ჯანმრთელი სხეული - ვარჯიშები,, რჩევები, კითხვები პარამეტრები

[poligloti]

ჰოო ეს მართლა კარგი თემაა , მე აიკიდოს და ბოდბილდერზე ვარჯიშობ .

[guest]

poligloti

ჰოო ეს მართლა კარგი თემაა , მე აიკიდოს და ბოდბილდერზე ვარჯიშობ

ძალიან კარგია აიკიდო მალადეც

გავაგრძელებ მე ცოტა დეტალურად მინერალებზე:

-----

მაგნეზიუმი ყველას სჭირდება, განურჩევლად ჯანმრთელობის მდგომარეობისა. მაგნეზიუმს ჩვენ წესით საკვებიდანაც ვღებულობთ, მაგრამ როდესაც სპორტს მისდევ, გაქვს მუსკულატურის დატვირთვა ამ დროს, არ არის საკმარისი პროდუქტიდან მიღებული ეს ნივთიერება და საჭირო ხდება მისი მიმატება პრეპარატის სახით. აქ მოვიყვან რამდენიმე მაგალითს პროდუქტებისას, რომლებიც მაგნეზიუმს შეიცავს:

მარცვლეული , ანუ "შავი" და მარცვლოვანი ფქვილით დამზადებული პური, კაკლის სახეობები და შოკოლადი შეიცავენ საკმაო მაგნეზიუმს. მაგალითად, მზესუმზირა შეიცავს 100გ - 420 მილიგრამ მაგნეზიუმს, სეზამის მარცვლები (370 mg/100 g), კანიანი ბრინჯი (160 mg/100 g), თავთავი (250 mg/100 g), შოკოლადი (140 mg/100 g), ასევე მინერალური წყალი, ბევრი მათგანი 1 ლიტრზე 80 მილიგრამ მაგნეზუმს შეიცავს, ამიტომ მინერალურის ყიდვისას ყურადღება მიაქციეთ მაგნეზიუმის შემცველობას, რომელიც ეტიკეტზე იქნება დატანებული.

კალიუმი:
ქიმიურად კალიუმი წარმოადგენს ტუტე მეტალს, თუმცა ჩვენს სხეულში არასოდეს არ არის მეტალის სახით, არამედ როგორც სითხეში გახსნილი კალიუმის იონი. მიუხედავად ქიმიური ტერმინოლოგიის დამახინჯებისა, კლინიკურად იხმარება მაინც "კალიუმი" .

უჯრედებში კალიუმის დადებითი იონები ანუ კატიონები პასუხისმგებლები არიან ნერვული იმპულსების გადაცემისთვის, გულის რითმის მოწესრიგებისა და კუნთების "მუშაობისთვის", ასევე ორგანიზმში სითხის ბალანსის წონასწორობის შენარჩუნებისათვის.

თუ ოდესმე ორგანიზმს გადაჭრაბებული კალიუმი მიეწოდება, წუთების განმავლობაში ხდება მისი უჯრედებში გადანაწილება, ამას აწესრიგებს საკვების მიღების დროს "გამოფრქვეული" ინსულინი და ჰორმონი ალდოსტერონი. კალიუმის ნაკლებობა კი იწვევს სისხლში შაქრის შემცველობის შემცირებას, რამაც შეიძლება ჰიპოგლიკემიური შოკიც გამოიწვიოს, კალიუმის უკმარისობას იწვევს ასევე სპორტის და ტრენინგის ის სახეობები, რომლებიც კუნთების გადამეტებულ მუშაობას ითხოვს, ასევე ზედმეტი და მძიმე ფიზიკური შრომა, შედეგად ზედმეტი ოფლის გამოყოფა, კუჭნაწლავის ტრაქტის მუშაობის დარღვევა და კუჭის აშლა , რომელიც ერთ დღეზე მეტ ხანს გრძელდება, აგრეთვე რომელიმე მედიკამენტის მიღება, რომელიც "თრგ8უნავს" კალიუმს ან იწვევს მის მომატებულ გამოყოფას ორგანიზმიდან. კალიუმი სასიცოცხლოდ აუცილებელია იმათთვის, ვინც გარკვეული დაავადებების გამო შარდმდენ მედიკამენტებს ხმარობენ (მაგალითად, მაღალი წნევის დროს). სწორედ ამიტომ არის აუცილებელი ორგანიზმში კალიუმის საკმაო რაოდენობის არსებობა , თუ ჩვენ რომელიმე ზემოთ ჩამოთვლილ მიზეზებს ვექვემდებარებით.

რას იწვევს კალიუმის ნაკლებობა:

ზოგადად:დაღლილობას, სისუსტეს;
კუნთები: კუნთების სისუსტე, პარალიზება, კუნთების უჯრედების დაზიანება - მოსპობას (ე.წ. რაბდომიოლიზი);
ნაწლავი: უმადობა, შეკრულობა, ნაწლავის კუნთის პარალიზება (პარალიტური ილეუსი);
თირკმლები: შარდის რაოდენობის მომატება (პოლიურია), წყურვილის მომატება (პოლიდიპსია);
გული: გულის რითმის მოშლა, პულსის აჩქარება, ექსტრა "დარტყმები", გულის მუშაობის უნარიანობის შემცირება, საბოლოოდ გულის გაჩერება; (ეს უკანასკნელი გამოვცადე მარტის დასაწყისში და ვიცი რაც არის!)

