დოგმატიკა და კანონიკა პარამეტრები

[marine]

"გარკვეული თვალსაზრისით, იესო ქრისტეს სწავლება შეიძლება რწმენის კანონად და მოქმედების კანონად დაიყოს"

[marine]

"დოგმატები - ეს გონებით სახილველი ხატია ღვთისა, ეს ფორმულებია, რომლებიც განსჯისთვის მიუწვდომელ სულიერ სიდიადეებს შეიცავს, ეს ღვაწლი და მორჩილებაა რწმენისა, რომელიც მარადისობაში რეალიად და სიცხადედ იქცევა, ეს ჭეშმარიტებაა, რომელიც ისე წარმოდგება, ვითარცა ცხოვრება. დოგმატური ფორმულები სულიერ სამყაროში ყოფიერების ფორმულებს წარმოადგენენ".

/არქიმანდრიტი რაფაელი (კარელინი)/

[marine]

"მონობა უნდა ეწოდოს თავაწყვეტილობას, და სამარცხვინო მონობა - იმას, როცა ადამიანი ფეხქვეშ თელავს ღვთაებრივ კანონებს!"

[marine]

"სამწუხაროდ, X-XI საუკუნეებში რომის ეკლესიამ ხელი მიჰყო გაუმართლებელი სახლეების შემოღებას დოგმატურ და კანონიკურ სფეროში, რასაც შედეგად მოჰყვა დასავლეთისა და აღმოსავლეთის ეკლესიების დაშორება, რადგან სარწმუნოებრივი ერთობის გარეშე საეკლესიო ერთობის შენარჩუნება შეუძლებელი შეიქნა"

[marine]

"ამდენი ბრძოლა გადავიტანეთ, რომ დოგმატები მინარევებისაგან გაგვეწმინდა! წმ. მამებმა იცოდნენ თავიანთი საქმე. ისინი ერეტიკოსებთან ურთიერთობას კრძალავდნენ და - არც უმიზეზოდ... მაგრამ დღეს ამართლებენ ერთობლივ ლოცვას არა მხოლოდ კათოლიკებთან, არამედ - ბუდისტებთან, ცეცხლთაყვანისმცემლებთან და სატანისტებთან"

/ღირსი პაისი ათონელი/

[marine]

"დოგმატები ცალკეულ პირთა განმსჯელობითს მოსაზრებებს კი არ ეფუძნება, და, თუნდაც ისინი ეკლესიის მამები და მასწავლებლები იყვნენ, არამედ - საღმრთო წერილის სწავლებასა და წმიდა გარდამოცემას. უდიდესი და გადამწყვეტი როლი სარწმუნოების მართლმადიდებლური ჭეშმარიტებების განსაზღვრებაში შეასრულა შვიდმა მსოფლიო საეკლესიო კრებამ. მათი დოგმატიკური განსაზღვრებებიდან ძირითადი და პირველხარისხოვანია სარწმუნოების სიმბოლო - მოკლედ, მაგრამ ზუსტად გადმოცემული სწავლება მასზედ, თუ რა უნდა სწამდეს ქრისტიანს; ესაა იმ დოგმატური ჭეშმარიტებების ერთობლიობა, რომლებიც მართლმადიდებელი სარწმუნოების სწავლებას გამოხატავენ.

მსოფლიო კრებების დადგენილებებით აკრძალულია რაიმეს შეცვლა სარწმუნოების სიმბოლოში არამხოლოდ სიტყვით, არამედ ფიქრითაც კი. ნებისმიერი განდრეკა სარწმუნოების სიმბოლოდან ნიშნავს სარწმუნოებრივი სწავლების სიწმინდის დარღვევას, განდგომას მართლმადიდებლობისაგან".

[marine]

"დოგმატი გახლავთ ღმერთის მიერ ჩვენთვის განცხადებული ჭეშმარიტება, რომელიც ურყევად უნდა გვაწმდეს ჩვენი ცხონებისათვის"

/აკაკი მინდიაშვილი/

[marine]

"იქ, სადაც კანონით დადგენილი წესები ირღვევა, სხვადასხვა უბედურებანია მოსალოდნელი. ამიტომ თუ ქრისტიანები ვართ, ყველგან, ყოველთვის, ყოველჟამს ღვთის მიერ დადგენილი მცნებები, წესები, კანონები და დოგმატები უნდა დავიცვათ და სულის ცხონების საქმეში, ეკლესიური ცხოვრების სფეროში არაფერი, აბსოლუტურად არაფერი, არ უნდა ჩავთვალოთ უმნიშვნელოდ, მცირედად, იმის ღირსად, რომ რაღაცა მაინც შეიძლება არ იყოს ყურადღების ღირსი"

/წმ. ეფრემ ასური/

[marine]

"წმინდა ისააკ ასური ამბობს: "თავი აარიდე დოგმატების განხილვას"

[marine]

"საერთოდ ღვთისმეტყველების დოგმატიკა ეს არის ერთადერთი ჭეშმარიტი და სამართლიანი, რამეთუ დოგმატური ღვთისმეტყველება არის ღვთისაგან განცხადებული ჭეშმარიტება და არა ადამიანის აზროვნების და გონების ნაყოფი. ეს არის ღვთაებრივი, რომელსაც ეერ შეცვლი და არც შეიძლება მისი შეცვლა"

/მიტროპოლიტი ილარიონი (ქიტიაშვილი)/

[marine]

"წმინდა მამებს ასეთი მაგალითი მოჰყავთ - რკინას არა აქვს ცეცხლის თვისება, მაგრამ თუ მას ცეცხლში ჩავაგდებთ და დიდხანს გავაჩერებთ, რკინაზე ცეცხლის თვისება გადავა. ეს არ არის რკინის თვისება, მაგრამ მისი ყოველი ნაწილაკი ცეცხლის თვისებით განიმსჭვალება. ასევე - ძე ღვთისა რომ განკაცნა და ადამიანური თვისება მიიღო, ღვთაებრივმა ბუნებამ მთლიანად გამსჭვალა ადამიანური ბუნებით. ადამიანურ ბუნებაში არ დარჩენილა არც ერთი ადგილი, რომელიც ღვთაებრივ ბუნებას არ განემსჭვალოს.

ჩვენ ვიცით, რომ ეკლესიას აქვს დოგმატები (მისთვის დოგმატი იგივეა, რაც მათემატიკაში - აქსიომა). ერთ-ერთია ის, რომ იესო ქრისტე არის განკაცებული ძე ღვთისა, რომელმაც ხორცი შეისხა სულისაგან წმიდისა და მარიამისგან ქალწულისა. მასში არის სრულყოფილი ღვთაებრივი ბუნება და სრულყოფილი კაცური ბუნება, აბსოლუტურად შეურევნელი. მაგრამ მასში ადამიანური ბუნება სრულიად ემორჩილება ღვთაებრივს".

[marine]

"დოგმატებში ღვთისმეტყველებაა, თავად ღვთის მიერ ნასწავლები. დოგმატების უარყოფა ღვთის გმობაა, რომელსაც ურწმუნოება ჰქვია; დოგმატების დამახინჯება ღვთის გმობაა, რომელსაც ერესი ეწოდება"

/წმინდა მღვდელმთავარი ეგნატე ბრიანჩანინოვი/