აბორტის ცოდვა "არა კაც კლა" - მართლმადიდებლური ფორუმი

აბორტის ცოდვა "არა კაც კლა"

გამოკითხვა

არის თუ არა აბორტი ცოდვა?

კი	[ 151 ]	[96.18%]
არა	[ 6 ]	[3.82%]

მიგაჩნიათ თუ არა აბორტი ცოდვად, მაშინ როცა ეს დედის სიცოცხლის გადარჩენის გამო ხდება.

კი	[ 98 ]	[62.42%]
არა	[ 59 ]	[37.58%]

სულ ხმები:: 314

სტუმრებისთვის ხმის მიცემა აკრძალულია

მართა	Jul 31 2007, 05:11 PM პოსტი #501
Advanced Member ჯგუფი: Members პოსტები: 1,487 რეგისტრ.: 7-July 07 წევრი № 2,399	ვეთანხმები გიორგის,ჩემი დამოკიდებულებაც ამ საკითხისადმი ცალსახაა!! -------------------- ქართველნო ერთად ღვთისაკენ!

ნათია	Jul 31 2007, 05:11 PM პოსტი #502
Miss invisible ჯგუფი: მოდერატორ-ფინანსისტი პოსტები: 18,669 რეგისტრ.: 28-February 07 წევრი № 1,224	გაგრძელება.... წმიდა მამები და ეკლესია აბორტის შესახებ მუცლის ხელოვნურად მოშლა ყველა მსოფლიო რელიგიის მიერ ბავშვის მკვლელობად არის მიჩნეული. ეკლესია ყოველთვის გმობდა მუცლის ხელოვნურად მოშლას. ანკირიის კრების 21-ე კანონის თანახმად: „მეძავი დედები, რომლებიც საწამლავს ამზადებენ და თავის ნაყოფს სპობენ, ადრინდელი კანონის მიხედვით სიკვდილამდე არ დაიშვებოდნენ (წმიდა საიდუმლოთა) ზიარებაზე. ხოლო ჩვენ ვცდილობთ, უფრო მეტი კაცთმოყვარება გამოვიჩინოთ და განვსაზღვრავთ, რომ მათ 10 წელი უნდა შეასრულონ (ეპიტიმიის) დაწესებულ ხარისხთა მიხედვით“. VI მსოფლიო კრების 91-ე კანონი: „ქალებს, რომლებიც ჩვილებს სასიკვდილო წამალს მისცემენ და რომლებიც თვითონ მიიღებენ მათ მოსაშორებელ საწამლავს, კაცისმკვლელთა კანონით განვაკანონებთ“. წმიდა ბასილი დიდის II კანონი: „წინასწარი განზრახვით მუცელში ჩვილის მომკვლელს კაცისკვლის სასჯელი ედება. ჩვენ არ შეგვიძლია ზუსტად დავადგინოთ ჩასახულია და ბოლომდე არის თუ არა ჩამოყალიბებული მოწყვეტილი ჩვილი. აქ გამოიძიება და დასასჯელი იქნება არა მხოლოდ დამნაშავე დასაბადებლის მოსპობისათვის, არამედ მისი მშობელიც, რომელმაც თავის თავზე აღმართა ხელი, რადგან ამ მიზეზით მრავალი ქალი კვდება. ამას უერთდება გახრწნა ნაყოფისა, როგორც სხვა სახე კაცის კვლისა. ვინც ამას წინასწარი განზრახვით გაკეთებას ჩადენას გაბედავს, მკვლელია, მაგრამ მისი სინანული არ უნდა გაგრძელდეს სიკვდილამდე, არამედ მისი შეწყნარება შეიძლება 10 წლის შემდეგ. მათი სრულად განკურნება ბრალისაგან შეუძლია არა დროს, არამედ სინანულის სახეს“. წმიდა ბასილი დიდის VIII კანონი: „...ისინი, ვინც ფეხმძიმეებს მუცლის მოსაწყვეტ წამალს მისცემენ, კაცის მკვლელნი არიან და მათთან ერთად იგივე ბრალი ედება მიმღებსა და მომხმარებელს მათგან მომზადებული საწამლავისა...“ მკვლელია არა მარტო ქალი, რომელიც ხელოვნურად მოიშლის მუცელს, არამედ ექიმიც, რომელიც მას ამგვარ ოპერაციას გაუკეთებს, ან ამ მიზნით, მისცემს მას რაიმე წამალს. მკვლელია ქმარიც, როდესაც იგი თანხმდება (ან ხელს არ უშლის) ცოლს მუცლის მოშლაზე. მკვლელებია ისინიც, ვინც ურჩევს ქალს მოიშალოს მუცელი, ვინც ავრცელებს აბორტის რეკლამას; ვინც იბრძვის აბორტის ლეგალიზაციისათვის, აწარმოებს და ყიდის მუცლის მოსაშლელ პრეპარატებს. თანამედროვე ეკლესია მუცელში ჩვილის მოწყვეტის გამო ხანგრძლივ ეპიტიმიებს არ ადებს. ამ ცოდვის სიმძიმე არ განისაზღვრება ორსულობის რომელ სტადიაში იქნა მოკლული ნაყოფი. ეს ცოდვა არის დანაშაული უფლის წინაშე და ადამიანის სიცოცხლის ხელყოფას წარმოადგენს. მუცლის ბუნებრივად მოშლის შემთხვევაში ქალს მღვდელი უკითხავს საგანგებო ლოცვას, რომელიც თავისი შინაარსით სინანულის ლოცვაა. ხოლო აბორტის შემდეგ ამ ლოცვის წაკითხვას არანაირი საეკლესიო-კანონიკური საფუძველი არ აქვს. ინტერნეტის მასალების მიხედვით მოამზადა მარიამ გაგუამ გაზეთი „საპატრიარქოს უწყებანი“, № 51 (204), 2002 წ. -------------------- პატიოსნება ჩვენი დროის ჭეშმარიტი არისტოკრატიზმია!

