განსაცდელი, ვისაუბროთ პარამეტრები

[marine]

"ნუთუ გგონია, რომ უფალმა, რომელსაც თმის ყოველი ღერი დათვლილი აქვს, შენი ტკივილის საზომი არ იცის? დიახ, იცის. ასე რომ, მიენდე ჩვენს ზეციერ მამას. ნუ დაყრი ფარ-ხმალს! ქრისტესთან ერთად ყველაფერს გადაიტან და ღმერთის, ჩვენი საერთო მამის, უსაზღვრო სიმდიდრის მემკვიდრეც გახდები"

/ეფრემ აროზინელი/

[marine]

"ერთი გზა რომ გადაიკეტება, მეორე გამოჩნდებაო"

[marine]

"ძალნი [ანგელოზები] აღსავსენი არიან ღვთაებრივი სიმტკიცით და დაუყოვნებლივ ასრულებენ უზენაესის ნებას. ისინი აღასრულებენ უდიდეს სასწაულებსაც და გარდამოუვლენენ კიდეც საკვირველ-მოქმედებათა მადლს ღმერთის სანთო-მყოფელებს, რათა მათ შეეძლოთ სასწაულების აღსრულება, სნეულებათა კურნება, მომავლის წინასწარმეტყველება; ისინი შეეწევიან მაშვრალთ და ტვირთმძიმეთ მათზე დაკისრებული მორჩილების ზიდვაში, რითაც ამართლებენ კიდეც თავიანთ სახელს - "ძალნი", ანუ ისინი იტვირთავენ ხოლმე უღონოთა უძლურებებს. ძალნი განამტკიცებენ თითოეულ ადამიანს მწუხარებათა და განსაცდელთა დათმენაში".

[marine]

"ჩვენს მი­წი­ერ ყო­ფა­ში და­ცე­მაც და წა­მოდ­გო­მაც, წარ­მა­ტე­ბაც და წა­რუმ­ტე­ბე­ლო­ბაც მო­ნაც­ვლო­ბენ.
თუ დიდი ტკი­ვი­ლი ან გან­საც­დე­ლი შეგ­ხვდათ, ადა­მი­ან­თა ბო­რო­ტე­ბის, მტრო­ბის, შუ­რის, ღა­ლა­ტის მსხვერ­პლნი გახ­დით, გული არ გა­ი­ტე­ხოთ. მი­ი­ღეთ ეს, რო­გორც თქვენ­თვის სარ­გო მწა­რე, მაგ­რამ მა­კურ­ნე­ბე­ლი წა­მა­ლი, მი­ი­ღეთ, რო­გორც თქვენ­გან გა­სავ­ლე­ლი გზის სა­ჭი­რო მო­ნაკ­ვე­თი, რო­მე­ლიც აუ­ცი­ლებ­ლად დას­რულ­დე­ბა. თუმ­ცა მისი ხან­გრძლი­ვო­ბა და­მო­კი­დე­ბუ­ლია იმა­ზე, თქვე­ნი გული და გო­ნე­ბა რო­გორ უპა­სუ­ხებს ასეთ გა­მოწ­ვე­ვებს."

/კათოლიკოს-პატრიარქი ილია მეორე/

[marine]

"რკინას ცეცხლი აფოლადებს
ადამიანს განსაცდელი,
ერთი წავა და სხვა მოვა,
ასე გვიწერს ეს სოფელი"

/აკაკი წერეთელი/

[marine]

"ზოგჯერ შეგნებული ტანჯვა სჯობია შეუგნებელ განცხრომას!"

/აკაკი წერეთელი/

[marine]

"ყველა ღიმილის უკან იმალება რაღაც ისეთი, მოყოლაც რომ შეუძლებელია!.."

/მამა პეტრე კვარაცხელია/

[marine]

"რბილი თიხა ადვილად იჭრება, ქვის დამტვრევას კი მძიმე ურო სჭირდება"

[marine]

"განსაცდელი ისეთ შემთხვევას ეწოდება, რომელიც კაცს რომელიმე ცოდვაში ჩააგდებს, ადამიანს შეუძლია, წინასწარ გამოიცნოს სად ან ვისთან, ან რომელ საქმეში ნახავს განსაცდელს და თავი აარიდოს მას"

/წმ. ეპისკოპოსი გაბრიელ ქიქოძე/

[marine]

"ვინც ცუდად ინანიებს, მან დაითმინოს კიდეც განსაცდელი"

/არქიმანდრიტი იოანე (კრესტიანკინი)/

[marine]

"თუ სხვა არაფერი შეგიძლია შესწირო უფალს, სამსხვერპლოზე მიიტანე ტანჯვა და ჯვარი შენი ცხოვრებისა".

[marine]

"ტანჯვის დროს წამიც საუკუნეა"

/აკაკი წერეთელი/

[marine]

"მწუხარებისაგან განშორება სასუფევლისაგან განშორებას ნიშნავს"

[marine]

"როგორც მაგარ ხეებს ძირ-ფესვიანად ვერ ამოთხრის ქარის შემოტევა, თუნდა მრავალი მხრიდან უტევდეს მას, პირიქით, ამით ხეს უფრო მყარსა და მტკიცესაც კი ხდის. ასევე სულს, რომელიც წმინდად და კეთილზნეობრივად ცხოვრობს, განსაცდელები და მწუხარებები ვერ დასცემენ, არამედ მასში კიდევ უფრო მეტ მოთმინებას გამოიწვევენ, როგორც მათ ნეტარი იობი გახადეს უფრო დიდებული და პატივცემული"

/წმ. იოანე ოქროპირი/

[marine]

"მეტად საცოდავია ის, ვინც ბევრს სცოდავს და აქვე მადლიერებით არ დაითმენს მწუხარებას, რომელიც ცოდვათა გამო მოევლინება, არამედ, მუდამ სურს, რომ ყოველივე მისი სურვილით ხდებოდეს! იცოდე, რომ ამგვარი კაცი, თუმცა კი არ სურს, მაინც დაიტანჯება მომავალ ცხოვრებაში"

/წმ. დიმიტრი როსტოველი/

[marine]

"რა განსაცდელიც არ უნდა დაატყდეს ადამიანს, მუდამ უნდა ამბობდეს იგი: "ეს ღვთის წყალობით მოხდა!"

/ამბა სისო/

[marine]

"მიწაზე ყველაზე კეთილდღეობითი ცხოვრებაც აღსავსეა გაუთვალისწინებელი წყენით, დაუკმაყოფილებელი სურვილებით, მძიმე, არცთუ იშვიათად დამქანცველი შრომით. რისთვის არის ეს დაშვებული ღვთის განგებულებისგან, თუ არა იმისათვის, რომ ადამიანმა, რომელმაც იმ ნეტარების შენარჩუნება არ ისურვა, უკვე მწარე გამოცდილებით შეიცნო, რა დაკარგა და მორჩილებითა და სათნო ცხოვრებით უფრო გულმოდგინედ უბრუნდება ზეციურ ცხოვრებას?!"

[marine]

"უბედურის დანახვისას ყურადღებას ნურაფერს მიაქცევთ, მისი უბედურების გარდა!"

[marine]

"უბედურება სათნოების გამოვლინების შემთხვევვაა"

/სენეკა/

[marine]

"რა სათნოებაა იმაში, რომ სიხარულით მიიღო სასიამოვნო რამ? მაგრამ სამწუხაროს მიღება სულგრძელად, ღვთის ნებისადმი მინდობით, - აი, ღვაწლი, აი, სათნოება, აი, ჯილდოს წინდი!"