ვისწავლოთ ბიბლია, რჩევები და სწავლებები პარამეტრები

[marine]

"ჩვენი უფალი ჯვარს რომ არ ცმულიყო, მრავალი წარმართი არ გამოიხსნებოდა. ამიტომ იუდეველები ირწმუნებენ, მაგრამ ირწმუნებენ სამყაროს აღსასრულს. მათთვის არ იყო დრო, ერწმუნათ ჯვარი; მათ რომ ერწმუნათ, უფალი ჯვარცმული არ იქნებოდა. ჯერ არ იყო დრო, მათ რომ ერწმუნათ. მათ ურწმუნოებაში არის ჩვენი რწმენა, ხოლო მათ დამარცხებაში - ჩვენი ამაღლება. ეს დრო არ ყოფილა მათი, რათა ჩვენი გამხდარიყო"

/ნეტარი იერონიმე სტრიდონელი/

[marine]

"რაც წმიდა წერილშია ნათქვამი, ნათქვამია არა იმიტომ, რომ ჩვენ (მხოლოდ) ვიცოდეთ იგი, არამედ იმიტომ, რომ აღვასრულოთ"

/ამბა ისიხი/

[marine]

"იოქებედი ("დიდების იეჰოვა", ანუ "იეჰოვას დიდება") - მოსეს, აარონისა და მირიამის დედა. ის იყო ლევის ასული, რომელიც მას გაუჩნდა ეგვიპტეში, და იყო და კეჰათისა, თავისი ქმრის - ყამრამის მამისა (გამ. 6.20; რიცხ. 26.59). შესაბამისად, ის გამოდის თავისი ქმრის მამიდა. ასეთი ქორწინება, რომელიც მოგვიანებით აკრძალეს მოსეს რჯულით (ლევ. 28. 12,13), დაშვებული იყო ამ დადგენილებამდე და თავად მოსე არ მალავს ამ ნათესაობას (გამ. 6.20). იოქებედის დედობრივი ზრუნვა შვილების მიმართ განსაკუთრებით თვასაჩინოა მოსეს დაბადებისა და აღზრდის გარემოებებიდან (1 ეზრ. 11.23)".

[marine]

"დავითისა და ისრაელის წინამძღვრების მიერ იმდენად ბევრი ძვირფასი ლითონი იყო მომზადებული, რომ სოლომონის მიერ შეკრებილმა ოსტატებმა ვერ შეძლეს მისი მთლიანად გამოყენება"

[marine]

"ბიბლია წიგნთა შორის ყველაზე ჰარმონიული წიგნია, რადგან მას რეალურად ერთი ავტორი ჰყავს და ეს ავტორია თვით ღმერთი, ვისი ნებითაც, ვისი შეგონებითაც შეიქმნა და დაიწერა იგი წმ. კაცთა ხელით"

/აკაკი მინდიაშვილი/

[marine]

"ცნობილი ინგლისელი არქეოლოგი ჰუკი, რომელიც 30 წელი მუშაობდა ბიბლიურ ადგილებში, წერს: თავის დროზე ბიბლიურ მოვლენებთან დაკავშირებული არქეოლოგიური გათხრები იმისთვის დავიწყე, რომ ბიბლიის უსაფუძვლობა დამემტკიცებინა, მაგრამ 30 წლის შემდეგ იმ დასკვნამდე მივედი, რომ ბიბლიაში მოთხრობილი ამბები აბსოლუტური ჭეშმარიტებააო".

[marine]

"აღთქმის კიდობანში ინახებოდა ქვის ფილები, რომელზეც ათი მცნება ეწერა, ასევე აარონის კვერთხი და ზეციური საკვვები მანანა. ეს კიდობანი სოლომონ მეფემ ტაძრის მშენებლობისას საძირკველში მოაქცია"

[marine]

"თანამედროვე ადამიანი საჭიროებს წმინდა წიგნის - ბიბლიის სიბრძნით სულიერ დაპურებას, ინტელექტუალურ, გონებრივ განვითარებასა და იმ მადლს, რომელიც ქრისტეს წმინდა მართლმადიდებელი ეკლესიის წიაღში მოიხვეჭება"

/აკაკი მინდიაშვილი/

[marine]

"ვინც ღმერთი დაკარგა, ის კვლავ მოიპოვებს მას ბიბლიაში, ხოლო ვინც არასოდეს იცნობდა ღმერთს, ამ წიგნიდან ღვთის სიტყვის სუნთქვასა და სურნელს შეიგრძნობს"

/აკაკი მინდიაშვილი/

[marine]

"კაცობრიობა თავისი ისტორიის მანძილზე, ბიბლიით საზრდოობს. ყველა ხალხის ფოლკლორსა და მითებში, ტრადიციებსა და გადმოცემებში საცნაურია ბიბლიის გავლენა"

/ფსიქოთერაპევტი მარინა კაჭარავა/

[marine]

"რამდენიმე წლის წინ ფართო გამოხმაურება მოჰყვა ისტორიას, რომელიც მოხდა აღმოსავლეთ ევროპის ერთ-ერთ ქვეყანაში.

