წმიდა მამათა გამონათქვამები მარხვის შესახებ პარამეტრები

[marine]

"მარხვა საჭიროა ვნებების დასაცხრომად. ის ვნებათა მკურნალია"

/არქიმანდრიტი მაკარი (აბესაძე)/

[marine]

"ვინც რწმენაში სუსტია და სულით უძლური, მათთვის უფრო მეტად სასარგებლოა საკვებისგან თავშეკავება"

/ღირსი გრიგოლ სინელი/

[marine]

"იფხიზლე, რომ მარხვა სისუსტეთაგან თავის მოზღუდვიდან ახალ სიამეთა ძიებად არ გექცეს, ჩვეულებრივი ღვინო, რომლის მიღებაც ამ დღეთა მანძილზეე გეკრძალება, სხვა, გაცილებით მაცთუნებელი და დახვეწილი, უცხო ხილთაგან გამოწურული სასმელით არ ჩაანაცვლო, სამარხვო საზრდელში კი გემოთა მრავალფეროვნება არ ეძებო...

ძმანო, ფხიზლობდეთ და ზრუნავდეთ, რომ მსგავს მიდრეკილებათა ტყვედ არ იქცეთ უეცრად, ზომიერება მარხვის თანამგზავრია.

და რამდენადაც სტომაქის სიმაძღრეა დასაგმობი, ყოველიველს უნდა ვუფრთხოდეთ, რაც კი მადას აღგვიძრავს.

საზრდელის მრავალგვაროვნებას კი არა, ხორციელ სიამეებს უნდა ვუფრთხოდეთ. თვით წმინდა დავითიც ნანობს ერთ ჟამს უბრალო წყლის უადგილო წყურვილს"

/ნეტარი ავგუსტინე/

[marine]

"ისევე, როგორც ქარი ზღვაზე ტალღებს წარმოქმნის, სულის ღელვას გონების მღელვარება იწვევს და შემდეგ ფიქრების ქარბორბალა სრულად იპყრობს სულს. შინაგანი ლოცვისათვის ყურადღების კონცენტრირებაა აუცილებელი. სწორედ ამის გამო საუბრობენ მამები მარხვისა და ლოცვის ერთიანობაზე. მარხვა გონებას მუდმივ მღვიძარებაში ამყოფებს და მღვიძარე გონება ყოველთვის მზად არის კეთილი საქმე აკეთოს, ხოლო ლოცვის პროცესი ღვთის მადლით ავსებს ადამიანს"

[marine]

"მარხვა დამხმარე ხელია, რომელსაც ეკლესია გვაწვდის. მარხვა, რა თქმა უნდა, მოთმინებაცაა. რაც უფრო ვუახლოვდებით ღმერთს, მით უფრო მომთმენნი ვხდებით"

/დეკ. გიორგი სხირტლაძე/

[marine]

"ერთი წმინდა მამას ჰქონდა გამოცხადება, რომ გარდაცვლილს სამი ანგელოზი მიაცილებდა. წმინდა კაცმა იკითხა: "სამნი რატომ არიან? ერთი მფარველი ანგელოზია, დანარჩენი ორი ვინღა არისო?" რაზეც ანგელოზებმა უპასუხეს: ეს მონაზონი მთელი ცხოვრება ოთხშაბათ-პარასკევს მარხულობდა, ამიტომაც გამოგვგზავნა უფალმა, რომ დაკრძალვისას პატივი მივაგოთ მის სხეულს, ხოლო მისი სული დიდებით წარვადგინოთ უფლის წინაშეო"

[marine]

"მარხვა აჩერებს ბევრ დაავადებას და ნაადრევ. სიკვდილს. წმიდა მამების მაგალითები ყოველივე ამის ნათელი დადასტურებაა. მუდმივი მარხვა ხელს არ უშლიდა უდიდეს მოღვაწეებს ეცოცხლათ ღრმა სიბერემდე და სიცოცხლის ბოლომდე შეენარჩუნებინათ არაჩვეულებრივად ნათელი გონება, სულის სიწმინდე და ნებისყოფის სიმტკიცე"

[marine]

"მარხვა უპირველესად არის გარკვეული საჭმლის შეზღუდვა. აქედან თავისთავად გამომდინარეობს, რომ იგი უკავშირდება ნებისყოფის წვრთნას. როგორც კუნთები დუნდება და სუსტდება უმოქმედობით, ასევე და უფრო მეტად სუსტდება ნებისყოფა, თუ ადამიანი მას არ ავარჯიშებს"

[marine]

"შიში, რომ თითქოს მცენარეული საკვები ჯანმრთელობას ვნებს, ვერ უძლებს მეცნიერულ კრიტიკას. ღვაწლმოსილ მამათა ცხოვრებაზე დაკვირვება ცხადყოფს, რომ მცენარეული რაციონით სავსებით შესაძლებელია ორგანიზმს მიაწოდო ყველაფერი, რაც სრულიად საკმარისია ძალების შესანარჩუნებლად. ჩვეულებრივი შიმშილის შეგრძნება, რომელიც უჩნდება ხორცის ჭამას შეჩვეულ ადამიანს მცენარეულ საკვებზე გადასვლისას, გამოწვეულია იმით, რომ მას მოაკლდა მიჩვეული ამგზნები, რომელიც ხორცის შემადგენლობაშია. ეს ზუსტად ისეთი შეგრძნებაა, როგორიც მწეველს უჩნდება სიგარეტისთვის თავის დანებების დროს, ანდა ალკოჰოლიკს - უსასმელოდ. ცოტა ხნის შემდეგ ეს შეგრძნება გაივლის".

