროიცკო-სერგიევის ბერი/

[marine]

"2017 წილს 9 ოქტომბერს კვიპროსული ავიაკომპანიის თვთიმფრინავი ლარნაკადან ისრაელის საპორტო ქალაქ ხაიფასკენ ჩვეულ რეისს ასრულებდა. დაშვებამდე ათი წუთით ადრე ძრავის მუშაობა შეფერხდა. სწორედ ამ დროს ბერძენმა მფრინავმა პანაიოტიმ მოულოდნელად გონება დაკარგა. ჯერაც კიდევ ბურანში მყოფმა პილოტმა იგრძნო, როგორ გადაიბარა ორმა მხურვალე ხელმა მართვის პულტი. ოცდაორმა შეშინებულმა ებრაელმა მოთქმა-გოდება დაწიყო, - დავიხოცებითო. პანიკას არ აჰყოლია ნაზარეთელი მართლმადიდებელი არქიმანდრიტი ანდრია, რომელიც სკვნილზე იესოს ლოცვას ჩურჩულებდა.

თვითმფრინავი მშვიდობიანად მიბრუნდა ლარნაკას აეროპორტში. აღელვებული პილოტი არქიმანდრიტს ხელზე ემთხვია და მეორე ბერი მოიკითხა. მამა ანდრიამ უპასუხა, რომ მის გვერდით არავინ მჯდარა. პილოტი ირწმუნებოდა: "დაბალი, ძალიან გამხდარი, თეთრწვერა ბერი ჩემს ხელებს საჭეზე აკავებდა, სწორედ მან გვიხსნა კატასტროფისგან". არქიმანდრიტმა მფრინავს ეფრემ არიზონელის ფოტო აჩვენა და გაოცებულმა პილოტმა მასში რეისის გადამრჩენელი მოხუცი ამოიცნო.

ამგვარად სასწაულის მოხდენა, რომელიც ვერ აიხსნება, მხოლოდ იესოს ლოცვას ძალუძს".

[marine]

"იესოს ლოცვა წარმოთქვით არა იმისთვის, რომ ლოცვის ნიჭი შეიძინოთ, არამედ იმისთვის, რომ დაამარცხოთ ვნებები უფლის ნებით, შემოქმედისადმი ერთგულებით. თქვენ - უფლის მიერ ქმნილმა - აღიარეთ მის წინაშე, რომ უძლური ხართ და შესთხოვეთ მადლისმიერი შეწევნა, რომელიც თავმდაბლობით მიიღება". "იესოს ლოცვა უფალთან თანამყოფობის გაცნობიერებით წარმოითქმება, უნდა გვჯეროდეს, რომ შენ კი არ ჭვრეტ უფალს, უფალი გიყურებს და იცის ყველაფერი, რაც შენშია"

/სქემარქიმანდრიტი კვირიკე ათონელი/