ბუნებრივად კალიუმით განსაკუთრებით მდიდარია ხილის წვენები, ხმელი ხილი, ავოკადო, კაკაო, კაკალი, ნუში, მზესუმზირა, პარკოსნები (ლობიო, სოია), ბოსტნეულის წვვენები, პომიდვრის "პასტა", კეჩაპი, კარტოფილი, ბანანი, აპრიკოსი, ვაშლი, მწვანილი.რაც შეეხება ნატრიუმის მარილის კომპლეტად შეცვლას სუფთა (და არა ნაწილობრივ!) კალიუმის მარილით ამას სიფრთხილე სჭირდება, რამდენადაც ნატრიუმი აუცილებელია ორგანიზმისთვის და მას ძირითადად სუფრის მარილით ვღებულობთ, არსებობს კალიუმ შერეული ნატრიუმის მარილი, რომელიც აფთიაქში იყიდება და ის დაშვებულია ყოველგვარი საფრთხის გარეშე. ვიმეორებ: მხოლოდ კალიუმის შემცველი ნატრიუმქლორი და არა სუფთა კალიუმ ქლორიდი , გარდა სპეციალური შემთხვევებისა, როდესაც ეს კალიუმის ექსტრემალური ნაკლებობისას რამდენიმე დღე უნდა მივიღოთ .

კალციუმს რაც შეეხება, ეს ნივთიერება აუცილებელია ძვლებისთვის და ამაზე მერე შევჩერდეთ.

[guest]

რამდენადაც სურათების ირგვლივ შეკითხვები არ გაქვთ (ისედაც მარტივი ვარჯიშებია და მჯერავს არ საჭიროებს ბევრ განხილვას), ცოტას გავაგრძელებ.

მაგალითად ერთი დღის ფიტნეს-რეცეპტები:

საუზმე:

მაწონი ხილით
150 გ შეძლებისდაგვარად ნაკლებცხიმიანი მაწონი ან იუგურთი,
1 ცალი ბანანი ან 100 გ მარწყვი,
1/2 სუფრის კოვზი თაფლი.

ხილი დავჭყლიტოთ და შევურიოთ მაწონს, დავამატოთ თაფლი და ავურიოთ კიდევ. ჩავასხათ ჭიქაში და ვისაც უყვარს, წვრილად აკეპილი პიტნის ფოთლებიც მიამატოს.

სადილი:

ბრინჯიანი ხორცი

1 ჩაის ჭიქა კანგაუცლელი ბრინჯი, თუ არ გაქვთ ჩვეულებრივი,
200 გ - ქათმის ან ინდაურის თეთრი ხორცი,
ხახვი - 1 თავი,
ბულგარული წიწაკა -1 ცალი,
ყაბაყი -1 ცალი , საშუალო ზომის.
ოხრახუში, მარილი, წიწაკა.

ხორცი მოვხარშოთ, ამოვიღოთ ნახარშიდან და ცივი წყალი გადავავლოთ. დავჭრათ პატარა "კუბიკებად". ბრინჯი გავრეცხოთ და დავწუროთ. დავკეპოთ ბოსტნეული საშუალო ზომის ნაჭრებად.

საშუალო ზომის ქვაბში ჩავასხათ 1 სუფრის , სასურველია ომეგა3 ტიპის ზეთი, თუ არა და მცენარეული ზეთი, ოღონდ სუფთა მზესუმზირის არანაირად. რომ გაცხელდება ჩავყაროთ ბოსტნეული და ოდნავ მოვხრაკოთ, ბევრი არ არის საჭირო. ჩავაყაროთ დაჭრილი ხორცი და ზემოდან ბრინჯი. დავფაროთ ცხელი წყლით ისე, რომ დაიფაროს და 2 თითის დადება ასცდეს წყალი ამ მასას. ჩავყაროთ მარილი, შავი წიწაკა და დაფქვილი ყვითელი ყვავილი (*ჩვენთან რომ ზაფრანს ეძახიან შეცდომით) . დავახუროთ თავი და მოხარშვას რომ მიაუხლოვდება, ქვაბის სახურავი გავახვიოთ სამზარეულოს ტილოში და ისე დავახუროთ თავზე. მივცეთ ყველაზე დაბალი ცეცხლი, რასაც თქვენი გაზი ან ელექტრო ქურა გთავაზობთ. თუ ელექტრო ქურაა, საერთოდ გამორთეთ, არსებული სიმხურვალე უკვე საკმარისია ბოლომდე მოშუშდეს. სერვირებისას მოაყარეთ წვრილად დაჭრილი ოხრახუში.

