განსაცდელი, ვისაუბროთ პარამეტრები

[marine]

"ოქრო ცეცხლის ქურაში გამოიცდება, კეთილზნეობრივი ადამიანი კი - მწუხარებაში"

[marine]

"ნივთი, რომელიც ოქროს ჰგავს, შეიძლება, სუფთა ოქრო იყოს და შეიძლება, მინარევები ჰქონდეს, ან სულაც არ იყოს ოქრო შიგნიდან. ცეცხლში ოქრო იწმიდება, მინარევი შორდება, ყალბი ნივთიერება კი გამოაშკარავდება. ასევე, ადამიანის სათნოება შეიძლება იყოს წმიდა და მტკიცე, ღვთისათვის აღსრულებული და ღვთის ძალის მიერ განმტკიცებული, ან - უწმიდური, რომელთანაც შერწყმულია ამპარტავნების გულისთქმები, ანგარება და თვითმაამებლობა, ან სულაც - მლიქვნელობა: განსაცდელის ცეცხლში სიწმიდე მაღლდება, უწმიდურობა ჩამოშორდება, მლიქვნელობა ემხილება"

[marine]

"ხშირად მართალნიც მიეცემიან უკეთურ ადამიანთა ხელთ, არა - უკეთურთა განსადიდებლად, არამედ - მართალთა გამოსაცდელად!"

/წმ. გრიგოლ ღვთისმეტყველი/

[marine]

"რკინა ცეცხლში გამოიცდება, სიმამაცე კი - უბედურებით"

/სენეკა/

[marine]

"როგორც მეგობარს ვერ დაუდგები თავდებად, თუკი მისი ერთგულება ჯერ კიდევ არ არის გამოცდილი უბედურებაში; ზუსტად ასევე, ვერც სათნოების სიმტკიცეს, სიმყარეს, გულწრფელობას მიენდობი, ვიდრე იგი მწუხარების საცდელი ქვით არ გამოიცდება"

[marine]

"როგორც ისრაელს არ შეეძლო, მიეღო აღთქმული ქანაანის მიწა მანამდე, ვიდრე სხვადასხვა მტერს არ დაამარცხებდა: ასევე, მორწმუნე სული საკუთარ თავს არ უნდა შეჰპირდეს ზეციურ სასუფეველს, ვიდრე არ დაძლევს სხვადასხვა განსაცდელსა და მწუხარებას"

[marine]

"ნება რომ მქონოდა შემეცნებითი გაკვეთილები მეძებნა გართობის ამქვეყნიურ სკოლაში, ვიკითხავდი, რა იწვევს ცოცხალ თანამონაწილეობას, რა შეძრავს და აძრწუნებს მაყურებელს დრამატულ სცენაზე? დარწმუნებული ვარ, რომ მათ განაცვიფრებს არა ბედნიერება, რაც ვერაფრით აღელვებს მათ, არა - ვნებაზე იოლი გამაჯვება, არამედ - სიმამაცე, რომელიც ყველა დაბრკოლებასა და ხიფათს ამარცხებს. უდიდესი სულგრძელება - ნებისმიერი შეურაცხყოფისას, შეურყეველი სულის სიმტკიცე, რაც ყოველგვარ მომხიბვლელ ცდუნებაზე იმარჯვებს. მართლაც, ყოველგვარი სათნოება ჩვენთვის მშვენიერი და ამაღლებული ხდება მხოლოდ ძალისხმევისა და თავგანწირვის შემთხვევაში"

[marine]

"არის მრავალი განსაცდელი ჩვენს წინაშე, მაგრამ უნდა გვახსოვდეს, რომ ღმერთი იცავს ყოველ ადამიანს თუ შეწევნას გულით ვთხოვთ"

/კათოლიკოს-პატრიარქი ილია II/

[marine]

"თუკი მატყლი ვერ გამოდგება საქსოვად, თუ მას მრავალჯერ არ დატკეპნიან და დაჩეჩავენ, რის შედეგადაც ის სუფთავდება და საქსოვად გამოსადეგი ხდება; ასევე, ღვთისმოყვარე სული, რომელმაც მრავალი განსაცდელი და მწუხარება გადაიტანა და მამაცურად დაითმინა მწუხარება, წმინდავდება, სულიერი ქმედებისათვის ფაქიზდება, და ბოლოს, ცათა სასუფევლის ღირსი ხდება"

/წმ. ეფრემ ასური/

[marine]

"როგორც გამოცდილი მებაღე ხიდან უნაყოფო ყლორტებს ჭრის, რათა წვენი ამოძრავდეს და ნაყოფიერ ტოტებში ჩადგეს, ასევე ყოლადბრძენი უფალი განსაცდელის ორლესული მახვილით წმენდს სათნო ადამიანის სულს, რათა მან უმეტესი ნაყოფი გამოიღოს"