natiko	Jul 31 2007, 05:18 PM პოსტი #503
natia ჯგუფი: Members პოსტები: 335 რეგისტრ.: 22-August 06 წევრი № 103	ციტატა(Lenus @ Jul 31 2007, 10:10 AM) ბოდიში, ვერ გავიგე. რას ჰქვია ჯანმრთელობის შენარჩუნება? ამგ ცოდვის გამოსწორება როგორ შეიძლება?? ნუ ჯამრთელობაზე ვიგულისხმე მიწიერი სიცოცხლის შენარჩუნება , ახლა როცა ქალი არჩევანის წინაშეა ან შვილი ან თავის თავიზე მიწიერი სიცოცოცხლის შენარჩუნებაზე (თუ ექიმებიც ურჩევენ აბორტს), რგორღა უნდა მოიქცეს, მაშინ ახსენი?! -------------------- << ვიყუარებდეთ ურთიერთას, რათა ერთობით ვაღიარებდეთ უფალსა >>

გიორგი	Jul 31 2007, 05:22 PM პოსტი #504
მეცნიერი & ხელოვანი ჯგუფი: Members პოსტები: 7,905 რეგისტრ.: 18-November 06 წევრი № 491	ციტატა(natiko @ Jul 31 2007, 05:18 PM) როგორღა უნდა მოიქცეს, მაშინ ახსენი?! ეს უმძიმესი განსაცდელია, რომელსაც შუალედი არა აქვს, ან შვილის მკვლელობა და საშინელი ცოდვით დაცემა ან თავგანწირვა და ცხონება. ასეთი სიტუაცია წააგავს იმ ჯარისკაცის არჩევანს, რომლის წინაშეც ორი გზაა ან სახელმწიფოს საიდუმლოების გაცემა და სამშობლოს სამარცხვინო ღალატი ან საიდუმლოს შენახვა და გმირული სიკვდილი. მესამე გზა არ არსებობს. -------------------- My Favourites: Dinamo Tbilisi & Real Madrid, as Football Clubs. Georgia & Italy, as National Teams. Katie Melua, as a Musician. Stephen Hawking, as a Scientist. 'Contact' (1997), as a Film. 'Don Quixote', as a Novel. Miguel de Cervantes, as a Writer. Ayrton Senna, as F1 Racing Driver.