თუ აუცილებლად წვნიანი გსურთ, + 1 ჩაის ჭიქა ბოსტნეულის ბულიონი.


ვახშამი:

კარტოფილის სალათი
2-3 საშუალო ზომის კარტოფილი მოხარშეთ, გაცივების მერე დაჭერით დაახლოებით 5-მმ სისქის რგოლებად და მოათავსეთ ფაიფურის ან შუშის თასში. ცალკე აკეპეთ მწვანე ხახვი, ოხრახუში, დაამატეთ მარილი და შავი წიწაკა. პატარა თასში ცაასხით 1 ჩაის კოვზი მდოგვი და დაასხით გემოვნების მიხედვით 1-2 ს/კ ძმარი (*სასურველია ვაშლის), პატარა ყავის ჭიქით წყალი და ძალიან კარგად ათქვიფეთ ეს ყველაფერი. ბოლოს ჩაასხით დაჭრილ კარტოფილიან თასში და აურიეთ.

ვისაც აქვს იმედი, რომ საღამოს ბევრად არ მოშივდება, კარტოფილის სალათი შეუძლია მეორე დღის სადილისთვის გადადოს და საღამოს მიიღოს კიტრის სალათი მწვანილეულთან ერთად. მისაყოლებლად შავი პურის ნაჭერი.

დღის დარჩენილ პერიოდში ნებისმიერ დროს შეგიძლიათ დალიოთ იმდენი ჭიქა მაგალითად, ბალახეულის ოდნავ დატკბობილი ჩაი, რამდენიც გსურთ. აუცილებელია მინიმუმ 1,5 სითხის მიღება , საუკეთესო ვარიანტში უგაზო მინერალური წყალი.

პ.ს. მოსინჯეთ აბა

[subterranean]

ეს ორი დღეა ვვარჯიშობ და ვფიქრობ, სად ვიყავი აქამდე კუნთები ცოტათი დამეჭიმა, მაგრამ არაჩვეულებრივი შეგრძნებაა ნავარჯიშევი რომ ხარ ლიტვაში წასასვლელად გვამზადებენ, იქ ფინალში მოგებას ვუმიზნებთ შეძლებისდაგვარად. დილაობით უნდა ვიაროთ კიდევ ერთი კვირა ფიზკულტურულში. მომწონს ძალიან კარგი მწვრთნელი გვყავს, ბატონი მამია

[guest]

subterranean

ეს ორი დღეა ვვარჯიშობ და ვფიქრობ, სად ვიყავი აქამდე biggrin.gif კუნთები ცოტათი დამეჭიმა, მაგრამ არაჩვეულებრივი შეგრძნებაა ნავარჯიშევი რომ ხარ

ყოჩაღ შეეკითხე მაგნეზიუმზე, მაგ დაჭიმულობის თავიდან ასაცილებლად აუცილებელია. თუ ვერ ღებულობ დღის დოზას, მიამატე ტაბლეტებით. ჩამოწერილია აქ რა პროდუქტები შეიცავს მაგნეზიუმს. შავი, მწარე შოკოლადი ყველაზე მდიდარია მაგით

პ.ს. და არ მიპასუხე მეზობელ თემაშიც: რა ხდება ლიტვაში და რა ჯგუფში ხარ საერთოდ?

[guest]

აქ არ აქტიურობენ, მაგრამ პირადი საუბრებისას პუბლიკა, ძირითადად ქალთა სქესი, დაინტერესებულია თემით და ძალიან მიხარია

კიდევ ერთხელ გავიმეორებ: მუცლის პრესისთვის სახლში შესასრულებლად იხილეთ პირველ გვერდზე განთავსებული სურ.2 და სურ.3 , არანაირი ტრენაჟორი მაგას არ უნდა. თუ თქვენი საწოლი ძალიან ფუმფულა არ არის , დაწოლისასაც შეგიძლიათ გააკეთოთ რამდენიმე ვარჯიში, უმჯობესია იატაკზე ნოხზე :

1.ზურგით დაწექით სწორად და ხელები თავს უკან გადაიტანეთ ( ზემკლავის მდგომარეობაში როგორცაა ჰორიზონტალური პოზიციის დროს ისე, ოღონდ დაწოლილი) . მიტყუპებული ფეხები ორივე ერთად 90 გრადუსით აიტანეთ მაღლა და პარალელურად უკან გადატანილი ორივე ხელი წაიღეთ მის შესახვედრად, რამდენადაც შეძლებთ, შეეცადეთ ხელებით ფეხის თითებს შეეხოთ. მთავარია გაითვალისწინოთ, რომ ფეხების და ხელების წამოწევისას ჩაისუნთქვავთ და უკან დაშვებისას ამოისუნთქავთ. თვით სხეული მოგთხოვთ ამას და ისედაც თავად მიხვალთ ამ დასკვნამდე. პირველი ვარჯიშისას 5-6 საკმარისია, შემდეგ გაზარდეთ 10-მდე, როცა ცოტა შეეჩვევით, იმდენი გააკეთეთ , რამდენის გაკეთებასაც შეძლებთ. დღის განმავლობაში როცა მოგიხერხდებათ და რამდენჯერაც გსურთ.

