განსაცდელი, ვისაუბროთ პარამეტრები

[marine]

"დარდი უჩუმარი ფერს გადაიყრის"

"ძნელი დარდი გაუცრიატდა"

/ვასილ ბარნოვი/

[marine]

"ქრისტიანი, რომელიც უბედურებით არ არის გამოცდილი, იმ მეომარს ჰგავს, რომელიც ბრძოლაში ჯერ არ ჩაბმულა. მზერა, მიმართვა, მეთოდები, მეტყველება - ყოველივე ეს მის სიმამაცეს გვიჩვენებს; მაგრამ თუ იგი არსად შეხვედრია მტერს, არც კი დაუნახავს იგი, განა შეიძლება, მივენდოთ მის სიმამაცესა და უშიშრობას?"

[marine]

"ყოველ ნივთს თავისი ჩრდილი აქვს"

/ვასილ ბარნოვი/

[marine]

"უტკბილეს იესოსთან ერთად შენთვის ყველაფერი ტკბილი იქნება. თვით მწუხარებაც კი ზეციურ ნექტრად მოგეჩვენება"

[marine]

"თუ ქრისტემ, უდანაშაულომ, ჩვენი დანაშაულის გამო ინება აეტანა მწუხარება და სიკვდილი, ნუთუ შენ მორჩილებით არ აიტან შეუდარებლად ნაკლებ მწუხარებას, რომელიც უეჭველად უფლის წინაშე ჩადენილი რაიმე დანაშაულის გამო მოგეგო, მაშინ, როცა შეიძლება, უდანაშაულოც კი იყო ადამიანების წინაშე?!"

[marine]

"როდესაც ვინმე იმ წამალს გაწვდით, რომელიც ჯანმრთელობის აღსადგენად გამოცდილმა ექიმმა გამოგიწერათ, წამლის დალევისას ხომ არ ფიქრობთ იმ ხელზე, ვინც სამკურნალო საშუალება მოგაწოდათ, არამედ იმაზე, რომ საჭიროდ ჩათვალა, რომ ის მიგეღოთ. სწორედ ასევე მოიქეცით სულიერი განსაცდელის ჟამს - თქვენი გონება მხოლოდ უფლისკენ მიმართეთ, რომელიც მიუწვდომელი სიბრძნით გიგზავნით მწუხარებას, რათა თქვენი სულიერი სიმართლე აღადგინოს"

[marine]

"ოქრომჭედელი ძვირფას მეტალს რომ ცეცხლში ჩააგდებს, განა იქ დარჩება და დაავიწყდება? არა, იგი მეტისმეტად უფრთხილდება და ეძვირფასება. იგი ზის ქურასთან და უცდის, ყურადღებით აკვირდება მეტალს, და როცა საკუთარ ანარეკლს შენიშნავს დამდნარ ოქროში, დაასკვნის, რომ გამოცდა დასრულებულია და ცეცხლს აქრობს. სწორედ ასევე, მაცხოვარი ფხიზლობს უბედურეაბთა ქურასთან, რომელშიც ქრისტიანები უნდა განიწმიდონ, ფუჭად არ უშვებს უმცირეს ტანჯვასაც კი და მხოლოდ უცდის, რომ მისი ხატება გამოისახოს მათ გულებში, და მისი ძეები გამოდიან იქიდან, როგორც - "შვიდწილ" განწმენდილი ოქრო!"

[marine]

"განსაცდელები რომ არ არსებობდეს, ვერავინ ცხონდებოდა"

/ამბა ევაგრე/

[marine]

"ოქრო ცეცხლით გამოიცდება, რწმენა კი - განსაცდელებით!"

[marine]

"უწმინდესი ბრძანებს, არ უნდა შეგვეშინდეს განსაცდელის, ქრისტიანი პრობლემებს მადლიერებით უნდა იღებდეს და ყველაფერში ღვთის ხელს ხედავდეს"

[marine]

"სადაც ღმერთი და სიბრძნეა, განსაცდელი ყოველთვის დიდია"

/წმ. გაბრიელ ბერი/

[marine]

"თუ მწუხარებებს არ ითმენ, ნუ ელი მომავალ გვირგვინს, რადგან აქ არ გაგიწევია ის შრომა და ღვაწლი, რაც გვირგვინის მისაღებად არის დადგენილი"

/წმ. ბასილი დიდი/

[marine]

