ადამიანი - კითხვა ღვთიური ბუნების შესახებ პარამეტრები

[marine]

"ყველაზე მდუღარე სულისა და განცდების პატრონი"

[marine]

"ადამიანის ქცევაში ნათლად ჩანს მისი შინაგანი სამყარო".

[marine]

"ყოველი ადამიანი ჩვენი მასწავლებელია".

[marine]

"საკმაოდ ფართოდ გავრცელებული თვალსაზრისის, რომლის მიხედვითაც მიიჩნევა, რომ ანგელოზი, როგორც მხოლოდ სული უფრო სრულყოფილია ვიდრე ადამიანი, საპირისპიროდ, წმინდა გრიგოლ პალამა სრულიად ერთმნიშვნელოვნად გვასწავლის, რომ ღმერთის ხატი ადამიანში უფრო გამოკვეთილია, ვიდრე ანგელოზში. "მიუხედავად იმისა, რომ (ანგელოზებს), - წერს პალამა, - ადამიანებთან შედარებით გაცილებით უფრო დიდი უპირატესობები აქვთ, ზოგიერთი თვალსაზრისით ისინი მაინც ჩამორჩებიან ადამიანებს... (თუნდაც იმის გამო, რომ) თავისი შემოქმედის ცხოვრების ხატი ადამიანში უფრო მეტად არის ასახული, ვიდრე ანგელოზში".

[marine]

"[მღვდელმონაზონ ილარიონს] კეთილ და ნათელ სახეზე ასახვოდა ანარეკლი მაცხოვრის ხატისა. მისი შემოხედვისას სამოთხის ბრწყინვალებას ჭვრეტდი. მე ხშირად ვერც ვუბედავდი თვალებში შეხედვას. ეს წინასწარმეტყველის თვალები პირდაპირ ანათებდნენ. გული საღმრთო სიყვარულით ანთებოდა."

[marine]

"მართლაც, "არიან ადამიანები, ვისი ასაკიც დღეებით არ გამოითვლება და არც მათ მხრებზე დაწოლილი წლები იზომება მზის ირგვლივ ბრუნვით" (თომას მანი, "ჯადოსნური მთა").

[marine]

"პიროვნებები არა მხოლოდ "ქრისტესმოყვარულები", არამედ ქრისტესათვის საყვარელი ადამიანები არიან, ისინი წმინდა სამების "ბრწყინვალე საცხოვრისად" გადაიქცევიან, ღმერთი სამება მათში თავს ისე გრძნობს "როგორც ჭეშმარიტად საკუთარ სამყოფელში". ქრისტე სწორედ იმისათვის მოვიდა, რომ ადამიანი "საკუთარ სახლად და ტაძრად გადააქციოს", სწორედ ისეთად, როგორიც ღმერთის ტაძარია".

"ადამიანი სწორედ თავისი ხორციელების წყალობით არის უფრო მეტად ღვთის ხატება, ვიდრე მხოლოდ სული - ანგელოზი, ადამიანი (როგორც ქმნილება, როგორც ღვთაებრივი ჩანაფიქრი) კი მიუხედავად იმისა, რომ ცოდვით დაცემის შემდეგ მან დაკარგა თავისი მსგავსება ღვთისადმი და ამ თვალსაზრისით ანგელოზებზე უფრო დაბალ საფეხურზე აღმოჩნდა, მაინც უფრო ახლოს არის ღმერთთან".

[marine]

"ჩვენ ჩვენი ნამოქმედარის, ნააზროვნების, ნამეტყველების შედეგი, ჯამი ვართ."

/დეკ. გიორგი სხირტლაძე/

[marine]

"ზოგჯერ ადამიანი ვერ აცნობიერებს თავის სუსტ მხარეებს. მაგალითად, წარმოიდგენს, რომ უფრო მეტად მშვიდი ან უფრო მეტად მოწყალე გახდა. მოდის განსაცდელი, იქმნება კონფლიქტური სიტუაცია, ამ დროს იგი ფეთქდება, თავგზას კარგავს და მხოლოდ მაშინ ხვდება, რომ მისი წარმოდგენა საკუთარ სიმშვიდეზე გაზვიადებული ყოფილა. ან კიდევ, როცა დახმარებაა საჭირო, გული გაუსასტიკდება და არ იღებს ქრისტიანისთვის საჭირო მოწყალებას და ამითაც ხვდება, რომ არც ისე გულმოწყალეა, როგორც ეგონა. ანუ საკმაოდ ხშირად უფალი სხვადასხვა განსაცდელისა და შემაჭირვებელი გარემოების საშუალებით გვაფხიზლებს და გვიჩვენებს ჩვენს ნამდვილ სახეს. "
/დეკ. დავით ციცქიშვილი/

[marine]

"ჯანსაღი ფსიქიკის მქონე ადამიანს ყოველთვის აქვს განცდა, რომ სამყაროს ცენტრში არის ღმერთი."