2. თუ მარტოდ არ ხართ და ვინმეს სურვილი აქვს დაგეხმაროთ, გააკეთეთ შემდეგი სახის ვარჯიში:

ზურგით დაწექით კიდევ სწორად. ხელები თავქვეშ ამოიდეთ. დამხმარე ამ დროს თქვენს ფეხებს იჭერს ან სულაც აზის ზედ (ეს ყველაზე კაი ვარიანტია). მუხლების მოუხრელად შეეცადეთ წამოწიოთ სხეული რამდენსაც შეძლებთ, მიზანი უნდა იყოს თითქმის მუხლებამდე თავის მიტანა, მაგრამ ეს გარკვეული დროის შემდეგ, პირველად ძნელია. ხელების პოზიცია არ იცვლება, მხრების პარალელურად მოხრილი მკლავით თითქოს თავს იჭერთ, ისე უნდა იყოს ხელები. სურ.-ზე ნაჩვენებია ამის სწორი პოზიცია და აუცილებლად გაითვალისწინეთ.

3. მაღლივი აზიდვები:

საშუალოზე ოდნავ დაბალ მაგიდას მოუხრელი ხელებით დაერყრდენით.ფეხები უკან , ერთად მიტყუპებული , გაწიეთ და შეეცადეთ მკერდით შეეხოთ მაგიდას. შემდეგ ისევ აზიდეთ სხეული მკლავის სრულ გამართვამდე. გაიმეორეთ ეს პირველად დაახლოებით 5-ჯერ. მხოლოდ ვარჯიშის შემდეგი შესრულებისას შეგიძლიათ გააკეთოთ უფრო მეტი, რა თქმა უნდა თუ შეძლებთ. თუ ყოველდღე მოსინჯავთ, მიხვდებით, რომ დღითი დღე ადვილი ხდება ტანის აზიდვა და აზიდვების რიცხვიც მოიმატებს. არავითარ შემთხვევაში არ გადააჭარბოთ: არსებობს საშიშროება პირით დაცემისა მოქანცვის შემთხვევაში. როდესაც საკმაოდ გაადვილდება ამის შესრულება და აზიდვების რიცხვიც შესაბამისად გაიზრდება, შეგიძლიათ კლასიკური აზიდვებიც მოსინჯოთ, ე.წ. "აჟიმანიები" იატაკზე.

ეს ბოლო ვარჯიში ავარჯიშებს არა მხოლოდ მუცლის კუნთებს, არამედ ხელის და მკლავების, კისრის და მკერდის. ასევე საჯდომის. ეს უკანასკნელი უფრო ეფექტურად ვარჯიშდება, თუ სხეული სწორად გექნებათ დაჭერილი და რაც მაგიდის სიმაღლეც უფრო დაბალია.

პ.ს. ვისაც სირბილის ანუ ე.წ. ჯოგინგის დაწყება სურს, რჩევა იქნება თავიდან 5 წუთი სირბილი. შემდეგ კი 5-5 წუთით გაზარდეთ და მაქსიმუმი აიყვანეთ 40 წუთზე.

იდეალურია ფეხით სიარული. თუ დრო გაქვთ, უარი თქვით ტრანსპორტზე და წადით ფეხით. ასევე ლიფტს აუარეთ გვერდი და კიბეები ფეხით აიარეთ

კუნთების სპეციალურ ვარჯიშებს ვინც გადაწყვეტს კიდევ და კიდევ, დაუსრულებლად გავიმეორებ : მაგნეზიუმი ! აუცილებლად მისი მიღების რაციონის კონტროლი. თუ გსურთ გადარჩეთ კუნთების დაჭიმვას და კატარს. ტაბლეტებზე თუ უარს იტყვით, წაიკითხეთ ზემო პოსტში მიწერია ის პროდუქტები, რომლების მდიდარია მაგნეზიუმით.

ასევე გავიმეორებ სასიცოცხლო მნიშვნელობის რჩევას: სითხეები ! დატვირთვის შემთხვევაში მინიმუმ 2 ლიტრი (თუმცა 2,5 ოპტიმალურია უფრო) და ეს კოკა-კოლა და ფანტა არ უნდა იყოს, არამედ ხილის ნატურალური წვენები, ბალახების ჩაი, უპირატესად მწვანე ან ჭინჭრის, რმელიც სითხეს აბალანსებს, ასევე მინერალური წყალი, სჯობს უგაზო. ნებისმიერ შემთხვევაში კი ჩვეულებრივი წყალი. ყავა შეიძლება, მაგრამ ის შარდმდენი თვისებით გამოირჩევა და თუ 1 ჭიქა ყავას დააკონსუმებთ, აუცილებლად გაზარდეთ სითხის რაციონი 150 გ -ით.

