დიდი მარხვა (მოსამზადებელი ეტაპი), მოგზაურობა აღდგომისაკენ პარამეტრები

[marine]

"დიდმარხვის წინ მონასტერში ბერებს თითო ჭიქა რძეს ურიგებდნენ. არსენი [ღირსი პაისი ათონელი] მასაც არ სვამდა. თავის წილს ბერ ნიკიტას აძლევდა"

[marine]

"მღვდელმთავარი დიმიტრი როსტოველი წერს: "არათუ წყლით არამედ უმანკო ტარიგის სისხლით იბანს უსჯულო პილატე ხელს, ჯერ იყო მას უღმერთოს, შეესმინა ღმერთის სიტყვა იერემია წინასწარმეტყველისა: "განიბანე უკეთურებისაგან გული შენი, რათა განერე". ასეთია ამ ფრთიანი გამოთქმის "ხელები დამიბანიას" შინაარსი და ისტორია, ინებოს ღმერთმა, რომ არათუ "ხელები დაგვებანოს" მარტო და ამით სინდისის ქეჯნა მიგვეჩქმალოს, არამედ წრფელი სინანულით, ცრემლით განგვებანოს გული, რომ სუფთა სინდისით შევეგებოთ მოახლოებულ დიდ მარხვას, რომლითაც გაგვაძლიეროს ღმერთმა. ამენ!"

/დეკ. ნიკოლოზ გობეჯიშვილი/

[marine]

"დიდი მარხვა სულიერი მეათედია, რომელიც ყოველმა ადამიანმა ღმერთს უნდა შესწიროს"

/დიაკვანი ზაქარია ნათენაძე/

[marine]

"დიდი მარხვის განმავლობაში განსაკუთრებით ვუკვირდებით და ვუღრმავდებით ჩვენს ცოდვებს; და წმინდა ეფრემ ასურის ლოცვაში ყოველდღე ვევედრებით უფალს, მოგვცეს ხედევა და განცდა ცოდვებისა: "მომანიჭე განცდა თვისთა ცოდვათა", - ვამბობთ ყოველდღე და ეს აუცილებელია სულის გადარჩენისთვის, სულიერი წარმატებისთვის!.. მაგრამ, მეორე მხრივ, (თქვენთვის ასევე მითქვამს) ეკლესიის წმინდა მამები გვაფრხილებენ, რომ სულისთვის სახიფათოა, როდესაც ადამიანი თავის თავში მხოლოდ უარყოფით მხარეს ხედავს და ავიწყდება, ცოდვებთან ერთად, მასში არსებული მეორე, ნათელი მხარე და ის, რომ ადამიანის ბუნების საფუძველი, არის ხატება ღვთისა!

ასეთი არასწორი სულიერი მდგომარეობა საზიანოა, რადგან ჩვენში მოწყინებას, სასოწარკვეთილებას და შემოქმედებითი ძალების პარალიზებას იწვევს! ამიტომ დღეს, ისევე როგორც დიდი მარხვის წინა კვირებში, წმინდა ეკლესია გვახსენებს, რა დიდი სიკეთეა ადამიანში, როგორი ნათელი ძალები და შესაძლებლობებია დაფარული ადამიანის ბუნებაში!"

/მეუფე შიო მუჯირი/

[marine]

"ღმერთმა აკურთხოს ჩვენი შესლვა დიდ ორმოცეულში, ღირს-გვყოს ჯეროვნად მივაღწიოთ დიდ შვიდეულს, რათა შევძლოთ და მივიღოთ ის სიხარული, რაც ქრისტეს უხრწნელი ვნებიდან და მესამე დღეს აღდგომიდან მომდინარეობს"

[marine]

"დიდმარხვის პირველ კვირას მამა სერაფიმე [საროველი] მონასტერში ატარებდა. ამ დროს შაბათამდე საკვებს არ იხმევდა ხოლმე"

[marine]

"დიდმარხვაში მორწმუნე სიმყუდროვეს და სიმშვიდეს უნდა განიცდიდეს"

/მეუფე იობი (აქიაშვილი)/

[marine]

"შევთხოვ უფალს, რომ ყველას გვქონდეს ქრისტეს მადლი, რათა უფალმა ღირსგვყოს, დიდი სიხარულითა და ძალით, შევუდგეთ დიდი მარხვის ამ კურთხეულ დღეებს, რათა ვნებებთან მებრძოლი მამაცი მეომრები ვიყოთ, ხოლო ჩვენი უფლის აღდგომამ ამ სამყაროს სიხარული და ნათელი მიანიჭოს. ამინ"

/მიტროპოლიტი ათანასე ლიმასოლელი/

[marine]

"დიდმარხვა ყველაზე მშვენიერი პერიოდია. ის სინანულისა და სიმდაბლის სულითაა განმსჭვალული. თუკი ყურადღებით უღრმავდებით დიდმარხვის ლოცვებს, სინანულითა და სიმდაბლით სავსე ისეთ სიტყვებს აღმოაჩენთ, რომელთაც სასოწარკვეთილების წყვდიადისკენ კი არ მივყავართ, არამედ გვაძლევენ სიმამაცეს, იმედს, მოთმინებას და ნათელს. ეს ყველაფერი სხვა არაფერია, თუ არა ღმრთის სიყვარული და მისი ჩვენთან მყოფობის დასტური"

/მიტროპოლიტი ათანასე ლიმასოლელი/

[marine]

"დიდი მარხვის დღეები მძიმეა არა იმდენად ფიზიკური თავშეკავების, რამდენადაც სულიერი დაძაბულობის, დაჟინებული მზერის საკუთარ თავზე მიპყრობის გამო, საკუთარი დასნეულებული და უძლური სულისკენ"