ნათია	Jul 31 2007, 05:28 PM პოსტი #505
Miss invisible ჯგუფი: მოდერატორ-ფინანსისტი პოსტები: 18,669 რეგისტრ.: 28-February 07 წევრი № 1,224	როგორ განვიხილოთ აბორტების პრაქტიკა? საკითხი აბორტის დაშვებულობის შესახებ მეტყველებს ადამიანის, საერთოდ კაცობრიობის განსაცვიფრებელ უგრძნობელობაზე ადამიანის სიცოცხლის მიმართ. საზარელია ვიფიქროთ იმაზე, რომ ერთდროულად საუბრობენ ადამიანთა სიცოცხლის სიწმინდეზე და იქვე ნებას რთავენ და აკანონებენ აბორტს. მე ვფიქრობ, რომ იმ ქვეყანაში, სადაც აბორტი დაკანონებულია, არავის, დაწყებული მთავრობიდან დამთავრებული ჩვეულებრივი მოქალაქით, არა აქვს უფლება თქვას, რომ ადმაიანის სიცოცხლე სიწმინდეა, რადგანაც აბორტი მკვლელობაა. იმის თქმა, რომ აბორტი შესაძლებელია გაკეთდეს რაღაც მომენტში მანამდე, სანამ ჩანასახი უკვე ხილულად მიიღებს ბავშვის სახეს, ასევე არ არის მდგომარეობიდან გამოსავალი, ყოველ შემთხვევაში, მორწმუნეთათვის. გვაქვს კი უფლება, ვთქვათ, რომ როდესაც ღვთისმშობელს ჩაესახა ქრისტე მაცხოვარი, რაღაც მომენტამდე - მე-14, მე-18, 28-ე კვირამდე - ის არ იყო ადამიანი და არ იყო დაბადებული ღმერთი? არა, ჩასახვის მომენტშივე ბავშვის ჩანასახი უკვე ადამიანია, მისი განადგურება ადამიანის მკვლელობაა. ამას უნდა შევხედოთ პირდაპირ და სერიოზულად, ამ ვითარებაში არავითარი პატიება არ არსებობს. აბორტი ან ადამიანების აღვირახსნილობის შედეგია, ან მეტყველებს ადამიანის სიცოცხლის მიმართ სრულ უგრძნობელობაზე. ეკლესიის თვალთახედვით, სახარების თვალთახედვით, ან, უბრალოდ, საღად მოაზროვნე კაცობრიობის თვალთახედვით ეს დანაშაულია. ეს არის ერთადერთი, რაც შეიძლება ითქვას ამის თაობაზე. იმ ქალებმა, რომლებიც აბორტს იკეთებენ, არ იციან, თუ რა შედეგები შეიძლება მოჰყვეს მას, როგორც ფსიქოლოგიური, ასევე ფიზიოლოგიური. არც ისე იშვიათია შემთხვევები, როდესაც აბორტის შემდეგ ქალი კარგავს ბავშვის შეძენის უნარს; და მაშინ იგი ნამდვილად სასოწარკვეთილებაში ვარდება, მას ერთმევა ის დედობრივი სიხარული, რომელზედაც რაღაც მომენტში უარი თქვა და რაზედაც ახლა სრულიად ამაოდ ოცნებობს. მაგრამ, ამას გარდა, ფსიქოლოგიურადაც ხდება, რომ ადრე თუ გვიან ცოლ-ქმარი ან ერთი მათგანი გონს მოდის. ისინი უეცრად მიხვდებიან, თუ რა ჩაიდინეს, რომ ის, რაც ჩაიდინეს, გამოუსწორებელია, მათ გაანადგურეს ცოცხალი არსება, წაართვეს სიცოცხლე, რომელსაც თავად ისინი ასე აფასებენ და ასე უყვართ. ვფიქრობ, ამას შეიძლება დავამატო კიდევ ერთიც მორწმუნისათვის: ხანდახან ისიც ხდება, რომ ადამიანი ცოდვას ჩაიდენს და ეს ცოდვა, ასე თუ ისე, გამოსწორებადია. ადამიანს, რომელთანაც ვიჩხუბეთ, შეიძლება შევურიგდეთ. ბოროტება, რომელიც ადამიანს გავუკეთეთ, ზოგჯერ შეიძლება გამოვასწოროთ, მაგრამ ცოცხალი არსებისათვის სიცოცხლის წართმევა გამოუსწორებელი დანაკარგია. ერთადერთი, რაც შეიძლება გავაკეთოთ, არის ის, რომ შევთხოვოთ უფალს, მიანიჭოს საუკუნო განსვენება ამ სულს, რომელისაც არ მივეცით ხორცშესხმისა და ცოცხალ ადამიანად ქცევის საშუალება. ვფიქრობ, აქ არის იმედის რაღაც ნაპერწკალი. მართლაც, ღვთის წინაშე, ყოველი ჩასახული არსება ცოცხალი არსებაა; საჭიროა მისთვის ლოცვა და სინანული სიცოცხლის ბოლომდე იმის გამო, რომ ცოცხალ არსებას მოესწრაფა სიცოცხლე ქარაფშუტობის, ბიწიერების, რაღაც სხეულებრივი თუ სულიერი გაუმაძღრობის გამო. ეს მონანიების საქმეა. მაგრამ მონანიება უაზრობაა, თუკი მას ნაყოფი არ მოაქვს; როდესაც ამბობენ, რომ კვლავ აქვს ადგილი განმეორებით აბორტებს, ეს იმას ნიშნავს, რომ ადამიანმა ვერ გააცნობიერა, ჯერ ვერ მიხვდა, თუ რა ჩაიდინა. მონანიების შედეგი უნდა იყოს შეგნება, რომ ამის ჩადენას ადამიანი ვეღარასოდეს ვეღარ შეძლებს. http://www.orthodoxy.ge/tserilebi/surojeli...li/damateba.htm -------------------- პატიოსნება ჩვენი დროის ჭეშმარიტი არისტოკრატიზმია!

