ყველაფერი რაც წმიდა სახარებას ეხება... პარამეტრები

[marine]

"ადამიანური ცოდნა ყოველთვის არასრულყოფილია. აუცილებელია ღვთაებრივი გამოცხადება. ესაა - სიტყვა ღვთისა, სახარება, მასში და მხოლოდ მასშია ჭეშმარიტების სათავე. მასში ჯანსაღი გონება ჰპოვებს ჭეშმარიტ სიბრძნეს, კეთილშობილი გული კი - ბედნიერებას. ქრისტესა და მისი მოძღვრების საწინააღმდეგო გზა კი ჯოჯოხეთია და უკუნი"

[marine]

"იგი [ბერი პორფირე] ადამიანებს ურჩევდა ეკითხათ სახარება, "რომელიც უდიდესი საუნჯეა და რომელიც ყველა პრობლემას წყვიტავს. ეს ჭეშმარიტად ფილოსოფიაა, გამოცხადების ფილოსოფია. აქ არის ღვთის ჭეშმარიტებები, რადგანაც ისინი დასაბამიდანვე გამოითქვა. არ არსებობს სხვა ჭეშმარიტებანი, ახლები, მიუხედავად იმისა, რომ სამყარო პროგრესს განიცდის და მეცნიერების დახმარებით ადამიანები კოსმოსში დაფრინავენ"

[marine]

"ღმერთმა გაგვათავისებინოს უფლის მაცხოვნებელი სწავლანი სახარებაში მოცემული და განგვიმტკიცოს რწმენა და სიყვარული მისი. უფალმა მოგვცეს მადლი ჭეშმარიტების ცნობისაი და ჭეშმარიტებაშეცნობილნი დაგვამკვიდროს მარადიულ შვებასა და სიხარულში, ამინ!"

/მიტროპოლიტი ზოსიმე (შიოშვილი)/

[marine]

"რაც ხორციელი იარებისა და წყლულებისათვის არის მაცოცხლებელი სალბუნი, იგივეა ცოდვიანი სულისათვის სახარება... ნუ გეშინია ცოდვიანო და მონანულო სულო, მარტო გწამდეს სახარება და გულში იგრძნობ მის ცხოველმყოფელობას. აბა თვითონ იფიქრე, რისთვის მოვიდა ქვეყანაზე იესო ქრისტე, ძე ღმრთისა? ცოდვილთათვის... არც მამა, არც დედა დაავადებულ შვილს ისე არ შეიწყალებს, როგორც ყოვლადსახიერი ღმერთი შეიწყალებს ცოდვილებს, რომლებიც შემუსვრილი გულით შეღაღადებენ მას. იქონიე შემუსვრილი გული და სახარება სალბუნად გექნება"

[marine]

"[წმიდა იოანემ, შანხაისა და სან-ფრანცისკოს მთავარეპისკოპოსმა] სახარება ისე იცოდა, თითქოს უფლისა ჩვენისა იესო ქრისტეს მიწიერი ცხოვრების თვითმხილველი გახლდათ. ლოცვის დროს ისეთი გულისყურით კითხულობდა ტექსტს, თითქოს უშუალოდ უფალს, ყოვლადწმიდა დედა ღვთისმშობელს, ანგელოზებსა და წმიდანებს ესაუბრებოდა. ის მათ სულიერი თვალებით ჭვრეტდა"

/კონსტანტინე ზორინი/

[marine]

"მომავალ დედას შეუძლია, ბავშვს იმ მშვენიერებაზე ესაუბროს, რასაც ბუნებაში სეირნობის დროს ხედავს. ან მუცელზე ხელი დაიდოს და ხმამაღლა იკითხოს სახარება. ამ ქმედებით ბავშვს დადებითი ემოციები და სულიერი ცხოვრების სიყვარული გადაეცემა"

/მართლმადიდებელი ექიმი კონსტანტინე ზორინი/

[marine]

"მიუხედავად იმისა, რომ ქრისტემ წმიდა წერილის შესწავლისკენ მოგვიწოდა, ჩვენ არათუ ვსწავლობთ, არამედ მას არც კი ვშლით და ხელშიც კი არ ვიღებთ. არადა მხოლოდ ღმრთის სიტყვის კითხვას და მის პრაქტიკაში გამოყენებას შეუძლია კაცობრიობაზე ყოველი საზიანო ზემოქმედების აღკვეთა.

მოდით, გავიხსენოთ არსენი კაბადოკიელის - ამ უბრალო, უსწავლელი ადამიანის სიტყვები. როცა ადამიანები მას რჩევისა და ლოცვითი შემწეობისთვის მიმართავდნენ, კალიის შემოსევის თუ სნეულების შემხვევაში წმიდანი სახარებას კითხულობდა და ადამიანები მხოლოდ სახარების წაკითხვის შედეგად ინკურნებოდნენ"

/არქიმანდრიტი გიორგი (ალევრასი)/