[subterranean]

staywhite
გვერდით თემაში არ მინახავს ეტყობა
ნატოს ეგიდით ტარდება პროექტი aliante, რამოდენიმე ტური გადავლახე, ჯერ იყო ძალიან ადვილი 20 კითხვა ნატოს შესახებ, მერე მეორე ტურში იყო 35 კითხვა ისევ ნატოზე, ოღონდ გაცილებით რთული, საანალიზო. 1 თვე გვქონდა მაგისთვის დაახლოებით. 2-2 კაცი ვართ გუნდში, მე და ჩემი მეგობარი დათო ვართ. მეორე ტურიც გადავლახეთ, მერე გავიარეთ ინგლისურის ტესტი, გასაუბრება და ფიზიკური შემოწმება. ყველაფერში საუკეთესო შედეგი გვქონდა. საქართველოდან 6 გუნდი შეარჩიეს, ანუ 12 ბავშვი, ჩვენ პირველზე ვართ. 27-ში მივდივართ ლიტვაში, უფრო სწორად ლატვიაში, იქიდან ავტობუსით ლიტვაში. იქ იქნებიან ჩვენსავით თავის ქვეყანაში გამარჯვებული ბავშვები გერმანიიდან, ლივტიდან, ლატვიიდან, ჩეხეთიდან, პოლონეთიდან და კიდე რამოდენიმე ქვეყნიდან. ჩვენ ხო ვართ 2 და დაგვაწყვილებენ უცხოურ გუნდთან, უფრო სწორად უკვე დაგვაწყვილეს, ლიტველები შეგვხდნენ, იუსტინა და მინდაუგასი(მაგარი სახელია ) .
ხოდა ახლა იქ მე, დათო, იუსტინა და მინდაუგასი ერთად ვიბრძოლებთ საუკეთესო 6-ეულში შესასვლელად. ფიზიკური შეჯიბრებები იქნება ძირითადად, თუმცა ერთი ინტელექტუალურიც არის. წელს რას დაგვახვედრებენ არ ვიცი და შარშანდელ ფინალში იყო 15 კილომეტრიანი მარშ ბრასოკი, რუკებით და კომპასით, 1 კმ სირბილი, მერე მიზანში სროლა და აცილების შემთხვევაში საჯარიმო 100 მეტრიანი წრე, კანოეთი ცურვა და მეტი არ ვიცი

ახლა ძალიან აქტიურად გვამზადებენ, რა თქმა უნდა ყველას უნდა რომ გავიმარჯვოთ. სირბილი გამომდის ყველაზე მაგრად პნევმატურის სროლაში მოვიკოჭლებ და ყუმბარებში არამიშავს .

[guest]

subterranean

ახლა ძალიან აქტიურად გვამზადებენ, რა თქმა უნდა ყველას უნდა რომ გავიმარჯვოთ. სირბილი გამომდის ყველაზე მაგრად biggrin.gif პნევმატურის სროლაში მოვიკოჭლებ და ყუმბარებში არამიშავს . biggrin.gif

ძალიან გამიხარდა შენი წარმატებები სირბილს თუ ახერხებ, ცათვალე ყველაფერი რიგზეა მე სირბილს ვეღარ ვახერხებ მასე ნორმატიულად, ანუ 1600 მ 6 წუთსა და 30 წამში (აღჭურვილობით). ამას წინათ ვითომ გავუბედე და გავბლატავდი 1 კმ საკმაო ტემპით მინდოდა გამერბინა და ჩემი როტვაილერივით ენაგადმოგდებული დავბრუნდი სახლში კეტები ბაღნებმა გამაძრეს, ისეთ დღეში ვიყავი

პნევმატურს ვარჯიში უნდა, მაგასაც დაძლევ ისე, როგორც საჭიროა. ყუმბარები მალადეც , მე ეგ არასოდეს დამჭირვებია (ნუ, ლიმონკებს არ ვგულისხმობ). თუ შენ სპორტულ ყუმბარებზე გაქვს საუბარი, მაგალითად, როგორც ბირთვის კვრაა და მსგავსები?

მინდაუგასი(მაგარი სახელია biggrin.gif) .

ხოოო, შენ ბევრი არ იცინო ლიტველ ბიჭებზე მაგარი კაცები არიან არ მოგიტაცოს უცებ .


პ.ს. ა, ძაღლს ახსენებ ჯოხი ხელში დეიჭირეო და ამწუთში ზუსტად ლიტველმა დამირეკა, მარა იმას ეგიდიუსი ქვია

[tinatin*]

მე მაგალითად ყოველდღე, ძილის წინ ვვარჟიშობ უკვე ერთი წელია და თავს უფრო მსუბუქად ვგრძნობ, ვიდრე ადრე

[subterranean]

ისე მგონი დილით ვარჯიში ჯობია

[guest]

tinatin*

ძილის წინ ვვარჟიშობ უკვე ერთი წელია

ჩვეულებრივი ტანვარჯიშები თუ რაიმე სხვა? იქნებ დაწერო, თუ განსხვავებულია

[subterranean]

subterranean

თუ შენ სპორტულ ყუმბარებზე გაქვს საუბარი, მაგალითად, როგორც ბირთვის კვრაა და მსგავსები?

