განსაცდელი, ვისაუბროთ პარამეტრები

[marine]

"წარმავალ მწუხარებებს მარადიული ნეტარებისკენ მიჰყავს ისინი, ვინც ამ მწუხარებებს ჯეროვნად დაითმენს"

/წმ. ეპისკოპოსი ეგნატე/

[marine]

"მწუხარებები საუკუნითგანვე ღვთის რჩეულობის ნიშანი იყო. ისინი ღვთის სათნოყოფის ნიშნები იყო მამამთავრებისთვის, წინასწარმეტყველებისთვის, მოციქულებისთვის, მოწამეებისთვის, ღირსი მამებისთვის. ყველა წმინდანმა განსაცდელებისა და მწუხარებების ვიწრო გზა გაიარა, მათი მოთმენით ღმერთს სასიამოვნო მსხვერპლად შესწირა თავი"

/წმ. ეგნატე ბრიანჩანინოვი/

[marine]

"თუკი ვერავითარი განსაცდელი ადამიანს ვერ შეეხება ღვთის ნების გარეშე, მაშინ ჩივილები, დრტვინვა, დამწუხრება, თავის გამართლება, ახლობლებისა და გარემოებების დადანაშაულება არის ღვთის ნების წინააღმდეგ სულის მოძრაობა, ღვთის წინააღმდეგობისა და წინააღმდეგ მოქმედების მცდელობა"

/წმინდა მღვდელმთავარი ეგნატე ბრიანჩანინოვი/

[marine]

"დააკვირდი ყველა იმ განსაცდელს, რომელიც შენი ახლობლების თავზე მოიწია და გასაგები გახდება, რომ ღმერთს უყვარხართ და ყველა განსაცდელს იმისთვის უშვებს, რომ მთელი თქვენი ოჯახი სულიერად განიწმინდოს"

/ღირსი პაისი ათონელი/

[marine]

"დიდი რამ არის საკუთარი თავის განსაცდელის ღირსად აღიარება და მისი მოსვლისას ღვთის ნებას მინდობა"

/წმ. ეპისკოპოსი ეგნატე/

[marine]

"გარეგან განსცდელებს ღვთის ცოდნა მოაქვს ჩვენზე მისი განგებულების გამოვლენით, მოაქვს ღვთის განგებულების რწმენა, გულს შთააგონებს შიშსა და მოწიწებას ღვთისადმი, როგორც მხილველისა და ხილულისადმი, უბიძგებს ადამიანს იცხოვროს მცნებების მიხედვით, ცოდვის თავიდან არიდებით, რომელიც ღმერთს განარისხებს. სულიერ განსაცდელებს უფრო ღრმა ცოდნა მოაქვს, ეს განსაცდელები და მათგან მოტანილი ქმედითი სწავლება და შეგონება, უმეტესად და თითქმის უგამონაკლისოდ, ღვთის იმ მსახურების ხვედრია, რომლებმაც მთლიანად ღვთის მსახურებას მიუძღვნეს თავი და მდუმარებაში მისდევენ გონიერ ლოცვას, რომელიც ადამიანს თავის სულს გადაუშლის"

/წმინდა მღვდელმთავარი ეგნატე ბრიანჩანინოვი/

[marine]

"ცოდვაა მეტისმეტი წუხილი"

/წმ. ნიკოლოზ სერბი/

[marine]

"დაბრკოლებები ყოველთვის კეთილ სამსახურს გიწევდნენ"

/წმ. ნიკოლოზ სერბი/

[marine]

"გაჭირვება და განსაცდელი უფლის გახსენების საწინდარია, რადგანაც ორივე ღვთის დავიწყების შედეგია"

/ფსიქოთერაპევტი მარინა კაჭარავა/

[marine]

"ყოველგვარი მწუხარებისა და ტკივილის წყარო ღმერთი კი არა, საკუთარი თავი ან ეშმაკია. საიდანაც არ უნდა მოდიოდნენ ისინი, თუ ადამიანი ბრძენია, ამ ყველაფერს სწორად უნდა შეხედოს და სულიერ სარგებლად აქციოს - სირთულე კურთხევად, ხოლო უკუნი წყვდიადი სანთელად. ვერავინ გაექცევა განსაცდელებს, ვერც ცოდვილი და ვერს წმინდანი, ვერც მდიდარი და ვერც ღარიბი - ყველა იხმევს ტკივილების სასმისს. მთავარი ის კი არ არის, თუ როგორ ავირიდოთ ეს ყველაფერი, არამედ როგორ აღვითქვათ ისინი"