ზებედე	Jul 31 2007, 05:36 PM პოსტი #506
ზეციკეთი ჯგუფი: Members პოსტები: 4,332 რეგისტრ.: 27-July 06 წევრი № 19	ციტატა(ნათია @ Jul 31 2007, 01:08 PM) სისხლი ღაღადებს (არქიმანდრიტ რაფაელის წერილების მიხედვით) იმასაც არ ვნაღვლობთ, დედის წიაღში მოკლული არსების განადგურება რომ ნათლობის მადლით განუბანელი სულის მკვლელობაა: ასეთი სული ბრმასავით გადადის მარადიულობაში და თან წინაპართა ცოდვების ბეჭედი მიაქვს. ნათია, არქიმანდრიტ ლაზარეს წერილებიც დადე რა, მე და კანუდოსელს მოგვწონს ამათი ქადაგებები. -------------------- მზეო ამოდი, ამოდი ნუ ეფარები გორასა წიწილის თეთრი ბუმბული, ველად გაჰქონდა ნიავსა

ნათია	Jul 31 2007, 05:37 PM პოსტი #507
Miss invisible ჯგუფი: მოდერატორ-ფინანსისტი პოსტები: 18,669 რეგისტრ.: 28-February 07 წევრი № 1,224	ციტატა(ზებედე @ Jul 31 2007, 06:36 PM) ნათია, არქიმანდრიტ ლაზარეს წერილებიც დადე რა, მე და კანუდოსელს მოგვწონს ამათი ქადაგებები. მე რაც მქონდა დავდე.... -------------------- პატიოსნება ჩვენი დროის ჭეშმარიტი არისტოკრატიზმია!

მხევალი ნინო	Jul 31 2007, 05:37 PM პოსტი #508
ზღაპრის ბოლო კეთილია.. ჯგუფი: Senators პოსტები: 25,889 რეგისტრ.: 19-December 06 წევრი № 715	მაპატიეთ, მაგრამ ხომ არ გეჩვენებათ, რომ ერთი და იგივეს ვატრიალებთ? თემა იმხელა უნდა იყოს, რომ შემომსვლელმა წაიკიტხოს და რაღაც მიიღოს, აქ თავიდან სურათებიც იყო აბორტის საშინელებაზე, ათასგვარი ქადაგებაც, ჩვენი დამოკიდებულებაც. სხვადასხვა სემთხვევაც განვიხილეთ,ეხლა მგონი ერთი და იგივეს ვაბრუნებთ არა? -------------------- ჩვენ ვინც ქრისტიანობა დაგვაბრალა .... დიდება შენდა, რომელმან მოგვფინე ნათელი -Поверь мне Карлсон, Не в пирогах счастье. -Да ты что, с ума сошёл?! А в чем же ещё? ©

ნათია	Jul 31 2007, 05:39 PM პოსტი #509
Miss invisible ჯგუფი: მოდერატორ-ფინანსისტი პოსტები: 18,669 რეგისტრ.: 28-February 07 წევრი № 1,224	ციტატა(მხევალი ნინო @ Jul 31 2007, 06:37 PM) მაპატიეთ, მაგრამ ხომ არ გეჩვენებათ, რომ ერთი და იგივეს ვატრიალებთ? ნინ, სხვათაშორის, მეც ვიფიქრე ეს.... უკვე დაიდო ფაქტები და დაფიქსირდა აზრიც... დროა დაიხუროს თემა... -------------------- პატიოსნება ჩვენი დროის ჭეშმარიტი არისტოკრატიზმია!

ზებედე	Jul 31 2007, 05:45 PM პოსტი #510
ზეციკეთი ჯგუფი: Members პოსტები: 4,332 რეგისტრ.: 27-July 06 წევრი № 19	ციტატა(ნათია @ Jul 31 2007, 01:39 PM) დროა დაიხუროს თემა... გენც, რას დებ, და რა ინფორმაციას უნდა დაუფიქრდე ხოლმე ამ კაცმა: ციტატა (არქიმანდრიტ რაფაელის წერილების მიხედვით) და ამ სიტყვებმა: ციტატა იმასაც არ ვნაღვლობთ, დედის წიაღში მოკლული არსების განადგურება რომ ნათლობის მადლით განუბანელი სულის მკვლელობაა: ასეთი სული ბრმასავით გადადის მარადიულობაში და თან წინაპართა ცოდვების ბეჭედი მიაქვს. საქართველოს ეკლესიას ერთ დროს დიდი შფოთი მოუტანა, ნუ იმეორებთ იგივეს! გადახედე წინა პოსტებს რა, და წაიკითხე კაიროსის პოსტები, სიკვდილასთან კამათის დროს! -------------------- მზეო ამოდი, ამოდი ნუ ეფარები გორასა წიწილის თეთრი ბუმბული, ველად გაჰქონდა ნიავსა