[marine]

"მეცნიერება კიდევ ერთი კუთხით ამტკიცებს მარხვის სიკეთეს. როგორც გამოკვლევები ცხყადყოფს, გაზაფხულობით ცხოველის ორგანიზმში იმგვარი პროცესები მიმდინარეობს, რომლებიც მის ხორცს ყოვლად გამოუსადეგარს ხდის. ესე იგი ვინც დიდი მარხვის მძიმე დღეებში ხორცს მაინც ეძალება, ის ფაქტობრივად შხამს მიირთმევს "ორგანიზმისთვის აგრე საჭირო" საკვების ნაცვლად"

[marine]

"ვიწრო გზაზე შენ გატარებს შევიწროებული სტომაქი, ღამით სიფხიზლე, წყლის ზომიერი სმა, პურის სიმცირე"

[marine]

ორი მეთევზე

"მეთევზეებმა თევზი დაიჭირეს და სადილის მომზადებას შეუდგნენ. კამათი წამიწყეს. ერთი ამტკიცებდა: "ნახშირზე გამომცხვარი თევზი გაცილებით გემრიელია!" მეორე არ უთმობდა: "არა, რას ამბობ! ხახვში და ცხიმში მოხრაკული სჯობს!" გზად მიმავალმა გელხკაცმა ყური მოკრა მათ კამათს და თქვა: "საღამომდე იშიმშილეთ და თევზიც უფრო გემრიელი იქნებაო!"

მარხვა შიმშილით კი არა,
სინანულით ფასობს:

მარხვისას ყველა კერძი გემრიელია,
მარხვის გარეშე კი გემრიელიც - უგემურია".

/ბერი სვიმეონ ათონელი/

[marine]

"აშიმშილე შენი მუცელი, ნურაფერს მისცემ მას, რადგან როდესაც მას შია, შენი ბაგეები ტკბება უფლის სიტკბოებით. თუკი შენ მუცელს მატერიალურ საკვებს მისცემ, შენი ენა კარგავს საოცარ სიტკბოებას"

[marine]

"ყველა მარხვაში, ასევე ოთხშაბათს, პარასკევს და ორშაბათს მამა არსენი [კაბადოკიელი] მზის ჩასვლამდე წყალსაც კი არ სვამდა"

[marine]

"ზოგჯერ, როდესაც მიირთმევ და პურს ღეჭავ, ან უბრალო საჭმელს იღებ, გეჩვენება, რომ ეს საკვები შენს ბაგეებს იმ მანანას ემსგავსება, რომელიც ებრაელებმა ჭამეს უდაბნოში. ზოგჯერ გეჩვენება, რომ რძეს სვამ, ზოგჯერ - ხორცის ბულიონს ან თაფლს, გემრიელ თევზს, მიუხედავად იმისა, რომ შენი საკვები - ესაა უარაფროდ მოხარშული მარცვლეული ან უმარილო მწვანილი. ამიტომ, როცა ჭამ და გრძნობ ამ საოცარ გემოს, გონება ხარობს, სწავლობ იმ ენით აღუწერელ სიტკბოს, რომლითაც ტკბებიან ზეცაში წმინდანები, იხმევენ ზეციურ პურს და სვამენ უფლის მიუწვდომელი სიტკბოების ნექტარს. ანუ, წმინდანები, რომლებიც ჭვრეტენ მიუწვდომელს, გამოუთქმელს და აღემატებიან ყოველ გონებასა და აზრს, უფლის დიდებისას სასწაულებრივად და გამოუთქმელად არიან აღსავსენი ყველა ამ სიკეთით. ამიტომაც ამბობს წინასწარმეტყველი: "გავძღები გამოღვიძებისას შნი სახის ცქერით". როდესაც შენ ტკბები შენი ენისა და გონების სიტკბოების წყალობით, ლოცვა თავად ამოძრავდება შენში და ამით წინაღუდგება მუცლის გაძღომას, თითქოსდა ხმით ამბობს: "საკმარისია, შენ უკვე ჭამე!" იმიტომ, რომ ადამიანი, რომელიც გონიერი ცხოველია, ცოცხლობს არა მხოლოდ პურით, არამედ უფლის მადლით, როგორც ნათქვამია: "არა მხოლოდ პურით იცოცხლება კაცი, არამედ ყოველი სიტყვით, რომელიც გამოდის ღმერთის პირიდან".

[marine]

"თუკი შენ, საყვარელო, გსურს, რომ მიიღო და საკუთარ გულში დაიმარხო გონისმიერი ლოცვა, იმარხულე უწყვეტად. მოერიდე ცხიმიან და სასიამოვნო საკვებს".

[marine]

"ერთმა მორწმუნემ კმაყოფილმა უთხრა [ღირს მამა გაბრიელს, აღმსარებელსა და სალოსს]: - მამა გაბრიელ, ეს მარხვა სხვა მარხვებთან შედარებით კარგად დავიცავი, - როგორ მოახერხე შვილო, - ღიმილით უთხრა მამა გაბრიელმა, - ორმოცი წლის ბერი ვარ და ერთხელაც ვერ ვიმარხულე, იქნებ შენ მასწავლო?"

[marine]

"დიდი მარხვა სულიერ მეათედია, რომელიც ყოველმა ადამიანმა ღმერთს უნდა შესწიროს"

[marine]

"ვინც დიდი მარხვის გლოვითა და განსაცდელებით აღსავსე მეათედს არ შესწირავს ღმერთს, იგი ვერასოდეს შეიგრძნობს იესო ქრისტეს ბრწყინვალე აღდგომის სიხარულსა და აღტაცებას"

[marine]

"მარხვა აღსარების გარეშე მარხვა არ არის. აღსარების მეშვეობით კი სრულდება მარხვა და მისი საშუალებით ღმერთი ხედავს გულს ადამიანისას"