/მიტროპოლიტი ათანასე ლიმასოლელი/

[marine]

"არავინ არ იფიქროს, რომ ამ ცხოვრებას სირთულეების გარეშე გავატარებთ. როგორებიც არ უნდა ვიყოთ, წმინდანები თუ ცოდვილები, ტკივილები აუცილებლად შეგვხვდება. ასეთია ჩვენი ცხოვრება. მწუხარებები ჩვენი მოცემულობაა და ღმერთი არ არის მათი წყარო, როგორც ზოგიერთები ფიქრობენ. რაში სჭირდება ღმერთს ჩვენი გამოცდა? განა არ იცის, ერთგულები ვართ თუ არა? სინამდვილეში, განსაცდელები უკეთესებად გვაქცევენ და გამოცდილებას გვძენენ"

/მიტროპოლიტი ათანასე ლიმასოლელი/

[marine]

"მწუხარებაში, სინანულის ღვაწლში და სიმდაბლეში იღებს ადამიანი ჭეშმარიტ განსვენებას. ეს რაღაც პარადოქსულია. ადამიანი რაც მეტად იგლოვს სულიერად, მით მეტი სიხარული აქვს. რაც მეტად ჩაუღრმავდები და შეისწავლი ცრემლებისა და ლოცვის ხელოვნებას, მით უფრო მეტად ისვენებ და განიწმინდები"

/მიტროპოლიტი ათანასე ლიმასოლელი/

[marine]

"როდესაც ექიმი ადამიანის განკურნებას აპირებს, სნეულს არ იბრალებს, ჭრის, კერავს, მისი სხულის დაზიანებულ ნაწილებს კვეთს, ნემსს უკეთებს. შეიძლება ითქვას, რომ უმოწყალოდ ექცევა. თუ დაინდობს, ვეღარ განკურნავს. ზუსტად ასე ჩანს ჩვენგანაც, რომ თითქოს კეთილ ღმერთს არ ვებრალებით. ზოგი სასოწარკვეთილი შესჩივლებს ხოლმე: "ღმერთო, ნუთუ არ გეცოდები? კიდევ რამდენი უნდა ვიტანჯო?" ამ დროს ჩვენ ბავშვებს ვგავართ, რომლებიც ვერ აცნობიერებენ უფლის მაკურნებელ ჩარევებს.

ხორცში მყოფ ადამიანებს ეს ბოლომდე მაინც არ გვესმის. როდესაც ამ სამყაროს დავტოვებთ, მაშინ აგვეხილება სულის თვალი და ქრისტეს მადლიერებას მივუძღვნით იმ მწუხარებების და ტკივილების გამო, რომლებიც ამქვეყნიურ ცხოვრებაში გადავიტანეთ. მადლიერნი ვიქნებით ყველანაირი სირთულისა და ტკივილის გამო, რადგან ყველაზე დიდი წამალი, რომელიც ადამიანის სულს ამსუბუქებს და მისგან უგრძნობელობას განდევნის, სწორედ განსაცდელია. ეს ყველა ეპოქის, განსაკუთრებით კი ჩვენი თანამედროვეობის წამალია.

რამდენი ტკივილი, რამდენი მწუხარება, რამდენი სირთულე და განსაცდელია დღეს! არ არსებობს ადამიანი, ან ოჯახი, რომელსაც თავისი ჯვარი არ აქვს. ჩვენ საკუთარი ჯვრის მოთმინებით ტვირთვა უნდა ვისწავლოთ. იცით, ეს მწუხარებები სინამდვილეში რამხელა სიკეთეა ჩვენთვის? ვმადლობდეთ ღმერთს ჯერ კიდევ ამ ცხოვრებაში და მომავალშიც იმის გამო, რომ ასე გამოაწრთო ჩვენი სული!"