"მთელი ჩვენი ცხოვრება აღსავსეა განსაცდელებით, ყოველ ნაბიჯზე ჩასაფრებულია შეჭირვება, მწუხარება. მთავარია ადამიანმა თავი არ დააძაბუნებინოს ამ შიშებს, რომლებიც ტალღებივით არიან. ჩვენი მიწიერი ცხოვრებაც ხომ ზღვასთან არის შედარებული: "სოფლისა ზღვა აღძრულ არს, საშინელად დამნთქავს მე, შენდა მოვილტვი განსაქარვებლად", - ვკითხულობთ საეკლესიო საგალობლებში. რითი უნდა სძლიოს ადამიანმა ამ შიშებს, თუ არა რწმენით, ღმერთზე მინდობით, სულიერი ცხოვრებით, ცოდვებთან ბრძოლით. ამ სათნოებების მოხვეჭასთან ერთად, ადამიანი თანდათან იძენს სიმშვიდეს, მხნეობას, ვაჟკაცობას. მთელი ჩვენი ცხოვრების აზრი ამ შიშისაგან განთავისუფლებაა".

/დეკ. ზაქარია მარგალიტაძე/

[marine]

"ჩვენი ცხოვრების არსი გაჭირვებათა და განსაცდელთა მონაცვლეობაა და ჩვენ უნდა შეგვეძლოს ამ გაჭირვებაზე გამარჯვება. ეს არის დიდი ხელოვნება, მაგრამ აქ გასათვალისწინებელია ერთი მნიშვნელოვანი რამ: უფალი შესაძლებლობლებზე მეტად არ განგვცდის. ამდენი განსაცდელი და გაჭირვება ისევ ჩვენს ხსნას ემსახურება. ქრისტიანული მოვალეობა არის ის, რომ წარმატებით გავუძლოთ ყველაფერ ამას. მხოლოდ ამგვარად არის შესაძლებელი სასუფევლის მოპოვება. სასუფევლისკენ მიმავალი გზა, მოგეხსენებათ, არ არის ია-ვარდით მოფენილი. ამიტომაც უფალი უშვებს იმას, რომ ვიყოთ ამსოფლად შეჭირვებულნი".

/დეკ. დავით ციცქიშვილი/

[marine]

"ზოგიერთი თავდაუზოგავად ცდილობს ადამიანური დახმარების მიღებას, ღმერთს კი არ იხსენებს. "ღმერთი ჩვენი შესავედრებელ და ძალ, შემწე ჭირთა შინა, რომელთა მპოვნეს ჩუენ ფრიად!"

[marine]

"სასიკეთო და მაცხოვნებელია ჩვენთვის მწუხარება! ღვთის სამართლიანი სამსჯავროს განჩინებით ვისჯებით ცოდვების გამო, მაგრამ ამასთანავე, ღვთის უსაზღვრო გულმოწყალებით, მწუხარებანი სულიერი უძლურებისა და წყლულების მკურნალად გამოგადგება - ისინი წმენდენ და სრულყოფენ ჩვენს კეთილ თვისებებსა და საქმეებს, ღირს გვყოფენ დავიმკვიდროთ მარადიული, მომავალი სიკეთეები. მაგრამ ამასთან, ჩვენც მოგვეთხოვება, სულგრძელობით, მოთმინებით გადავიტანოთ განსაცდელები, სრულიად მივენდოთ ღვთის წინამძღოლობას ჩვენი ცხონების გზაზე!"

[marine]

"ყოველჟამს გაიხსენე ღმერთი და იგი გაგიხსენებს მაშინ, როცა თავს უბედურება დაგატყდება"

/წმ. ისააკ ასური/

[marine]

ღმერთი არავის სჯის, ყველა თავის თავს ისჯის, არასწორი საქციელით!..

/მამა პეტრე კვარაცხელია/

[marine]

"ბუნებაში ყოველივე უსუფთაო, პირველყოფილიდან წარმომდგარი და დაუმუშავებელი სრულყოფილებას სხვაგვარად ვერ შეიძენს, თუ არ დამუშავდა. ძვირფას ქვებს აპრიალებენ; საღებავები იწურება და იწმინდება; ბროლსა და ფაიფურს ცეცხლში ატარებენ; ქვები იმტვრევა; ყველაფერში და ყველგან გარკვეული დანაკარგის გარეშე არაფერი უმჯობესდება"

[marine]

"ჩრდილსა და ბორბალს ჰგავს ცხოვრებისეული მწუხარება და სიხარული, რადგან ჩრდილივით მარადიული არ არის და ბორბალივით ბრუნავს!"

/წმ. ნილოს სინელი/