აქ სპორტულს ვისვრით მაგრამ იქ ნამდვილი იქნება
ფიზკულტურულში სად აქვთ ყუმბარები


დღეს ვიყიდე ბატინკები

[guest]

subterranean

დღეს ვიყიდე ბატინკები

სა ნახე შენი ზომა?

დავამატებ:

20-40 წლის ასაკის ქალებისათვის დღის რაციონი უნდა შეადგენდეს 2200 კილოკალორიას და ამავე ასაკის მამაკაცებისთვის კი 2600 კილოკალორიას. ეს უნდა გადანაცილდეს მთელ დღეზე.

მეტი ნახშირწყლები , ოღონდ ნაკლები შაქარი და სანაცვლოდ მეტი სახამებელი. ნაკლები ცხიმი და რაც მეტი ბალასტური ნივთიერებები, მით უკეთესი შედეგი გექნებათ წონის რეგულირებაში და ასევე საჭმლის მონელებაც გაუმჯობესდება. თუ გაინტერესებთ, გავაგრძელებ რეცეპტებს და ოპტიმალურ რაოდენობას იმ საკვებისას, რომელიც უნდა მივიღოთ ერთ დღეში.

[subterranean]

subterranean

სა ნახე შენი ზომა?

ჩემი ზომა ბატინკები ეყარა
39 მაქვს

[kato_Bato]

staywhite

თუ გაინტერესებთ, გავაგრძელებ რეცეპტებს და ოპტიმალურ რაოდენობას იმ საკვებისას, რომელიც უნდა მივიღოთ ერთ დღეში.

მაინტერესებს.
პრესები უნდა დავტესტო ახლა

[tinatin*]

tinatin*

ჩვეულებრივი ტანვარჯიშები თუ რაიმე სხვა? იქნებ დაწერო, თუ განსხვავებულია

არა ჩვეულებრივი..

[kato_Bato]

staywhite
ნანა, რამდენი და რა ძვირფასი ინფორმაციაა, სულ უნდა ამოვიღო და შევისწავლო

[guest]

kato_Bato

ნანა, რამდენი და რა ძვირფასი ინფორმაციაა, სულ უნდა ამოვიღო და შევისწავლო

გეიხარე, კატ თუ რამე დაგაინტერესა უფრო დეტალურად, რაც ვიცი უკან არ დავიხევ

პ.ს. შედეგები გვითხარი მერე, რამდენიმე დღის მერე

subterranean

ისე მგონი დილით ვარჯიში ჯობია

დილით ტანვარჯიში საკმარისია. ვინც მუშაობს იმისთვის გამორიცხულია მცირე, გაზმორების მსგავსი ვარჯიშების გარდა სხვა სახის "სერიოზული" ვარჯიშები.

ივარჯიშეთ, როცა მოახერხებთ ოღონდ არა უშუალოდ საკვების მიღების შემდეგ, არამედ მინიმუმ 20-30 წუთის მერე. ბევრი ჩვენგანი არ არის მიჩვეული საუზმეს, მათ შორის მეც, ბავშვობიდან უარს ვამბობდი საუზმეზე, მაგრამ ვინც დილით გონივრულად ისაუზმებს, ამით დაზოგავს ზედმეტი კალორიების მიღებას შემდგომში. წნევა და სისხლის მიმოქცევაც მოდის ტაქტში და ნაკლებია მოულოდნელი აყირავების შემთხვევები, რაც დაბალი წნევის შედეგია და ძირითადად ახალგაზრდა ქალების "სენია". თუ ვერ ასწრებთ სახლში საუზმობას, გზად 1 ბანანი ან ვაშლი მაინც მიირთვით, ასევე შეეცადეთ სამსახურში ისაუზმოთ.

ახლა კიდევ დავწერ რამდენიმე რეცეპტს , რაც წონის კონტროლისთვის მეტად მისაღებია. (ძალოსნურად მოვარჯიშეებისთვის კი მერე დავწერ, ანუ ვინც სპორტის ამ სახეობას მისდევს, იმათ უფრო მეტი კალორია სჭირდებათ, ვიდრე ფიგურის ლინიის შენარჩუნებისა თU გაუმჯობესებისათვის ).

1. დღიური რაციონი 1500 კილოკალორია:

(სითხეებს არ ვწერ, საუზმეზეც, სადილზეც, ვახშამზედ თავისუფალია არჩევანი ჩვეულებრივი წყალს, ჩაის, მინერალურ წყალსა და ასევე ყავაზე, საერთო რაოდენობა 1,5-2 ლიტრი მინიმუმ)

საუზმე:

1 ცალი შავი პურის ნაჭერი ან "ბულკი" იუგურთის კარაქითა და რომელიმე ხილის ჯემით.

