ქრისტე აღსდგა,ჭეშმარიტად! პარამეტრები

[marine]

"საყვარელო მორწმუნენო! დღეს ვზეიმობთ დღესასწაულთა დღესასწაულს და ზეიმთა ზეიმს"

/არქიმანდრიტი კლეოპა (ილიე)/

[marine]

"ღირსნი გაგვხადე, უფალო, რომ მკვდრეთით აღდგომის დღეს არ გვრცხვენოდეს, პირისახეში შემოგხედოთ, და გამოგვივლინე ჩვენ შენი კეთილმოწყალეობა, რამეთუ მდიდარი ხარ შენ სიუხვებით. ნეტამც ჩვენზე გადმოიღვაროს შენი სიუხვენი და გვიხსნას ჩვენ გეჰენიის ცეცხლისაგან!"

/წმ. ეფრემ ასური/

[marine]

"აღდგომის ნათლით ჩუმად ხარობს დედაღვთისაც, მაგრამ მისი სიხარული ისეთივე დაფარულია, როგორც გოლგოთის სევდა და წუხილი..."

/დეკ. დავით ოქრუაშვილი/

[marine]

"ჯვარცმულო და ჩვენგან ვერდანახულო ღმერთო, ისევ შენ შეგვეწიე, რომ ვიხილოთ ნათელი ჭეშმარიტი და ანგელოზთა თანა ჩვენც ვიგალობოთ აღდგომის სანუკვარი საგალობელი - ქრისტე აღსდგა! ჭეშმარიტად აღსდგა!"

/დეკ. დავით ოქრუაშვილი/

[marine]

"დღეს აღდგომის ღამეა და ყველაზე დიდი ნათელი ამ დღეს კაცის გულში უნდა ჩამოწვეს, რომელსაც ვეღარასოდეს შეარყევს სიკვდილის შიში... მან თავისი სიკვდილით მოკლა სიკვდილი და ჭეშმარიტ აღდგომას გვაზიარა... "მე ვარ აღდგომა და ცხოვება. რომელსა ჰრწმენეს ჩემი, მო-ღათუ-კუდეს, ცხონდესვე. და ყოველი, რომელი ცოცხალ არს და ჰრწმენეს ჩემი, არა მოკუდეს იგი უკუნისამდე"

/დეკ. დავით ოქრუაშვილი/

[marine]

"არ არის სასწაული, უფრო დამოწმებული, არ არის ჭეშმარიტება უფრო გასახარი ადამიანის გულისათვის, როგორც ქრისტეს ყოვლადდიდებული მკვდრეთით აღდგომა!"

/წილკნელი ეპისკოპოსი ზოსიმე (შიოშვილი)/

[marine]

"და წმ. დედანი გახდნენ მოციქულები თავად მოციქულთათვის, ახარებდნენ რა მათ ქრისტეს აღდგომას. წმიდა ეკლესიას კი სწამს, და თავის რწმენას საზეიმოდაც კი აღიარეგბს თავის სააღდგომო საგალობლებში, რომ დედათაგან პირველი, რომელმაც მიიღო ანგელოზისგან სასიხარულო ცნობა უფლის აღდგომაზე, პირველი, რომელიც მისი ხილვის ღირსი გახდა, იყო არა მარიამ მაგდალინელი, არამედ დედათა შორის ყოვლადკურთხეული ღვთისმშობელი. და მართლაც, განა შეიძლებოდა მომხდარიყო სხვაგვარად?