[marine]

"თუკი სუსტი საგანი, რომელიც მყარს შეეჯახება, ზოგჯერ იმსხვრევა, ბუნებაში მრავალ ისეთ მოვლენასაც ვხვდებით, როცა დაბრკოლებისას საგნის ძალა იზრდება და უფრო მტკიცდება. მდინარე ჩუმად მიადინებს თავის წყლებს, როცა მისი კალაპოტი ფართოა: სწრაფად და ძლიერად მიისწრაფვის მაშინ, როცა გარშემო ვიწრო, კლდოვანი ნაპირები აწვება. ბჟუტავს და სრულიად ქრება ნეპერწკალი, როცა ჰაერი არ მოძრაობს: ხოლო დიდ კოცონად გადაიქცევა, როცა ქარი ცეცხლს გააღვივებს. ასევე ქრისტიანი, არ მცონარებს, ყოველთვის უფალს მონებს და მისდამი მხურვალე სიყვარულს განიცდის; მაგრამ ის მეტად მოშურნე ხდება, როცა ღვთისთვის სათნო საქმეების კეთებისას განსაცდელსა და დაბრკოლებებს აწყდება"

[marine]

"სიბრძნისმოყვარეობა ტანჯვისაგან უფრო მხნევდება და უბედურებაში მტკიცდება, როგორც გამოწრთობილი რკინა ცივ წყალში"

/წმ. გრიგოლ ღვთისმეტყველი/

[marine]

"საქებარია სათნეობათა აღსრულებისას გამოჩენილი სიმამაცე მშვიდობის ჟამს; მაგრამ კიდევ უფრო საქებარია იგი ბრძოლის დროს"

/წმ. ნილოს სინელი/

[marine]

"განსაცდელის გარეშე ბრძოლა არ არსებობს; ბრძოლის გარეშე არაა გამარჯვება, გამარჯვების გარეშე არაა სამაგიერო"

[marine]

"მამაცურად დაითმინე ამ დროებით ცხორებაში ღვთისგან გამოგზანილი ყოველგვარი მწუხარება, რათა მარადიულად იხარებდე მომავალ საუკუნეში. ვინაიდან ვინც არ ითმენს აქ სამწუხაროს, ის ვერ მიიღებს იქ სასიხარულოს!"

/წმ. დიმიტრი როსტოველი/

[marine]

"დარდი კაცს ალამაზებს, როგორც დილის ნისლი - მაღალ მთას"

/გოდერძი ჩოხელი/

[marine]

"მომავლისადმი იმედით შეიმსუბუქე აწმყო. როგორც თვალით სნეულნი მზერას მოარიდებენ მეტისმეტად ბრწყინვალე საგნებს, და ყვავილებსა და მცნარეებს შეჰყურებენ, ასევე, სულმა მუდმივად არ უნდა უცქიროს სამწუხაროს და იფიქროს მასზე, არამედ მზერა მომავალ სიკეთეებს უნდა მიაპყროს!"

/წმ. ბასილი დიდი/

[marine]

"სულით ნუ დავეცემით, როცა რაიმე უბედურება დაგვატყდება თავს, რაც არ უნდა იყოს ის, ეს მსწრფლწარმავალი ღრუბელია. რა მწუხარებაც არ უნდა დაასახელო, მას მაინც თავისი დასასრული აქვს და უბედურებასაც საზღვარი აქვს!"

/წმ. იოანე ოქროპირი/

[marine]

"დააყენე თავი ტანჯვა-წამებაზე მაღლა და გწამდეს, რომ ღვთის ნებით, კურთხევად გადმოგეღვრება ის, რასაც მწუხარების ამოუწურავ წყაროდ თვლიდი; გწამდეს, რომ უბედურების ბნელი, ბობოქარი ღამე წყნარი და ნათელი დღის დასაწყისი იქნება"

[marine]

"უფალი ჩვენი ყოვლისმცოდნეა: ამიტომ მას ესმის ჩვენი ყოველი ამოოხვრა, ხედავს ყოველ ჩვენს ცრემლს. ღმერთი ჩვენი ყოვლისშემძლეა: ამიტომ მას შეუძლია, დაგვიხსნას ყოველგვარი მტრისაგან, თვით სიკვდილის ბრჭყალებისგანაც კი. ღმერთი ჩვენი ყოვლადსახიერია: ამიტომ, მას სურს, რომ ვტკბებოდეთ კეთილდღეობით ახლანდელ, მის მიერ მონიჭებულ ცხოვრებაში. ამრიგად, თუკი ყოველივე ამის მიუხედავად, რაიმე უბედურება გვთრგუნავს, ნიშნავს, რომ ის, ღვთის განგებით, ჩვენთვის სასარგებლო და აუცილებელია!"