/მიტროპოლიტი ათანასე ლიმასოლელი/

[marine]

"ქრისტეს ცოცხალი რწმენა შეურყევლებად გვაქცევს. ამ დროს ადამიანი არ ყოყმანობს. როდესაც განსაცდელების ტალღები მოიწევა, ის მაინც მყარად დგას.

დიდ წმინდანებს უსასტიკესი განსაცდელები ჰქონდათ. ზოგჯერ ისინი გრძნობდნენ, რომ მიტოვებულნი იყვნენ - ქრისტე "დუმდა". მთელი ბოროტება თავს ატყდებოდათ - ერთ ბოროტებას, განსაცდელს თუ წარუმატებლობას მეორე მოსდევდა და ამ დროს ღმერთსაც ვერსად ხედავდნენ, თითქოს მან მიატოვა. მიუხედავად ამისა, მაინც ჰქონდათ გულის სიღრმეში იმედი, რომ ქრისტე მათთან იყო"

/მიტროპოლიტი ათანასე ლიმასოლელი/

[marine]

"რატომ იტანჯება ადამიანი ამ ქვეყანაზე, რატომაა მწუხარებებითა და უბედურებებით გარემოცული?

იმიტომ ვიტანჯებით, რომ სიმდაბლე არ გაგვაჩნია. მდაბალ სულში სული წმიდა მკვიდრობს, და ის ანიჭებს სულს თავისუფლებას, სიმშვიდეს, სიყვარულს, ნეტარებას.

ვიტანჯებით იმიტომ, რომ არ გვიყვარს ძმა"

/წმ. ბერი სილუანი (ათონელი)/

[marine]

"რამდენადაც განსაცდელისგან გაქცევას ვლამობთ, იმდენად მეტად გვატყდება თავს, და რამდენადაც მეტ სულმოკლეობას ვიჩენთ, იმდენად უფრო ვერ ვაღწევთ მას თავს"

/წმ. აბბა დოროთე/

[marine]

"ეშმაკის მზაკვრობებს მიეკუთვნება ისიც, რომ იგი მოწევნული მწუხარებების დროს გულგატეხილობაში გვაგდებს იმ მიზნით, რომ ღვთის სასოებას ჩამოგვაშოროს. ღმერთი არასდროს უშვებს განსაცდელებმა იმდენად დათრგუნოს ღვთის მოიმედე სული, რომ იგი, უკიდურესობამდე მისული, სასოწარკვეთილებაში ჩავარდეს. "სარწმუნო არს ღმერთი", - ამბობს მოციქული, - "რომელმან არა გიტევნეს თქუენ განცდად უფროის ძალისა თქუენისა, არამედ ყოს განსაცდელსა თანა გამოყვანებაიცა, რაითა შეუძლოთ დათმენად"

/ღირსი მაკარი დიდი/

[marine]

"ეშმაკის მზაკვრობებს მიეკუთვნება ისიც, რომ იგი მოწევნული მწუხარებების დროს გულგატეხილობაში გვაგდებს იმ მიზნით, რომ ღვთის სასოებას ჩამოგვაშოროს. ღმერთი არასდროს უშვებს განსაცდელებმა იმდენად დათრგუნოს ღვთის მოიმედე სული, რომ იგი, უკიდურესობამდე მისული, სასოწარკვეთილებაში ჩავარდეს. "სარწმუნო არს ღმერთი", - ამბობს მოციქული, - "რომელმან არა გიტევნეს თქუენ განცდად უფროის ძალისა თქუენისა, არამედ ყოს განსაცდელსა თანა გამოყვანებაიცა, რაითა შეუძლოთ დათმენად" (1 კორ. 10:13).

/ღირსი მაკარი დიდი/

[marine]

"ილოცე, რომ განსაცდელი არ გეწიოს. ხოლო მოწევნული განსაცდელი ისე მიიღე, როგორც კუთვნილება და არა შენთვის უცხო რამ"

/ღირსი მარკოზ მოსაგრე/

[marine]

"თითოეულს ხვდება შესაბამისი, მისი განწყობის შესატყვისი; დაშვებული განსაცდელები სხვადასხვაგვარია: თითოეულისთვის შესაფერისი განსაცდელი მხოლოდ ღმერთმა იცის"

/ღირსი მარკოზ მოსაგრე/