სადილი:

ბულიონი მაკარონით ან ბრინჯით - 1 ჭიქა, 250-300 გრამი,
1 ნაჭერი მარცვლებიანი ან შავი პური ან ბულკი მაგალითად ნაკლებცხიმიანი 1 ნაჭერი ყველით (ვისაც ყველი უყვარს).

ვახშამი:

1 ნაჭერი პური იუგურთის კარაქით ან მცირეცხიმიანი მარგარინით + ქათმის მოხარშული ფილე 1 ნაჭერი, სასურველი ბოსტნეული უმი თუ მოთუშული სახით.

შიგა და შიგ, თუ ნამეტარი მოგშივდათ, შეიძლება მიიღოთ ნაჭერი პური ნაკლებცხიმიანი კარაქით ან მარგარინით, ასევე სადილსა და ვახშამს შორის ნაჭერი შავი პური 1 თხლად დაჭრილი ინდაურის ან ქათმის მოხარშული ფილეთი.

------------------------------------------

უფრო ექსტრემალური შემთხვევა .

2. დღიური რაციონი 1200 კილოკალორია.

საუზმე:

1/2 ბულკი იუგურთის კარაქითა და ჯემით (ნაკლებცხიმიანი კარაქი).

სადილი:

ფოთლოვანი სალათი შემწვარი ქათმის ან ინდაურის ნაჭრებით, ან ნაკლებცხიმიანი ცხვრის ყველით. შეგიძლიათ სალათი გაამდიდროთ კიტრით, პომიდვრით და ბულგარული წიწაკის, ანუ რაც თქვენ გსურთ სასალათე ბოსტნეულიდან. სალათის დრესინგად გამოიყენეთ მხოლოდ ძმარი და თუ ვერ ითმენთ , მხოლოდ 1 ჩაის კოვზი ზეთი დააპკურეთ

საუზმესა და სადილს შორის თუ აუცილებლად ჭამა გსურთ, 1/2 შავი ფქვილის ბულკი მცირე ცხიმიანი კარაქით, თაფლით ან უკეთეს შემთხვევაში მხოლოდ ხილი.

ვახშამი:

რა ბოსტნეულიც გაგაჩნიათ სახლში, ყველა ერთად მოთუშეთ ტაფაში, შეამზადებთ მწვანილებით, ან მოხარშული კარტოფილი ნაკლებცხიმიანი ხაჭოს ერთად, რომელიც შემზადებულია კამით, ოხრახუშით, მწვანე ხახვით, წიწაკა, მარილი, ნიორი და მოკლედ, რაც გაგიხარდებათ მწვანილეულობიდან პიტნაც უხდება .

სადილსა და ვახშამს შორის კი თუ აღარ იქნა და აუცილებელი გახდა, 1/2 ბულკი "სუსტი" ძეხვით, სასურველია ფრინველის. ასევე პომიდორი.

პ.ს. ხილი და წყალი რამდენიც გსურთ.

პ.ს. ეს სამაგალითოდ იყოს, გადახედეთ და მერე თქვენ თვითონ იფანტაზიეთ უამრავი ვარიაციაა, რომელიც მარტივია . წარმატებები აბა.
პ.ს.ს. გავაგრძელებ კიდევ.

[guest]

აქ მოვიყვან გერმანიის სპორტის ინსტიტუტის მიერ შემოთავაზებულ ვარიანტს ძალოსნებისთვის.

1 კვირეული , 1,85 მ სიმაღლის და 90-95 კგ წონის მამაკაცისთვის, რომელიც კვირაში 5 საათი ძალოსნური სპორტით არის დაკავებული:

სასმელები: 3,6 ლ ჩაი, 0,3 ლ ყავა, 0,8 ლ რძე (1,5 % ცხიმი), 1,5 ლ კოკა-კოლა, 3,6ლ მინერალური წყალი, 7,1 ლ ვაშლის წვენი შეზავებული მინერალურ წყალში, 0,3 ლ ალუბლის წვენი შეზავებული მინერალურ წყალში, 1,2 ლ ლუდი, 0,6 ლ თეთრი ღვინო.

მარცვლეულობა:
450 გ სერი პური, 105 გ თეთრი პური, 770 გ მარცვლოვანი შავი პური, 4,5 ცალი პურის ”ბულკი”, 1 ცალი შავი მარცვლეულიანი პურის ბულკი, 320 გ მაკარონ-ვერმიშელი, 200 გ კვერცხიან ცომით დამზადებული მაკარონი.

კვერცხის და რძის პროდუქტები:
70 გ კარაქი, 14 გ საუზმის მარგარინი, 400 გ ხაჭო, 400 გ იუგურთი (ან მაწონი), 370 გ ყველი.