"ქრისტიანი არის ადამიანი, რომელიც ყველგან ქრისტეს ხედავს და უხარია". ანუ სიხარული არის ქრისტიანის აუცილებელი თვისება. სიტყვა "ქრისტიანში" მოიაზრება სიხარული და, რა თქმა უნდა, სიყვარული. ქრისტიანი სხვა ადამიანებისგან უნდა გამოირჩეოდეს იმით, რომ უნდა უყვარდეს მოყვასი, ასხივებდეს თავმდაბლობას და სიყვარულს."

/პროტოპრესვიტერი ალექსანდრე შნემანი/

[marine]

"ადამიანი რის უფლებასაც მისცემს თავის თავს, ის მისთვის აკრძალული არ იქნება და რის უფლებასაც არ მისცემს თავის თავს, ის მისთვის აკრძალულია".

/დეკ. დავით შაქარაშვილი/

[marine]

"შეუძლებელია ადამიანი ღმერთს უხმობდეს და პასუხი არ მიიღოს".

[marine]

"ნამდვილი ურთიერთობები ადამიანისა ღმერთთან ახასიათებენ მის ურთიერთობებს ადამიანებთანაც".

[marine]

"ადამიანობა ღმერთთან ერთობას ნიშნავს. ადამიანი ღმერთის გარეშე ეშმაკია, დემონია. ერთადერთი რელიგია, რომელიც ადამიანს ღმერთთან ერთად ამყოფებს - მართლმადიდებლობაა. საოცრება ის არის, რომ ადამიანად მოსვლის შემდეგ ღმერთი აღარ არის მხოლოდ ღმერთი, ის ადამიანიცაა. და ეს მარადიულია."

/დეკ. თეოდორე გიგნაძე/

[marine]

"ადამიანი ფასდება სულიერებით"

"ადამიანი მაშინ დგას სრულყოფილების გზაზე, როდესაც ცდილობს იყოს ის, ვინც უნდა იყოს და აკეთებდეს იმას, რასაც უნდა აკეთებდეს."

[marine]

"ხშირად ღმერთი ადამიანს ართმევს ყველაფერს, რომ შეუდარებლად მეტი მისცეს - უძღვნას საკუთარი თავი".

/არქიმანდრიტი რაფაელი (კარელინი)/

[marine]

"მხოლოდ უბრალო, მარტივი სულისა და გულის ადამიანს შეუძლია, შესაფერი პატივი მიაგოს უფალს, ზეცასა და უხილავ სამყაროს."

[marine]

"ადამიანის არსებობის აზრი და მიზანი დედამიწაზე ის არის, რომ დაემსგავსოს ქრისტეს".

[marine]

"რაც უფრო ნაკლებად ზრუნავს ადამიანი ამაოებაზე, ღმერთიც მით უფრო მეტად ანიჭებს სიმშვიდეს".

/მიტროპოლიტი ანტონ სუროჟელი/

[marine]

"ღმერთს განსაკუთრებით უყვარს და ეხმარება ისეთ სულს, რომელსაც დაბადებიდან არცთუ ისე კარგი მონაცემები დაჰყვა, მაგრამ დიდი მონდომებით იღვწის, ცდილობს, მიწას მოწყდეს და ცუდი მემკვიდრეობით დასუსტებული, უძლური ფრთებით ზეცისკენ ამაღლდეს. ბევრ ისეთ ადამიანს ვიცნობ, რომელთაც ცოტაოდენი ძალისხმევით უფლისგან დიდი დახმარება მიიღეს და რაც აწუხებდათ, იმისგან გათავისუფლდნენ. ასეთი ადამიანები ღმერთისთვის ნამდვილი გმირები არიან. უფლისთვის სათნოა, ძველი ადამიანის დასამარცხებლად ჩვენ მიერ გაწეული შრომა".

/ღირსი პაისი ათონელი/