natiko	Jul 31 2007, 05:47 PM პოსტი #511
natia ჯგუფი: Members პოსტები: 335 რეგისტრ.: 22-August 06 წევრი № 103	ციტატა( გიორგი @ Jul 31 2007, 09:51 AM) აბორტი ნებისმიერ შემთხვევაში არის მკვლელობა. ის უფლისგან მაშინაც არ არის დართული, როდესაც ქალის ჯანმრთელობას კი არა თუნდაც სიცოცხლეს ემუქრებოდეს აშკარა საფრთხე. ძალიან გთხოვთ ნუ ვაუბრალოვებთ ამ ცოდვას. აბორტის გამკეთებელსა და შვილის მკვლელს შორის სხვაობა არაა, უბრალოდ როდესაც ჩვენ საკუთარი სიცოცხლის გადასარჩენად ვიკეთებთ აბორტს იმ დონეზე შეიძლება გავმართლდეთ რა დონეზეც შეიძლება გამართლდეს დედა, რომელმაც იარაღით მოკლა თავისი ერთი წლის შვილი იმიტომ, რომ მას ვიღაც ყაჩაღი დაემუქრა რომ თუ ბავშვს ადგილზე არ მოკლავ შენ მოგკლავ მაშინო და დედამ ამ გზით გადაირჩინა საკუთარი სიცოცხლე. ამაზე მეტი გამართლება აბორტს არა აქვს. სამწუხაროა, რომ ეკლესიურ ადამიანებსაც კი, რომლებმაც იციან რომ აბორტი ცოდვაა, ბოლომდე გაცნობიერებული არა აქვთ მისი საშინელება და მის დასაშვებობაზე ლაპარაკობენ თუნდაც გარკვეულ სიტუაციებში. 100%-იანი მართალი ხარ. აბორტის გამართლება არ არსებობს არანაირ ვარიანტში, თუნდაც დედის სიკვდილი გახდეს საჭირო ბავშვის გადასარჩენად . . . აბორტი ყოველთვის უმწეო ადამიანის მკვლელობაა და მისი გამართლება იმდენად შეიძლება, რამდენადაც უმწეო ადამიანის მკვლელობის გამართლება არსებობს . . . ხოლო მე ამ ცოდვას არ ვაუბრალოებ, მარა როცა ექიმები გირჩევენ ქალს,როგორღა უნდა მოიქცე მაშინ? ხოლო და მე აბორტის დიდი წინააგმდეგი ვარ. რომც მეუღლემ მითხრას გაიკეთეო, მაგას 100 წელი არ გავიკეთებ აბორტი მომაკვდინებელი და საშინელება ცოდვაა. რომ გავიკეთო, მერე კი ვიცი, რომ ამისთვის სასჯელს მივიღებ ხოდა მეც მეშინია , რომ უფლისაგან არ მივიღო ეგ სასჯელი -------------------- << ვიყუარებდეთ ურთიერთას, რათა ერთობით ვაღიარებდეთ უფალსა >>

გიორგი	Jul 31 2007, 05:50 PM პოსტი #512
მეცნიერი & ხელოვანი ჯგუფი: Members პოსტები: 7,905 რეგისტრ.: 18-November 06 წევრი № 491	ციტატა(natiko @ Jul 31 2007, 05:47 PM) ხოლო მე ამ ცოდვას არ ვაუბრალოებ, მარა როცა ექიმები გირჩევენ ქალს,როგორღა უნდა მოიქცე მაშინ? უნდა მოკვდე . . . თუ სხვა გზა არ არის. ჯობია ხორციელი სიკვდილი ვიდრე სულიერი სიკვდილი. ოღონდ ამის ძალები უნდა გაგაჩნდეს. P.S. მე გაგეცი ამ კითხვაზე პასუხი და შედარებაც მოვიყვანე, დაათვალიერე წინა პოსტები . . . -------------------- My Favourites: Dinamo Tbilisi & Real Madrid, as Football Clubs. Georgia & Italy, as National Teams. Katie Melua, as a Musician. Stephen Hawking, as a Scientist. 'Contact' (1997), as a Film. 'Don Quixote', as a Novel. Miguel de Cervantes, as a Writer. Ayrton Senna, as F1 Racing Driver.

ნათია	Jul 31 2007, 05:53 PM პოსტი #513
Miss invisible ჯგუფი: მოდერატორ-ფინანსისტი პოსტები: 18,669 რეგისტრ.: 28-February 07 წევრი № 1,224	ციტატა(ზებედე @ Jul 31 2007, 06:45 PM) გენც, რას დებ, და რა ინფორმაციას უნდა დაუფიქრდე ხოლმე ამ კაცმა: და ამ სიტყვებმა: საქართველოს ეკლესიას ერთ დროს დიდი შფოთი მოუტანა, ნუ იმეორებთ იგივეს! გადახედე წინა პოსტებს რა, და წაიკითხე კაიროსის პოსტები, სიკვდილასთან კამათის დროს! არ ვიცი თქვენ რაზე კამათობდით, მაგრამ ეს კაცი (როგორც შენ უწოდებ.. ) უარყოფითად აფასებს აბორტს... და ამ აზრის მიუღებლობა ვერ გავიგე შენი მხრიდან.. კონკრეტულად აქ აბორტზეა საუბარი და არა მის პირად ცხოვრებაზე ან ეკლესიის დამოკიდებულებაზე -------------------- პატიოსნება ჩვენი დროის ჭეშმარიტი არისტოკრატიზმია!