ბოსტნეული:
650 გ პომიდორი, 800 გ პომიდვრის კონსერვები ანუ პომიდორი მოხარშული სახით, 150 გ თალგამის ჯიშის ბოსტნეული, 150 გ სტაფილო, 75 გ ცუკინი ანუ ყაბაყი, 150 გ ფოთლოვანი სალათი, 400გ ბულგარული წიწაკა, 500 გ წითელი ლობიო, 250 გ სატაცური, 320 გ ისპანახი (არაჟნით დამზადებული), 2 ცალი სიმინდის ტარო, 200 გ კარტოფილი, 50 გ ”გაროხი”.

ხილი: 80 გ ბალი ან ალუბალი, 630 გ ნესვი,
ხორცი:
210 გ ძეხვი, 250 გ გატარებული ხორცი.

სასუსნავი:
20 გ ჯემი, 13 ცალი კანფეტი, 1 ცალი ვაფლი შოკოლადის და კაკლის კრემით, 20 გ შოკოლადი, 2 ნაჭერი ნამცხვარი, 1 ცალი კრუსო, 140 გ ჩიპსი.
სუპლემენტი:
14 გ კრეატინი.

ფრთხილად! - კრეატინი ეხება მხოლოდ ძალოსნებს, ვინც ბოდიბილდერობით არიან დაკავებული და ვისაც ნამდვილად სჭირდება ენერგიის რეზერვის რეგენერირება , ასევე კუნთების დისტროფიის დათრგუნვა. სხვა შემთხვევაში შეიძლება კალორიების დამატება და ამაზე უარის თქმა.
(პირველ ფაზაში - სხეულის წონის 1 კგ-ზე 0,3 გ კრეატინი 5 დღის განმავლობაში, მერე კი 0,003 გ მომდევნო 3 კვირის განმავლობაში, ამ ფაზების მერე 4-კვირიანი პაუზა კრეატინის მიღების მხრივ. კუჭის ტკივილის თავიდან აცილების მიზნით, კრეატინის მიღებისას აუცილებელია ბევრი სითხე: სითხე და სითხე ! თვით კრეატინი არის ხორცში აღმოჩენილი ნივთიერება, რომელიც ხელს უწყობს კუნთების განვითარებას) .

სპორტის ინსტიტუტის მიერი რჩევაა , ძალოსნურს მიმდევრებმა დღეში უნდა მიიღონ საკუთარი წონის 1 კილოგრამზე 1,5 – 1,8 გ ცილა.

[guest]

ტიპიური კვირეული საკვები 1,8 მ სიმაღლის და 79 კგ წონის მამაკაცისთვის, რომელიც ოფისში მუშაობს და სპორტს ინტენსიურად არ მისდევს.

2600-2700 კკალორია დღეში, ვიტამინებით მდიდარი საკვები + სითხეები.

სასმელები: 9 ფინჯანი ყავა, 1,2 ლ წყალი, 0,3 ლ ხილის წვენიანი დასალევი, 0,66 ლ ბურახიანი ლუდი, 1,5 ლ მინერალური წყალი, 1,5 ლ ლუდი, 2,5 ლ ხილის ნატურალური წვენი, 4,5 ლ მულტივიტამინებიანი წვენი.

მარცვლეული: 6 კარაქიანი პური, 300 გ შპაგეტი, 225 გ ბრინჯი.

კვერცხის და რძის პროდუქტები: 950 გ ხილიანი ხაჭო, 1150 გ ხილის იუგურთი, 4 ნაჭერი ყველი, 200 გ ცხვრის ყველი.

ხორცი: 300 გ ღორის სტიკი, 400 გ ორცხობილას ფქვილში ამოვლებული შნიცელი, 3 ცალი კატლეტი, 2 ნაჭერი უმი გატარებული ხორცის ძეხვი.

მზა კერძები: 1 ცალი პიცა სალამი, 1 პიცა კარლცონე, 1 პორცია ჩაშუშული ბოსტნეული ფრინველის ხორცით, 1 პატარა ქილა ზეთზე დამზადებული რეჰანისა და სხვა პროვინციული მწვანილეულობის ნარევი გატარებულ კაკალთან ერთად (მაგ. იტალიური პესტო).

ტვინს რომ საკმაო რაოდენობის ენერგია მიეწოდოს, სასურველია შიგა და შიგ ხილის ან მუსლის მიღება. ყავის კონსუმი იწვევს თირკმლების მოქმედების გაზრდას და ხდება ორგანიზმიდან სითხის ინტენსიური გამოყოფა, ამიტომაც ყავის მიღების მერე აუცილებლად დააყოლეთ 1-2 ჭ წყალი.
1 კგ ცხიმის დასაკრგავად საჭიროა 7000 კალორიის დაზოგვა. ამიტომაც ვინც ოფისებში მუშაობს და ინტენსიურ სპორტს არ მისდევს, აუცილებელია სხვა თჲ არაფერი ფეხით სიარული, რაც შეიძლება მეტი და რამდენსაც შეძლებთ არსებული სიტუაციის მიხედვით. ხშირად ადექით სკამიდან და ოფისში გაიარ-გამოიარეთ, აივანზე გადით სუფთა ჰაერისთვის, ლიფტის მაგივრად გამოიყენეთ კიბეები.