ერთი ქრისტიანი დააპატიმრეს და ჩასვეს ციხეში. ერთხელ ის კამერიდან გამოიყვანეს და წაიყვანეს დაკითხვის ოთახში, სადაც მას ელოდნენ პოლიციის ოფიცერი და ექიმი. მაგიდასთან, სადაც ისინი ისხდნენ, იდო გახსნილი ბიბლია და ტყვეს ჰკითხეს: - სჯერა თუ არა მას, რომ ეს წიგნი არის ღვთის სიტყვა. მან უპასუხა, რომ სჯერა. მაშინ მას სთხოვეს წაეკითხა მარკოზის სახარებიდან ფრაზა - "დაღათუ სასიკუდინე რაიმე სუან, არარაი ავნოს მათ".

ბიბლიის ამ სიტყვვების თუ გჯერათ? - შეეკითხა ოფიცერი.

დიახ, - იყო პასუხი.

მაშინ ოფიცერმა მას დაუდგა სავსე ჭიქა და უთხრა:

ამ ჭიქაში ძლიერმოქმედი შხამია. თუ ეს წიგნი ჭეშმარიტია, როგორც თქვენ ამტკიცებთ, მაშინ ეს შხამი არ გავნებთ. იცოდეთ, არ გეხუმრებით, - უთხრა ოფიცერმა.

შემდგომ მოიყვანეს დიდი ძაღლი და მისცეს მას ცოტაოდენი სითხე. რამოდენიმე წამში ძაღლი უსულოდ დაეცა.

თქვენ კიდევ ამტიცებთ, რომ ეს წიგნი ჭეშმარიტია? - კითხეს პატიმარს.

დიახ, ეს ღვთის სიტყვაა, იგი ჭეშმარიტია, - იყო პასუხი.

მაშინ ოფიცერმა, შეხედა რა ექიმს, პატიმარს შესძახა: დალიე ბოლომდე.

ქრისტიანმა ითხოვა ნევართვა, ელოცა. მან მაგიდასთან მუხლი მოიყარა, ხელში აიღო ჭიქა და ილოცა საკუთარი ოჯახისთვის, რათა მათში რწმენა არ შესუსტებულიყო, შემდგომ ილოცა ოფიცრისა და ექიმისთვის, რათა მათაც ერწმუნათ ქრისტე. ბოლოს კი თქვა:

"უფალო, შენ ხედავ რომ ისინი გცდიან შენ. მე მზად ვარ სიკვდილისთვის, მაგრამ მე მჯერა, რომ შენი სიტყვისამებრ არაფერი მომივა. მაგრამ თუ შენ სხვა გეგმა გაქვს, მე მზად ვარ შენთან შესახვედრად, ჩემი სიცოცხლე შენს ხელთაა, დაე, აღსრულდეს ნება შენი".

ლოცვის შემდეგ მან დალია სითხე. ოფიცერი და ექიმი გაოცებული უყურებდნენ. ისინი ამას არ ელოდნენ. მათ ეგონათ, რომ ეს ადამიანი აუცილებლად გატყდებოდა, ახლა კი მის სიკვდილს ელოდნენ. მაგრამ ამგვარი არაფერი მოხდა.

ჩამოვარდა სამარისებული სიჩუმე. წუთები საათებივით იწელებოდა. როგორც იქნა ექიმი გამოერკვა. მან პატიმარს პულსი გაუსინჯა. ის ნორმალური იყო. გამოიკვლიეს კიდეც, თუმცა მოწამვლის არავითარი ნიშანი ვერ აღმოაჩინეს.

ექიმი გაოგნებას ვერ მალავდა. ის სკამზე დაეშვა უღონოდ, ცოტა ხანს მდუმარედ იჯდა, შემდგომ პარტბილეთი ამოიღო, დახია და იატაკზე დაყარა. ბოლოს მან მოწიწებით აიღო ბიბლია და თქვა - "დღეიდან მეც მწამს ამ წიგნის".