გიორგი	Jul 31 2007, 05:53 PM პოსტი #514
მეცნიერი & ხელოვანი ჯგუფი: Members პოსტები: 7,905 რეგისტრ.: 18-November 06 წევრი № 491	უყურეთ "ჩუმ ყვირლს", ამერიკული ფილმია აბორტის საშინელების შესახებ, ულტრაბგერებით გადაღებული ბავშვი პირს აღებს და ყვირის, მაგრამ ხმა არა აქვს ჯერ, ყვირის უხმოდ იმიტომ, რომ ეშინია სიკვდილის და არ უნდა რომ მოკლან . . . -------------------- My Favourites: Dinamo Tbilisi & Real Madrid, as Football Clubs. Georgia & Italy, as National Teams. Katie Melua, as a Musician. Stephen Hawking, as a Scientist. 'Contact' (1997), as a Film. 'Don Quixote', as a Novel. Miguel de Cervantes, as a Writer. Ayrton Senna, as F1 Racing Driver.

ნათია	Jul 31 2007, 05:56 PM პოსტი #515
Miss invisible ჯგუფი: მოდერატორ-ფინანსისტი პოსტები: 18,669 რეგისტრ.: 28-February 07 წევრი № 1,224	ციტატა( გიორგი @ Jul 31 2007, 06:50 PM) უნდა მოკვდე . . . თუ სხვა გზა არ არის. ჯობია ხორციელი სიკვდილი ვიდრე სულიერი სიკვდილი. ოღონდ ამის ძალები უნდა გაგაჩნდეს. სრულიად გეთანხმები გიო! -------------------- პატიოსნება ჩვენი დროის ჭეშმარიტი არისტოკრატიზმია!

ზებედე	Jul 31 2007, 08:13 PM პოსტი #516
ზეციკეთი ჯგუფი: Members პოსტები: 4,332 რეგისტრ.: 27-July 06 წევრი № 19	ციტატა( გიორგი @ Jul 31 2007, 01:50 PM) უნდა მოკვდე . . . თუ სხვა გზა არ არის. ჯობია ხორციელი სიკვდილი ვიდრე სულიერი სიკვდილი. ოღონდ ამის ძალები უნდა გაგაჩნდეს. გიო, შენ თუ ასე ფიქრობ სიკვდილი ურჩიე შენს ცოლს, სხვის სიკვდილის რჩევებს თავი დაანებო სჯობია! ყველას არ შეუძლია თავგანწირვა, და ვისაც არ შეუძლია ისინი ინანიებენ, და ღმერთიც პატიობს.... -------------------- მზეო ამოდი, ამოდი ნუ ეფარები გორასა წიწილის თეთრი ბუმბული, ველად გაჰქონდა ნიავსა

მართა	Aug 1 2007, 02:42 AM პოსტი #517
Advanced Member ჯგუფი: Members პოსტები: 1,487 რეგისტრ.: 7-July 07 წევრი № 2,399	ვერავინ დააძალებს მოკვდიო მაგრამ იკითხეს ამ შემთხვევაში რა ვქნათო და მიიღო პასუხი! ეგ მერე შენ გადაწყვიტე მოკვდები თუ მოკლავ! მე და სხვები რას ვიტყვით რა მნიშცნელობა აქვს უფლის წინაშე უნდა ვიყოთ მართლები!ფაქტია, ყველა შემთხვევაში ცოდვაა თუ გაიკეთებ აბორტს! რჩევა რა შუაშია სიმართლე უთხრა ასე უნდა მოიქცე და ეგ მერე თავად გადაწყვიტე რა გირჩევნია! -------------------- ქართველნო ერთად ღვთისაკენ!