ქრისტიანის გული გონებაზე უკეთესად უპასუხებს ამ კითხვას: არა, სხვანაირად არც შეიძლებოდა! დედა ღვთისა თავის უსაყვარლეს შვილთან ერთად გულით გაეკრა ჯვარს ყველაზე მეტად, და მასზევე იზრუნა წამებულმა ძემ საოცრად ფაქიზად ჯვრიდან. და განა დატოვებდა მას თავის დიდებულ აღდგომაზე უცნობელად? და, მართლაც, აღდგომის ტაძარში, ძველ იერუსალიმში, უფლის საფლავის მახლობლად, ახლაც მიუთითებენ ადგილზე, სადაც უფალი ეჩვენა თავის უწმიდეს დედას"

/წილკნელი ეპისკოპოსი ზოსიმე (შიოშვილი)/

[marine]

ქრისტე აღსდგა! ჭეშმარიტად აღსდგა! გილოცავთ მთელ საქრისტიანოს! მიყვარხართ ღმერთმა მრავალი გაგითენოთ ბევრი სიხარულითა და ბევრი მადლით!

[marine]

"აღდგომა იმდენად აღმატებულია ყველა, თუნდაც საუფლო დღესასწაულზე, რამდენადაც მზე აღემატება ვარსკვლავებს"

[marine]

"ვინც აღდგომის შემდეგ, ბრწყინვალე შვიდეულის დღეებში ცოდვებზე იტირებს, ის იუდაზე უარესია"

/ღირსი გაბრიელი, აღმსარებელი და სალოსი/

[marine]

"აღდგომა შეეხება ყველა გარდაცვლილ ადამიანს, ხოლო ისინი, ვინც მეორედ მოსვლას ცოცხალი შეხვდება, წამიერად შეიცვლებიან და უხრწნელ სხეულს მიიღებენ. მკვდრეთით აღდგომა მოხდება ქვეყნის დასასრულს. ამ დროს განხრწნადი ქვეყანა დაიწვება და შეიქმნება ახალი ცა და ახალი ქვეყანა, რომელიც იქნება უხრწნელი"

[marine]

"ინებოს მკვდრეთით აღდგომილმა უფალმა იესო ქრისტემ, რომ ჩვენი გულები გაანათოს, გაგვაძლიეროს სულიერად და ხორციელად, რათა დიდი სიხარულით სიყვარულით ვუთხრათ ერთმანეთს: ქრისტეს აღდგა!"

/მეუფე შიო მუჯირი/

[marine]

" - რომელიმე დღესასწაული გამორჩეულად თუ უყვარდა [ღირს გაბრიელს, აღმსარებელსა და სალოსს]?

- ყველა დღესასწაული ძალიან უყვარდა, მაგრამ განსაკუთრებით - აღდგომა. 40 დღის განმავლობაში კვერცხებს ღებავდა და ყველას ურიგებდა. ქრისტე აღსდგას! მასავით ვერავინ იტყოდა. ერთხელ, სატრაპეზოში შემიყვანა, 6 კვერცხი ჩამაყრევინა შესაღებად. 2-3 წუთი საკმარისია, გამორთეო. თეთრ ფერს წითელი რომ დაჰკრავს, ბუნებრივად, ასეთი უნდა იყოს აღდგომის წითელი კვერცხიო"

[marine]

"მაცხოვარმა იმიტომაც ინება აღდგომა ამ პერიოდში, სანამ ჯარისკაცები საფლავთან იდგნენ, რომ მის აღდგომას შესწრებოდნენ სწორედ ის ადამიანები, ვისაც დაევალა უაღრესი პასუხისმგებლობის ქვეშ მისი სამარხვის დაცვა, რადგანაც თუ ჯარისკაცები დაიშლებოდნენ და წავიდოდნენ, - და ალბათ ეს ოდესღაც მოხდებოდა, - მაშინ ამ მოვლენის შემდგომ აღდგომას შეიძლება, მოჰყოლოდა კვლავ ეჭვი და ბრალდება, რომ მოციქულებმა მოიპარეს თავიანთი მოძღვარი. და "სიკვდილითა სიკვდილის დამთრგუნველმა" თავისი ღვთაებრივი აღდგომით ანახა გულით დაბრმავებულ კაცობრიობას, რომ ჭეშმარიტად ძე ღვთისა იყო იგი"