ზებედე	Aug 1 2007, 03:32 AM პოსტი #518
ზეციკეთი ჯგუფი: Members პოსტები: 4,332 რეგისტრ.: 27-July 06 წევრი № 19	ციტატა(მართა @ Jul 31 2007, 10:42 PM) ვერავინ დააძალებს მოკვდიო მაგრამ იკითხეს ამ შემთხვევაში რა ვქნათო და მიიღო პასუხი! ეგ მერე შენ გადაწყვიტე მოკვდები თუ მოკლავ! მე და სხვები რას ვიტყვით რა მნიშცნელობა აქვს უფლის წინაშე უნდა ვიყოთ მართლები!ფაქტია, ყველა შემთხვევაში ცოდვაა თუ გაიკეთებ აბორტს! რჩევა რა შუაშია სიმართლე უთხრა ასე უნდა მოიქცე და ეგ მერე თავად გადაწყვიტე რა გირჩევნია! მე არ მინახავს, ეკლესიის მამები სწერდნენ რომ ასეთ კრიტიკულ მომენტში ქალმა თავი უნდა გაწიროს. და ის კანონები, რაც აბორტზე ვრცელდება წმ. მამებისგან, არ ეხება ისეთებს, ვინც ასეთ კრიტიკულ მომენტში იმყოფება...იმიტომ რომ მაშინ არ იყო კომპიუტერები და ტესტები, არც ის იცოდნენ ავადმყოფი დაებადებოდათ თუ ჯანმრთელი....წმ. მამების კანონები რომ გადავხედე ისეთებზე სწერია, ვინც აბორტს შვილის არ ნდომების გამო იკეთებს, და არა ისეთებზე- ქალს რომ ავადმყოფი ნაყოფის გამო ორგანიზმი ეწამლება, შვილიც კვდება და ქალიც....ხო და ასეთ დროს რა აზრი აქვს ქალის თავგანწირვას? წარმოიდგინეთ, რამდენი პრობლემები წარმოიქმნება ქალის თავგანწირვით: დედის გარეშე ბავშვის გაზრდა, მეუღლის დაქვრივება, რომელიც ბევრ პრობლემებს წარმოქმნის, მაგ: მრუშობას, ან მთელი ცხოვრება უნდა ეძებოს მეუღლე....ისე ასეთი კრიტიკული სიტუაციები არც ძაან ცოტაა, ხო და თუ ქალებმა თავები დაიხოცეს, ერს ვინ გაამრავლებს? -------------------- მზეო ამოდი, ამოდი ნუ ეფარები გორასა წიწილის თეთრი ბუმბული, ველად გაჰქონდა ნიავსა

ზებედე	Aug 1 2007, 04:29 AM პოსტი #519
ზეციკეთი ჯგუფი: Members პოსტები: 4,332 რეგისტრ.: 27-July 06 წევრი № 19	ციტატა( გიორგი @ Jul 31 2007, 12:50 PM) აბორტი გულის ამრევი, სამარცხვინო, ლაჩრული, საზიზღარი და უსაშინლესი მკვლელობაა, მისი გამართლება არანაირ შემთხვევაში არ არსებობს! ღმერთმა დაგიფაროთ შენც და შენი ცოლიც, მაგრამ რამე რომ მოხდეს მერე ვნახოთ როგორი ვაჟკაცი ურცხვი და გამბედავი აღმოჩნდები, რომ გეტყვიან ან ცოლი ან შვილიო! -------------------- მზეო ამოდი, ამოდი ნუ ეფარები გორასა წიწილის თეთრი ბუმბული, ველად გაჰქონდა ნიავსა

გიორგი	Aug 1 2007, 09:57 AM პოსტი #520
მეცნიერი & ხელოვანი ჯგუფი: Members პოსტები: 7,905 რეგისტრ.: 18-November 06 წევრი № 491	ციტატა გიო, შენ თუ ასე ფიქრობ სიკვდილი ურჩიე შენს ცოლს, სხვის სიკვდილის რჩევებს თავი დაანებო სჯობია! სიკვდილი - არა, თავგანწირვა - კი. ომში წასულ შვილს ნებისმიერი ქართველი დედა უმალ მტერთან სიკვდილს ურჩევდა ვიდრე გამოქცევას ან ღალატს, მაგრამ განა მას მისი შვილი არ უყვარდა. ასეა ესიც. თავგანწირვის სწავლება არის უმაღლესი ქრისტეანული სიყვარული და არა ვინმეს გამეტება. ამათ შორის განსხვავება თუ არ გვესმის ცუდად ყოფილა ჩვენი საქმე. ციტატა ყველას არ შეუძლია თავგანწირვა, და ვისაც არ შეუძლია ისინი ინანიებენ, და ღმერთიც პატიობს.... ძალიან ფრთხილად უნდა ვიყოთ სინანულთან. თუ წინასწარ ვკლავთ შვილს იმის იმედით, რომ მერე ამას მოვინანიებთ ეს არის აბსურდი. სინანული ყოველთვის შეიძლება, მაგრამ შენ გაცნობიერებული გაქვს რამხელა სინანული სჭირდება შვილის მკვლელ დედას, რომ მისი სული ცხონდეს?! თუ გგონია, რომ ეტყვის როგორც "უი მამაო ამ დილით ლოცვების წაკითხვა ვერ მოვასწარი" ამ დონეზე "მამაო აბორტი გავიკეთე" და მიეტევება, მაგაზე დღესდღეობით 3-4 წლიანი მძიმე კანონია შესასრულებელი . . . თანაც ისიც ჭეშმარიტი სინანულით თუ არა ისე აზრი არა აქვს . . . ციტატა ღმერთმა დაგიფაროთ შენც და შენი ცოლიც, მაგრამ რამე რომ მოხდეს მერე ვნახოთ როგორი ვაჟკაცი ურცხვი და გამბედავი აღმოჩნდები, რომ გეტყვიან ან ცოლი ან შვილიო. იქნებ ვიქნები მაგარი ვაჟკაცი, ან იქნებ ლაჩარი გამოვდგები . . . ჩემი საზომით შეიძლება ღმერთის და ქრისტეანობის გაზომვა?! არსებითი მნიშვნელობა აქვს მე რას ვიზამ?! მე არა ვარ ჭეშმარიტება, ჭეშმარიტება არის ქრისტეანული დამოკიდებულება, სადაც თავგანწირვა უმაღლესი სიყვარულის გამოხატულებაა. ციტატა ვერავინ დააძალებს მოკვდიო მაგრამ იკითხეს ამ შემთხვევაში რა ვქნათო და მიიღო პასუხი! აი, ამ ადამიანმა გაიგო რაც დავწერე. მე არავის არაფერს არ ვაძალებ, არც ვემუქრები, მაგრამ იყო კონკრეტული კითხვა, რომელზედაც გავეცი ისეთი პასუხი, რომლისგან განსხვავებული პასუხის უფლება არც მქონდა. ვინ რას იზამს სულ სხვა საკითხია, მე არავის არ განვიკითხავ. ციტატა რჩევა რა შუაშია სიმართლე უთხრა ასე უნდა მოიქცე და ეგ მერე თავად გადაწყვიტე რა გირჩევნია! აი, ამ ადამიანს ძალიან მკაფიო ქრისტეანული მიდგომა აქვს. ესმის ქრისტეანობის არსი. ერთია სწორი დამოკიდებულება და მეორე ვინ რას აირჩევს. ციტატა და ის კანონები, რაც აბორტზე ვრცელდება წმ. მამებისგან, არ ეხება ისეთებს, ვინც ასეთ კრიტიკულ მომენტში იმყოფება...იმიტომ რომ მაშინ არ იყო კომპიუტერები და ტესტები, არც ის იცოდნენ ავადმყოფი დაებადებოდათ თუ ჯანმრთელი.... ქრისტეს შეურაცმყოფელი პოსტებისგან თავი შევიკავოთ. ავადმყოფ ბავშვს ნებისმიერ ვარიანტში აქვს სიცოცხლის უფლება. ეს დაახლოებით იგივეა, რომ დაბადებული ბავშვი ავად გაგიხდეს, დაგეზაროს მოვლა და მოკლა. არავითარი განსხვავება არ არსებობს. ერთადერთი შემთხვევა, როდესაც აბორტი შეიძლება ვინმეს გაუგო (მაგრამ ქრისტეანულად არც ესაა დასაშვები) არის ის , რომ დედა კვდება და არა აქვს თავგანწირვის ძალები, მაგრამ ასეთ დროსაც ის შვილის მკვლელია, შვილის მკვლელი საკუთარი თავის გადასარჩენად, მაგრამ ერთგვარი სიბრალული შეიძლება გაგიჩნდეს მის მიმართ, მაგრამ ბავშვის ჯანმრთელობა/ავადმყოფობა საერთოდ რა მოსატანია, ამას ქრისტეანობა არც განიხილავს. ციტატა წარმოიდგინეთ, რამდენი პრობლემები წარმოიქმნება ქალის თავგანწირვით ეს არ არის ჰუმანისტური ან ფსევდოდემოკრატიული ფორუმი. ეს მართლმადიდებლური ფორუმია და თუ გამკეთებლები არ ვართ სიტყვით მაინც ჩამოვაყალიბოთ მართლმადიდებლური მიდგომა. ადამიანის თავგანწირვა ყოველთვის დიდ უბედურებასთანაა დაკავშირებული, რადგან ამ ქვეყნად ყველაზე ძვირფასი - საკუთარი სიცოცხლე იკარგება, სწორედ ამიტომ ითვლება ეს სიყვარულის უმაღლეს გამოვლინებად და სწორედ მაგიტომაა, რომ უდიდესი ქრისტეანული არჩევანია. ომში დაღუპული ადამიანის შემდეგაც ზუსტად იგივე პრობლემები ექმნება მის ოჯახს, მაგრამ ქრისტეანობა იქაც თავგანწირვისკენ მოგვიწოდებს, ასეთია ქრისტეანობა და მისი არსი, არაა ის აქცენტირებული წარმავალ, მიწიერ ცხოვრებაზე და მის პრობლემებს ზოგჯერ არ ერგება. -------------------- My Favourites: Dinamo Tbilisi & Real Madrid, as Football Clubs. Georgia & Italy, as National Teams. Katie Melua, as a Musician. Stephen Hawking, as a Scientist. 'Contact' (1997), as a Film. 'Don Quixote', as a Novel. Miguel de Cervantes, as a Writer. Ayrton Senna, as F1 Racing Driver.

« შემდეგი ძველი თემა · ფსიქოლოგია და მედიცინა · შემდეგი ახალი თემა »

ამ თემას კითხულობს 1 მომხმარებელი (მათ შორის 1 სტუმარი და 0 დამალული წევრი)

0 წევრი: